❝ မောင်ချမ်းသာလေး ကို ချမ်းသာ ပေးကြပါ ❞
“ ဟဲလို အမိန့်ရှိပါ ခင်ဗျာ ”
“ အောင်လံ ဝ၆၉ -၂၁၆၁၃ က ပါလား ”
“ ဟုတ်ပါတယ် ”
“ ကျွန်မတို့ ရန်ကုန် ...... ထီဆိုင်ကြီး ရဲ့ အရောင်းဌာန က ပါ ”
“ ပြောပါ ”
“ အန်ကယ် တို့ ထိုး ထားတဲ့ ထီလက်မှတ် က ဆုကြီး ပေါက်မယ့် အုပ်စု ထဲ မှာ ပါတယ် ”
“ ဘယ်လိုလုပ် သိနေတာလဲ ဟင် ”
“ ...... ဆရာတော်ဘုရားကြီး ရွေး ပေးထားတဲ့ နံပါတ် တွေ ထဲ မှာ ပါ နေပါတယ် ”
“ အမယ် တယ် ဟုတ်ပါလား ”
“ အဲဒါ ”
“ ဟုတ်ကဲ့ ပြောပါ ”
“ အဲဒါ အန်ကယ် တို့ ကို ဂုဏ်ပြုတဲ့ အနေ နဲ့ ဒီက အရောင်းစာရေး တွေ လွှတ် လိုက်မယ် ၊ ဂုဏ်ပြု လက်ဆောင် တွေ ပါ ပေးလိုက်မယ် ”
“ အေး ကောင်းတာပေါ့ ၊ အယ် မကောင်းဘူး ”
“ ဘာဖြစ်လို့လဲ ဟင် ၊ လက်ဆောင်တွေ နဲ့ လာမှာကြီး ကို ”
“ ဘာကြောင့်လဲ ဆို အန်ကယ် က ထီ တစ်စောင် မှ ထိုး မထားဘူးကွဲ့ ”
“ ဒါဆို အန်ကယ် မိသားစုထဲ က တစ်ယောက် ယောက် ထိုးထားတာ ရှိမှာပေါ့ ”
“ အေး အဲဒါတော့ မသိဘူး ”
ကျွန်တော် ထီ ထိုး မထားတာ တော့ အမှန်ပဲ ။ ဒါပေမယ့် မကွေး က သား က ထိုး သလား ။ သည် ကောင် က လည်း ထီ ကို သိပ် ဝါသနာ မပါဘူး ။ သူ့ မိန်းမ က ပဲ ထိုးလေရော့ သလား ။ မိန်းမ က တော့ မထိုးတန်ရာ ။ ပြည် မှာ နေတဲ့ သား အငယ်ကောင် က ပဲ ထိုး ထားလေသလား ။ သည် ကောင် က တစ်ခါတလေ ထိုး တတ်တယ် ။ ဇွန်လ ၂၃ ရက် နေ့ က ရန်ကုန် သွား ကြတော့ ရွှေတိဂုံ ဘုရား နား မှာ ထီ ထိုး တာ မြင်မိတယ် ။
“ အဲလိုဆို ဒီလို လုပ်ပါလား အန်ကယ် ”
“ ထိုးပြီးသား လား မထိုးရသေးတာ လား ဇဝေဇဝါ ဖြစ် နေရင် ပို သေချာ သွား အောင် ထီလက်မှတ် တွေ ထည့် ပေး လိုက်မယ် ”
“ ပေါက်မှာ သေချာရဲ့လား ဟယ် ”
“ အန်ကယ် ရယ် ၊ ဆရာတော်ဘုရားကြီး က သိဒ္ဓိတင် သေချာ စီရင် ထားတဲ့ ထီအုပ် တွေ ကို ပို့လိုက်မှာ ”
“ တွတ် လား ၊ ဒဲ့ လား သေချာအောင် လဲ ပြောဦး ”
“ ဒဲ့ အန်ကယ် ဒဲ့ ၊ ဆရာတော်ဘုရားကြီး စီရင် လိုက် ရင် တစ်ချက် မလွဲပါဘူး ။ အန်ကယ် က မယုံလို့လား ၊ ဆရာတော်ဘုရားကြီး ကို ”
“ စဉ်းစား နေတာပါ ”
“ အန်ကယ် က သာ မယုံမကြည် ဖြစ်နေတာ ၊ စစ်တွေ က ဦးလှမြင့်တို့ မကွေး က ဆီစက်ပိုင်ရှင် တို့ သိန်းသုံးရာဆု ပေါက် လို့ အပိုဆု တွေ နဲ့ သိန်း ရှစ်ရာ တောင် ရသွားတာ ”
“ ဟာ ဟန်တာပေါ့ ၊ ကျွန်တော် စိတ်ဝင်စား လာပြီ ”
“ ကောင်းတယ် အန်ကယ် ”
“ နေပါဦးကွယ် ၊ ဒီလောက် သေချာနေတာ ကို ဘာလို့ ထုတ် ရောင်း နေတုန်း ၊ ကိုယ့် ဘာသာ ထိုးထား လိုက်ပါလား ”
“ ဟာ အန်ကယ် ကျွန်မ တို့ ထိုး လို့ မဖြစ်ဘူးလေ ၊ ကျွန်မ တို့ ဆုကြီး ပေါက် လိုက်ရင် ယုန်ထင် ကြောင်ထင် သင်္ကာ မကင်း တွေ ဖြစ် ကုန်ကြမှာပေါ့ ”
“ အေး ဒါလဲ ဟုတ်တယ်ဟဲ့ ”
“ အန်ကယ် အိမ် မှာ ရှိနေမယ်လား ”
“ အေး ခု ရက် တွေ က တော့ အိမ် မှာ ပဲ ရှိနေမှာပါ ။ အန်ကယ် က ဖေဖော်ဝါရီလ တစ်လ ပဲ ခရီး ထွက် တတ်တာ ”
“ ဒါဆို အတော်ပဲ ထီ ဖွင့်ရက် က ကပ် နေပြီ ၊ အမြန် လွှတ် လိုက်မယ် ၊ လက်ဆောင် တွေ ပါဦးမှာ ”
“ အေးကွယ် ကောင်းပါလေ့ ၊ အဲသလို မ, မယ့် လူတွေ ကို မျှော်နေတာ ”
“ အန်ကယ် ဆုကြီး ဝင် ရင် သမီးတို့ ကို လဲ လက်ဆောင် ပေးရမယ်နော် ”
“ ဟာ ဖြစ်ရမှာပေါ့ ၊ ဒါထက် စစ် တွေ က ဦးလှမြင့် နဲ့ မကွေး ဆီစက်ပိုင်ရှင် တို့ ဆုကြီး တွေ ပေါက်တယ် လို့ ခုန ပြောတဲ့ အထဲ မှာ ပါတယ်နော ၊ လုပ်ငန်းရှင် တွေ ပေါက်တာ ”
“ ဟုတ်တယ်လေ အန်ကယ် ”
“ အဲဒါလေးကွယ် တစ်ဆိတ် လောက် ကျေးဇူးပြုစမ်းပါ ၊ ဘယ်နေ့ က ပေါက်တယ် ၊ ဘယ်ဆိုင် က ပေါက်တယ် ၊ ထီလက်မှတ် နံပါတ် ဘယ်လောက် က ပေါက်တယ် ဆိုတာလေး ပြောပြစမ်းပါ ”
“ ..... ပြီးတော့ အခု ဖုန်း ပြော နေတဲ့ သမီး ရဲ့ နာမည် အပြည့်အစုံ ၊ သမီး အခု ပြော နေတဲ့ တယ်လီဖုန်း နံပါတ် အတိအကျ ”
“ အို အန်ကယ် က လဲ ဘာတွေများ ဒီလောက် အသေးစိတ် တွေ သိချင် နေပါလိမ့်နော် ”
“ သမီးလေး ရယ် လုပ်စမ်းပါ ၊ အတိအကျ ၊ ကဲပါလေ သမီး မပြောလဲ ရပါတယ် ၊ သူတို့ ဆီ ဖုန်း လှမ်း ဆက်ပြီး မေး ကြည့်လိုက်မယ် ”
“ ဘာလုပ်ဖို့ ”
“ အန်ကယ် က ဂျာနယ် ပင်တိုင်ဆောင်းပါးရှင် မောင်ချမ်းသာ လေ ၊ အဲဒါ သမီး တို့ ထီဆိုင် ကို ဂုဏ်ပြု တဲ့ အနေ နဲ့ ဆောင်းပါးလေး ရေး ရ ကောင်းမလား လို့ ”
ဂျောက် ဒေါက် ဂွပ် .....
“ ဟလို ဟလို ဟလို ”
“ ဟာ ဘယ်လိုကြီးလဲ ဟ ”
( ဇွန်လ ၂၅ ရက် နေ့ ည က တကယ် တယ်လီဖုန်း ဝင်လာတာပါ ခင်ဗျာ )
◾မောင်ချမ်းသာ
📖 ကုမုဒြာ ဂျာနယ်
၁၉ ဩဂုတ်လ ၂၀၀၅
#ကိုအောင်နိုင်ဦး
.
No comments:
Post a Comment