❝ တတိယမြောက် နည်းပရိယာယ် ❞
“ ရိစ် ... ယား ”
ရှောင်လင်ကျောင်းတော် ဆီ က မဟုတ်ပါဘူး ။ ယုန် တို့ ရဲ့ ကိုယ်ခံပညာ လေ့ကျင့်ရေးကျောင်း ဆီ ကပါ ။ ယုန်သူငယ် အပေါင်း က အခုန်အပျံ လေ့ကျင့် နေကြတယ် ။ ဆရာ ယုန်အိုကြီး က ခေါင်း တညိတ်ညိတ် နဲ့ လိုက်လံ ကြည့် ရှုရင်း လိုအပ်တာတွေ ကို ပြင်ဆင် ပေးနေတယ် ။ သူတို့ ရဲ့ လေ့ကျင့်မှု အဆုံး မှာ ....
“ ကဲ .. မင်းတို့ရဲ့ လက်တွေ့ လေ့ကျင့်ခန်း ကတော့ ပြီးဆုံး သွားပြီ ။ ဒီကနေ့ ဒီလောက်ပဲ ။ စာတွေ့ လေ့ကျင့်ခန်း ကို ဆက်ကြမယ် ”
ယုန်ဆရာအိုကြီး က ကျောက်သင်ပုန်းကြီး ရှေ့ မှာ ယုန်ဘာသာ စကား နဲ့ စာ တချို့ ကို ရေး လိုက်ပြီး ....
“ ကဲ .. ဒီနေ့ မင်းတို့ ကို သင်ပေး မှာ ကတော့ တတိယမြောက် နည်းပရိယာယ် ပဲ ”
“ ဟုတ်ကဲ့ပါ ဆရာကြီး ”
“ ခြင်္သေ့ နဲ့ တွေ့ရင် ရင်ဆိုင်နည်း ပဲ ”
ယုန်သူငယ်ကလေး တစ်ယောက် က အတွန့် တက် တယ် ။
“ ဆရာကြီး ၊ ခြင်္သေ့ လို တောအုပ်ဘုရင်ကြီး က သားကောင်ကြီး ကို ပဲ ဖမ်း စားမှာပေါ့ ၊ ကျွန်တော် တို့ လို ပိစိကွေးလေး သတ္တဝါတွေ ကို ဘယ် ဖမ်းစားပါ့မယ် ”
ယုန်ဆရာအိုကြီး စိတ် တို သွားတယ် ။
“ တော် .. တန် .. တိတ် ၊ ဘဝ မှာ ဒါမျိုး လည်း ကြုံရ တတ်တာပဲ ၊ တတ်ထား ကျွမ်းကျင်ထား ရမယ် ။ ခြင်္သေ့ ကို တောင် ရင်ဆိုင် နိုင်ရင် တခြား ဘယ်သူ့ ကို မှု ရတော့ မှာလဲ ”
ယုန်သူငယ်တွေ အားလုံး ငြိမ်သက် သွားတယ် ။ ယုန်ဆရာအိုကြီး က သင်ခန်းစာ ကို ဆက် တယ် ။
“ တစ်နေ့ မှာ ယုန် တစ်ကောင် ဟာ ခြင်္သေ့ အစားခံ ရကိန်း နဲ့ ကြုံတယ် ။ အဲဒီ အခါ မှာ ယုန် က ပြောတယ် ။ ခုန ကပဲ ခြင်္သေ့မင်းကြီး ကျွန်တော့် ကို လွှတ်ပေး လိုက်ပြီ မဟုတ်လား ။ ခု ဘာလို့ ပြန် ဖမ်း ရတာလဲ တဲ့ ။ ခြင်္သေ့ကြီး က အံ့သြ သွားတယ် ။ မင်း ကို ငါ ဘယ်တုန်းက ဖမ်းပြီး ဘယ်တုန်း က လွှတ်ပေး ခဲ့ လို့တုန်း လို့ မေးတယ် ”
ယုန်သူငယ်တွေ အားလုံး စိတ်ဝင်တစား နား ထောင် နေကြတယ် ။
“ အဲဒီမှာ ယုန်က ခုနတုန်း က ဟိုနေရာ မှာ လေ ဆိုပြီး ခြင်္သေ့ ကို ရေတွင်း တစ်ခု ဆီ ဖြားယောင်း ခေါ်ဆောင် သွားတယ် ။ ရေတွင်း ထဲ ကို ပြတယ် ။ ခြင်္သေ့ကြီး က ကြည့် တော့ ရေတွင်း ထဲ က သူ့ အရိပ် ကို မြင်တယ် ။ ဒေါသတွေ အရမ်း ထွက်တော့တာပေါ့ ။ သူ့ ပိုင်နက် ထဲကို ကျူးကျော် ဝင်ရောက် လာတဲ့ နောက်ထပ် ခြင်္သေ့ တစ်ကောင် ပဲ လို့ ထင်ပြီး ခုန် အုပ် လိုက်တယ် ။ ရေတွင်း ထဲ မှာ ရေနစ်ေ သ တော့တာပေါ့ ။ ယုန် က လွတ်မြောက် သွားတယ် ”
သူ့ စကား ကို နားထောင် နေတဲ့ ယုန်သူငယ် အပေါင်း က ဝမ်းသာအားရ ဖြစ် သွားတယ် ။ ယုန်ဆရာအို
ကြီး က အဲဒီလို အဖြစ်အပျက် ကို ရှုထောင့် အမျိုးမျိုး ကနေ သရုပ် ခွဲပြီး သီအိုရီ အမျိုးမျိုး နဲ့ ရှင်းလင်း သင်ကြားပေး တယ် ။ အချိန်စေ့ မှ ကျောင်း ဆင်းတယ် ။
ယုန်ဆရာအိုကြီး ဟာ ယုန်သူငယ် အပေါင်း ကို အဲဒီလို သင်ကြား ပေးခဲ့တာ ကာလ ကြာ ပါပြီ ။ ယုန်တို့ တတ်အပ်သော ပညာတွေ အတွက် ဆိုရင် သူ ဟာ ဂုရု တစ်ဆူ ပါပဲ ။ မနက်ခင်း ဆို တော ထဲ မှာ လမ်းလျှောက် ထွက်တတ် တယ် ။ မနက်ခင်း တစ်ခု မှာ ထုံးစံအတိုင်း သူ လမ်းလျှောက် ထွက် လာရင်း ...
“ ဪ ... မင်း က ငါ့ ရှေ့ တည့်တည့် ရောက် လာတာ ကိုး ”
ကြည့် လိုက်တော့ ခြင်္သေ့ကြီး တစ်ကောင် ။ ယုန် ဆရာအိုကြီး ရဲ့ ရင် ထဲ မှာ ဒိန်းခနဲ ဖြစ်သွားတယ် ။ သူများ ကို သင်မယ့် သာ သင် ပေးတာ ၊ သူ ကိုယ်တိုင် တွေ့တော့ လည်း ကြောက် တာပဲ ။ တုန် နေ တဲ့ ဒူး ကို အနိုင်နိုင် ထိန်း ရင်း ကဗျာကယာ ပြော လိုက်တယ် ။
“ ကျွန်တော့် ကို စားဖို့ မကြိုးစားပါနဲ့ တော့ ခြင်္သေ့ ကြီး ၊ ဟိုထောင့် နား က ခြင်္သေ့ကြီး တစ်ကောင် က ကျွန်တော့် ကို စားဖို့ စာရင်း တို့ ထားပြီးလို့ ပါ ”
“ ဘယ် ထောင့်နား က ခြင်္သေ့ကြီး လဲ ။ ငါ မသိပါ လား ၊ လိုက်ပြစမ်း ”
ယုန်ဆရာအိုကြီး ဟာ ခြင်္သေ့ ကို ရေတွင်း တစ်ခု ဆီ မျှား ခေါ်သွားတယ် ။
“ အဲဒီ ရေတွင်း ထဲ မှာ ရှိပါတယ် ”
ခြင်္သေ့ကြီး က ရေတွင်း ထဲ ငုံ့ ကြည့် လိုက်တယ် ။ ဒါပေမယ့် ယုန်ဆရာကြီး ရဲ့ ညွှန်ကြားချက် လို သူ့ အရိပ် ကို ခုန် မအုပ်ဘူး ၊ ဇဝေဇဝါ နဲ့ ကြည့်ရင်း
“ ဒီကောင့် ကို ငါ မြင်ဖူး သလိုလို ပဲ ”
ရေတွင်း ထဲ က ပဲ့တင်ထပ်သံ ပြန် လာ တာပေါ့ ။
“ ဒီကောင့် ကို ငါ မြင်ဖူး သလိုလို ပဲ ”
“ ငါ့ မိတ်ဟောင်း ဆွေဟောင်း ထင်တယ် ”
ရေ ထဲ ကခြင်္သေ့ အရိပ် က လည်း ပါးစပ် လှုပ်ပြီး
“ ငါ့ မိတ်ဟောင်း ဆွေဟောင်း ထင်တယ် ”
ပျော်မြူး သွားပြီး ရေတွင်း အပြင် က ခြင်္သေ့ က ရေတွင်း ထဲ က ခြင်္သေ့ ကို ပြုံး ပြတယ် ။ ရေတွင်း ထဲ က ခြင်္သေ့ က လည်း တစ်ပြိုင်တည်း ပြုံး ပြတယ် ။ ခြင်္သေ့ကြီး က ယုန်ဆရာအိုကြီး ဘက် ကို လှည့်ပြီး
“ ဟုတ်တယ်ကွ ၊ ငါ့ မိတ်ဆွေ ငါ့ ဆီ လာ လည်တာ ၊ သူ မင်း ကို စားမယ် ဆို စား ပါစေတော့ ”
ယုန်ဆရာအိုကြီး ကို ဂုတ် က ဆွဲပြီး ရေတွင်း ထဲ ပစ် ချ လိုက်သည် ။ ယုန်ဆရာအိုကြီး ရေတွင်း ထဲ ကို “ ဂွမ်း ” ခနဲ ကျ သွားပြီး ဂယက်တွေ ကြား မှာ ခြင်္သေ့ အရိပ် က လည်း ပျောက် သွားတယ် ။
“ တော်တော် မြန်တဲ့ ကောင် ၊ ယုန် တစ်ကောင် ရ တာနဲ့ ပျောက် သွားရော ”
ခြင်္သေ့ကြီး ကြည်ကြည်နူးနူး ပြန် လှည့် ထွက်လာ ခဲ့တယ် ။ ပါးစပ် ကလည်း တတွတ်တွတ် ရေရွတ် သွားလေရဲ့ ။
“ ဪ ... ဧည်သည့် ကို ဧည့်ခံ ရတာ အိမ်ရှင် အတွက် မင်္ဂလာ တစ်ပါး ပါ လားနော် ”
◾တာရာမင်းဝေ
📖 ဘယ်ဘက် လက်ထဲမှာ ဝှက်ထားတဲ့ ပုံပြင်
#ကိုအောင်နိုင်ဦး
.
No comments:
Post a Comment