❝ ကံမကောင်းတဲ့ အရောင်းစာရေး❞
( စောနိုင်ဦး )
တစ်ညနေခင်းမှာ ယာတောနားက အိမ်တစ်အိမ်ကိုအရောင်းစာရေးတစ်ယောက် ရောက်လာတယ်။ အရောင်းစာရေးက “တစ်ညတာအတွက် အစားအသောက်နဲ့အခန်းတစ်ခန်း ရနိုင်မလား” လို့ ယာသမားကို မေးလိုက်တယ်။ “အခန်းလွတ် မရှိပါဘူး” လို့ ယာသမားက သူ့ကို ပြန်ဖြေရင်း တစ်ဆက်တည်းထပ် ပြောလိုက်ပြန်တာက...
“ဒါပေမယ့် ငါ့သမီးနဲ့တော့ မင်းကို အတူပေး အိပ်နိုင်တယ်ကွ။ ငါ့သမီးကို အနှောင့်အယှက် မပေးပါဘူးလို့တော့ မင်း ကတိပေးရမယ်”
အရောင်စာရေးက တစ်ညတာ တည်းခိုရရင် ပြီးရောဆိုပြီး သဘောတူလိုက်တယ်။
အဲဒီနောက် ညစာ တစ်ဝကြီး စားပြီးတဲ့ အခါမှာ သူ အိပ်ရမယ့်အခန်းထဲကို ဝင်သွားတယ်။ အခန်းတစ်ခုလုံး မှောင်မဲနေတာပဲ။ အိပ်ရာပေါ် ပစ်လှဲလိုက်တယ်ဆိုရင်ပဲ သူ့နံဘေးမှာ ယာသမားရဲ့သမီး အိပ်ပျော်နေတာ သတိပြုလိုက်မိတယ်။ နောက်နေ့မနက် ရောက်တော့ သူက အခန်းခ ဘယ်လောက်ကျလဲလို့ ယာသမားကို မေးလိုက်တယ်။
“ခုတင်တစ်လုံးတည်းမှာ နှစ်ယောက်မျှ အိပ်ရတာဆိုတော့ နှစ်ဒေါ်လာပဲပေးပါ” လို့ ယာသမားက ပြန်ပြောတယ်။
“ခင်ဗျားသမီးရဲ့အသားကို သွားထိမိတာ အေးစက်နေတာပဲဗျာ” ဆိုပြီး အရောင်းစာရေးက စပ်စုလိုက်တယ်။ ယာသမားက “ဟုတ်မှာပေါ့.. ငါသိ ပါတယ်” လို့ပြန်ဖြေပြီး ဆက်ပြောလိုက်တာက...
“ဒီနေ့ပဲ ငါတို့ သူ့အလောင်းကို မြေမြှုပ်သင်္ဂြိုဟ်ကြတော့မှာ”
( from The Worlds Best Dirty Jokes gathered by Mr.J )
▢ စောနိုင်ဦး
📖ရယ်စရာ မဂ္ဂဇင်း
စက်တင်ဘာ ၊ ၂၀၁၅
No comments:
Post a Comment