❝ လိုရမယ်ရ ❞
▢ မောင်စည်သူ ( အဖျောက် )
စိန်နားကပ် ဝယ်ပြီး ပြန်လာသော မိန်းမဖြစ်သူကို ယောက်ျားဖြစ်သူက လှမ်းမေးလိုက်သည် ။
ယောက်ျား - မိန်းမရေ ... မင်း အရင်လကလည်း စိန်နားကပ်တစ်ရံ ဝယ်ခဲ့တယ် မဟုတ်လား ။
မိန်းမ - ဟုတ်တယ်လေ ယောက်ျားရဲ့ ။
ယောက်ျား - ဒါဖြင့် ... ဘာဖြစ်လို့ နောက်တစ်ရံ ထပ်ဝယ်တာလဲ ။
မိန်းမ – လိုရမယ်ရ ဖြစ်အောင်လို့ပါ ယောက်ျားရယ် ။
တစ်လခန့် ကြာသောအခါ ရုံးမှ ပြန်လာသော ယောက်ျားဖြစ်သူ အိမ်ထဲ ဝင်လာသည်နှင့် မိန်းမဖြစ်သူက ဒေါသထွက်နေသည့်အသံဖြင့် လှမ်းမေးလိုက်သည် ။
မိန်းမ - ရှင် ... ကျွန်မ ကွယ်ရာမှာ အငယ် ထားနေတယ်ဆို ။
ယောက်ျား - ဟုတ်တယ်လေ ။ ဘာဖြစ်လို့လဲ ။
မိန်းမ - ရှင့်မှာ မယားကြီးတစ်ယောက်လုံး ငုတ်တုတ်ရှိနေတာတောင် အငယ်ထားတာ ဘာသဘောလဲ ။
ယောက်ျား - လိုရမယ်ရ ဖြစ်အောင်လို့ပါကွာ ... ။
▢ မောင်စည်သူ ( အဖျောက် )
📖 ရယ်စရာ မဂ္ဂဇင်း
စက်တင်ဘာ ၊ ၂၀၁၅
No comments:
Post a Comment