❝ အပါယ်လမ်း ❞
( ချစ်သဲမောင် )
ကျွန်တော်တို့ဆီမှာ ရွာတွေက နေပြီး မြို့ကို ဈေးတက်ဝယ် တဲ့ ကားတွေ နေ့စဉ် ပြေးဆွဲပေးပါတယ် ။ မနက်ပိုင်း ရွာက ထွက်ပြီး ညနေ သတ်မှတ်ထားတဲ့ အချိန်မှာ ပြန်ဆုံ ပြန်ထွက်ပေါ့ ။ အဲဒီ ကားကို ဈေးကားလို့ ခေါ်ကြတယ် ။ တစ်နေ့ ဈေးကားကြီး ထွက်လာတော့ ရွာပေါက်ကနေ လူတစ်ယောက် ကား ထွက်တားတယ် ။ အရက်တော်တော်သောက်ထားပုံရတယ် ။ ယိုင်ထိုးယိုင်ထိုးနဲ့ ။ ကားရပ်ပေးလိုက်တော့ အဲဒီလူဟာ အရက်ထည့်ထားတဲ့ ကြွပ်ကြွပ်အိတ်ကလေးကို လက်က ဆွဲလို့ တက်လာတယ် ။ အဲဒီလူ ကားပေါ် တက်လာတာကို သူ့ထက် အရင် ကားပေါ်မှာပါ လာတဲ့ သူ့ဦးကြီး ဦးမှန်ကြောင်က မြင်သွားတယ် ။ ဒီတော့ သူဦးကြီးက ဆီးပြီး မာန်မဲတော့တာပေါ့ ။
“ ဟေ့ကောင် ကြက်ဖ ၊ မင်း စောစောစီးစီး မူးနေပြီ မဟုတ်လား ”
အမူးသမားက မျက်လုံးလေး လှန်ကြည့်ပြီး ချက်ချင်းပဲ မျက်လွှာလေး ပြန်ချသွားတယ် ။ အဲဒါနဲ့ ဦးကြီး ဖြစ်သူက ဆက်ပြီး ...
“ ခွေးထက် မိုက်တဲ့ကောင် တစ်နေ့ တစ်နေ့ ဒီအရည်တွေပဲ သောက်နေ ၊ ဟေ့ကောင် ကြက်ဖ ၊ မင်း လမ်းမှားနေပြီ သိရဲ့လား ၊ မင်းကိုယ် မင်း ဘယ်လမ်း သွားနေတယ် ဆိုတာ သိရဲ့လား ၊ အခု မင်းသွားနေတာ အပါယ်လမ်းကွ ... အပါယ်လမ်း ”
ဦးကြီးစကားလည်း ကြားရော အမူးသမားရဲ့ မှေးစင်းနေတဲ့ မျက်လုံးဟာ ပြူးကျယ်သွားတယ် ။ ပြီးမှ ထိတ်လန့်နေတဲ့ အမူအရာနဲ့...
“ ဗျာ … ဟုတ်လား ၊ ဟိုး .. ဟိုး ... ကားဆရာ ခဏရပ်ပါဦး ” ဆိုပြီး ထအော်တယ် ။ ကားဆရာလည်း ဘာမှန်းညာမှန်းမသိ ကားရပ်ပေးလိုက်ရတယ် ။
“ ကျုပ် ကားမှား စီးလာလို့ပါ ၊ ကျုပ်ဦးကြီး ပြောတဲ့ လမ်း မှန်း မသိလို့ စီးမိတာ ” ဆိုပြီး ကားပေါ်က ဆင်းချသွားတယ် ။ တဆက်တည်း သူ့ဦးကြီးဘက် လှည့်ပြီး ပြောလိုက်သေးတယ် ။
“ ကဲ … ဦးကြီး ကျုပ်တော့ သွားပြီ ၊ ဦးကြီးပဲ ဆက်လိုက် သွားတော့ ” တဲ့ ။ ။
▢ ချစ်သဲမောင်
📖ရယ်စရာ မဂ္ဂဇင်း
ဧပြီလ ၊ ၂၀၁၆
( ချစ်သဲမောင် )
ကျွန်တော်တို့ဆီမှာ ရွာတွေက နေပြီး မြို့ကို ဈေးတက်ဝယ် တဲ့ ကားတွေ နေ့စဉ် ပြေးဆွဲပေးပါတယ် ။ မနက်ပိုင်း ရွာက ထွက်ပြီး ညနေ သတ်မှတ်ထားတဲ့ အချိန်မှာ ပြန်ဆုံ ပြန်ထွက်ပေါ့ ။ အဲဒီ ကားကို ဈေးကားလို့ ခေါ်ကြတယ် ။ တစ်နေ့ ဈေးကားကြီး ထွက်လာတော့ ရွာပေါက်ကနေ လူတစ်ယောက် ကား ထွက်တားတယ် ။ အရက်တော်တော်သောက်ထားပုံရတယ် ။ ယိုင်ထိုးယိုင်ထိုးနဲ့ ။ ကားရပ်ပေးလိုက်တော့ အဲဒီလူဟာ အရက်ထည့်ထားတဲ့ ကြွပ်ကြွပ်အိတ်ကလေးကို လက်က ဆွဲလို့ တက်လာတယ် ။ အဲဒီလူ ကားပေါ် တက်လာတာကို သူ့ထက် အရင် ကားပေါ်မှာပါ လာတဲ့ သူ့ဦးကြီး ဦးမှန်ကြောင်က မြင်သွားတယ် ။ ဒီတော့ သူဦးကြီးက ဆီးပြီး မာန်မဲတော့တာပေါ့ ။
“ ဟေ့ကောင် ကြက်ဖ ၊ မင်း စောစောစီးစီး မူးနေပြီ မဟုတ်လား ”
အမူးသမားက မျက်လုံးလေး လှန်ကြည့်ပြီး ချက်ချင်းပဲ မျက်လွှာလေး ပြန်ချသွားတယ် ။ အဲဒါနဲ့ ဦးကြီး ဖြစ်သူက ဆက်ပြီး ...
“ ခွေးထက် မိုက်တဲ့ကောင် တစ်နေ့ တစ်နေ့ ဒီအရည်တွေပဲ သောက်နေ ၊ ဟေ့ကောင် ကြက်ဖ ၊ မင်း လမ်းမှားနေပြီ သိရဲ့လား ၊ မင်းကိုယ် မင်း ဘယ်လမ်း သွားနေတယ် ဆိုတာ သိရဲ့လား ၊ အခု မင်းသွားနေတာ အပါယ်လမ်းကွ ... အပါယ်လမ်း ”
ဦးကြီးစကားလည်း ကြားရော အမူးသမားရဲ့ မှေးစင်းနေတဲ့ မျက်လုံးဟာ ပြူးကျယ်သွားတယ် ။ ပြီးမှ ထိတ်လန့်နေတဲ့ အမူအရာနဲ့...
“ ဗျာ … ဟုတ်လား ၊ ဟိုး .. ဟိုး ... ကားဆရာ ခဏရပ်ပါဦး ” ဆိုပြီး ထအော်တယ် ။ ကားဆရာလည်း ဘာမှန်းညာမှန်းမသိ ကားရပ်ပေးလိုက်ရတယ် ။
“ ကျုပ် ကားမှား စီးလာလို့ပါ ၊ ကျုပ်ဦးကြီး ပြောတဲ့ လမ်း မှန်း မသိလို့ စီးမိတာ ” ဆိုပြီး ကားပေါ်က ဆင်းချသွားတယ် ။ တဆက်တည်း သူ့ဦးကြီးဘက် လှည့်ပြီး ပြောလိုက်သေးတယ် ။
“ ကဲ … ဦးကြီး ကျုပ်တော့ သွားပြီ ၊ ဦးကြီးပဲ ဆက်လိုက် သွားတော့ ” တဲ့ ။ ။
▢ ချစ်သဲမောင်
📖ရယ်စရာ မဂ္ဂဇင်း
ဧပြီလ ၊ ၂၀၁၆
No comments:
Post a Comment