ဤသို့သာပေါ့ မြင့်စန်းရီ ။
မြင့်စန်းရီ ကြောင့် ပြဿနာ ဖြစ်တိုင်း ကံဆိုးမှုများ ပြေပျောက်အောင် ဘုန်းကြီး ဝတ် ခဲ့တာ လေးကြိမ် တိုင်တိုင် ရှိခဲ့ပါပြီ ။ အဲဒီ အကျိုးဆက် ကြောင့် ကျွန်တော် ဟာ လူစင်စစ် ဖြစ်ပါလျက် အာသဝေါ တော့ ကုန်ခမ်း ခဲ့ပါပြီ ။ တဏှာလေး ဦးဆောင် နေလို့ သာ မြင့်စန်းရီ နဲ့ ပေါင်းချင်စိတ် ကျန်ရစ် နေခဲ့ရတာပါ ။
မြင့်စန်းရီ ။
ဒီလို ကံဆိုးခြင်းများ သာ မရှိခဲ့ ရင် ကျွန်တော့် ဘ ဝဟာ အများသူငါ နဲ့ ထပ်တူ ရှင်သန် နိုင်မှာပါ ။ ဒါဆို မြင့်စန်းရီ ဟာ လည်း ကျွန်တော့် ကို ဘယ်တုန်း က မှ စိတ်ပျက် နိုင်ခဲ့မှာ မဟုတ်ပါဘူး ။ ကိုယ် ပြုသော ကံ မဟုတ်ဘဲ အများသူငါ ပြုသော ကံများ က လွဲမှားစွာ ကျွန်တော့် အပေါ် ပုံကျ နေတာ သဘာဝ လို ဖြစ်နေခဲ့ပါပြီ ။
တောင်းပန်ချိန် လည်း မရ ၊ ရှင်းပြခွင့် လည်း အပေး မခံရ လို့ ကျွန်တော့် ဘဝ ဟာ လူ စင်စစ် ဖြစ်ပါ လျက် ဘုန်းကြီးလူထွက် ဘဝ ခဏ ခဏ ရ နေခဲ့တာပါ ။
အာဝါ က လည်း အခါနီး ၊ ဝီဝါ ရင် လည်း အချာနီး ၊ ပါးစပ် နားဝ ရောက်ခဲ့ပြီး မှ သွားတုကြီး ကျွတ် ကျ သွားတဲ့ ရွှေပွဲလာ အဘွားကြီး လို ပြန် ကောက်ရ လည်း ခက် ၊ ဒီအတိုင်း ထားတော့ လည်း ရှက် ၊ ထ ထွက် ပြေး ဖို့ ကျတော့လည်း ခြေ မသန် ။ ဒီအတိုင်း နေပြန်တော့ လည်း ဆံထုံး နဲ့ သွားဖုံး ။ မျက်တောင်တုကလေး နဲ့ ဘယ်ဟာ က များ အဆင်ပြေ နိုင် မှာလဲ မြင့်စန်းရီ ။ ဘယ်အရာ က များ အဆင်ပြေ နိုင်မှာလဲ ။
ဒါပေမဲ့ မြင့်စန်းရီ ကျွန်တော့် စိတ်ကူး ထဲ မှာ တော့ မြင့်စန်းရီ ဟာ ကျွန်တော် နဲ့ ပဲ ပေါင်း ရမယ် ။
မြင့်စန်းရီ ဟာ ကျွန်တော့် အတွက် ဆုလာဘ် တစ်ခုပါ ။ ဘယ်သူမှ ပေးအပ်ထားခြင်း မဟုတ်သော် ငြား ကိုယ်တိုင် ရယူထားတဲ့ ဆုလာဘ် ပါ ။
မြင့်စန်းရီ နဲ့ ပေါင်းပြီး ကလေး သုံးယောက် မရမချင်း ကျွန်တော် ဟာ မသေနိုင်သေးတဲ့ သူ ပါ မြင့်စန်းရီ ။ ဘုန်းကြီး လည်း ရာသက်ပန် မဝတ်နိုင် သေးပါဘူး ။
ယခု မှာ လည်း ...
◾ အကြည်တော်
📖 မောင်စောကြည်ဖြူ နှင့် မမြင့်စန်းရီ
#ကိုအောင်နိုင်ဦး
.
No comments:
Post a Comment