❝ ပိတောက်ရနံ့ ❞
သင်္ကြန်ရောက်၍
ပိတောက်ပွင့်ရဲ ၊ တိမ်ယံဝဲသော်
လှိုက်လှဲရွှင်ချို ၊ ပျော်သလိုနှင့် ။
ပိတောက်အပွင့် ၊ ရွှေနှင့်နှိုင်းစက်
မောင့်လက်နှင့်ခူး ၊ တာအကူးမှာ
ရွှင်မြူးကြည်သာ ၊ ပန်ပါစေချင်
ရွေးကာပြင်လျက်
အလျင်စောစွာ ၊ ပို့ရောက်လာ၏ ။
မယ့်တွက်ရည်စူး ၊ မြဖူးရွှေပွင့်
ပန်နှင့်ရော့မည် ၊ တွေးထင်ရည်လိမ့်
ကေသီခွေလျ ၊ တင့်လှနိုးရာ
ဆင်ပါမည်မှန်း ၊ ဆွတ်ယူနမ်းသော်
ရွှင်လန်းလှစွာ ၊ ရင်မှာသတိ
ဖြစ်လာဘိ၍ ၊ ရှင်၏ခြေစုံ
မြငုံရွှေခက် ၊ တင်လှူလျက်ဖြင့်
စုံမက်အလှ ၊ ခဏစွန့်ခွာ
အေးငြိမ်ရာသို့
အာရုံစိတ်စောမိသည်တည့် ။ ။
◾ နုယဉ်
📖 ပိတောက်ဖူးတဲ့ လတန်ခူး
နှစ်ဦးသင်္ကြန်ခါ
#ကိုအောင်နိုင်ဦး
.
No comments:
Post a Comment