မြင့်စန်းရီ နဲ့ ပတ်သက်ရင် ကျွန်တော့် ကို တစ်ဘက်သတ် ကောက်ချက် ဆွဲတတ်သူ တဲ့ ။ ဟုတ်ပါ့မလား မြင့်စန်းရီ ။ အကယ်၍ တစ်ဘက်သတ် ကောက်ချက်ချတတ်သူ မှန်ခဲ့ရင် တောင် မြင့်စန်းရီ ဘက် ကို တစ်ဘက်သတ်ကြီး လိုက်နေတတ် သူ သာ ဖြစ်ပေလိမ့်မယ် ထင်တယ် ။
အမှန်တော့ ကျွန်တော် ဟာ မြင့်စန်းရီ မှ ပြောရင် သေဆို အခွေလိုက် ရှင်ဆို ဒေါက်ခနဲ ကောင် ပါ ။
တကယ် ပြောတာပါ မြင့်စန်းရီ ။ ကျွန်တော့် ရဲ့ အသက်ရှင် ရပ်တည်မှု ဟာ မြင့်စန်းရီ ကြောင့် ပါ ။ ကျွန်တော့် ရဲ့ မျှော်လင့်ချက် ဟာ လည်း မြင့်စန်းရီ နဲ့ သာယာစိုပြည်စွာ ပေါင်းဖက်ပြီး ကလေး သုံးယောက် ယူဖို့ပါပဲ ။ ကဲ ဘယ်သူက များ ဒီ အကြံအစည် ကို ဖျက်နိုင်ကြ မှာလဲ ။ ဒီလောက် လက်တွေ့ ဆန် ပြီး ရဲတင်းတဲ့ အတွေးမျိုး ရော ဘယ်သူ တွေးမိကြမှာလဲ ။
ဒါပေမဲ့ မြင့်စန်းရီ လူတွေ ရဲ့ သံသယ ဖြစ်မှုတွေ နဲ့ သာ ရင်းနှီး နေရတဲ့ ကျွန်တော့် အတွက်တော့ ကလေး သုံးယောက် ဆိုတာ အဝေး ကြီးပါ ။ ပေါင်း ဖို့ မပြောနဲ့ ဖက် ဖို့ ဆိုတာ တောင် အဆင် မပြေခဲ့သူ ။
မှတ်မိသေးလား မြင့်စန်းရီ ။ မြင့်စန်းရီ နဲ့ ကျွန်တော် နှစ်ယောက် တည်း ကန်စောင်း မှာ ရှေ့ရေးတွေ တိုင်ပင်စဉ် က ပေါ့ ။ နှစ်ယောက်သား ကြည်နူးရင်း ရင် တထိတ်ထိတ် နဲ့ မနေနိုင် မထိုင်နိုင် မြင့်စန်းရီ ရဲ့ ပခုံး ဖက်မိစဉ် ...
“ အို .. ဒေဝစ္စရာ ×××× ဒေဝစ္စရာ လှပညာ တို့ ပေါင်းကာ စုဝေး ×× ပေါင်းကာဝေးလို့ လှရေးခြယ်ကာ ×××× ဆင်းဟန်မူ ”
ကျွန်တော့် နှုတ် က အသံကျယ်ကျယ် ထွက် သွားတဲ့ သီချင်းသံ ကြောင့် မြင့်စန်းရီ လန့် ပြီး ...
“ ဟင် ... ဘာဖြစ်လို့ သီချင်း အကျယ်ကြီး ဆိုရတာလဲ ၊ ဘာဖြစ်လို့လဲ ”
မြင့်စန်းရီ အမေးကြောင့် ကျွန်တော် လည်း အောင့်သက်သက် နဲ့ ပေါင်ကြား လက်ဖွက် ၊ သွား ကို အစွန်းကုန် ဖြဲ ပြီး ...
“ အဟီး ... ပျော်လွန်းလို့ မြင့်စန်းရီ ၊ ပျော်သွားလို့ ”
အမှန်တော့ မဟုတ်ပါဘူး မြင့်စန်းရီ ။ မိုးလင်းပေါက် ကာရာအိုကေဆိုင်တွေ အသွား များပြီး ကောင်မလေး ဖက်မိတာ နဲ့ အလိုလို သီချင်းသံ က ထွက်မိနေတာပါ ။ ဆိုချင်လွန်း လို့ တော့ မဟုတ်ပါဘူး ။ အကျင့် ပါ နေတာပါ ။ အဲသည်လို မှားယွင်းမှုတွေ နဲ့ သာ ရင်းနှီး နေတဲ့ ကျွန်တော့် အတွက် မြင့်စန်းရီ နဲ့ စေ့စပ်ပွဲ ပျက်ခဲ့ဟာ အထူးအဆန်း မဟုတ်တော့ပါဘူး ။
မြင့်စန်းရီ ရဲ့ မိဘများ သဘော တူ ပြီး မြင့်စန်းရီ နဲ့ ကျွန်တော့် ကို စေ့စပ်ပွဲ ကျင်းပ ပေး ခဲ့တာလေ ။ ဘယ်လောက် ကြာလို့လဲ မြင့်စန်းရီ ။ ကျွန်တော် အခန်း ထဲ ရောက်တာ နဲ့ အဲဒီ ပွဲလေး ပျက်ခဲ့တာပေါ့ ။ အားလုံး ကျွန်တော့် ကြောင့် လို့ ပြောကြရဲ့ ။ အမှန်တော့ ...
အဖြစ် က ဒီလိုပါ မြင့်စန်းရီ ။
◾ အကြည်တော်
📖 မောင်စောကြည်ဖြူ နှင့် မမြင့်စန်းရီ
#ကိုအောင်နိုင်ဦး
.
No comments:
Post a Comment