.jpg)
❝ ရေပက်ကြမ်းက အမှုပိုမည် ❞
ဖက်ဆွတ်ကံ့ကော် ရင်ခတ်ပန်းနှင့်
ရွှင်လတ်မခန်း ဆောင်လေပြီ ။
စဉ်မပြတ်စတမ်း တောင်ဗွေမဟီမှာ
အောင်ပေသည် ရေသဘင်ပွဲ ။
စန်းယှဉ် စိတြ ကျမ်းတင် ဟိတ်ပြ
မှန်းရွှင် စိတ်က တန်ခူးရာသီမှာ
အထူးဖြာလည် ပျော်မြူးရှာကြမြဲ ။
အထက်လာနည်းအရ သက်ဝါကြီးသမျှ
ဆက်ကာမှီးကြ ပုဂ္ဂိုလ်မွန် ကို
ထုတ်ဆိုညွှန် တူပျော်နွှဲ ။
သရုပ်ပို မလွန် ပူဖော်ကဲလို့
အယူနော်မလွဲ ငါးပါးအနန္တာ
ခြားနား ဝန္ဒနာ ။
သွေဖည် မညှိုးတဲ့ မွေသရီဖြိုးသနဲ့
စေတီပုထိုးငဲ့ လိုဏ်ဂူသာမှာ
ပြိုင်တူမကွာ သဒ္ဓါရှေးနှင့်
မကွာသေး ဦးညွတ်ပန်ထွာ
ထူးလွန့်နောင်ခါ ။
မှန်မသွေတွေးဆ ပုဂံပြည်ရှေးက
ကံခေရေးမလှ ခွေးချေးဘုရင် မှာ
ဆွေးနွေးမဆင်ခြင် စောလုံအလှတော့
မနောဟုန်ကြွ ကျီစယ်လို
ရေပက်မှုက ပို ။
ဒေါသူပုန်ထ စောလုံ အလှ အန်တုပိုပြီ
စံပြုဆို ယဉ်ကျေးစေဖို့လေး ။ ။
( အို .. ) ရေပက်ကြမ်း က
သွေမကွက်တမ်းပ အမှုက ပိုမည်
အကုသိုလ် ကို ရှောင်ကြစေဖို့လေး ။
( အလို ... ) စဉ်ရှေးလာသမ ထင်တွေးကာဆ
ယဉ်ကျေးပါလှ ရေပွဲသဘင် ကို
သွေမလွဲပင် ပြုစမ်းပါကြလေး ။ ။
◾ဟံသာဝတီ ဦးဘရင်
📖 ပိတောက်ဖူးတဲ့ လတန်ခူး
နှစ်ဦးသင်္ကြန်ခါ
#ကိုအောင်နိုင်ဦး
.
No comments:
Post a Comment