မိန်းကလေးတွေ က သူတို့ ရွေးချယ် တဲ့ ယောက်ျားတွေ ကို တည်ကြည်ရမယ် ။ ဖြောင့်မတ်ရမယ် ။ ကိုယ့် ဘဝ ကို အလင်းရောင် ပေး နိုင်တဲ့ သူမျိုး ဖြစ် ရမယ် ။ အဲလိုမျိုး လိုချင်ကြပါတယ် ။
ဟုတ်ကဲ့ ။ ဒါ ဆိုရင်တော့ “ စည်ပင်သာယာ နဲ့ ညှိ ပြီး ဓာတ်တိုင် ကို သာ ရွေးချယ်ပါ ” အဲလောက် ပြည့်စုံတဲ့ ယောက်ျား အပြင် မှာ ရှားပါတယ် ။ ယောက်ျားတွေ က လည်း မိန်းကလေးတွေ ကို “ ရိုးသားရမယ် ၊ လှပရမယ် ၊ အိမ်မှုကိစ္စ နိုင်နင်းရမယ် ၊ သဘောထား ကောင်းရမယ် ၊ အလိုက် သိရမယ် ”
ဟုတ်ကဲ့ ။ ဒီလို မိန်းကလေးမျိုး က လည်း ပုံပြင် ထဲ က ထွက် မလာသေးပါဘူး ။ အင်မတန် လှပပြီး အင်မတန် ထက်မြက်ပြီး အင်မတန် ဦးဆောင်နိုင် တဲ့ မိန်းကလေးတွေ ဟာ လည်း အင်မတန် သနားစရာ ကောင်းပါတယ် ။ သူတို့ အတွက် ယောက်ျား ဒီ ကမ္ဘာ မှာ မမွေးဖွားသေးပါဘူး ။
အရာရာ ပြည့်စုံခြင်း ဆိုတာ မရှိတဲ့ အခါ လူတွေ ဟာ ကိုယ် နဲ့ သင့်တော်တာတွေ ကို ရွေးချယ်ရပါတယ် ။ တချို့ က လည်း အကောင်းစား လိုချင်တယ် ။ ဒါပေမဲ့ ကိုယ် နဲ့ မသင့်တော် ပြန်ဘူး ။ အဝတ်အစား ရွေး သလိုပေါ့ ။
လူတိုင်း က တော့ အကောင်းဆုံး ကို ပဲ ရွေးချယ်ချင် မှာ ပါ ။ ဒါပေမဲ့ အဲဒီ အဝတ်အဆင် က ဆိုက် ကြီးနေတယ် ။ ကိုယ် က ပိန်ပိန်လေး ။ လိုချင်တာ အကောင်းစား ဆိုပေမဲ့ ကိုယ် ဝတ်ရင် ကျွတ် ကျမှာ ။ သင့်တော်ပါ့မလား ။ ၀၀ကြီး ကျ တော့ လည်း အင်္ကျီဆိုဒ် သေးသေးလေး ဝတ်ချင် ပြန်ရော ။ ဝတ် တာ နဲ့ ကွဲ ထွက်သွားမှာ သိတယ် ။ ဒါပေမဲ့ တန်ဖိုး ရှိ တော့ လိုချင်ပြန်ရော ။
တချို့ကလေးမတွေ က ပိုက်ဆံရှိ ရင် ပြီးရော ၊ အသက်ကြီးကြီး ယောက်ျားတွေ ကို ရွေးချင်ကြတယ် ။ ဘာ နဲ့ တူသလဲ သိလား ။
“ လက် ထဲ မှာတော့ နာရီအကောင်းစားကြီး ဝတ်ထားတယ် ၊ ဒါပေမဲ့ ထုတ် မကြွားရဲဘူး ၊ ဘယ်နှခုနှစ်ထုတ် လဲ အမေး ခံရမှာ စိုး လို့ ၊ အကောင်းစား ပေမဲ့ ဖွက် ထားရတယ် ”
ဆိုပါတော့ ။ ကျွန်တော်တို့ ရဲ့ ဘဝ တွေ ဟာ ထူးပြီး ကောင်းမွန် နေ ဖို့ မလိုပါဘူး ။ ကိုယ် နဲ့ သင့်တော်ရာလေး ရ ရင်ပဲ ကျေနပ်ရမှာပါ ။ တချို့မိန်းကလေးတွေ က အမြင့်ဆုံး ကို မျှော်လင့်ချင်တယ် ။ ဒါကြောင့် ငွေ တော့ ချမ်းသာပါရဲ့ ။
ဒါပေမဲ့ ဖောက်ပြန်တတ်တဲ့ ယောက်ျား ကို ရွေးချယ်မိတယ် ။ ပြီးတော့ ကျိန်တွယ် ခိုင်းတယ် ။
“ ဒီနေ့ က စပြီး တစ်ယောက် တည်း ကို ပဲ သစ္စာ ရှိပါ့မယ် ” ပေါ့ ။
ဟိုက လည်း လူကြား ကောင်းအောင် ကျိန်ရှာတယ် ။
“ ဒီ တစ်ယောက် တည်း ကို ပဲ စွဲစွဲမြဲမြဲ ချစ်ပါ့မယ် ”
ကျိန်ပြီးတော့ အချိုး ပြောင်းသလား ။ အရင် အတိုင်းပဲ ။ ဆီးတောင် ပို ရွှင်သွားသေး ။
“ သစ္စာ မရှိ သူ ကို သစ္စာ ရေ တိုက် လည်း ဆီးရွှင်သွားရုံ အပြင် ဘာမှ ဖြစ် မလာပါဘူး ”
ဒါကြောင့် ကျွန်တော် ပြောတာ အဝတ်အစား တောင် ကိုယ် နဲ့ လိုက် ဖက်တာ ကို ပဲ ဝတ်ဆင်ပါ ။ သိပ် ကောင်းစရာ မလိုပါဘူး ။ ဒီ အဝတ်အစား က ကိုယ့် အတွက် smart ( စမတ် ) ဖြစ် ရင် ရပါပြီ ။
ရွှေခြည်တွေ တစ်ထည် လုံး ထိုးထားပေမဲ့ အတွင်းသား ပေါ် နေရင် ကောင်း နိုင်ပါ့မလား ။
လူ က တော့ လှ ပါရဲ့ ။ ဂုံနီအိတ်စုတ်ကြီး ခြုံ ထားရင်ရော သင့်တော်ပါ့မလား ။ ဒါကြောင့် ကိုယ် နဲ့ သင့်တော်တာ ကို သာ ရွေးချယ်ပါ ။
ကိုယ် က ဘုရား တက် မယ် ဆို ရင် သူ က ဖိနပ် ကိုင် ပေးမယ့် သူမျိုး ကို ရှာပါ ။ မတော်တဆ ကိုယ် က ရန် ဖြစ်ခဲ့မယ် ဆိုရင် တောင် ကိုယ့် ကို ဒိုင်း သဖွယ် ကာကွယ်ပေးမယ့် သူ ကို ပဲ သတိ ရပါ ။ ဒီလို မှ မဟုတ်ဘဲ ကိုယ် က “ ဘုရား တက်မယ် ” ဆိုတာ နဲ့ သူ က
“ သွားလေ ၊ ဘီယာဆိုင် က စောင့်နေမယ် ”
ဆိုတာမျိုးတွေ ကိုယ် က မတော်တဆ ရန်ဖြစ် မိရင် တောင် ကိုယ့် ကို မကာကွယ်ဘဲ
“ နင် ကို က မှားတာ ”
ဆိုတဲ့ လူမျိုး နဲ့ ဆိုရင် ရေရှည် မှာ ဖြစ်နိုင်ပါ့မလား ။
လက်ထပ်လက်စွပ် ဝတ်မယ့် လက် ဟာ အမြဲ ကျွတ်ကျနိုင်ခြေ ရှိတဲ့ လက်စွပ်မျိုး ကို ရွေးချယ်မှာလား ။ လှုပ်မရ ဖြုတ်မရ နဲ့ ကိုယ့် ကို တစ်သက်လုံး ဒုက္ခ ပေးနေတဲ့ လက်စွပ် ကျပ်ကျပ်ကြီး ကို ရွေးချယ် ချင်တာလား ။ ဒါမှမဟုတ် ကိုယ့် လက် ထဲ မှာ လဲ အလိုက် သင့် ရှိပြီး ကိုယ့် ကို ဂုဏ်တက် စေမယ့် လက်ထပ်လက်စွပ် လှလှလေး ကို လိုချင်တာလား ။
ရွေးချယ်နိုင်ကြပါစေ ။
◾အကြည်တော်
#လူပျိုအပျိုဖတ်စာ
#ကိုအောင်နိုင်ဦး
.
No comments:
Post a Comment