ကမ္ဘာ ပေါ် မှာ ဘယ်တော့ မှ မရှိ နိုင်တာ တစ်ခုရှိ တယ် ။ ဥပမာ - ကိုယ့် မှာ မော်တော်ကား ရှိတယ် ဆိုပါတော့ ။ ကား ကို ထိခိုက် မိရင် လျော်ကြေး ရအောင် အာမခံကုမ္ပဏီ မှာ ထားလို့ ရပါတယ် ။ အိမ် ရှိ ရင်လည်း ဒီအိမ် ထိခိုက်ပျက်စီးမှု မရှိ အောင် အာမခံကုမ္ပဏီ မှာ အပ်ထား လို့ ရပါ တယ် ။
ဂျနီဖာလိုပက် တောင် သူ့ တင်ပါး အာမခံ ထား သေးတာပဲ ။
ဘယ်သူမှ အာမ, မခံတာ တစ်ခု ပဲ ရှိပါတယ် ။ အချစ် စိတ် ပါပဲ ။
“ တစ်သက်လုံး ချစ်ပါ့မယ် ”
လို့ အာမခံ ထား လို့ ရတဲ့ ကုမ္ပဏီ ခုချိန်ထိ မပေါ် ဖူးသေးဘူး ။ ဟုတ်ပါတယ် ။ အချစ် စိတ် ဆိုတာ အာမခံ ထားလို့ ရတဲ့ အရာ မျိုး မဟုတ်ပါဘူး ။ မ ထင်မှတ်တဲ့ အချိန် မှာ ချစ် ချင် ချစ် သွား နိုင်သလို အခန့်မသင့် ရင်လည်း ခဏတွင်းချင်း မုန်း သွား နိုင်ပါတယ် ။
အချစ်စိတ် ( ၄ ) မျိုး ရှိပါတယ် ။
“ ခု တစ်မျိုး ၊ တော်ကြာ တစ်မျိုး ”
“ လို တစ်မျိုး ၊ မလို တစ်မျိုး ”
အကောင်းမြင် စိတ် ဖြစ်လာတဲ့ အခါ အချစ်စိတ် က အလိုလို ဖြစ် လာပါတယ် ။ မကောင်းမြင် စိတ် ဝင် လာတဲ့ အခါ မှာလည်း အလိုလို မုန်းတီးသွား တတ် ပါတယ် ။
အကောင်းမြင် စိတ် ဆိုတာ ရိုးရှင်းပါတယ် ။
“ ကိုယ့် ရည်းစား ဖင် ပြား ရင်တောင် ဘတ်စကား တိုးစီးတော့ ချောင်တာပေါ့ ”
ဆိုတဲ့ အတွေးမျိုး ပါ ။
မကောင်းမြင် စိတ် ကတော့
“ သူ့ ဟာ သူ ထမင်း စားတာ ကိုယ် သွားကြားညပ် လို့ စိတ်ဆိုးတာမျိုး ” ပါ ။
ဒီလို မကောင်းမြင်စိတ် ၊ မုန်းတီးစိတ် တွေ ဘယ် က စ ဖြစ်တာလဲ ။
“ အမြင်အာရုံ က စ ဖြစ်ပါတယ် ”
နှလုံးသား ဆိုတာကြီး ခဏ ထားပါ ။ အားလုံး ဟာ အမြင်အာရုံ နဲ့ ပဲ ဆုံးဖြတ် ကြပါတယ် ။ သူ့ ကို ကြည့် ရတာ အဆင်ပြေ မပြေ ။ ဒေါင့် ကျိုး မကျိုး ၊ သူ့ ရဲ့ ပုံစံ က လိုက်ဖက်မှု ရှိ မရှိပေါ့ ။
ဒါကြောင့် “ မိန်းကလေးတွေ ရဲ့ အလှ ဟာ ဥစ္စာ ဓန ”
လို့ ဆိုကြပါတယ် ။
မှန်ပါတယ် ။
မိန်းကလေး တစ်ယောက် တကယ် လှရင် ယောက်ျားလေး တွေ ဆီ က အချိန် နဲ့ ငွေကြေး အကုန် ရပါတယ် ။
ကမ္ဘာ ပေါ် မှာ မိန်းမလှလေးတွေ သာ မရှိရင် ဘယ် ယောက်ျားသား မှ ငွေ ရှာ မှာ မဟုတ်ပါဘူး ။ အကုန်လုံး စစ် တိုက်ရင်း နဲ့ပဲ အချိန် ကုန် နေမှာပါ ။
ပြောကြပါတယ် ။ ရုပ်ဆိုး တဲ့ ယောက်ျားတွေ ဟာ ပို အောင်မြင်သတဲ့ ။
ဘာကြောင့်လဲ ။
သူတို့ က ငွေ ပို ရှာကြလို့ပါပဲ
ဘာကြောင့် ငွေ ပို ရှာရသလဲ ။
“ မိန်းမလှလေးတွေ ကို ဝယ်ယူနိုင်ဖို့ပါတဲ့ ”
ဒါကြောင့် မိန်းကလေးတွေ ဆိုတာ ကမ္ဘာ ပေါ် မှာ ရှိတဲ့ သယံဇာတ တွေ ထက် ပို တန်ဖိုး ကြီးပါသတဲ့ ။
တချို့ မိန်းကလေးတွေ ကတော့ သူတို့ ကိုယ် သူ တို့ နဲ့ စာရင် သူ တို့ ဝတ်စားထား တဲ့ အဝတ်အစား က တန်ဖိုး ကြီး နေတာမျိုး လည်း ရှိ ပါတယ် ။ ထား ပါ ။
ဒါကြောင့် မိန်းကလေးတွေ ဟာ ယောက်ျား လေးတွေ ရဲ့ အမြင် အာရုံမှာ လှနေဖို့ လိုအပ်ပါတယ် ။ ဒါဆို တချို့မိန်းကလေးတွေ က ဆိုကြပါ လိမ့်မယ် ။
“ ဝ မှ လှ တာ ”
“ မှတ်ထားပါ ၊ အခေါက် ထူ လို့ လူကြိုက်များတာ သနပ်ခါး ပဲ ရှိပါတယ် ”
ဝက်သား တောင် မှ မကြိုက် တဲ့ သူ မစားတဲ့ သူ ရှိ တယ် ။
“ ဟာ ၀၀ကစ်ကစ် နဲ့ ချစ်စရာလေး ”
အဲဒီ အသံ ကြားရင် လှည့် ကြည့်မနေနဲ့ ။ ဘာလို့ လဲ ဆိုတော့ အဲဒီ ကလေး အရွယ် မရောက်သေးဘူး ။ ဒါဆိုရင် ယောက်ျားလေး တွေ ရော ပြင်ပြင် ဆင်ဆင် နေ ဖို့ မလိုအပ်ဘူးလား ။ ထိုက်သင့်တဲ့ ပြင်ဆင်မှု လိုအပ်ပါတယ် ။ မှတ်ထားပါ ။
“ စွပ်ကျယ်ချိုင်းပြတ် ၊ ချွေးသံတရွှဲရွှဲနဲ့ နံနံစော်စော် ယောက်ျားကြီး နား မိန်းမလှလေး တွေ ဝိုင်း နေ သေးရင် သေချာပါတယ် ၊ အဲဒါ ဝက်သား တုတ်ထိုးသည် ”
ပို ဖို့ ပြောတာ မဟုတ်ပါဘူး ။ လူ ဆိုတာ ကိုယ် နဲ့ သင့်တော်တဲ့ အဆောင်အယောင် ရှိ ဖို့ လိုအပ် ပါ တယ် ။
“ ဘုရင် ဆိုရင် ပလ္လင် လိုအပ်ပါတယ် ”
“ မိဖုရား အတွက် နားဋောင်း လိုအပ်ပါတယ် ”
စူဠသုဘဒ္ဒါ က ဆန္ဒန်ဆင်မင်း အစွယ် ဖြတ် ခိုင်းတာ နားဋောင်း လုပ်ဖို့ ။
ကျွန်တော် ဆိုလိုတာ ကြွားဝါခြင်း မျိုး မဟုတ် ။ လိုအပ်တဲ့ အဆောင်အယောင် ကို ပြော နေရခြင်း ၊ ဖြစ်ပါတယ် ။ ဒီထက် ပို အရေးကြီးတာ က
“ တစ်ဖက်သားအပေါ် လှပခြင်း ”
ဖြစ်ပါတယ် ။
ကိုယ့် ရဲ့ ချစ်သူ ကို လှပစေခြင်း ပါ ပဲ ။ ဒီလို လှပစေ ခြင်း က ကိုယ်တိုင် သူ့ အပေါ် မှာ နှလုံးသား လှပ နေဖို့ လိုအပ်ပါတယ် ။
တချို့တွေ ကလည်း ခုနက ကျွန်တော် ပြောခဲ့တဲ့ တစ်ကိုယ်ရေ လှပခြင်း ကို ပဲ အာရုံ စိုက်နေကြပါ တယ် ။ လမ်း ထွက်ရင် ဘာ ဝတ်ရမယ် ။ သူ နဲ့ တွေ့ ရင် ဘယ်လို ဆင်သွားရမယ် စသည်ဖြင့်ပေါ့ ။ ဒါပေမဲ့ တစ်ဖက်သား ကို လှစေ ချင် တာ မျိုးတော့ မပြုလုပ် တတ်ကြပါဘူး ။ ကိုယ့် ရဲ့ ချစ်သူ ကိုယ့် ကြောင့် လှပနေတာမျိုး ကို မစဉ်းစားမိကြပါဘူး ။
“ ကိုယ့် ချစ်သူ ကိုယ့်ကြောင့် လှပစေချင် တယ် ”
ဆိုတာ အဝတ်အစား ဆင်ယင်ပေးတာ မျိုး ၊ ရွှေတွေ ညွှတ်နေအောင် ဝတ် ထားတာမျိုး မဟုတ်ပါဘူး ။ ပိုက်ဆံတွေ သုံး မကုန်အောင် ပေး နေတာမျိုး မဟုတ်ပါဘူး ။
“ သူ လား ၊ ဘယ်သူ ရဲ့ အမျိုးသမီး ၊ ဘယ်သူ့ ရဲ့ အမျိုးသား ”
“ သူ့ အိမ်ထောင်ဖက် က သိပ် တော်တာ ”
ကိုယ့် ကြောင့် ကိုယ့် ရဲ့ ကြင်ရာဖက် က ဂုဏ် တက် နေတာမျိုးပဲ ဖြစ်ပါတယ် ။
ကျွန်တော်တို့ ဟာ ကိုယ့် ကိုယ် ကိုယ် သာ ဂရု စိုက် မိကြပြီး ကိုယ့် ကြောင့် တစ်ဖက်သား လှပခြင်း ၊ ဂုဏ်တက်ခြင်းတွေ ကို မေ့လျော့ နေကြပါတယ် ။ ငွေကြေး ချမ်းသာပြီး လို တ ရ နေပြီး ၊ လူတော မ တိုးရဲတဲ့ သူ အမြောက်အမြား ရှိ ပါတယ် ။ ငွေကြေး အနည်းငယ် သာ ရရှိပေမဲ့ လူကြား ထဲ မှာ ဂုဏ်သတင်း နဲ့ ဝင့်ထည် နေ တဲ့ သူ လည်း အများ ကြီး ရှိပါတယ် ။ ကိုယ့် ရဲ့ ချစ်သူ ကို ဘယ်လို ပုံစံမျိုး နဲ့ လှပစေချင်ပါသလဲ ။ အကောင်းစား အဝတ်အစားတွေ ဝတ် ထားပြီး
“ ဒီလို လူမျိုး ကို ငွေ မက် လို့ ကပ် ထားတာပေါ့ ”
အပြော ခံစေချင်တာလား ။
ဒါမှမဟုတ်
“ သိပ်ကို တော်တဲ့ အိမ်ထောင်ဖက်တွေ ”
လို့ အများ အလယ် မှာ ဆိုစေ ချင်တာလား ။
ဒါမှ မဟုတ်လည်း
“ ကိုယ့်ကို အမြဲတမ်း အလို လိုက်ပြီး အချိန်ပြည့် ဂရုစိုက် နေသူ လိုချင်လား ”
“ ၁၀၉ - ၁၁၀ ယူ ပြီး အတူ တောင်းစားကြပေါ့ ”
နောက်ထပ် ရွေးချယ် စရာ ကတော့
“ အချစ်ရေး မှာ ရေရှည် အာမခံချက် လိုချင်လား ”
“ ကိုယ့် ကြောင့် ကိုယ့် အိမ်ထောင် ဖက် ဂုဏ် တက်အောင် နေပါ ”
“ ဒါဟာ ရေရှည်ခံတဲ့ အာမခံချက် ဖြစ်ပါလိမ့် မယ် ”
◾အကြည်တော်
#လူပျိုအပျိုဖတ်စာ
#ကိုအောင်နိုင်ဦး
.
No comments:
Post a Comment