❝ ကာလ ဧရိယာ ❞
“ အချိန် ” နဲ့ ပတ်သက်ပြီး ဒုတိယ အဆင့် ဆက် စဉ်းစားရအောင် ။ အချိန် ကို ငါ့ တူမများ ဘယ်လို ခွဲခြား နားလည် ထား သလဲ ။ သုံးမျိုး ပဲ မဟုတ်လား ။
အတိတ် = ဖြစ်ပြီးတာ ( ကုန်လွန်သွားတဲ့ အချိန် )
ပစ္စုပ္ပန် = ဖြစ်ပျက်နေဆဲ ( လက်ရှိ အချိန် )
အနာဂတ် = မဖြစ်သေးတာ ( နောင် ဖြစ်လာမယ့် အချိန် )
ဒါပဲပေါ့ ။ ဘယ်သူ့ မေးမေး ဒီလိုပဲ ဖြေမှာပဲ ။ လေးလေး လည်း ဒီလိုပဲ သိတာပဲ ။ သိတာချင်း တူပေမယ့် တစ်မျိုး ချင်း ကို တော့ ငါ့ တူမများ စဉ်းစား ကြည့်ဖူးမယ် မထင်ဘူး ။ အဲဒီ ပိုင်းခြား ထား တဲ့ အချိန်ကာလ သုံးမျိုး ကို သေသေချာချာ ခွဲခြားပြီး စဉ်းစား ကြည့်ရအောင် ။
မင်း ဒီ စာ ကို ခု ဖတ်နေတယ် ။
ဖတ်ပြီးသွားတဲ့ စာလုံးတွေ စာကြောင်းတွေ ဟာ အတိတ် ။
မဖတ်ရသေးတဲ့ စာလုံးတွေ စာကြောင်းတွေ က အနာဂတ် ။
ဘယ်မှာ လဲ ပစ္စုပ္ပန် ။
ထပ် စဉ်းစားစမ်း ။
ငါ့ တူမ တစ်ယောက် ယောက် နဲ့ စကား ပြော ကြည့် ။ ပြောပြီးသမျှ စကားတွေ ဟာ အသံ ထွက် ပြီးတာနဲ့ အတိတ် ဖြစ်သွားပြီ ။ မပြောရသေးတဲ့ စကားတွေ အသံ မထွက်ရသေးတဲ့ စကားတွေ က အနာဂတ် မှာ ။ သေသေချာချာ တွေးစမ်း ။ ဘယ်မှာလဲ ပစ္စုပ္ပန် ။
အတိတ် ဆိုတာ လေးလေး တို့ မှာ အများကြီး ရှိခဲ့ပြီးပြီ ။
အနာဂတ် ဆိုတာကလည်း ရှိနေသေးတယ် ။ အများကြီးပဲ ။ တို့ မပိုင်ဆိုင်တာ က ပစ္စုပ္ပန် ပဲ ကွ ။
လေးလေး တွေး ရ သလောက်တော့ ပစ္စုပ္ပန် ဆို တာ အတိတ် နဲ့ အနာဂတ် ကို ပိုင်းခြားထားတဲ့ ဆံချည်မျှင် ထက် အဆများစွာ သေးငယ်တဲ့ ၊ အစဉ်ရွေ့လျားနေတဲ့ မျဉ်းကြောင်းလေး တစ်ကြောင်းပဲ ။
ပစ္စုပ္ပန် မှာ ကာလ ဧရိယာ မရှိဘူး ။
ဒါကြောင့် -
လေးလေး တို့ ဘာပဲ လုပ်လုပ် ၊ ငါ့ တူမများ ဘာပဲ လုပ်လုပ် လုပ်သမျှ ပြောသမျှ ဟာ အတိတ်သမိုင်း မှာ ကျန်ရစ် ခဲ့မှာပါ ။ ပြင်ချိန် မရှိဘူး ။ ချေဖျက်ချိန် မရှိဘူး ။ အမှား တစ်ခု ခု ပြောမိ လုပ်မိ ရင် ပြောဖူး လုပ်ဖူး တယ် ဆိုတာတော့ ဖြစ် သွားမှာပဲ ။ ပြန် ပြင်ရင်လည်း ပြောဖူး လုပ်ဖူး တဲ့ အမှားကြီး ကတော့ ကျေပျက် မသွားပါဘူး ။ အမှန် ကို ပြန် ရောက်တာ အမှန် ပြန် ဖြစ်တာပဲ ရှိမယ် ။ ဘာ နဲ့ အလားသဏ္ဍာန် တူသလဲဆိုတော့ ပြတ် သွားတဲ့ ကြိုး ပြန် ဆက် ထားသလိုပေါ့ ။ ပြန် ဆက် နေပေမယ့် ထုံးတဲ့ အရာလေး က တော့ ရှိနေမှာပဲ ။ ပစ္စုပ္ပန် ဆိုတာ ကာလ ဧရိယာ မရှိတဲ့ အတွက် လုပ်မိတဲ့ အမှား ကို အတိတ် မှာ မကျန်အောင် ချေဖျက် လို့ မရဘူး ဆိုတာ သတိထားပါ ။
ပြန် ပြင်ချိန် မရှိတဲ့ ပစ္စုပ္ပန် မှာ အမှားအယွင်း တစ်စုံတရာ လုပ်မိတာ နဲ့ အတိတ် မှာ အမည်း စွန်းထင် သွားမှာပဲ ။ ပစ္စုပ္ပန် အကြောင်း ဒီလို မစဉ်းစား မိရင် အမှားပေါင်း များစွာ နဲ့ အတိတ် ကို ပိုင်ဆိုင် ရမှာပေါ့ ။
ကိုယ် လုပ်မယ့် အလုပ် မှန်သမျှ မလုပ်ခင် မှာ လုပ်သင့် မသင့် ကြိုပြီး စဉ်းစား ။ မလုပ်သင့်တာ ကို မလုပ် နဲ့ လုပ်သင့်တာ ကို ပဲ လုပ် ။ အဲဒါဆိုရင် မင်း တို့ ရဲ့ အချိန်တွေ ဟာ အလဟဿ မပြုန်းတီးတော့ဘူး ။ ကုန်လွန်သမျှ အချိန် တိုင်း ဟာ လုပ်သင့် လုပ်ထိုက် တာ တွေ ကို လုပ်ရင်း ကုန်လွန် ရမှာမို့ တန်ဖိုး ရှိ တဲ့ အချိန်တွေ ဖြစ် လာလိမ့်မယ် ။
ကဲ ဒီ အခန်း ကို နိဂုံး ချုပ်ရအောင် ။
ငါ့ တူမများ ရဲ့ အနာဂတ် ကို အကျိုး ရှိတဲ့ အပြုအမူ ၊ အပြောအဆို တွေ နဲ့ ကုန်လွန် ရင်ဆိုင်နိုင် ဖို့ ကြိုးစားပါ ။ တွေးတောပါ ။
လှပတဲ့ အနာဂတ် ကို အိုးမည်း သုတ်ပြီး မင်း တို့ ရဲ့ အတိတ်တွေ ကို အကျည်း တန်အောင် လုပ် မပစ်ကြပါနဲ့ ။
ပစ္စုပ္ပန် ဆိုတာ အချိန်ကာလ ဧရိယာ လုံးဝ မရှိတဲ့ အတိတ် နဲ့ အနာဂတ် ရဲ့ ကြား သတ်မှတ်ချက် တစ်ခု ။
လုပ်မယ့် အလုပ် ဟူသမျှ လုပ်သင့် မလုပ်သင့် ကြို တွေးပြီး လုပ်သင့်တာ ကို သာ လုပ်လို့ တိုးတက် တဲ့ ဘဝ ထူထောင်နိုင် ကြပါစေ ။
◾ ကံချွန်
📖 အပျိုစင်တို့သိဖို့ ယောက်ျားတို့အကြောင်း ( ၃ )
#ကိုအောင်နိုင်ဦး
,
No comments:
Post a Comment