ပြောပြီးသားပါ ။ ကျွန်တော်တို့ က ဆွေမျိုး ကို မင်ကြတယ် ။ အပေါင်းအသင်း သူငယ်ချင်းတွေ ကို ခင် ကြတယ် ။
မှတ်ထားပါ ။ သူငယ်ချင်း ဆိုတာ လည်း ချစ်ခင် တုန်းမှာ “ အဖော်ကောင်း ” ပါပဲ ။ ဒါပေမဲ့ မုန်း ပြီ ဆို “ ဖော်ကောင် ” ။ ရိုးရိုး စဉ်းစားမယ် ဆို သူငယ်ချင်း နှစ်မျိုး ရှိပါတယ် ။
၁ ။ အဖော်ကောင်း
၂ ။ ဖော်ကောင်
လူငယ်လေးတွေ ဟာ သူငယ်ချင်း ကို ချစ်ခင်တဲ့ အခါ သူငယ်ချင်းတွေ ကို “ ကကြီး က အစ အ အဆုံး ” အကုန်လုံး ပြော ပြ တတ် ပါတယ် ။ အမှန်တော့ ဒါဟာ မလုပ် သင့် တဲ့ ကိစ္စပါ ။
“ ကိုယ် နဲ့ ကိုယ့် ချစ်သူ အကြောင်း ဘယ်သူ မှ ကောင်းကောင်း မသိတာ ပို လုံခြုံပါတယ် ”
တချို့ကိစ္စတွေ မှာ လူတွေ မသိသင့်တဲ့ အကြောင်းအရာတွေ ရှိ ပါတယ် ။ ဒါကိုမှ အရာ ရာ အားလုံး သူငယ်ချင်း ကို ဖွင့်ဟ ပြောဆိုခြင်း ဟာ ကိုယ့် အတွက် ဒုက္ခ ရောက်ရာ ရောက် ကြောင်း ဖန်တီး ထား တာပါပဲ ။
သူငယ်ချင်းတွေ နဲ့ ပတ်သက်ပြီး မှတ်ထားပါ ။
“ ရန်သူ ဟာ ရန်သူ လို နေတာ ပြဿနာ သိပ် မရှိ လှပါဘူး ၊ ရန်သူ က မိတ်ဆွေ ဟန် ဆောင်ပြီး အနား မှာ ရှိနေတာ က မှ တကယ့် ပြဿနာပါ ”
သူငယ်ချင်း ကို ခင်ပါ ချစ်ပါ ။ ဒါပေမဲ့ ကိုယ့် ရဲ့ လျှို့ဝှက်ချက်တွေ ကို ဖွင့် ပြောရ သည် အထိတော့ မထိုက်တန်ပါဘူး ။ သူငယ်ချင်းတွေ နဲ့ ပတ်သက် ပြီး သတိ အထား သင့် ဆုံး စကား က
“ နင် ငါ့ ကို တောင် မယုံဘူးလား ”
မယုံပါနဲ့ ။ နှစ်နှစ်ခြိုက်ခြိုက်ကြီး မယုံပါနဲ့ ။ အပေါ်ယံ လောက် သာ ယုံကြည်ပါ ။ မှတ် ထားပါ ။
“ လူတိုင်း ဟာ ကိုယ့် ကိုယ် ကိုယ် ထက် ဘယ်သူ့ ကို မှ ပို မချစ်ပါဘူး ”
ဒါကို သိလျက် နဲ့ ကိုယ့် ကိုယ် ကိုယ် ထက် သူငယ်ချင်း ကို ပို ချစ်မိ ၊ ပို အားကိုး မိရင်တော့ ကိုယ့် ထိုက် နဲ့ ကိုယ့် ကံ ပဲ လို့ ပြော ရမှာ ဖြစ် ပါတယ် ။ သူငယ်ချင်းများ နဲ့ ပတ်သက်ပြီး လေး မှန် ဖူးတဲ့ စာသူငယ် လို့ ဆိုရင် လက်ခံ နိုင်ပါတယ် ။ ဒါပေမဲ့ အကြိမ်ကြိမ် လေး မှန် နေသေးရင်တော့ “ ဂိန် ” လို့ သာ အော် သင့်ပါတော့တယ် ။
တစ်ခါတလေ ဖြစ် တတ် ပါတယ် ။
ကိုယ့် သူငယ်ချင်း က နေပြီး
“ နင် အဲဒီ လူ ကို ချစ် လိုက်ပါလား ”
လူတွေ က ဇဝေဇဝါ ဖြစ် တတ်ပါတယ် ။
ထပ် ပြောသေးတယ် ။
“ သူ့ မှာ ဘာ အပြစ် မှ မရှိဘူး ”
ဒါဆိုရင် သူငယ်ချင်း စကား ကို ယုံ မိပြီး တကယ်တမ်း သူငယ်ချင်း ပြော နေသူ ကို ကြည့် လိုက်တော့ ကိုယ့် ရဲ့ ရုတ်တရက် အမြင် မှာ
“ ဟုတ်တယ် ”
သူငယ်ချင်း ပြောတဲ့ သူ က ရုပ်ရည် လည်း ပြော စရာမရှိဘူး ။ ငွေကြေး လည်း ပြောစရာ မရှိဘူး ။ အကျင့်စာရိတ္တ လည်း သိပ် မဆိုးဘူး ။ ဒါဆို လူငယ်တွေ က ယောင်ဝါးဝါး နဲ့ သူငယ်ချင်း ညွှန်း ဆို သူ ကို ပြန် ကြိုက်ချင်ကြလေ့ ရှိပါတယ် ။ အားလုံးဟာ အချက် တစ်ချက် ကို မစဉ်းစားမိ ဘူး ။
“ ဒီလောက် တောင် ပြည့်စုံ နေတဲ့ သူ တစ်ယောက် ကို သူ က မကြိုက်ဘဲ ၊ ဘာလို့ တခြား သူ ကို ကြိုက် ခိုင်းနေတာလဲ ”
သူ ညွှန်း ဆို နေတာဟာ သူ့ ဆွေမျိုး လား ၊ ဒါမှ မဟုတ် တခြား မမြင်နိုင်တဲ့ ပြဿနာတွေ ရှိလို့ သူ က မကြိုက်တာလား ။ ဆိုပါတော့ ။ ကျွန်တော် ပြောပြီးသားပါ ။ ကျွန်တော် တို့ ဟာ အကောင်း ဆုံး ဆို တာ မမျှော်လင့်ချင်ပါဘူး ။ ကိုယ် နဲ့ သင့်တော်ရာ ဖြစ်ရင် ပို လိုက်ဖက်မယ် ဆိုတာ သိ ထား ပြီး ပါပြီ ။
ဒါဆို ဒီလောက် ကောင်းမွန် ပြည့်စုံ နေတဲ့ သူ တစ်ယောက် ကို သူ က ဘာလို့ မရွေးချယ် လဲ ။ ကိုယ့် ထဲ ဘာလို့ လာ ထိုးထည့် နေတာလဲ ။ သူ့ မှာ ရွေးချယ်ပြီး သား ရှိ နေတာလား ။ ဒါလည်း စဉ်းစားစရာပါပဲ ။ ဒါပေမဲ့ ဆိုပါစို့ဗျာ ။ ကိုယ် ကြိုက် တဲ့ အဆိုတော် ရုပ်ရှင်မင်းသား က ကိုယ့် ကို ကမ်းလှမ်းလာမယ် ဆိုရင် လက်ရှိ ရည်းစား ကွာ ပစ်နိုင်တဲ့ သူ အများကြီး ပါ ။
“ မင်းသား သာ ရမယ် ဆို ဒီ ကောင် လောက် အချိန်မရွေး ကန်ချတယ် ”
ဒါမှမဟုတ် ခုန ကျွန်တော် ပြောခဲ့သလို ၊ သူ့ ဆွေမျိုး ဖြစ် နေတာလား ။ ဒါမှမဟုတ် ကိုယ် မမြင်နိုင်တဲ့ ပြစ်ချက် တစ်ခု ခု ရှိ နေတာလား ။ ဒါမှ မဟုတ် ကိုယ့် ဆီ က သူ လိုချင်တာ တစ်ခု ခု များ ရှိ နေတာလား ။
ကျွန်တော် ပြော နေတာ သူငယ်ချင်း အားလုံး ကို ဆိုလိုခြင်း မဟုတ်ပါဘူး ။ ဖြစ်နိုင်ခြေတွေ ကို စဉ်းစားမိဖို့ တင်ပြနေရခြင်း သာ ဖြစ်ပါတယ် ။ တကယ် ကောင်း တဲ့ သူငယ်ချင်းတွေ ရှိ သလို ကောင်း ချင် ယောင် ဆောင် နေတဲ့ သူငယ်ချင်း တွေ လည်း ရှိ မှာပါ ။ ဒါပေမဲ့ တစ်သက်လုံး လင်မယား လို မခွဲအတူ နေ ရ မှာ မဟုတ်တဲ့ အတွက် လျှို့ဝှက် သင့် တာ ကို လျှို့ဝှက် ထားပါ ။ ဒါ မှလည်း သူငယ်ချင်း ကို လည်း ကိုယ် ကိုယ်တိုင် က လိပ်ပြာ သန့်သန့် နဲ့ ပေါင်းသင်း နိုင် မှာ ဖြစ်ပါ တယ် ။ သတိထားပါ ။
စားဖို့ သောက်ဖို့ ဆို ရင် ပေါ် လာ တတ်တဲ့ သူငယ်ချင်း ။
ချေးငှား ဖို့ ဆို ရောက် လာ တတ်တဲ့ သူငယ်ချင်း ။
အပြစ် တွေ မကြာ မကြာ လွှဲ ချ တတ်တဲ့ သူငယ်ချင်း ။
ဒီလို သူငယ်ချင်းတွေ ကို သတိထား သင့်ပါတယ် ဗျ ။
◾အကြည်တော်
#လူပျိုအပျိုဖတ်စာ
#ကိုအောင်နိုင်ဦး
.
No comments:
Post a Comment