တစ်ခါတလေ မှာ လည်း အချစ်ရေး ပဲ ဖြစ်ဖြစ် ၊ အိမ်ထောင်ရေး ပဲ ဖြစ်ဖြစ် မထင်မှတ် တဲ့ ပြဿနာ တွေ ရှိ တတ်ပါတယ် ။
ပြဿနာ က ကိုယ်တိုင် လုပ် ယူတာ လည်း မဟုတ်ဘဲ ဘယ်က ဘယ်လို ရောက် လာ မှန်း မသိ ဖြစ် ရတာ မျိုးလည်း ရှိပါတယ် ။ တချို့ ပြဿနာ တွေ ဟာ အဖြေ ရှာရ ခက် တာမျိုးလည်း ရှိပါ တယ် ။
လူတွေ က ကိုယ်တိုင် သတိ မထားမိတဲ့ အရာ တွေ ရှိပါတယ် ။ ကိုယ့် ကိုယ် ကိုယ် အား သာတယ် ထင်တဲ့ အရာ က တစ်ဖက်သား အတွက် အားနည်းချက် ကို စိတ် အလို မကျစရာ ဖြစ်နေ တာ မျိုးလည်း ဖြစ် တတ်ပါတယ် ။
အင်မတန် လှပတဲ့ မိန်းကလေး တစ်ယောက် ဟာ သူ့ ကိုယ် သူ ပိုပြီး လှစေမယ့် အဝတ်အစား ကို ဆင်မြန်း လိုက်ပါတယ် ။ ဒါပေမဲ့ တစ်ဖက်သား အမြင် မှာ
“ ဟာ ဒီ မိန်းကလေး ဘယ်လိုကြီး ဝတ်ထားလဲ မ သိဘူး ”
ဆိုတာမျိုး ၊ နောက်ပြီး ယောက်ျားလေးတွေ က ချစ်သူ ပျော်အောင် “ ဟာသ ” ပြော တတ်ကြပါ တယ် ။ ဒါပေမဲ့ ယောက္ခမ ဆုံးတဲ့ အချိန် မှာ အသုဘ မေး လာ ရောက်တဲ့ သူတွေ ကို ဧည့်ခံ စား စရာ လိုက် ချရင်း
“ စားကြနော် ၊ သေသွားတဲ့ ယောက္ခမ နားကပ် လေး ပေါင် ကျွေးတာ ”
ဆို ပါတော့ ။ ကိုယ် က မသိလိုက် မသိဘာသာ နဲ့ ရယ် ရ မလား ဆိုပြီး ပြောတာ ။ ဒါပေမဲ့ တစ်ဖက်သား ရဲ့ ခံစားချက် ကို လည်း ကြည့် ပါဦး ။
ပြောပြပါရစေဗျ ။
ကျွန်တော့် အိမ် မှာ ပေါင်းအိုး တစ်လုံး ရှိ ပါတယ် ။
ခပ်ညံ့ညံ့ ဈေးပေါပေါ ပေါင်းအိုး ပဲ ဆိုပါတော့ ။ တစ်ခုခု ချက် လိုက် တိုင်း အဲဒီ ပေါင်းအိုး တစ် နေရာ က စပြီး “ တူး ” ပါ တော့တယ် ။ ကျွန်တော် စဉ်းစားတယ် ။
“ ဘာလို့ ဒီ နေရာ က ပဲ အိုး က တူး နေတာလဲ ၊ အ နိမ့်အမြင့် မညီ လို့ လား ”
ဒါနဲ့ အမြဲ တူးနေတဲ့ ဖက် ကို မြင့် အောင် တစ်ခုခု နဲ့ “ ခု ” လိုက်တယ် ။ သူ မြင့် သွားရင် နိမ့် တဲ့ ဖက် က တူး နိုင်တာပေါ့ ။ ဒါပေမဲ့ အဲဒီ နေရာ က ပဲ စပြီး “ တူး ” ပြန် ပါတယ် ။ ဒါနဲ့ပဲ ပေါင်းအိုး ကို အသေအချာ ပြန် စစ်တယ် ။ ပေါင်းအိုး ဆေး တဲ့ နေရာ မှာ အဲဒီ နေရာကို အသေအချာ မဆေး မိ လို့ “ ချိုး ” ( ဂျိုး ) ကျန်ပြီး တူး တာလား ၊ ပေါင်းအိုး ကို အသေအချာ ဆေးတယ် ။ ဒါပေမဲ့ မရပါဘူး ။ တူး စရာ ရှိ အဲဒီ ဖက် ကပဲ စပြီး တူး ပြန်ပါတယ် ။
ဟင်း ချက်တဲ့ အခါ သူ့ ဖက် အသား မရောက်အောင် ဂရုစိုက် ထားလည်း အဲဒီနေရာ က ပဲ အိုး စ တူး ပြန်ပါတယ် ။ ဘာကြောင့် ပါ လိမ့် ။ အိုး တစ်လုံး ကို အထပ်ထပ် အခါခါ ပြန် စစ်ကြည့် တယ် ။ ဘာ ချို့ယွင်းချက် မှ မတွေ့ဘူး ။ ဒါဆို ဘာ လို့ ဒီနေရာ ပဲ စ စပြီး တူး နေရတာလဲ ။ အသေအချာ ဖြုတ်ပြီး စစ်ဆေး တော့ မှ သိ ရ တယ် ။
“ မီးပြင်းလို့ ”
ခပ်ညံ့ညံ့ ပေါင်းအိုး ဖြစ်တဲ့ အတွက် အတွင်း မှာ ပတ် ထားတဲ့ ကွိုင်တွေ က မညီဘဲ အဲဒီ နေရာ ကျ မှ မီးကွိုင် က ထူ နေတာကိုး ။ ဒါကြောင့် အိုး တည် တိုင်း မီးပြင်း တဲ့ နေရာ က စပြီး တူး နေ တော့ တာပေါ့ ။
ဒီလိုပါပဲ ။ ပြဿနာ ဆိုတာ တစ်ခါတလေ မှာ ကိုယ် မြင်နိုင်တဲ့ နေရာ က မဟုတ်ဘဲ ၊ မမြင်နိုင် မ ထင်မှတ် ထား နိုင်တဲ့ နေရာတွေ ကလည်း ဖြစ် ပေါ် နေ လေ့ ရှိ ပါတယ် ။ ကိုယ့် ရဲ့ ထင်မှတ် မထား တဲ့ အပြုအမူ ၊ ကိုယ့် ရဲ့ လွှတ်ခနဲ ထွက် တတ်တဲ့ အပြောအဆို က လည်း တစ်ပါးသူ အတွက် ကြီး စွာသော အနှောင့်အယှက် ဖြစ် စေ နိုင် ပါတယ် ။
ချစ်စ ခင်စ မှာ တော့
“ ဪ ဒါဟာ သူ ထင်မှတ် မထားဘဲ မှား တာပဲ ”
ဆိုပြီး ခွင့်လွှတ် နိုင်ပေမဲ့ ၊ ကြာ လာတဲ့ အခါ ထပ်ခါ ထပ်ခါ ဖြစ် လာတဲ့ အခါ ၊ ဒါဟာ အပြစ်ကြီး တစ်ခု ဖြစ် လာ တတ် ပါတယ် ။ အစိုင်အခဲ တစ်ခု ဖြစ် လာ တတ် ပါတယ် ။ ဒါဆို ကိုယ်တိုင် သတိမ ထား မိ ဘဲ ထပ်ခါ ထပ်ခါ အမှား လုပ်မိ နေသူ က ပဲ အပြစ် ရှိ တာလား ၊ မဟုတ်ပါဘူး ၊ ရယ်စရာ တစ်ခု ပြော ပြပါ့မယ် ။
“ ဒီနေ့ အတွက် အလှူဒါန အနေ နဲ့ လမ်းဘေး က ခွေး ဆယ်ကောင် ကို ဒါန ပြုခဲ့တယ် ”
“ ဪ ကောင်း လိုက်တာ သာဓု သာဓု ”
“ ဪ ဒါနဲ့ သူတို့ မြိန်ရေရှက်ရည် စားကြ လား ”
“ ဘယ်လို စားနိုင်မလဲ ”
“ ဘာလို့ ”
“ ဆယ်ကောင် မှာ ရှစ်ကောင် က လက် မဆေးဘဲ ဝင်စား လို့ ရိုက် ထုတ် လိုက်တယ် ”
“ ဒါဆို ကျန်တဲ့ နှစ်ကောင် က စား ရတာပေါ့ ”
“ အဲဒီ နှစ်ကောင် က ငါ နဲ့ မတည့် လို့ မကျွေးဘူး ”
အမှား ကျူးလွန် မှ ပြဿနာ ရှိတာ မဟုတ်ပါဘူး ။ ကိုယ့် အပေါ် စေတနာ မရှိတော့ ရင် လည်း အရာ ရာ ဟာ အပြစ် ချည်း ပါပဲ ။ မှတ် ထားပါ ။
“ မချစ်ရင် အပြစ်မြင် ” တဲ့ ။
◾အကြည်တော်
#လူပျိုအပျိုဖတ်စာ
#ကိုအောင်နိုင်ဦး
.
No comments:
Post a Comment