( ၂၇ )
၁၉၈၇ - ဇန်နဝါရီလ ထုတ် ချယ်ရီ တွင် အနုဝင်္ကပါ မရေးလိုက် နိုင်၍ စိတ် မကောင်းပါ ။ စာရေး မေးမြန်း ကြသည် ။ ဖုန်း ဆက်ကြသည် ။ ( ဘာ ရောဂါလဲ ၊ ဘာဆေး လိုသလဲ ) ဟု မေးကြ မြန်းကြ ၊ ကူညီလိုသော ဆန္ဒ ပွား ကြ သဖြင့် ကျေးဇူး တင်လှသည် ။ သာဓု - သာဓု - သာဓု ။
ဖြစ်ပုံမှာ ယခု တလော အိမ် ပေါ် နှင့် အောက် ၁၄ ပေ မျှ သာ မြင့် သော်လည်း အိမ် ပေါ် မှ ဆင်း လျှင် မောသည် ။ အောက် မှ ပြန် တက်လျှင် ပို၍ မောသည် ။
အိမ်ပေါ် တွင် ထိုထို ဤဤ သွား ၍ စားပွဲ လှန် ၊ ဗီရို ဖွင့် ဖြင့် ပစ္စည်း ရှာ ရာ ၌ တစ်နာရီ ခန့် ကြာသည် ဖြစ်စေ ၊ မော ချင် မှ မောပြီး တစ်ခါတစ်ရံ ထိုင် ရာ မှ သုံးလေးလှမ်း မျှ လျှောက်သွား ပါ လျက် မောလာပြန်သည် လည်း ရှိသည် ။ ဒီဇင်ဘာလ အတွင်း က အစား မှား ချောင်းဆိုးပြီး အမော နှင့် တိုး ကာ အတော်ကလေး ခံ လိုက်ရချေသည် ။
ယော ... ဆေး ခြောက်လုံး ထိုး နှစ် ကြိမ် ဆေးသွင်း ပြီး သောအခါ သာဓု တစ်ယောက် ဒီဇင်ဘာ လ ကုန်ခါနီး က ဈေး နှစ်ဈေး ခန့် ဆေး လျှောက် ရှာ ခဲ့သည် ။ မမောပါ ၊ နည်းကောင်း တစ် ခုရထားသည် ။ ကိုယ့် စိတ်ကူး နှင့် ကိုယ် အမှား အမှန် မသိသေး ။ ထို နည်းကား နည်းနည်း မော လျှင် သွားရည်စာ တစ်ခုခု နည်းနည်း စား ပြီး များများ မော လျှင် များများ စား ပစ် လိုက်၏ ။ အဘယ်ကြောင့် မသိ အမော သက်သာ၏ ။
ပေးပို့ကြသော စာများ အနက် ကျောက်တန်း ၊ ခရမ်း ၊ သုံးခွ ဘက် မှ အမျိုးသမီး တစ်ဦး ၏ စာ တွင် ...
( ဆရာ ဟိုတလော က ရုပ်ရှင်ကူး ကလေးတွေ ငွေ အညှစ် ခံရတဲ့ အကြောင်းတွေ ရေး လိုက် လို့ မှ ပုံနှိပ် မင် မခြောက်သေးဘူး ၊ ခု ဗွီဒီယို က တစ်စခန်း ထ လာ ပြန်ပါပေါ့လား ဆရာ ။
အတိုချုပ် ကျွန်မ ပြောချင်တာ ကတော့ ကျွန်မ မောင်လေး လေ ၊ ရန်ကုန်ပန်းဆိုးတန်း က ဗွီဒီယို သင်တန်း ဆိုလားပဲ ၊ အဲဒီကို စာရေး ဆက်သွယ် လိုက်တာ ခု သူ့ ဆီ ကို စာ ပြန် လာပါတယ် ။
ဗွီဒီယို သရုပ်ဆောင် သင်တန်း တက်ဖို့ ရယ် ၊ ပြီးတော့ ကိုယ်ကာယ အလှ လေ့ကျင့်ဖို့ ရယ် တဲ့ , အဲဒါ ငွေ ( ၃၀၀၀ ) သုံးထောင် ထည့်ဝင်ရမယ် လို့ ဆို ထားပါတယ် ။ ကျွန်မ မောင်လေး လည်း အိမ် မှာ မရမက ငွေ ပူဆာ နေပါပြီ ။
အဲဒါ ဆရာ ကျွန်မ လည်း အမျိုး မျိုး ပြောပြီး ရုပ်ရှင်အမြုတေ ထဲ ပါတဲ့ ဗီဒီယို ကလိမ်ခြုံတွေ အကြောင်း ရေးထားတဲ့ ဆောင်းပါး ကို ဖတ်ခိုင်း တော့ ... နည်းနည်း ငြိမ်နေပါပြီ ။ ဒါပေမဲ့ စိတ်မချရ သေးပါဘူး ဆရာ ၊ အဲဒါကို ကျွန်မ ဘာ လုပ်သင့်ပါ သလဲ ... )
ထွေထွေထူးထူး တော့ လုပ်စရာ မ လိုပါဘူး ၊ အောက်ပါ မေးခွန်းတွေ သာ တစ်ခုချင်း မေးပြီး တစ်ခုချင်း ဖြေခိုင်းပါ ။
၁ ။ မောင်လေး မင့် ရုပ်ရည် , မင့် အရပ်အမောင်း နဲ့ ကိုယ်လုံးကိုယ်ပေါက် ကို အကြောင်းပြုပြီး မင့် ကို စိတ်ဝင်စား နေတဲ့ ရွယ်တူ အမျိုးသမီး ဘယ်နှ ယောက် ရှိမယ် ထင်သလဲ
၂ ။ မင်း က ဗီဒီယိုမင်းသား ရုပ်ရှင်မင်းသား ဖြစ်ချင်တယ် နော် ၊ အေး ၊ မင့် ရုပ်ရည် နဲ့ ကိုယ်ဟန် အနေအထား အရပ်အမော င်းဟာ လက်ရှိ သရုပ်ဆောင် ဖြစ်နေတဲ့ ( မင်း ကိုယ်တိုင် သိပ် မကြိုက်လှတဲ့ မင်းသား နဲ့ ယှဉ် ကြည့်စမ်း ၊ ဘယ်သူ က သာမယ် ထင် သလဲ )
၃ ။ ခုလို မမမောင်လေး မင်းသား လုပ်မယ် ဆိုတဲ့ အကြောင်း မင်း ရဲ့ အပေါင်းအသင်း တွေကော ပြောပြပြီးပလား ။
( က ) အမှန်အတိုင်း ထင်မြင်ချက် ပေးပြီး တားမြစ်တာ ဘယ်နှယောက် ရှိသလဲ ။
( ခ ) ပြက်ရယ်ပြုပြီး လှောင်တဲ့ သူငယ်ချင်း ဘယ်နှယောက်လဲ ။
( ဂ ) မြှောက်ပင့်ပြီး အားပေးတာ ဘယ်နှယောက်လဲ ။
အဲဒါတွေ တွက် ကြည့်စမ်း အဲ ... အဲ အပိုဒ် ( ခ ) ကို သတိထား စဉ်းစား ။ ( မ လုပ်ပါနဲ့ သူငယ်ချင်း ရာ ) ဆိုတာ ထက် ပို လေးနက်တယ် နော် ၊ တကယ် ဝင် လုပ်တဲ့ အခါ ခုလို အလှောင် ခံရဖို့ လမ်းများ ချင် များ နေ လိမ့်မယ် ။
၄ ။ ကဲ ... ကဲ ၊ ငွေ ၃၀၀၀ ပိုက်ပြီး ရန်ကုန် ကို သွားမယ် ၊ အဲဒီ ငွေ ကို သင်တန်း မှာ အပ်လိုက်ပြီ ထား ၊ မင်း ဘယ်မှာ တည်းခို ပြီး သင်တန်း တက် မလဲ ။ ဘယ်နှလ ကြာမလဲ ၊ ထမင်း ဘယ်သူ ကျွေးမလဲ ၊ ရန်ကုန် မှာ ထမင်း တစ်နပ် ကို ငါးကျပ် နဲ့ ခုနစ်ကျပ် ကြား မှာ ရှိတယ် ။ ည မနက် စရိတ် ၊ လက်ဖက်ရည် ၊ ဆေးလိပ် ၊ သင်တန်းဆရာသမား ကို နည်းနည်းပါးပါး တိုက် ဖို့ မျက်နှာ လုပ်ဖို့ အဲဒီ ကုန်ကျ စရိတ် ။
၅ ။ နောက်ဆုံး အနေ နဲ့ မမ တို့ က ငွေ ( ၅၀၀၀ ) ငါးထောင် လောက် ပေး လိုက်ပြီ ထား ၊ သင်တန်း တက်တာ ဆင်းတာ အစစ ပြေလည်တယ် ထား ။
( က ) အေး .. တကယ်တမ်း ဇာတ်ကား တစ်ထုပ် ရိုက်ကြတော့မယ့် အဆင့် လည်း ရောက် ရော မောင်လေး က အရင်းအနှီး ငွေ တစ်သောင်း ထည့်ပါ ဆိုရင် ဘယ်လိုလဲ ။
( ခ ) မောင်လေး က ဝါသနာ ကြီး လွန်းလို့ ငွေတစ်သောင်း ရှာ ပေးလိုက် ပြီ ဆိုပါတော့ ။ အဲဒီ ငွေ ကုန်သွားပြီ ဆို ပါတော့ ၊ ဇာတ်ထုပ် က လည်း မပြီး သေး ၊ တန်းလန်းကြီး ဖြစ်နေတာမို့ ငွေ ထပ် ထည့်ပေးပါဦး ဆိုရင် ဘယ်လိုလဲ ၊ ( ဒါတွေက ... မင့် ကို တကယ် မင်းသား တင် ရိုက်တော့မယ် အခြေ ကို ပြောတာနော် )
( ဂ ) အဲဒီ အထိ မရောက်ဘဲ တကယ်လို့ ရန်ကုန် တက် ငွေသုံး ထောင်ပေး ၊ ကိုယ်ကာယ လေ့ကျင့် သရုပ်ဆောင်မှု ပညာတွေ သင် ။
( ဃ ) တစ်လ ၊ နှစ်လ ၊ သုံးလ ကြာ တော့ အစမ်း ရိုက်မယ် ဆိုပြီး ဖလင် မပါပဲ ရိုက်မယ် ။
နောက်ဆုံး ...
မင်း သရုပ်ဆောင်နိုင်မှု ပါရမီ မရှိ ဘူး ဖြစ်နိုင်မှာ မဟုတ်ဘူး ၊ ပြန် တော့ ဆိုရင် ငါ့ မောင်လေး ဘယ်လို လဲ ၊ ငွေ သုံးထောင် ဆုံးပြီ ။
တူမ ရေ ...
အဲဒီအတိုင်း ပြောပြလို့ မှ မရဘူး ဆိုရင် ။ သဘော မပေါက် ရင် သူ လုပ် ချင်ရာ လုပ်ပါစေတော့ ၊ ပိုက်ဆံ သာ တစ်ပြား မှ မပေးနဲ့ ။ ဒီ တစ်နည်းပဲ ရှိ တော့တယ် ။
••••• ••••• •••••
တစ်စောင်သော စာ မှာ ...
ဆရာဦးသာဓု ခင်ဗျား ...
ဖြစ်နိုင်လျှင် ဆရာ့ အနုဝင်္ကပါ ထဲ မှာ နှိုးဆော်ပေး ပါဦး ။ အများ လူထု သိအောင် ပေါ့ ခင်ဗျာ ။
ဖြစ်ရပ်ကတော့ ဒီလိုပါ ...
ကျွန်တော်က ရန်ကုန် နဲ့ မိုင်တစ်ရာ ကျော် ဝေးတဲ့ ရေလမ်း မြို့ တစ်မြို့ က ပါ ။ သမဝါယမ မှာ အလုပ် လုပ် ပါ တယ် ၊ အခြေအနေ အရ လူပျိုကြီး ဘဝ နဲ့ တင်းတိမ် နေရ ပါတယ် ။ မိဘ မရှိတော့ပါ ။ ကြီးတော်ကြီး လက်ပေါ် ကြီးခဲ့ရ တာ မို့ အဲဒီ ကြီးတော်ကြီး ကို ပဲ ရှာကျွေး နေ ပါ တယ် ။ ကြီးတော်ကြီး က လည်း မုဆိုးမ ၊ သမီးကလေး တစ်ယောက် သာ ထွန်းကား ပါတယ် ။
တစ်နေ့သော အခါမှာ ကျွန်တော့် တူမလေး ပေါ့ ခင်ဗျာ ၊ ၁၁ နှစ် သမီး အရွယ် ပဲ ရှိပါသေးတယ် ။ မနက် အိပ်ရာ က ထ တော့ လည်ပင်း တစ်ဖက် စောင်း နေပြီး နာတယ် နာတယ် နဲ့ ငို နေလို့ ဆေးမြီးတို အမျိုး မျိုး နဲ့ လိမ်း ၊ ရပ်ရွာဆရာ နဲ့ ကု ၊ အဲဒါ မဟန်တာ နဲ့ ရန်ကုန် ခေါ် လာပြီး ကြော်ငြာ ကောင်းတဲ့ အကြောအရိုး ကု ဆေးတိုက် မှာ ပြ ကြည့် တော့ ငွေ ၃၅၀ အရင် တောင်း ပါတယ် ။
ငွေ လည်း ပေး ပြီးရော ဆေးတွေ လိမ်းပြီး ဟိုနှိပ် သည်နှိပ် နှိပ်တာပါပဲ ။
တတ် လို့ နှိပ် တာလား ဖြန်းတာလား တော့ မသိ ။ တူမလေး မှာ နာ လွန်းလို့ မျက်ရည် ပေါက်ပေါက်ကျ ခံစား နေရ ရှာ ပါတယ် ။ နာရီ ဝက် လောက် ကြာ တော့ ဆေးရည် ၊ ဆေးမှု န့် ၊ ဆေးလုံး စတဲ့ ပုလင်း လေးလုံး ပေးပြီး ( အဲဒါ တစ်လ စာ လိမ်းဆေး သောက်ဆေး အညွှန်း အတိုင်းသုံး တစ်လ ပြည့် တဲ့ နေ့ လာ ) ဆိုပြီး ပြန်လွှတ် ပါတယ် ။
တစ်လ ပြည့်တဲ့ နေ့ အထိ ဘာ တစ်ခု မှ မထူးခြားပါဘူး ၊ လည်ပင်း သာ ပို ပြီး ရောင် လာ ပါတယ် ။ သူတို့ မှာ တဲ့ အတိုင်း အကြောအရိုးကု ဆေးခန်း ကို ပြန် လာတော့ တူမ ကို ပေး ထားတဲ့ ဆေး လက်မှတ် ပြ တော့ နာ့စ်မ လိုလို တစ်ယောက် က အခန်း ထဲ ယူ သွား တယ် ။ ပြန် ထွက် လာတော့ ...
“ ဒီ ကလေးမ ကို ကု တဲ့ ဆရာ ခရီး လွန် နေလို့ ၅ ရက် ကြာ မှ လာပါတဲ့ ”
“ ဟာ ... ကျွန်တော် တို့ က အဝေးကြီး က လာ ရတာပါ ။ တစ်မြို့ တစ်ရွာ က ဆိုတော့ ပြန်ရ လာ ရ တဲ့ ကိစ္စ မလွယ်ပါဘူး ၊ အဲဒါ ”
“ အဲဒါတော့ ... ကျွန်မလဲ ဘာမှ မတတ်နိုင်ဘူး ။ ပြန် ချင် ပြန် ။ ရန်ကုန် အသိ အိမ် မှာ ပဲ ဖြစ်ဖြစ် တည်းခို ပြီး စောင့် ပေါ့ ”
ကျွန်တော် စိတ်ညစ်သွား ပါတယ် ။
“ ဒီပြင် ဆရာ ဆရာမ တစ်ယောက် ယောက် ကော မရှိဘူးလား ၊ ကလေး က မသက်သာဘူး ၊ နည်းနည်း ကြည့်ခိုင်းစေချင် လို့ ပါ ”
“ ဒီလိုပါ ရှင့် ၊ ဒီ လူနာ ကို ကြည့်တဲ့ ကုတဲ့ ဆရာ ဆရာမ သာ ပြန်ကြည့် ကုသခွင့် ရှိပါတယ် ၊ ရောဂါ အခြေအနေ ကို ကြည့်ဖူး ကုဖူး သူ သာ သိတယ် မဟုတ်လား ”
စသဖြင့်ပေါ့ ဆရာ ... ( ခေါင်းခါ ) တဲ့ စကားတွေ သာ ပြော နေလို့ ကျွန်တော် တို့ ထ ပြန်ပြီး မြောက်ဥက္ကလာ က ဘုန်းကြီးကျောင်း မှာ သွား တည်းရ ပါတယ် ။ သွားရ လာရ ၊ အတော် ဒုက္ခ ရောက် ပါတယ် ဆရာ ။ ၅ ရက် ပြည့် လို့ ပြန်လာ ပြန် တော့ လည်း အဲဒီ ဆရာ ပြန် မရောက်သေး ဘူး လုပ်ပြန်ပါ ရော ၊ ပြန်ကြရ ပြန်ပါရော ။
ကျွန်တော် လည်း မကျေနပ်တာ နှင့် နောက် ၂ ခါ လောက် စောင်းပါးရိပ်ခြည် လာ ချောင်း တော့ အဲဒီ ကု ပေးတဲ့ ဆရာ ရှိတယ် ။ ဒါနှင့် နောက် တစ်နေ့ လာ ကြတော့ ( ပြန် မ ရောက်သေးဘူး ) ပြောတာ နှင့် ကျွန်တော် လည်း ခပ်ကြမ်းကြမ်း ပြောဆို ပြီး ပြန်ခဲ့ကြ ပါတယ် ။ ခုတော့ ငါးထပ်ကြီးဘုရားနား က တိုင်းရင်း မြန်မာဆေးကုဌာန မှာ ကု နေ ရ ပါ တယ် ။ အတော်ကလေး ဟန်ကျ နေပါပြီ ။ ငွေ လည်း အလုံးလိုက် အခဲလိုက် မကုန်ပါဘူး ။ စေတနာ အပြည့် နှင့် ကုသပေးကြပါ
တယ် ဆရာ ။
ကျွန်တော် ပြောချင်တာ က တော့ အများ ပြည်သူတွေ ကို ကြော်ငြာ နှင့် လိမ် ခေါ်ပြီး ငွေညှစ် နေကြတာ ကို အများ သိအောင် တင်ပြ ပေးဖို့ နှင့် လူနာရှင်တွေ က လည်း ကြော်ငြာ ကောင်း တိုင်း မယုံကြဖို့ စုံစုံစမ်းစမ်း ဆေးကုခံ ကြဖို့ ပါပဲ ခင်ဗျား ။
••••• ••••• •••••
နောက် တစ်စောင် တွင် လည်း
ဦးလေးရှင့်
ဦးလေး ရေး ခဲ့တဲ့ ရုပ်ရှင် ဝါသနာအိုးများ ငွေ အလိမ် ခံရသည့် နည်းတူ ကျွန်မတို့ ဗေဒင် ဝါသနာအိုး တွေ လည်း အလှည့်အပတ် ခံနေ ကြရ ပြန်ပါသည် ။
လှလှပပ နှင့် အကျအန ကြော်ငြာ လေ့ ရှိသော လက္ခဏာ ဗေဒင်ဆရာ တစ်ဦး ဆီ ကျွန်မ သွား မေးပါသည် ။
ထိုင် လိုက်သည် နှင့် မူလ ဓာတ်ပုံရှင် ( ကြော်ငြာသူ ) မဟုတ်သော လူ တစ်ယောက် က အမျိုးစုံ မေးပါတော့သည် ။
ထို့နောက် မှ သူ သည် လက္ခဏာ ဆရာကြီး မဟုတ်သေး ။ မန်နေဂျာ မျှ သာ ဖြစ်ကြောင်း လက္ခဏာ လာ မေးသူ တိုင်း ကို ဆရာ က မဟော ။ ဟောထိုက်သူ မှ ဟော ကြောင်း ပြောကာ အတွင်း ခန်း ထဲ ဝင် သွား ပါသည် ။
မကြာမီ အတွင်းခန်း မှ ချောင်းမြောင်း နားထောင် နေ ဟန် တူသော လက္ခဏာ ဆရာ ထွက် လာ ပြီး
“ အင်း ညီမ ကို တော့ ဆရာ ဟော မယ် ။ ကဲ ကဲ ဉာဏ်ပူဇော်ခ ၅၄ ကျပ် တင်ပါ ” တဲ့ ။
ကျွန်မ လဲ လာ မိ မှ တော့ မထူးဘူး ဆိုပြီး ၅၄ ကျပ် ပသ လိုက် ရပါသည် ။ အမှန် က ၁၅ ကျပ်တန် နှုတ်ဟော လောက် သာ ရည်ရွယ် လာခဲ့ခြင်း ဖြစ် သော်လည်း ကျွန်မ တို့ မြန်မာများ အားနာ တတ်သည် ကို ခုတုံး လုပ်၍ လက္ခဏာ ဆရာ က လှီး ခြင်း ဖြစ်ပါတော့သည် ။ မည်သို့ ဖြစ်ပါစေ ဦးလေး ငွေ ၅၄ ကျပ် ယူပြီး ဟောပြောချက် ၊ ပညာထက်မြက် မှန်ကန် က အကြောင်း မဟုတ်ပါ ။ ကျွန်မ သွားမေးစဉ် က ဆရာ ဆိုသူ သည် ခပ်တည်တည် နှင့် ပင် ခုနှစ် သက္ကရာဇ် မွေးလ မွေးရက် လည်း မမေး လက္ခဏာ ကို လည်း မကြည့်ဘဲ ( မဂ္ဂဇင်း နှင့် ရုပ်ရှင်စာစောင် အချို့ တွင် ပါသော ( ၇ ) ရက် သားသမီးများ အတွက် ဟောစာတမ်း ) ကဲ့သို့ ရွတ်ဆို ပြပြီး ယတြာ ချေရန် လို ကြောင်း ချေလို က ငွေ ( ၈၁ ) ကျပ် တင်ရန် ပြောသည် နှင့် ငွေ မပါသေး ကြောင်း ပြောပြီး ပြန်လာခဲ့ပါသည် ဦးလေး ။
ကျွန်မ ကဲ့သို့ မေးဖူး သူ များ ငွေ အလိမ် ခံရသူများ အတွက် အကြောင်း မထူးတော့ သော်လည်း ပဲ လက္ခဏာဗေဒင် မေးမည် တကဲကဲ ပုဂ္ဂိုလ်များ အငိုက် မမိ စေရန် ဦးလေး က တင်ပြပေးပါ ရှင့် ။
P.S ( အားလုံး မကောင်းဘူး ဟု မဆိုလိုပါ နော် ။ ဦးလေး ရေး သလို အဲ ... အဲ သတင်း အစအန ကလေးများ စုံစမ်း ပြီး မှ “ အားမနာတမ်း ဘယ်လောက်တန် ဟောပါ ” ဟု ခပ် မာမာ အစချီမှ တန်ကာ ကျ မည် ဖြစ်ကြောင်းပါ ရှင့် )
••••• ••••• •••••
ယ ခုနှစ် သင်္ကြန် လည်း နီးလာ ချေ ပြီ ၊ မည်သူတွေ တာစားမည် ကား မ သိ ၊ တစ်လ ထဲ တွင် စု၍ ရောက် လာ သော စာများ တွင် အထက်ပါ ကိစ္စ မျိုး နှင့် အဆိုအတီး တေးဂီတ ဆိုင်ရာ များ တီဗွီကိစ္စ များက ရာခိုင်နှုန်း ( ၆၀ ) မျှ ပါ နေ ချေသည် ။
သာဓု အနေ ဖြင့် ဆောင်းပါး သဖွယ် တင်ပြ ရုံ သာ တတ် နိုင်သည် ။ သာဓု တို့ မြန်မာပြည် တွင် ယခုအခါ ( ကမ္ဘာ့ အဆင့်အတန်း မီ ရေး ) ဟူသော စကား ကို မကြာခဏ တဖွဖွ ပြော နေကြသည် ။ အဘယ် ကမ္ဘာ့ အဆင့်အတန်း ကို ဆိုလို သနည်း ၊ သာဓု မြင် သလောက် ပြောရ လျှင် အနောက်နိုင်ငံများ တွင် တိုးတက် နေသော အဆင့်အတန်း ကို ရည်ရွယ် ပြော နေကြသည် သာ ဖြစ်
ချိမ့်မည် ။ သို့ ဆိုလျှင် သာဓု တို့ က မည်သည့် အစိတ်အပိုင်း တွင် အဆင့်အတန်း မီ နေကြ ပြီနည်း ။
ဤ ဆောင်းပါး ပါ အကြောင်းအရာ နှင့် ပတ်သက်သည့် အဆင့်အတန်း မီ ရေး ကို သာ သုံးသပ်ရ မည် ဆို ပါက သူတို့ ဥရောပနိုင်ငံများ တွင် လူ့အခွင့်အရေး ကာကွယ် ပေးသည့် ဌာန ၊ အဖွဲ့အစည်း များစွာ အနက် စားသုံးသူ တို့ ကို အကာအကွယ် ပေးနေသော အဖွဲ့ တစ်ဖွဲ့ တောင့်တောင့် တင်းတင်း ရှိ နေသည် ။
ဥပမာ အမေရိကန် တွင် ( ရဖ်နာဒါး ) ဆိုသူ ဦးဆောင်သော စားသုံးသူ အခွင့်အရေး ကာကွယ်ရေး အဖွဲ့ သည် အလွန် တိကျ ပြတ်သား၍ စီးပွားရေး လုပ်ငန်းရှင် တိုင်း အလေးထား လေးစား ရသော အဖွဲ့ ဖြစ် ချေသည် ။
ထို အဖွဲ့ သည် လေယာဉ်ပျံ စီး ခရီးသည် သက်သာချောင်ချိရေး မှ ကလေး ပေါင်ဒါ အထိ လူထု ကို လိမ်ညာ ကြော်ငြာ ရောင်း ချ၍ မရ ။ မလိမ့်တပတ် ကြော်ငြာသည် နှင့် ထို စီးပွားရေး လုပ်ငန်းရှင် ကို ရုံးတင် တရား စွဲ လေ တော့သည် ။ တရားရုံးများ က လည်း ( ဆိုကြပါစို့ ) ဝဲ ယားနာ ပျောက် ဆပ်ပြာ ကြော်ငြာ နှင့် ( ၁ ) လ အတွင်း ပျောက်စေရမည် ဟု အာမခံ သည် ။ သို့သော် ( ၂ ) လ ( ၃ ) လ ကြာသော် လည်း မပျောက်ခဲ့ သော် ရုံးတက် တရားစွဲ ကြသည် ။
ရုံးတော် က မမှန်မကန် လိမ်လည် ကြော်ငြာမှု ဖြင့် ဆပ်ပြာဖိုး သာ မက စိတ်နှလုံး ညှိုးနွမ်းရ
သည့် လျော်ကြေး အပြင် တရား စရိတ် ပါ လျော်ကြ ရ ချေသည် ။ ( မြတ်စွာဘုရား ) သူတို့ တရားစရိတ် ကား အနည်ဆုံး သိန်း ဂဏန်း ။
လွန်ခဲ့သော ( ၃ ၊ ၄ ) နှစ် က သတင်းစာများ တွင် သတိထား မိ သူများ မှတ်မိပါ ချိမ့်မည် ။
နိုင်ငံကျော် အဲ ကမ္ဘာကျော်ကြီး ( လက်တိုဂျင် ) နို့မှုန့် ဟာ မွေးကင်းစ ကလေးများ နှင့် မသင့်တော် တော့သ ည့် အတွက် ဆက်လက် ရောင်းချခြင်း မှ တားမြ စ်ပေးရန် ရုံး တွင် လည်း တရားစွဲ ၊ ဆန္ဒပြ ၍ လည်း သပိတ် ထား ခဲ့ သောကြောင့် ထုတ်လုပ်သည့် ကုမ္ပဏီ က လိုက်လျောခဲ့ရ ချေသည် ။
ယခုအခါ ထို နို့မှုန့် ( လက်တိုဂျင် ) ကို တတိယနိုင်ငံ ခေါ် အာဖရိက ၊ အိန္ဒိယ ၊ မြန်မာ ၊ ဘင်္ဂလားဒေ့ရှ် စသည့် နိုင်ငံများ သို့ လှည့်ပို့ ရောင်းချ နေ သဖြင့် ပြဿနာ ထပ် တက် နေပြန်ချေသည် ။
သာဓု တို့ ငယ်စဉ် က အမဲသား သွား ဝယ်ရာ တွင် အလေး မပြည့် က ရဲဌာန သွား တိုင် လျှင် ရဲ က စံချိန်မီ အလေး နှင့် လိုက် လာပြီး ပြန် ချိန်သည် ။ လျော့ နေက ထပ်ဖြည့် ခိုင်းသည် ။ တစ်ကြိမ် က နှစ်ကြိမ် အလေး ခိုး လျှင် အဖမ်း ခံရသည် ။ အထည်လိမ် ရောင်းလျှင် ရဲ ကို တိုင် တန်ရာတန်ဖိုး ပြန် ရသည် ။
ယခု လည်း ဤ ဆောင်းပါး ပါ အကြောင်းအချက်များ နှင့် စပ်လျဉ်း သော အလိမ် ခံရချက်များ အတွက် သက်ဆိုင်ရာ မြို့နယ်ကောင်စီ တွင် တိုင်တမ်း အကူအညီ တောင်း ကြည့် ပါ ။ မုချမသွေ ကူညီကြပါချိမ့်မည် ။
◾ သာဓု
📖 ချယ်ရီ မဂ္ဂဇင်း
ဖေဖော်ဝါရီ ၊ ၁၉၈၇
📖 အနုဝင်္ကပါ
#ကိုအောင်နိုင်ဦး
.
No comments:
Post a Comment