( ၂၄ )
သူတစ်ထူး ၏ ( ကျော်ကြားပြီး ဖြစ် သော အမည်များ ) ကို တု၍ လည်းကောင်း ၊ လုံးလုံးလျား လျား ယူ၍ လည်းကောင်း ၊ တစ်စိတ်တစ်ဒေသ ဆွဲကာ အခြား စာလုံး စကားလုံးများ ဖြင့် ညှပ်၍ မှည့်ခေါ်ခြင်းများ သည် မလုပ်သင့် မလုပ်ထိုက် သော အပြုအမူများ အဖြစ် သာ သာဓု တင်ပြခဲ့ရာ၌ ...
ပြဿနာကလေးများ ညံညံစီ လာ ချေသည် ။
သာဓု ရေး သကဲ့သို့ ထိုမှ ဤမှ မည်ရ အမည်များ ကို ပုံတူ ယူထား သူ ဖြစ်လျှင် အမည် ပြန် ပြောင်းရမည် လော ။
ရှည်ရှည်လျားလျား ရှုပ်ရှုပ်ထွေး ထွေး အမည်များ ကို ပြန် ပြင် ရမည် လော ။
အမေ မွေး ကတည်း က ပေးထားသော အမည် ဖြစ်ပါ လျက် ( သူ - ကလေး ဘဝ လောက် တွင် ) တစ်ဦး တစ်ယောက် က ထို အမည် ဖြင့် စာရေးဆရာ လုပ် နေ လျှင် ဇာတာ အမည် ကို ပယ်ဖျက် ပစ်ရ တော့မည် လော ...
စသည် ဖြင့် စသည် ဖြင့် မေးခွန်း များ တသီတတန်း ဖြင့် လှမ်း မေးကြ လေ ကုန်၏ ။
ရှင်းပါသည် ၊ သာဓု ရေးချင်သည် တို့ မှာ တမလွန် ဘဝ က မှည့်ခဲ့သော အမည် ပင် ဖြစ်စေ ယခု ဘဝ ၌ တစ်ယောက် ယောက် သော အနုပညာရှင် က ထို အမည် ကို ဦး နေ လျှင် မိမိ က အခြား အမည် ပြောင်းရန် သာ ဖြစ်ချေ၏ ။ ဤသည် မှာ လည်း စာ ဖြင့် ရေးဆွဲ ထား အပ်သော ဥပဒေ မဟုတ် စေ ကာ မူ တိတိကျကျ လိုက်နာ အပ်သော အနုပညာ စည်းကမ်း ဖြစ် ချေသည် ။
အကယ်တိ မိမိ က ( ထိပ်ထား ) အမည် ဖြင့် သီချင်း ဆို နေသည် ။ အောင်လည်း အောင်မြင်
နေသည် ၊ ဆိုပါစို့ ။ ဤတွင် အခြား တစ်ဦး က ဖြတ်လမ်း လိုက်၍ ( တက္ကသိုလ်ထိပ်ထား ) လုပ်ပြီး အဆိုတော် ဝင် လုပ် လျှင် မည်သို့ ခံစားရ မည်နည်း ။ ထို သဘော သာ လျှင် သာဓု ၏ ဆိုလိုရင်း ဖြစ်ချေသည် ။ ပွင့်လင်းစွာ ပြော ရသော် မိမိ က နောက်ကျ လျှင် နောက်ဆုတ် ပေး ရန် သာ ရှိသည် ။
မည်သည့် အနုပညာပိုင်း ၌ ပင်ဖြစ် စေ နာမည် သည် အဓိက မဟုတ် ၊ တိုတိုရှင်းရှင်း နှင့် မှတ်မိလွယ် သော အမည် တပ် လိုက် လျှင် ပြီးသည် ။
အဆိုကျော် ဖြစ်လို မူ အသံ ကောင်း ၍ အဆို ပိုင် ရေး သာ အဓိက ။ ရုပ်ရှင် ၊ သဘင် ၊ အငြိမ့် စသည် တို့ တွင် ကပြ သရုပ်ဆောင်မှု အကွက် စေ့ရန် သဘာဝ ကျရန် သာ အဓိက ။
အလွန့်အလွန် လှပသော အမည်ကလေး မှည့်၍ သေမတတ် အော်ဟစ် သီဆို နေစေ ကာမူ အသံ မကောင်း ၊ အဆို မတတ် ၊ စည်းဝါး ပါ မဟပ်မိ လျှင် အလိုအလျောက် မြုပ် သွားချေမည် ။
လက်တွေ့တစ်ရပ် ( ချပ် ) ခနဲ ချပြ လိုသည် မှာ ...
“ ဆိုးပေ မောင်မဲ ”
အဘယ်မှာ လှပပါ သနည်း ။ အသို့ လျှင် ချစ်စရာ ကောင်းပါသနည်း ။
ကျော်ဟိန်း ၊ ညွန့်ဝင်း ၊ သုမောင် ၊ ထွန်းထွန်းဝင်း စသူ တို့ ကြား တွင် ဘွားခနဲ ပေါ် လာသော ဆိုးပေ မောင်မဲ ။ ဆိုးပေ ဟူသည် ကလေးဆိုး လူပေလူတေ အမည် ၊ မောင်မဲ သည် တောသား ၊ နွားကျောင်းသား အမည် ။
သူတို့ နှစ်ယောက် တစ်ချိန် က ( ဟစ်တ် ) ဖြစ်ပြီး ခေတ် ထ လိုက်သေး သည် ။ ဆိုးပေ မောင်မဲ မှ ဆိုးပေ မောင်မဲ ဖြစ်ကာ သူတို့ ရုပ်ရှင်ကား များ ကြိတ်ကြိတ်တိုး စည်ကား ခဲ့ သည် ။ နာမည်ကလေး လှမှ ပမှ ပရိသတ် ကြိုက်ကြသည် ထင်သူများ က ဆိုးပေ မောင်မဲ တို့ ရုပ်ရှင် လူဝင်များ ခဲ့သည် ကို မည်သို့ သဘောရ သနည်း ။
စင်စစ် အမည် နှင့် မဆိုင် ။ သူတို့ ၏ ကြိုးစားမှု ၊ သရုပ်ဆောင်မှု အရည်အသွေး က စကား ပြော လာ ခြင်း ဖြစ်လျက် ထို အရည်အချင်းများ ထိုနေရာ တွင် ကျန် နေလျှင် သို့မဟုတ် ပုံစံ ထပ်နေ ခဲ့ လျှင် အခြေအနေ လည်း ပြောင်းလဲ သွား စရာ ရှိနေသည် ။ ( သတိဟေ့ )
နာမည် ရှုပ်ရှုပ် နှင့် ရှည်ရှည် မှည့် ထား သူများ ကို ကား ထွေထွေထူးထူး သာဓု မပြောလို ။ ( ဇာဖြူပွင့်ဝင်း ) ဟူ၍ လည်းကောင်း ၊ ( မောင်မြတ်ဇော်မျိုးထွန်း ) ဟူ၍ လည်းကောင်း ကိုယ်
ကြိုက် သလို ကိုယ့် ဘာသာ မှည့် ပိုင် ခွင့် ရှိသည် ။ တစ်ခု စဉ်းစားရန် ကား ထို အမည် ကြောင့် မိမိ တွင် ဘာတွေ ထူးခြား သွား သနည်း ။ ပို၍ လှလာ သလော ။ လူ အထင်ကြီး လာ သလော ။
သို့မဟုတ်
ခရီး သွား ရင်း တစ်ဦး တစ်ယောက် နှင့် မိတ်ဆွေ ဖြစ်သွားကြသည် ထား ။ သူ က အမည် မေး သဖြင့် ပြောပြလိုက် သည် ထား ...
“ လွန်ခဲ့တဲ့ ၄ လ လောက် က ဗျာ ။ ခင်ဗျား ကို မီးရထား အတက် မှာ လှမ်း မြင် လိုက်လို့ ခေါ်မယ် လုပ် တော့ ခင်ဗျား နာမည် ရုတ်တရက် စဉ်းစား မရတာနဲ့ ”
ဤလို အဖြစ်မျိုး ကြုံရမည် မစိုးရိမ်သင့်ပါ သလော ။ ဤမျှ သာမန်ကာ လျှံကာ လောက် ဆိုလျှင် တော် သေး၏ ။ မတွေ့လိုက် စကားမပြော လိုက်ရရုံ သာ ရှိချေမည် ။
သာဓု တစ်ခု ပြော ချင်သည် ။
သာဓု ကိုယ်တိုင် တစ်ကြိမ် သော အခါက ရုပ်မြင်သံကြား ကြည့် စဉ် မိန်းကလေး တစ်ယောက် သီချင်း ဆိုသည် ကို ဂရုစိုက် မိသည် ။ အကြောင်း မှာ အသံ ရော ၊ လေယူလေသိမ်း ပါ အလွန် ကောင်း သောကြောင့် နောက်သို့ လှည့်ကြည့် ပြီး သုမောင် အား ...
“ ဟေ့ သား ၊ ဒီ ကလေးမလေး ရှေ့ လျှောက် တက်လိမ့်မယ်ကွ ။ သူ့ အသံ ကို သတိထား နားထောင်စမ်း ။ မဧမိ နဲ့ ဒေါ်ကြည်အောင် ပေါင်းစပ်ထား တဲ့ အသံမျိုးကွ ”
သို့ ဖွင့်ဟ ချီးကျူးခဲ့ ဖူးသည် ။
နောက်များ မကြာမီ ဗိုလ်ကလေးတင့်အောင် ၊ မောင်ကိုကို တို့ နှင့် စကား စပ်မိရာ မှ ထို မိန်းကလေး အဆို ကောင်းပုံ အသံ နိမ့်မြင့် ပြေပြစ် ပုံ ကို ပြော ပြရာ ဂီတလုလင် မောင်ကိုကို က ...
“ အဲဒါ ဘယ်သူလဲ ဆရာ ”
“ အေး သူ့ နာမည် က ရှည်ပြီး အခေါ်ရ ခက်လို့ မမှတ်မိတော့ဘူး ။ မေ့နေပြီ ”
ထိုမျှသာ ဖြေလိုက်နိုင် သဖြင့် ယင်း ကလေးမလေး တွင် ထို နာမည် ကြောင့် နစ်နာ သွားသည် မဟုတ်ပါ လော ...
မှတ်မိသလောက် သူ သည် တစ်ပုဒ်စ နှစ်ပုဒ်စ သာ ဆိုရ သေး သဖြင့် အမည် ပြောင်း လိုက်လျှင် ကောင်း မည် ။ အခေါ် ရ လွယ် မှတ်မိ လွယ် သော အမည်ရှင် တွင် ချီးမွမ်း လို က “ ဒက် ” ခနဲ အချီးကျူး ခံရ ချိမ့်မည် ။
လွန်ခဲ့သော အနှစ် ၂၀ ကျော် က ရေဒီယို သီချင်း တစ်ပုဒ် ဆိုသံ ကို နှစ်သက် မိ သဖြင့် ...
“ ဒါ ဘယ်သူလဲဟေ့ ”
“ တွံတေးသိန်းတန် ပါ ဆရာ ”
“ သြ ... ဩ ”
တစ်ကြိမ်တည်း ဖြင့် သာဓု မှတ်မိလိုက်ပြီး ...
“ ဒီကောင်လေး တက် လိမ့်မယ် ။ အသံ အတော် အောင် တဲ့ ကောင် ”
ထို့နောက် မကြာမီ မင်းသား ဖြစ်၍ လာ တော့သည် ။
“ ဟေ့ ... ဒီသီချင်း ဆိုတာ ဘယ်သူလဲ ”
“ ရီရီသန့် လေ ဗျာ ”
သုမောင် က ဖြေသည် ။ သူ့ အနေဖြင့် ဟုတ်တိပတ်တိ ဆိုခွင့် မရသေး သော အခါ သမယ ။
“ အေး ၊ ဒီကောင်မလေး မဆိုးဘူး ကွ ၊ မာမာအေး ကို အမီ လိုက်လိမ့်မယ် ”
သို့လျှင် သာဓု ဂုဏ်ပြု စကား ပြော ခဲ့ဖူးပြီး ရီရီသန့် အမည် ကို လည်း ချက်ချင်း ဆိုသလို မှတ်မိလိုက်သည် ။ သူ့ နာမည် ကို ထုတ်ဖော် ပြောဆို ချီးကျူး နိုင်ခဲ့သည် ။
ဤတွင် ဆိုးပေ ၊ မောင်မဲ နှင့် ရော ပြီး ရှုပ်ရှုပ်ထွေးထွေး မတွေးကြစေ ချင် ။ နာမည် သည် အဓိကမဟုတ် ။ အသံ သာ ပဓာန ဆိုသည် မှာ သူ့ အကြောင်းအရာ နှင့် သူ ဖြစ်လျက် နာမည် အခေါ်ရ ခက် ၍ ထိုက် သလောက် အချီးမွမ်း မခံရသည် မှာ တစ်ကဏ္ဍ ဖြစ်သည် ကို သတိ မလစ်စေချင် ။
ရေး ရင်း က ပင် ခေါင်း ထဲ သို့ အကြောင်း တစ်ရပ် ဝင်လာ ပြန်သည် ။
“ တွံတေးသိန်းတန် ”
သူ့ အမည် တွင် အဘယ်ကြောင့် ‘ တွံတေး ’ ကို ရှေ့ က တင် ၍ မှည့် သနည်း ။ ရှင်းသည် မှာ သူ သည် တွံတေး မှ ဖြစ်သော ကြောင့် ( ဝါ ) တွံတေးသား ဖြစ်သောကြောင့် သာ ဖြစ်ချိမ့်မည် ။
စင်စစ် ထိုစဉ်က ရေဒီယို အဆိုကျော် တို့ တွင် ( သိန်းတန် ) ဟူ၍ မရှိ သေး လျှင် သိန်းတန် ဟူ၍ ပင် မှည့်သင့်သည် ။ တွံတေး ထည့် ရန် မလို ဟု ထင်၏ ။ သို့ပါလျက် အဘယ်ကြောင့် ‘ တွံတေး ’ ကို ထိပ်တွင် တပ်ရသနည်း ။ အဖြေ မှာ ...
သာမန် အား ဖြင့် ( သိန်းတန် ) ဟူ၍ သာ အမည် ဖော် ခဲ့လျှင် တွံတေး မှ ( သူ ) သိန်းတန် ဖြစ်ကြောင်း တွံတေးသူ တွံတေးသားများ ဇဝေဇဝါ ဖြစ် မည် စိုး၍ ( ဝါ ) တွံတေး မှ ( သူ ) မှန်း မသိကြမည် စိုး၍ ( တွံတေး ) ကို ထိပ် တွင် တင် ထားခြင်း သာ ဖြစ်ချိမ့်မည် ။
တွံတေးမြို့သူ မြို့သားများ သိရုံ မျှ လောက် အတွက် “ တွံတေး ” ကို သုံး ထားသည် မှာ မသင့်လျော် လှချေ ။ တစ်နေ့ မဟုတ် တစ်နေ့ ကျော်ကြားသည် နှင့် အမျှ တွံတေး မှ သိကြမည် သာ ဖြစ်လေရာ “ သိန်းတန် ” အမည် ဖြင့် သာ သီဆို ခဲ့သော် ထို နာမည် သည် ရှင်းလည်း ရှင်း ခေါ် ၍ လည်း ကောင်းပေမည် ။
အကယ်၍ သာ အခြားသော သိန်းတန် တစ်ယောက် ပေါ်လာမည် ။ အဆို လည်း ကောင်းမည် ။ သူ က လည်း တောနယ် တစ်နယ် ၊ ရွာကြီး တစ်ရွာ မှ အဆိုတော် ဖြစ်လျှင် ( ဝါးပလောက်သောက်သိန်းတန် ) ဟု အမည် မှည့် ချေ က အလိုလေး ...
စာရေးဆရာများ တွင် လည်း ရှိ ကြသေးသည် ။ မိမိတို့ နေထိုင်ရာ ဇာတိမြို့အမည်များ ကို ရှေ့မှ သော် လည်းကောင်း ၊ နောက်မှ သော် လည်းကောင်း ၊ ဖြည့် တပ်ပြီး ကလောင် အမည် ပေး တတ်ကြသည် ။ အချို့ က လည်း မိမိတို့ အလုပ်ဌာန အမည်များ ဖြင့် ယှဉ် ၍ ကလောင် အမည် တွင် ကြသည် ။
ရှိပြီး ရှိဆဲများ ကို သာဓု ဘာ တစ်ခု မျှ မပြောလို ၊ နောင်လာ နောက်သား ကလောင်သစ်များ ကို ကား သတိပေး လို ချေသည် ။
အကြင်သူ သည် မကွေးသား ဖြစ် အံ့ ။ ရွှေကွေးမြင့်သူ ဟူ၍ လည်းကောင်း ၊ မြင့်သူ ( မကွေး ) ဟူ၍ လည်းကောင်း မလုပ်ကြ စေချင် ။ မိမိ အမည် ( မြင့်သူ ) ဖြစ် လျှင် မြင့်သူ ဟု ပင် ထားစေချင်သည် ။ မိမိ အရည်အချင်း အလျောက် မကွေး တစ်မြို့လုံး က မြှောက်စား ကြမည် သာ ဖြစ်၏ ။ တစ်နိုင်ငံလုံး က လည်း အားပေးကြမည် မှာ လည်း သေချာသည် ။
ဥရောပနိုင်ငံ အသီးသီး တွင် မြန်မာပြည် ထက် စာရေးဆရာ အဆ တစ်ရာ မက များ ပြား လှ သော်လည်း ကလောင် အမည် ထပ် ရန် မဆိုထား ၊ ဆင်တူရိုးမှား ပင် မတွေ့မိစဖူးချေ ။ မိမိ အမည်ရင်း ဖြင့် စာရေးသူ က ရေး၍ အမည်ချင်း ဆင် တူ နေပါ က အခြား ကလောင်အမည် တစ်ခု ရွေးလိုက် ကြသည် ။
သို့သော် သာဓုတို့ မြန်မာ စာရေးဆရာများ ကဲ့သို့ မိမိ တို့ မြို့ အမည် ၊ ဌာန အမည် တပ် ကာ ...
လန်ဒန် ဘားနပ်ရှော ၊ လီဗာပူဂျွန်ဖိုဒ့် ၊ ဒပ်ဗလင်နောရစ် စသည် ဖြင့် မှည့်ခေါ် ရိုး မရှိ ။
အမေရိကန် တွင် လည်း နယူးယောက်အော်ဝဲလ် ဟူ၍ လည်းကောင်း ၊ စန်ဖရန်စ္စကို ထရူးမင်း ကပိုးတီး ဟူသည် လည်း မ ရှိ ။ မေရီပါးလ်မား ( ချီကာဂို ) ဟူသည် ကား ဝေ လာ ဝေး ။
သာဓု တို့ မြန်မာ့ အနုပညာရှင် တို့ သာ ထူးခြားလှစွာ သော ကလောင် အမည် များ ထွင် နေကြ သည် ။
ရှိချေသေး၏ ။ မည်သူ ဟူ၍ မသိ သောကြောင့် အမည် ဖော် ရေး လည်း မည်သူ နာ မည် ရ မှန်း သိမည် မဟုတ် သောကြောင့် ...
“ ပုလိပ်အရာရှိ တစ်ဦး ”
ဤ ကလောင် အမည် ဖြင့် စာရေး သူ တစ်ဦး ပေါ်လာ ဖူးသည် ။ အဘယ် ရည်ရွယ်ချက် ဟူ၍ မသိ ။
လွတ်လပ်ရေး ရပြီး ခေတ် ရောက် သော် လာချေသေး၏ ။
“ ရဲအရာရှိဟောင်း တစ်ဦး ”
အတော်ကလေး ခွကျ လှသည် ။ အလွန် စာ ရေး ကောင်းသော ကလောင်ရှင် ဖြစ်လာသည့် တိုင် ဘယ် ရဲအရာရှိဟောင်း ကို ချီးကျူးရမည် မသိ ဖြစ်ရ ချေသည် ။
တစ်ကြိမ် က ပြည်ထောင်စုပွဲ တွင် သာဓု တို့ ပဒေသာကပွဲ ကပြ ရာ ၌ တစ်ည သော် လူ ခန့်ခန့် တစ်ဦး ရောက် လာပြီး သာဓု ထံ မေတ္တာ ရပ်ခံသည် ။ သူ့ အိမ် မှ မိသားစု ပြဇာတ် ကြည့် လို ၍ ဟု ဆို ကာ ပြဇာတ် လက်မှတ် ဝယ် ပေးရန် အဆို ပြု သည် ။
“ ကျွန်တော် ရဲအရာရှိဟောင်း တစ်ဦး ဆိုတဲ့ စာရေးဆရာ ပါ ”
အမှန်အားဖြင့် သာဓု သူ့ ကို မသိ ။ သို့သော် လက်မှတ် ဝယ် ပေး လိုက်၏ ။
နောက် ၅ ရက် ခန့် ကြာ သော် ရောက်လာ ပြန် ချေ၏ ။ စာရေးဆရာ ရဲအရာရှိဟောင်း တစ်ဦး
ဆိုသူ ၊ သာဓု ခေါင်းရှုပ် သွား၏ ။ ယခင် ရဲ အရာရှိဟောင်း နှင့် ယခု လူ မည်သူ အတု ဖြစ်နေသည် ကား မသိ ။
သူ က လည်း လက်မှတ် ဝယ် မရ၍ ကူညီပါ ဟု ဆိုသည် ။
မခက်ပါ သလော ။ ရဲအရာရှိဟောင်း တစ်ဦး ၊ စစ်မှုထမ်းဟောင်း တစ်ဦး ၊ အယ်ဒီတာ အဖွဲ့ဝင် တစ်ဦး စသည့် ဆရာတို့ ပြတ်ပြတ်သားသား နာမည် ထား ကြလျှင် ကောင်းမည် ထင်၏ ။ သို့မဟုတ် သူ လည်း ( ဟောင်း ) နိုင် ၊ ငါ လည်း ( ဟောင်း ) နိုင် သော အမည် ကို အဘယ်ကြောင့် တန်ဖိုးထား ရွေးချယ်ရသည် ကို ရှင်းရှင်းကလေး တင်ပြထားသည့် ဆောင်းပါး တစ်ပုဒ် လောက် ဤ ချယ်ရီ မှ တစ်ဆင့် စာရှုသူ ပရိသတ် သို့ တင်ပြမည် ဆိုပါ က သာဓု တို့ လည်း ဗဟုသုတ ရဖွယ်ရာ ရှိပါချေမည် ဟု လို .. ။
( ၁၀ - ၉ - ၈၆ )
◾သာဓု
📖 ချယ်ရီ မဂ္ဂဇင်း
အောက်တိုဘာ ၊ ၁၉၈၆
📖 အနုဝင်္ကပါ
#ကိုအောင်နိုင်ဦး
.
No comments:
Post a Comment