ရှေ့နေကောင်း နှင့် သက်သေကောင်း

 

❝ ရှေ့နေ ကောင်း နှင့် သက်သေ ကောင်း ❞

ကျွန်တော် သည် စာပေ ဝေဖန်ရေးသမား မဟုတ်ပါ ။ စာပေပညာ ရှင်လည်း မဟုတ်ပါ ။ ဝတ္ထုရေးဆရာ လည်း မဟုတ်ပါ ။ ဝတ္ထု ဖတ်ခြင်း ၌ ပျော်မွေ့သော သူ တစ်ယောက် မျှ သာ ဖြစ်ပါသည် ။ ဝတ္ထု ဖတ်သူ တို့ ၏ ထင်မြင်ချက် ၊ တုံ့ပြန်ချက် သည် ဝတ္ထုရေးသူများ အဖို့ အလဟဿ မဖြစ် နိုင် ဟူသော ယုံကြည်ချက် ဖြင့် တင်ပြသော ဆောင်းပါး သာ ဖြစ်ကြောင်း ကြိုတင် ဝန်ခံလိုပါသည် ။

◾သိန်းဖေမြင့်

အခြား စာပေများ ကို အပ ထား၍ ဝတ္ထုတို အရာ တွင် ကား ၊ မြန်မာ့ စာပေသမိုင်း တွင် ကြီးစွာသော ကဏ္ဍ ကို ယူမည့် စာရေးဆရာ ဟု ဆိုသင့် ပါပေသည် ။ သူ ကိုင်တွယ် ဖန်တီး လိုက်သမျှ သော ဇာတ်လမ်း ဇာတ် ကောင် တို့ သည် စာဖတ်သူ တို့ ၏ စိတ် ၌ ထင်းထင်းကြီး စွဲငြိ ကျန်ရစ်လေ့ ရှိပါသည် ။

သိန်းဖေမြင့် ကွယ်လွန် လျှင် လည်း ငွေစိန် တို့ ၊ ထွန်းခင် တို့ ၊ ခမည်းတော် မောင်ရွှေရ  တို့ သည် အသက် ရှင် လျက် ကျန်နေရစ်ခဲ့ပါ လိမ့်ဦးမည် ။ ငွေစိန် ၊ ထွန်းခင် ၊ ခမည်းတော် မောင်ရွှေရ တို့ က လည်း သူတို့ ၏ အမည် နှင့် အတူ သိန်းဖေမြင့် ဟူသော အမည် ကို ကျန်ရစ်ခဲ့ အောင် စွမ်းဆောင် နိုင်ကြဦးမည် မှာ မုချ ဖြစ်ပါသည် ။

အချုပ် ကို ဆိုရသော် သိန်းဖေမြင့် သည် ပါရမီ ချွန်သော စာရေးဆရာ ဖြစ်သည် ဟု ပြောလိုက် ချင်ပါသည် ။

◾သော်တာဆွေ

ဘရန်ဒီ တစ်ပုလင်း ဝတ္ထု ဖြင့် စာပေလောက သို့ ဝင် လာခဲ့သော သော်တာဆွေ သည် လည်း ပါရမီရှင် တစ်ဦး ပင် ဖြစ်ပါပေသည် ။ သူ ၏ ဇာတ်ကောင်များ ဖြစ်ကြသော အေးဆွေ ၊ ပေါ်အူး ၊ ပတ္တမြား ဝင်းထိန် တို့ နှင့် အတူ မိရွှေနီ စသော ဘဝထိုထို ဇာတ်ကောင်များ သည် မြန်မာ စာပေလောက တွင် တဖွဖွ ပြော နေရစ်ရမည့် ဇာတ်ကောင်များ ဖြစ်လာပါ လေပြီ ။

သိန်းဖေမြင့် နှင့် သော်တာဆွေ တို့ ရေးသော ပစ္စည်းမဲ့ တော်လှန်ရေး ဝတ္ထုတို များ ကို ယှဉ်၍ ဖတ် ကြည့် မိပါသည် ။ ခံစား ရသော ဝေဒနာ ကို ပြန်လည် သုံးသပ် မိပါသည် ။

သိန်းဖေမြင့် ၏ “ ရေနံ ” ၊ “ ငွေစိန် လှေလှော်ရင်း တက်ကျိုး ခြင်း ” ၊ “ တတိယတန်း မှာ တစ်နေရာ ” စသော ဝတ္ထုများ ကို ဖတ်ပြီး ပထမ ပေါ် လာသော အတွေး မှာ သိန်းဖေမြင့် ၏ ကျွမ်းကျင်မှု ကို ချီးကျူး မိသော အတွေး ပင် ဖြစ်ပါသည် ။ နောက်မှ အရင်းရှင်စနစ် ၏ ဆိုးဝါးပုံ ၊ ပစ္စည်းမဲ့ တို့ ၏ ဘဝ နိမ့်ကျပုံ ကို ဆင်ခြင် မိပါသည် ။ အထူးသဖြင့် သိန်းဖေမြင့် ၏ စာ ရေး ကောင်းပုံ ကို ချီးကျူးခြင်း ၌ နစ်မျော နေ လေ့ ရှိပါသည် ။

သော်တာဆွေ ၏ “ ဘာသာ နှင့် အရင်းရှင်စနစ် ” ၊ “ ကြွေးမြေ ” ၊ “ ဖြေပါနိုင် ” စသော ဝတ္ထုများ ကို ဖတ်ပြီးသော အခါတွင် မှု သော်တာဆွေ ကို လည်း သတိ မရ ၊ စာ ရေး မှု အတတ်ပညာ ကို လည်း မတွေးမိ ၊ အရင်းရှင် နှင့် ပစ္စည်းမဲ့ ဘဝ ကို သာ ထပ်ဖန် တလဲလဲ တွေး ၍ နှလုံးပင်ပန်း ကျန်ခဲ့လေ့ ရှိပါသည် ။

“ ဘာသာ နှင့် အရင်းရှင်စနစ် ” ဝတ္ထု တွင် ချစ်တီး တို့ ၏ ပရိယာယ် ကြောင့် မြန်မာ့ လယ်ယာများ ဆုံးပါးရပုံ ၊ တောသူတောင်သား တို့ ကြွေး တင် ကျွန် ဖြစ် နစ်မွန်း ရပုံ ကို အကွက် စေ့ အောင် ဖော်ပြ ထားပါသည် ။ “ ဖြေပါနိုင် ” ဝတ္ထု တွင် ကား ပြည်တွင်း စစ် ကြောင့် တောရွာ မှ မြို့ သို့ ပြေး လာရသည့် လူ တစ်ယောက် ကို တရုတ်ဟိုတယ် ပိုင်ရှင် စသော လူလိမ် လူညာ တို့ က လှည့်ပတ် စေခိုင်း ပုံ ၊ ကန်ထရိုက် က ညစ်ပတ် ၍ လုပ်အား ခိုးယူ ပုံ တို့ ကို စာနာ ထောက်ထားသော ကရုဏာ နှင့် သရုပ်ဖော် ထားပါ သည် ။

စာ ဖတ်ပြီး နောက် သတိ ထားပြီး ဆင်ခြင် လိုက်သော အခါ သိန်းဖေမြင့် ၏ ဝတ္ထု အဆို ထက် ၊ သော်တာဆွေ ဝတ္ထု အဆို ကို ပို၍ အလွယ်တကူ လက်ခံ နေ မိကြောင်း တွေ့ ရပါသည် ။ အဘယ်ကြောင့် နည်း ဟု မိမိ ကိုယ် ကို စစ်ဆေး တွေ့ ရှိချက် ကို တင်ပြ လိုပါသည် ။

သိန်းဖေမြင့် “ ကျွန်တော် လည်း စာ ရေး လေ သမျှ ဒီလိုပဲ ဝါဒ ဖြန့် နေတာပဲ ၊ ဝါဒ မဖြန့်ဘဲ စာပေ သက်သက် ကျွန်တော် ဘယ်တော့ မှ မရေးဘူး ” ဟုလည်း ကြွေးကြော် ခဲ့ ဖူးသည် ။ ဝါဒ မရှိ ၊ သဘော တရား မရှိ ဟု ကြေညာ၍ စာပေ သည် စာပေ သက်သက် ဖြစ်ရ မည် ။ ဝါဒ မရှိရ ၊ ဝါဒ မဖြန့်ရ ဆိုသူ သည် လိမ်လည် လှည့်ဖြားသူ သာ ဖြစ်ပေသည် ” ဟု လည်း ဘက်မလိုက်ဝါဒ စာရေးဆရာများ ကို တိုက်ခိုက် ထိုးနှက် ခဲ့ပါသည် ။

ပစ္စည်းမဲ့ တို့ ၏ ဘဝ ကို ထောက်ထား စာနာသော စေတနာ ဖြင့် ရေး စေကာ မူ လည်း တော်လှန်ပြောင်းလဲမှု ကို ညွှန်းပြသော လှုံ့ဆော်ချက် မပါလျှင် တန်ဖိုး မမြင့်လှသေး ဟု ယူဆသည် ။ ထိုကြောင့် “ ပြည်သူ့ သရုပ်ပြ စာပေပြုစုသူ တို့ သည် လောက ကို သရုပ်ဖော်ရုံ ဖြင့် မပြီး မူ၍ လောက ကို ပြောင်းလဲရန် လည်း တာဝန် ရှိကြောင်း နားလည် ကြရမည် ” ဟု တိုက်တွန်း ခဲ့ ပါသည် ။

သိန်းဖေမြင့် သည် ပစ္စည်းမဲ့ တော်လှန်ရေး လောက တွင် လှုပ်ရှားခဲ့ သော နိုင်ငံရေးသမား တစ်ယောက် လည်း ဖြစ်ပေသည် ။

သက်ရောက် လာ သော အကျိုးကား သိန်းဖေမြင့် ရေးသော ဝတ္ထု ကို ဖတ်တော့မည် ဆိုလျှင် ပစ္စည်းမဲ့ တော်လှန်ရေး အကြောင်း တစ်ခု ခု ကို သွန်သင် ညွှန်းပြတော့မည် ဟု အလိုလို နား ပြင် ထားမိလျက် သား ဖြစ် နေပါသည် ။

သော်တာဆွေ ၏ ဝတ္ထု ကို ဖတ် လျှင် ကား ဤသို့ မဟုတ်ပါ ။

သော်တာဆွေ သည် နိုင်ငံရေးသမား လည်း မဟုတ် ၊ ပစ္စည်းမဲ့ ဘက်တော်သား ဟု လည်း မကြွေးကြော်  ။ ငယ်စဉ်က ကဗျာ ဝါသနာ ပါ သူ ၊ ရုပ်ရှင်မင်းသား ဖြစ်ချင် သူ  ၊ ဘဝ စုံ ခဲ့ သူ ၊ အရက် တွင် ပျော်မွေ့ သူ ၊ ဝတ္ထုတို ကို ပင် ရည်စားစာ အဖြစ် ရေး ခဲ့ သူ လူစုံ အဖြစ် သာ သဘော ထား ပါသည် ။ ပစ္စည်းမဲ့ တို့ အကြောင်း ကို ရေး ရေး ၊ တိရစ္ဆာန်လေးတွေ အကြောင်း ကို ရေး ရေး ၊ ရေး သမျှ ဘဝ သရုပ်ဖော် ဝတ္ထုများ တွင် မူ ကိုယ်တွေ့ ကြုံသမျှ ကို အရှိအတိုင်း ၊ အမြင်အတိုင်း ရိုးသား စွာ ရေးသည့် အသံ ပေါက် လာ ပါသည် ။

ထို့ကြောင့် သိန်းဖေမြင့် သည် ပစ္စည်းမဲ့ တို့ ၏ ဘက်တော်သား ရှေ့နေကောင်းကြီး နှင့် တူ ၍ သော်တာဆွေ သည် သက်သေကောင်းကြီး နှင့် တူ ပါသည် ။

လူလတ်တန်းစား ဟူသည် ပစ္စည်းမဲ့ တို့ လောက် တော်လှန်ရေး ဇွဲ သတ္တိ မရှိပါ ။ သေရေး ရှင်ရေး ဟူ၍ သဘော မထားတတ်ပါ ။ ပစ္စည်း မဲ့ တို့၏ ဘဝ ကို မခံစား နိုင် ၍ ( ခံစား နိုင်ရန် ကြိုးစားမှု လည်း နည်းပါး၍ ) ပစ္စည်းမဲ့ တို့ ၏ ဘဝ သိမှု ကို ရခဲ လှပါသည် ။

ဝတ္ထုဖတ် ပရိသတ် ၏ အများစု မှာ လူလတ်တန်းစား များ သာ ဖြစ်ပါသည် ။ ထို စကောစက လူတန်းစား တို့ တွင် ပစ္စည်းမဲ့ တို့ အား ထောက်ထား စာနာသော စေတနာ ကိန်းအောင်း လာအောင် သိမ်းသွင်း စည်းရုံး ရာ တွင် ရှေ့နေ ကောင်း သာ မက သက်သေ ကောင်း များ လည်း လိုအပ်သည် ဟု ထင် မိပါသည် ။

သက်သေကောင်း ဖြစ်နိုင် ရန် လည်း မလွယ်လှပါ ။ ကိုယ်တွေ့ မျက်မြင် သက်သေ ဖြစ် ပါမှ ပို၍ တန်ဖိုး ရှိ ပါသည် ။ ပစ္စည်း မဲ့ တို့ ၏ ဘဝ ကို နက်နက်နဲနဲ သိအောင် အားထုတ် ကြိုးစား ပြီး မှ သက်သေ ထွက်ဆိုသော ဝတ္ထုများ ပိုမို ပေါ်ပေါက် လာပါစေ ဟု ဆုတောင်း မိ ပါသည် ။

◾အောင်သင်း

📖 ရှုမဝ မဂ္ဂဇင်း
      ဒီဇင်ဘာ ၊ ၁၉၇၁

#ကိုအောင်နိုင်ဦး

.