◾တစ်မူခြားခြင်း
လူတိုင်း တွင် တစ်မူ ခြား ချင်သော ဗီဇစိတ်ဓာတ် ရှိ ပေသည် ။ လူတိုင်း ထဲ က လူတိုင်း မဖြစ် လို ။ မိမိ က တစ်နည်း နည်း တစ်ဖက် ဖက် တွင် သာလွန် လို ကြသည် ။ သို့ရာတွင် ထို ထူးခြားမှု သည် တကယ် ပြောင်မြောက် ထူးခြား၍ အများ ကို အကျိုး ပြုနိုင်ခြင်း နှင့်လည်း ယှဉ် ရပေမည် ။ တစ်မူ ခြား ရုံ မျှ သက်သက် တန်ဖိုး မရှိပေ ။ လူငယ် တစ်ယောက် က နာမည် ကို သူများ နှင့် မတူအောင် “ မဟာအဝီစိ ” ဟူ၍ မှည့်ခေါ်သည် ။ ထူးကား ထူး၏ ။ သို့သော် လူများ က သူ့ ကို ရူး နေပြီ ဟု ထင် သွားကြ၏ ။ သူ့ ထက် ထူး ချင်၍ နဖူး တွင် ဦးချို တပ် နေလျှင် လူ စင်စစ် က တိရစ္ဆာန် ရုပ် ပေါက် နေပေမည် ။ လူတကာ က ခြေထောက် နှင့် လမ်း လျှောက်သည် ကို မိမိ က ကင်းမြီးကောက် ထောင် ၍ လက် နှင့် လျှောက်မည် ဆိုသော် ခရီး ဘယ်လောက် ဝေးဝေး ဘယ်နှစ်ရက် လျှောက် နိုင်မည်နည်း ။ ထူးသည် ကို လက်သင့် ခံ နိုင်သော်လည်း ရူး သွားသည် အထိ တစ်မူ မခြားသင့်ပေ ။
◾လှသမိန်
📖 ကြီးပွါးအောင်မြင်လိုသူတိုင်းအတွက် သိမှတ်စရာများ ( ၃ )
#ကိုအောင်နိုင်ဦး မှ မျှဝေသည် ။
.
No comments:
Post a Comment