တတိယ အကြိမ် တွေ့ရှိပုံ က လည်း မည်သို့မှ မထူးဆန်းပါ ။ သို့သော် ထူးဆန်းသည် က ကျွန်တော် သူမ ခိုင်းသော အလုပ် ကို လုပ်မိခြင်း ဖြစ်ပါသည် ။ သူမ တွင် မည်သို့သော ညှို့ဓါတ် ရှိသည် ကို လည်း ကျွန်တော် မသိပါသည် ။ သို့သော် သူမ ကို မငြင်းဆန် နိုင်အောင် သူမ လုပ်ရပ် အားလုံး မှာ စိတ်ဝင်စား စရာများ နှင့် သာ ပြည့်စုံ နေပါသည် ။
ယခု ကဲ့သို့ သူမ ကြံစည် နေခြင်းသည် ကို လည်း ကောင်းသည် မကောင်းသည် ဟု မခွဲခြားနိုင်ပါ ။ သို့သော် မည်သည့် စံပေတံ မှ ထောက်တိုင်း ၍ မရနိုင် အောင် ထူးဆန်း နေသည် ကို တော့ တွေ့ရပါသည် ။
သူ့ ချစ်သူ က သူမ ကို အကြောင်းမဲ့ ဖြတ်သွား၍ လက်စားချေခြင်း လား ။ သူ့ ချစ်သူ က သူ့ကို စိတ် ပြန်လည် လာ အောင် ပြုလုပ် နေခြင်းလား ကျွန်တော် ကောင်းစွာ မသိပါ ။ သို့သော် သူမ ၏ လုပ်ကွက်များ သည် ဘာ နှင့် တူနေသည် ဆိုရသော် ။
ကောင်မလေး တစ်ယောက် က သူ့ ချစ်သူ ကောင်လေး ကို သူမ ၏ အလှဆုံး ဓါတ်ပုံ တစ်ပုံ ပေး လိုက်သည် ။ ထို ဓါတ်ပုံ ၏ နောက်ကျော တွင် သေသပ်လှပသော လက်ရေး ဖြင့် ဤသို့ ရေး ထားပါသည် ။
“ ကို ”
သတိရတိုင်း “ မ ” ဓါတ်ပုံလေး ကို ထုတ်ကြည့်ပေါ့ ...
မ က တော့ ဓါတ်ပုံ ကြည့် နေစရာ မလိုဘူး ...
ကို့ ပုံရိပ် က “ မ” စိတ် ထဲ မှာ အမြဲရှိတယ် ...
ကို့ ကို အသည်းပေါက်မတတ် ချစ်တယ် ...
ကို လည်း မေ့ ကို အသည်း ပေါက်မတတ် ချစ်နေမယ်လို့
ယုံကြည်တယ် ... ”
အချစ်များစွာ နဲ့
မေစန္ဒာတိုးညွှန့် ။
မှတ်ချက် ။ ကို နဲ့ မေ တကယ်လို့ မပေါင်းဖြစ်ခဲ့ရင် ဒီ ဓါတ်ပုံလေး ကို ပြန် ပေးပါနော် ... ဒီဓါတ်ပုံ က ဒီ တစ်ပုံ ထဲ ရှိလို့ပါ ... ။
အဲဒီလို မျိုး ဖြစ်နေတယ် ။ ပြောတော့ အသည်း ပေါက်မတတ် ချစ် တယ်တဲ့ ။ ကွဲ သွားရင်တော့ ပေးထားတဲ့ ဓါတ်ပုံ ပြန် လိုချင်တယ် ။ ဘယ်လို ဆုံးဖြတ် ရမှာလဲ ။
ဘာပဲဖြစ်ဖြစ် သူမ သည် ကျွန်တော့ အတွက် တော့ စိတ်ဝင်စား စရာ ဓါတ်ပုံ တစ်ပုံ ဖြစ်နေသည် ။
ထိုသို့ဆိုလျှင် လူရွှင်တော်များ စကား လည်း သတိရပါ သေး၏ ။
ဆိုပါစို့ ...
“ သူ က မင်းသမီး ကို ကြိတ် ချစ်နေတယ် ”
“ သူ က လား ”
“ ဟုတ်တယ် အဲဒါကြောင့် မနက် က တောင် မျက်နှာ သစ်ရင်း နဲ့ မင်းသမီး နဲ့ ဆုံတော့ မင်းသမီး ဆီ ဓါတ်ပုံ တောင်း နေတာ ကြားလိုက်သေးတယ် ”
“ မင်းသမီး က ပေး လိုက်လား ”
“ မပေးလိုက်ပါဘူး ”
“ ဘာဖြစ်လို့တုံး ”
“ မင်းသမီး က ပြောတယ် ”
“ ဘာပြောတုံး ”
“ အစ်ကိုရယ် တဲ့ ”
“ အင်း ”
“ ဓါတ်ပုံ ကို ဒီနေ့ တော့ မယူပါနဲ့ တဲ့ ”
“ ဘာဖြစ်လို့တုန်း ”
“ သမီး က ဒီနေ့ ဓါတ်ချုပ် နေ လို့ ... မနက်ဖြန် ဝမ်းနှုတ်ဆေး စား ပြီး မှ ဓါတ်ပုံ ပေးပါ့မယ် တဲ့ ”
“ ဟာကွာ မင်း က လည်း ဘယ် ဓါတ်ပုံကြီး ဖြစ်သွားတာတုံး ဟ ”
ဟုတ်ကဲ့ .. သူမ သည် ဓါတ်ပုံ တစ်ပုံ ဖြစ်သည် ။ ထို ဓါတ်ပုံ မှာ လူရွှင်တော် များ ပြောသည့်ဓါတ်ပုံ မဟုတ်ပါ ။ ကျွန်တော့ အမြင် ပြောရရင် အလှကြည့် ဓါတ်ပုံ သာ ဖြစ်သည် ။ သို့သော် ...
အနံ့ လည်း နည်းနည်း ထွက် နေသည် ။
မဆိုစကောင်း ဆိုစကောင်း ဓါတ်ပုံ ပေါ် က ဓါတ်ပုံ လည်း ဖြစ်နိုင်ပါသည် ။
◾အကြည်တော်
📖 ကျွန်တော့် ချစ်သူ ပြောသော သူ့ ချစ်သူ အကြောင်း
#ကိုအောင်နိုင်ဦး
.
No comments:
Post a Comment