အချစ် အကြောင်း ကို
တစ်ထိုင်တည်း ပြောလို့
တင်းတိမ်ရရိုး ဆိုလျှင်
ကမ္ဘာ ပေါ် မှာ
လူစွမ်းကောင်း ဆိုတာတောင်
ပေါ်လာမှာ မဟုတ်ဘူး
••••• ••••• ••••• •••••
သူမ သည်
ကလေး • • •
သဘင်သည် • • •
သူရူး • • •
သုံးဦး ဖလှယ် ထားသော စိတ်ထားမျိုး ရှိပါသည် ။
ထို့ကြောင့် သူမ သည် • • •
ကလေး ကဲ့သို့ ချစ်စရာ ကောင်း၏ ။
သဘင်သည် ကဲ့သို့ ဆွဲဆောင်မှု ရှိ၏ ။
သူရူး ကဲ့သို့လည်း
ထင်ရာ လုပ်တတ်သည် ။
••••• ••••• ••••• •••••
မြန်မာစကား တွင် ကလေး ၊ သဘင်သည် ၊ သူရူး တို့ ၏ စကား သည် မှန်တတ်ကြောင်း ကြားဖူးပါသည် ။
သူမ သည် ကလေး ၊ သဘင်သည် ၊ သူရူး နှင့် တူပါသည် ။ ကလေး ကဲ့သို့ ချစ်စဖွယ် ကောင်းပါသည် ။ သဘင်သည် ကဲ့သို့ လည်း နှစ်လိုဖွယ်ရမ္မက် ကို ပေးပါ သည် ။ သူရူး ကဲ့သို့လည်း ပေါင်းရသင်းရ ခက်ပြန်ပါသည် ။
ပို ဆိုးသည် က ရှေးလူကြီးများ ၏ အထင်ကရ စကား ကမောက်ကမ နှင့် မှားကုန်ခြင်း ဖြစ်၏ ။ သူမ သည် မှန်ကန်သော စကား ကို ဆိုခဲ့သော ကြောင့် ဖြစ်ပါသည် ။
ဤသို့ ဆိုသော် သူမ က ဆိုးလို့လား ဟု ပြန် မေးကြလိမ့်မည် ။ ဟုတ်ကဲ့ အတော် ဆိုးပါသည် ။ သူ က ဘယ်သူ့ အပေါ် မှာ ဆိုးနေလို့ လဲ ။ ဤသို့ လည်း မေး နိုင်ပါသည် ။ ကျွန်တော့် အပေါ် တွင် ဆိုးပါသည် ။ ပတ်ဝန်းကျင် အပေါ် တွင် လည်း ဆိုးပါသည် ။ သူ့ ချစ်သူ အပေါ် တွင် လည်း ဆိုးပါသည် ။ အဆိုးဆုံး မှာ သူ့ အပေါ် သူ ပြန် ဆိုး နေခြင်း ပင် ဖြစ်ပါသည် ။
သူမ နှင့် ဆုံစည်းပုံ မှာ ဤသို့သာ ဖြစ်၏ ... ။
◾အကြည်တော်
📖 ကျွန်တော့် ချစ်သူ ပြောသော သူ့ ချစ်သူ အကြောင်း
#ကိုအောင်နိုင်ဦး
.
No comments:
Post a Comment