❝ ဘာကြောင့် ❞
“ အပျိုစင်တို့ သိသင့်သမျှ ” အခန်း မှာ တော့ သိသင့်သမျှ ကို လေးလေး တွေးရသမျှ ရေးပြထားပါတယ် ။ ပထမ စာအုပ်နဲ့ ဒုတိယ စာအုပ် မှာ မပြောရသေးတာတွေပါ ။
သိသင့်သမျှကို ရေးပြပါလျက် နဲ့ မသိမှာစိုးလို့ လက် မခံနိုင်မှာစိုးလို့ “ ဘာကြောင့် ” ရေးရတယ် ၊ ပြောရတယ် ဆိုတာ လေးလေး ရဲ့ ကိုယ်တွေ့ ဖြစ်ရပ်တွေ နဲ့ အတူ ရှင်းပြ ရေးသားထားပါတယ် ။
ယောက်ျားလေး ပဲ ဖြစ်ဖြစ်။
မိန်းကလေး ပဲ ဖြစ်ဖြစ် ။
လူငယ် ဆို တာ လက်ခံနိုင်လောက်တဲ့ အကြောင်းပြချက် မပါတဲ့ စကား ဆိုရင် ဘယ်လောက်ပဲ မှန်နေနေ ၊ ကောင်းနေနေ နှစ်နှစ်ကာကာ ယုံကြည်လက်ခံဖို့ ဝန်လေးတယ် ။ နှစ်နှစ်ကာကာ ယုံကြည်လက်ခံဖို့ဆိုတာ ...
“ အင်း ... ခင်ဗျား ပြောတာ ကောင်းပါတယ် ” ဆိုတဲ့ လက်ခံနည်းမျိုးမဟုတ်ဘဲ
“ ကျွန်တော် အဲဒီ အတိုင်းဖြစ်အောင် ကြိုးစားမယ် ၊ လုပ်မယ် ” ဆိုတဲ့ လက်ခံနည်းမျိုးပါ ။ ကိုယ်ယုံကြည် လက်ခံလိုက်ပြီ ဆိုတာ နဲ့ လိုက်နာဖို့ တာဝန် ရှိသွားပြီ ။ ကောင်းသော စကား ၊ ကောင်းသော အမူအကျင့်ဆိုတာ သိရုံ နဲ့ ဘဝအတွက် တိုးတက် မှု မဖြစ်နိုင်ပါဘူး ။ သိတာတွေ လိုက်နာကျင့်သုံး မှ ဘဝ အတွက် တိုးတက်ရာ တိုးတက်ကြောင်းတွေ ဖြစ်တာပါ ။
ဒါကြောင့် “ သိသင့်သမျှ ” ကို ရေးတဲ့ ဆီ မှာ ဘာကြောင့် သိသင့်တယ် ဆိုတဲ့ အချက် ကို ပေါ်လွင်အောင် လေးလေး ရဲ့အတွေ့အကြုံ တွေ ကို ပါ ဖော်ပြ ပေးထားပါတယ် ။
လေးလေး ထား တဲ့ စေတနာ အတွက် တူသော အကျိုး ပေးလိမ့်မယ် လို့ ယုံကြည်ပါတယ် ။
◾ ကံချွန်
📖 အပျိုစင်တို့သိဖို့ ယောက်ျားတို့အကြောင်း ( ၃ )
#ကိုအောင်နိုင်ဦး မှ မျှဝေသည် ။
.
No comments:
Post a Comment