❝ ဘာလုပ်ခဲ့သလဲ ❞
ဒီ စာအုပ် ဖတ်တာ နဲ့ အချိန် ကုန် တော့မယ် ။ အဲဒီ ကုန် သွားမယ့် အချိန် ဟာ အကျိုး ရှိ စွာ ကုန်ဆုံးခြင်းလား၊ အကျိုး မဲ့ စွာ ကုန်ဆုံးခြင်းလား ဆိုတာ ကို ဖတ်ပြီးချိန် မှာ ပြန် စဉ်းစားပါ ။
အဲသလိုပဲ ...
ဘာပဲ လုပ်လုပ် တခြား အလုပ်တွေ ကို လည်း လုပ် ပြီးတာ နဲ့ ပြန် စဉ်းစား ကြည့် ။ “ ငါ ဒါ လုပ်လိုက်လို့ ကုန်ဆုံးသွားရတဲ့ အချိန်တွေ ဟာ အကျိုး ရှိ စွာ ကုန်ဆုံးခြင်းလား ။ အကျိုး မဲ့ စွာ ကုန်ဆုံးခြင်းလား ” ဆိုပြီးတော့ ။ ပွင့်ပွင့်လင်းလင်း ရေး ရရင်တော့ ရည်းစား နဲ့ ချိန်းတွေ့ ခဲ့ပြီး ရင် တောင် ပြန် စဉ်းစားပါ ။
“ သူ့ အသား က အတော် ဖြူတာပဲ ၊ လက်ဖဝါး က နုနုလေး ၊ သူ့ ဆံပင်တွေ က တော်တော် သန်တယ် ၊ ငါ့ ထက် အရပ် မြင့်တယ် ”
ဆိုတာမျိုး စဉ်းစားဖို့ ပြောတာ မဟုတ်ဘူးနော် ။ ငါ အချိန် ကုန် ခံပြီး တွေ့ခဲ့ တဲ့ လူ ဟာ ဘဝ အတွက် ဘယ်လို အကျိုး ပြု နိုင်သလဲ ။ သူ ဟာ ငါ့ လုပ်စာ ထိုင် စားဖို့ ကြိုးစား နေတာလား ။ ငါ့ ဘဝ ကို မြှင့်တင်ပေးနိုင်စွမ်း ရှိမယ့် လူလား ။ သူ့ဟာ သူ က မှ အစ်မ အိမ် တစ်လှည့် ၊ ဦးလေး အိမ် တစ်လှည့် ကပ် စား နေရတဲ့ လူလား ။ သူ နဲ့ ငါ ဘဝ တစ်လျှောက် လက် တွဲပြီး ဒုက္ခ တွေ ပင်လယ် ဝေ ရမှာလား ။ စဉ်းစား ။
အဲသလို စဉ်းစား လိုက် လို့ ကိုယ့် ဘဝ ရှေ့ရေး အတွက် ကောင်းကျိုးထက် ဆိုးကျိုး ဘက် ဦးတည် နေတယ် ဆိုရင် ။
ကိုယ် အချိန် ကုန် ခံပြီး လုပ်သမျှ အလုပ် တိုင်း ကို လုပ် ပြီးတာ နဲ့ စဉ်းစားပါ ။ သုံးသပ်ပါ ။ အကျိုး မဲ့ တဲ့ အလုပ် မျိုး လုပ် မိရင် နောင် မလုပ်မိအောင် ရှောင် ။ အကျိုး ရှိတဲ့ အလုပ်မျိုး လုပ် မိရင် နောက် ဆက် လုပ် ။ လုပ်ခဲ့ သမျှ စဉ်းစားတာ ၊ ဝေဖန်တာ ကို အလေ့အကျင့် လုပ်လိုက်ရင် နောက်တော့ တစ်ခု ခု လုပ်တော့မယ် ဆိုတာ နဲ့ ငါ လုပ်မယ့် အလုပ် ဟာ အကျိုး ရှိ တဲ့အလုပ် လား ။ အကျိုး မဲ့ တဲ့ အလုပ် လား ဆိုတာ ကြို တွေးမိလာလိမ့်မယ် ။ အဲသလို တွေး မိလို့ မလုပ်သင့်တဲ့ အလုပ် ဆိုရင် ရှောင် ။ မလုပ်မိစေနဲ့ ။ လုပ်သင့်တဲ့ အလုပ် မှ လုပ် ။
ကိုယ် လုပ်မယ့် အလုပ် မှန်သမျှ သင့် - မသင့် ကြို တွေးမိတဲ့ အလေ့အကျင့် ဖြစ်ပြီ ဆိုရင် ငါ့ တူမများ ဘဝ တိုးတက်ပြီပေါ့ ။
◾ ကံချွန်
📖 အပျိုစင်တို့သိဖို့ ယောက်ျားတို့အကြောင်း ( ၃ )
#ကိုအောင်နိုင်ဦး
.
No comments:
Post a Comment