❝ သာသာယာယာ ပျော်ပျော်ရွှင်ရွှင် ဖြစ်ဖို့ ❞
မိန်းကလေး တစ်ယောက် ဟာ ယောက်ျားလေး တစ်ယောက် နဲ့ အတူ အသက်ထက်ဆုံး အတူ နေဖို့ ဆုံးဖြတ် လက်ထပ် ပြီး အတူတူ နေ လိုက်ကြ ကာ မှ ပျော်ပျော်ရွှင်ရွှင် မနေရဘူး ဆိုရင် ဘယ် ဟုတ်ပါ့မလဲ ။
အိမ်ထောင်ရေး ရဲ့ ဒုက္ခ ဆို တာ မှာ နှစ်မျိုး ရှိတယ် ။ စိတ်ပိုင်း ဆိုင်ရာ ဒုက္ခနဲ့ ကိုယ်ကာယ ဆိုင်ရာ ဒုက္ခ ။ ဆင်းရဲ လို့ မပြည့်စုံ လို့ တွေ့ ရတဲ့ ဒုက္ခ က ကိုယ် ဒုက္ခ ။ ကိုယ် ဒုက္ခ ကို အခြေ ခံ ပြီး စိတ်ဒုက္ခ က လည်း ဖြစ် လာနိုင်တာပဲ ။ အဲ တစ်ခါတလေ မှာ ကိုယ်ဒုက္ခ မရောက်ဘဲ စိတ်ဒုက္ခ ရောက် ရတာမျိုး ရှိတယ် ။
မန္တလေးမြို့ ပေါ် က လက်ဖက်ရည်ဆိုင် တစ်ဆိုင် က ပဲ ဆိုပါတော့ ။ လေးလေး တို့ အမြဲ သွား ထိုင် နေတဲ့ ဆိုင် ပါ ။ ဆိုင်ရှင် နဲ့ ရင်းနှီးပါတယ် ။ လက်ဖက်ရည်ဆိုင် က လည်း ရောင်း ကောင်းတယ် ။ ရောင်း ကောင်း တဲ့ စံချိန် ကို ငါးဆင့် လောက် ခွဲ သတ်မှတ်မယ် ဆိုရင် ကို ပဲ နံပါတ်နှစ် နေရာလောက် ချိတ် တဲ့ ဆိုင်မျိုးပါ ။အလယ်အလတ် ထက် ကျော် တယ် ။
ဆိုင်ရှင် က အသက် လေးဆယ့်ငါးနှစ် လောက် ရှိပြီ ။ ကလေး သုံးယောက် ရှိတယ် ။ သူ့ မိန်းမ က တော့ နှစ်ဆယ့်ငါးနှစ် ဝန်းကျင် လောက် ပဲ ရှိ သေးတယ် ။ ဖြူဖြူသန့်သန့် ပါ ပဲ ။ အပျို လို့ မထင် ရပေမယ့် အလှ မပျက်သေးဘူး ။ ကိုယ်လုံးကိုယ်ပေါက် လည်း တောင့်တောင့် ပါ ပဲ ။ လေးလေး တို့ က ဆို သူ့ ကို အမြဲ စ , နေ ကျ ။ ခင်ဗျား ကံ ကောင်း တယ်ပေါ့ ။ ဘယ်လို လုပ် ပိုး ယူသလဲ ဆိုပြီး တော့ ။ သူ က တော့ မချိ ပြုံး ပဲ ။ သူ့ မျက်နှာ က ပျော်ရွှင် နေပုံ မရဘူး ။
ဒီလိုနဲ့ တစ်ရက် မှာ တော့ လေးလေး သူ့ ဆိုင် ထိုင် သတင်းစာ ဖတ် နေတုန်း သူ ရောက် လာပြီး လေးလေး ဘေး မှာ ထိုင်တယ် ။ ပြီးတော့
“ ဆရာတို့ က ကျွန်တော့် ကို ကံ ကောင်း တယ်လို့ ပြော လိုက်တိုင်း ကျွန်တော့် ရင်ထဲ အောင့်အောင့် သွားတယ် ဆရာ ”
“ ဗျာ - ဘာလို့လဲ ”
“ အဲဒါ ပြောချင်လို့ ။ ဆရာ့ ဆီ က အကြံဉာဏ် လည်း တောင်း ချင်လို့ ။ ဒီ အကြောင်း ကို ကျွန်တော် ဘယ်သူ့ မှ မပြောရဲဘူး ။ အမှန်အတိုင်း ပြော ရရင် လူ သိ မခံရဲတဲ့ ပြဿနာ ပါ ဆရာ ”
သူ က လေးလေးဘနဲ့ စကား ပြောရင်း ဘေး ကို လည်း လှည့် ကြည့် လိုက်သေးတယ် ။
“ စိတ်ချပြီး ပြောပါဗျာ ။ ကျွန်တော် အတတ်နိုင်ဆုံး ကူညီ နိုင်ဖို့ ကြိုးစားပါ့မယ် ”
“ ဒီလို ဆရာ ၊ ကျွန်တော့် မိန်းမ က နံပြားရိုက် ( ဖုတ် ) တဲ့ မုန့်ဆရာ နဲ့ ဖောက်ပြန် နေတယ် ။ ကျွန်တော် လက်ပူးလက်ကျပ် မိ တာ နှစ်ခါ ရှိပြီ ။ အရင် မုန့်ဆရာ ကို အလုပ် ထုတ် လိုက်ရတာလဲ ဒီလို ပြဿနာ ကြောင့် ပဲ ။ ကျွန်တော် တော်တော့် ကို ခေါင်း ခြောက် နေပြီ ”
“ အိမ်ထောင်သက် ဘယ်လောက် ရှိပြီ လဲ ”
“ ခုနစ်နှစ် ”
“ ခုလို ပြဿနာ ဖြစ်တာ ”
“ ဒီနှစ် ထဲ ကျ မှ ”
“ ဒီဆိုင် ဖွင့်တာ က ”
“ သုံးနှစ် ရှိပြီ ။ စီးပွားလေး တက် လာလို့ အလုပ် ဖိ လုပ်မယ် ဆိုပြီး ကျွန်တော် ရှေ့ က ရှာဖွေ နေရတာ မောမော သွား တာပဲ ဆရာ ၊ နောက်ပိုင်း က စိတ် မချရတော့ ”
“ ဆိုင် က ဘယ်အချိန် ထိ ဖွင့် တာလဲ ”
“ ည ဆယ့်တစ်နာရီ ။ သိမ်းတာ ပြုတာ နဲ့ မနက် အတွက် ပြင်ဆင် ရတာနဲ့ ဆယ့်နှစ်နာရီ တော့ ရောက် သွားတာပဲ ။ မနက် ကျ တော့ လေးနာရီ လောက် တစ်ခါ ပြန် ထ ရတယ် ။ ဒါမှ ဈေးသွား ဈေးသည်တွေ အချိန်မီ ထ ရတာပေါ့ ”
“ ခင်ဗျား အိပ်ချိန် က ”
“ နေ့လယ်ပိုင်း ခဏ တစ်ဖြုတ် ပေါ့ ။ အလုပ်သမား ကို တော့ နှစ်ဆိုင်း ခွဲ ထားရတာပေါ့ ။ မနက် အစော က ကလေးတွေ က နေ့ တစ်နာရီ ၊ နေ့ ဝင်တဲ့ ကလေးတွေ က ည ဆိုင်ပိတ် ထိ ”
“ ဆိုင် ပိတ်ရက် ကော ရှိသလား ”
“ အလုပ် ဖြစ် တုန်း ရှာ ရတာ ဆရာ ရယ် ”
“ ခင်ဗျား ပြဿနာ အဲဒါပဲ ”
“ ဗျာ ”
“ ညပိုင်း ကို စော ပိတ်လို့ ရ ရင် ပိတ် ။ ပြီးတော့ နားရက် ထား လိုက်ပါ ။ တနင်္ဂနွေ ဖြစ်ဖြစ် ဥပုသ် ဖြစ်ဖြစ် နေ့ဝက် ပိတ် တာမျိုး ”
“ ဘာဆိုင်လို့လဲ ဆရာ ”
“ လင်ရယ် မယားရယ် ဖြစ်ပြီး ကာ မှ လင် နဲ့ မယား ကြည်ကြည်နူးနူး နေ ရတဲ့ အချိန် မှ မရှိဘဲ ။ ခင်ဗျား ခင်ဗျား မိန်းမ ကို ယုယုယယ ကြင်ကြင်နာနာ ဆက်ဆံ တဲ့ အချိန်များ ရှိ သလား ”
“ ရပြီး မှ လို သေးလို့လား ဆရာ ”
“ လို လို့ ယုယကြင်နာတဲ့ လူ ရှာ တာပေါ့ဗျ ”
အဲဒီ လူ ဟာ အတော်ကြာကြာ စဉ်းစားတယ် ။ ပြီးတော့မှ ကျွန်တော် သဘော ပေါက် ပါပြီလို့ ဝန်ခံတယ် ။ ဒီ ဖြစ်ရပ် ကို ကောက်ချက် ချ ကြည့် ရရင် ...
လင် နဲ့ မယား အိမ်ထောင်သက် ကြာ လာတဲ့ အခါမှာ အပြန်အလှန် ဂရုစိုက် မှု ။ ယုယကြင်နာမှု နည်း လာ တတ်တယ် ။ နည်း လာတော့ မဖြစ်သင့်တဲ့ ပြဿနာတွေ ဖြစ် ကုန်ရော ။
မိန်းမ က ပဲ ဖောက်ပြန်သည် ဖြစ်စေ ။
ယောက်ျား က ပဲ ဖောက်ပြန်သည်ဖြစ်စေ ။
ပြဿနာ နု တုန်း မှာ အိမ်ထောင် မပြိုကွဲခင် ဖြေရှင်းဖို့ နည်းလမ်း စဉ်းစား သင့်ပါတယ် ။ မိန်းမ တစ်ယောက် အနေ နဲ့ နည်းမှန် လမ်းမှန် စိတ် ထွက်ပေါက် မရှာ တတ်ရင် စာရိတ္တ ကို ထိပါးတဲ့ နာမည်ပျက် နည်း မျိုး နဲ့ ရင်ဆိုင် ရ ရော ။
ဒီတော့ ..
ငါ့တူမများ အိမ်ထောင် ကျ လာရင် ...
အိမ်ထောင် တစ်ခု သာသာယာယာ ပျော်ပျော်ရွှင်ရွှင် တည်ဆောက် နိုင် ဖို့ အပြန်အလှန် ဂရုစိုက်ချိန် စိတ်လက် ပေါ့ ပေါ့ပါးပါး နဲ့ ကြည်ကြည်နူးနူး မိသားစု နေချိန် ..
ဥပမာ .. ညနေ လမ်း လျှောက် တာမျိုး ။ ညပိုင်း ဗွီဒီယို ၊ ရုပ်ရှင် အတူ ကြည့် ကြတာမျိုး ။
နေ့စဉ် မဟုတ် တောင် ၁၀ ရက် တစ်ကြိမ် လောက် အနည်းဆုံး တစ်လ တစ်ကြိမ် လောက် မိသားစုနေ့ ဆို တာ ရှိ သင့် ပါတယ် ။
တချို့ ယောက်ျားတွေ ဟာ အိမ်ထောင် ကျ ပြီး တာ နဲ့ ငွေ ရှာ ပေး နိုင်ရင် အိမ်ထောင်ရေး တာဝန် ကျေပြီ လို့ ထင် ပြီး မိသားစု အတွက် အချိန် ပေး ဖို့ မေ့ သွားတတ်တယ် ကွယ့် ။ အဲသလို အခါ နည်းမှန် လမ်းမှန် နဲ့ ဖြေရှင်း တတ်ပါစေ ။ နည်းမှား လမ်းမှား မလိုက် မိကြပါစေနဲ့ ။
◾ ကံချွန်
📖 အပျိုစင်တို့သိဖို့ ယောက်ျားတို့အကြောင်း ( ၃ )
#ကိုအောင်နိုင်ဦး
.
No comments:
Post a Comment