❝ နှစ်ကောင် ကျွေး သုံးကောင် စား ❞
နှစ်ကောင် ကျွေး သုံးကောင် စား ဆိုတဲ့ စကား ကို နည်းနည်းတော့ ရှင်းပြချင်တယ် ။ ဒါ ဆယ့်နှစ်ကောင် ကျား ကစား တဲ့ ဆီ မှာ သုံးတဲ့စကား ကွယ့် ။ နှစ်ယောက် ပြိုင်တဲ့ ဆီ မှာ ကိုယ် နဲ့ ယှဉ်ဖက် က သူ့ ကျားကောင် ကို ထိုးကျွေး ။ တစ်ကောင် ကျွေး လိုက် ။ နောက် တစ်ကောင် ကျွေး လိုက် နဲ့ သူ လိုချင်တဲ့ အကွက် ထဲ လည်း ဝင် ရော ကိုယ့် ကျားသုံးကောင် ဒိုင်း ... ဒိုင်း ဒိုင်း... ဆို ပြန် စားတဲ့ ပြီး တစ်ခါတည်း ကင်း ဝင်သွားရော ။ ကင်း ဝင်တယ် ဆိုတာ ကိုယ့် ဘက် က နောက်ဆုံး အကွက် ထိ သူ့ ကျား ရောက် လာတာ ။ အဲဒီတော့ အဲဒီ ကျား ကို ကျားကြီး သတ်မှတ် ပေး ရရော ။ အဲသလို သတ်မှတ် လိုက်တော့ အဲဒီ ကျားကြီး က ကစားကွက် ပေါ် မှာ ကွက်ပြည့် ရှေ့ နောက် ကြိုက်သလို ရွှေ့ခွင့် ရှိသွားရော ။
ဒီတော့ ကျားသမားများ က ပြောတယ် ။ နှစ်ကောင် ဆင့် ကျွေး ပြီ ဆို ကတည်း က သုံးကောင် ပြန် စားပြီး ကင်း ဝင် တော့ မယ် ဆိုတာ သိ ပေရော့တဲ့ ။
ဘယ့်နှယ် ယောက်ျားတွေ အကြောင်း ပြောပါ ဆိုမှ ကစား တဲ့ ကျား အကြောင်း ပြော နေပါလိမ့်လို့ မထင်နဲ့ကွယ် ။ ယောက်ျားတွေ ဆီ မှာ အဲဒီလို ကစား တဲ့ ဉာဏ်မျိုး ရှိ နေလို့ ကစား တဲ့ အကြောင်း ပထမ ပြောရတာ ။
သမီးရည်းစား ဘဝ မှာပဲ ဖြစ်ဖြစ်
အိမ်ထောင်သည် ဘဝ ရောက် မှ ပဲ ဖြစ်ဖြစ်
ကိုယ့် ချစ်သူ က - ကိုယ့် ခင်ပွန်း က လိုအပ်တာ ထက် ပိုပြီး ထူးထူးခြားခြား သဘော တွေ ကောင်း လာ ပြီ ဆိုရင် အခွင့်အရေး တွေ ပေး လာပြီ ဆိုရင် သူ ဟာ မရိုးသားတော့ဘူး ။ ငါ့ တူမ တို့ ခွင့် မလွှတ်နိုင်တာ ။ မကြိုက်တာ တစ်ခု ခု တော့ ကျူးလွန် ထားလို့ပဲ ။
နှစ်ကောင် ဆင့် ကျွေး ပြီ ဆိုမှတော့
သုံးကောင် ပြန် စားပြီး ကင်း ဝင် ဖို့ အစီအစဉ် ရှိလို့ပဲ ။
လေးလေး ဆီ လာ တဲ့ စာ တစ်စောင် ဖော်ပြ ချင်တယ် ။
•••••• ••••••• ••••••• ••••••
ဆရာဦးကံချွန် ရှင့်
ကျွန်မ ဟာ ဆရာ ရဲ့ အပျိုစင်တို့ သိဖို့ ယောက်ျားတို့ အကြောင်း စာအုပ် ကို ဖတ် ရပါတယ် ။ ကျွန်မ ယောက်ျား လို ယောက်ျားမျိုး အကြောင်း မပါသေး လို့ ဒီ စာ ကို ရေး လိုက်ရတာပါ ။
ကျွန်မ ရဲ့ ယောက်ျား က ကျွန်မ ကို ဘုရားဖူး လိုက်ခွင့် ပြုပါတယ် ။ တန်ခိုးကြီး ဘုရားတွေ လှည့် ဖူးမယ့် ကား နဲ့ ပါ ။ သူ နဲ့ ရတာ ငါးနှစ် ရှိပါပြီ ။ ဟိုးအရင် နှစ် က ဘုရားဖူး လိုက် ချင်လို့ ပြောဖူးတယ် ။ ခွင့် မပြုဘူး ။ ဒီ နှစ် မှ ခွင့်ပြုတာပါ ။ သူ က အိမ်စောင့် ဆိုပြီး နေရစ် ခဲ့ပါတယ် ။ ဆယ်ရက် ကြာ ပါတယ် ။
ပြန်လာတော့ ကျွန်မ က အမှတ်တရ ရိုက်လာတဲ့ ဓာတ်ပုံတွေ ထုတ် ပြပါတယ် ။ ဘုရားဖူး တစ်ဖွဲ့လုံး ကား ရှေ့မှာ စု ရပ်ပြီး အမှတ်တရ ရိုက် တဲ့ ဓာတ်ပုံ ထဲ မှာ ကျွန်မတို့ အရပ် ထဲ က ကောင်လေး တစ်ယောက် က ကျွန်မ ဘေး မှာ ရပ်လျက်သား ဖြစ် နေပါတယ် ။ ဘာရယ်လို့ မဟုတ်ပါဘူး ။ ကြုံသလို နေရာ ယူကြတာကိုး ။
ကျွန်မ ယောက်ျား က အဲဒါကို အကြောင်း ပြပြီး မပြီးနိုင် မစီးနိုင် ဆူ ပါတယ် ။ အပြစ်ကြီး တစ်ခု လို မကြာခဏ ပြော ပါတယ် ။ ဘာမှ မဟုတ်ပါဘူး ဆိုတာ ဘယ်လို မှ ရှင်းပြလို့ လက် မခံပါဘူး ။ အဲဒီ ဓာတ်ပုံ ကို လည်း ဆွဲ ဆုတ် ပြီးပါပြီ ။ ကျွန်မ က အဲဒီ ကောင်လေး ကိုခေါ်ပြီး မျက်နှာချင်း ဆိုင် ရှင်းပြမယ် ဆိုတော့လဲ ။
“ ဟို က မင်း ကို ခဏ သာယာမှု ရှာတာပဲကွ ၊ မင်း အအို ဆိုတာ သိ နေတဲ့ဟာ ။ အလကား ဟုတ်တယ် ပြောပါ့မလား ။ ငါ မင်း ကို ဆူနေတာက မင်း ဖောက်ပြန် တတ်တဲ့ အကျင့် ကို ဆူ နေတာ ”
ဆိုပြီး မတရား တစ်ဖက်သတ် ပြောပါတယ် ။ ပြီးတော့ အိမ် က ပါ ထွက် ထွက် သွား တတ်ပါတယ် ။ မူး လာလိုက် ။ ဆူလိုက် အိမ် က ထွက် သွားလိုက် ။ ပြန် လာပြီး သုံသုံမှုန်မှုန် နဲ့ နေလိုက် ။ နှစ်ရက် သုံးရက် နေပြီး တစ်ခါ ။ နှစ်ရက် သုံးရက် ထွက် သွား လိုက်နဲ့ ။
တစ်လ လောက် နေ မှ သူ ဟာ မိန်းမငယ် တစ်ယောက် ထပ် ယူ ထားမှန်း သိ ရပါတယ် ။ ခုတော့ အိမ် ကို ပြန် မလာတော့ပါဘူး ။ အရပ် ထဲ မှာ တော့ ကျွန်မ ကို ဖောက်ပြန် လို့ ထား ပစ် ခဲ့တာ ဆိုပြီး သတင်း လွှင့်ပါတယ် ။ နောက် မှ ထပ် သိရတာက ခု ယူထားတဲ့ ကောင်မလေး နဲ့ ဖြစ် နေတာ ကြာပြီ ။ ကျွန်မ ကို ဘုရားဖူး မလွှတ် ခင် ကတည်း က လို့ သိရပါတယ် ။
အဲဒီ ယောက်ျားမျိုး အကြောင်း လည်း ရေး ပါဦးရှင့် ။
•••••• ••••• ••••• •••••
အဲဒီလို စာ ရေးလိုက်တဲ့ စာ ကို ဖတ်မိလို့ ဒီ အကြောင်း ရေး ပြ ရတာပါ ။
ဒါဟာ ကစားသမား ရဲ့ ဉာဏ်မျိုး နဲ့ လူမှုရေး ကလိန် ကျတာပေါ့ ။ ကိုယ့် အမှား ကို သူ့ အမှား ဖြစ်အောင် ပါးနပ်စွာ လုပ်တာပေါ့ ။ အဲဒီလို ယောက်ျားမျိုး တွေ ဟာ လောင်းကစား ကို ဝါသနာ ပါ တတ်တာ များတယ် ။ ငါ့ တူမများ သတိ ထားပါ ။
မိန်းမ တွေ အသုံးအစွဲ ကြီးရင် ယောက်ျား ရှာ ရသမျှ အဖတ် မတင်ဘူး ။ အိတ် ပေါက် နဲ့ ဖား ကောက် ရသလိုပဲ ဆိုပြီး ပြောကြတယ် ။ လောင်းကစားသမား လင် တော် မိရင်တော့ အိတ် ပေါက် ပါ ပေါင် ကစား ပစ် တတ်တယ် ။
ယောက်ျား တစ်ယောက် ဟာ ကိုယ့် မိန်းမ ကို အလွန်အကျွံ ဂရု စိုက် ပြပြီ ဆိုရင် သူ့ မှာ အပြစ် တစ်ခု ခု ရှိ နေပြီ ဆိုတာ ကြို သိပါ ။ လေ့လာပါ ။ ငါ့ ယောက်ျား သဘော ကောင်း လာပြီ ၊ လိမ္မာ လာပြီ လို့တော့ မထင် လေ နဲ့ ။
နှစ်ကောင် ကျွေး ပြီး သုံးကောင် စား သွားလိမ့်မယ် ။
◾ ကံချွန်
📖 အပျိုစင်တို့သိဖို့ ယောက်ျားတို့အကြောင်း ( ၃ )
#ကိုအောင်နိုင်ဦး
.
No comments:
Post a Comment