“ ကိုယ့် ကိုယ် ကိုယ် မရပ်တည် နိုင် ဘဲ အိမ်ထောင် မပြုပါနဲ့ ”
အဲဒီ စကား ကို အမြဲ မှတ်ထားပါ ။
“ နောက်တော့လည်း သူ့ အလိုလို ဖြစ် သွားမှာပဲ လေ ”
ဆိုတဲ့ အတွေး နဲ့ တော့ အိမ်ထောင် မပြုပါနဲ့ ။
“ အမှီအခို ကင်းပါစေ ”
ဒီ စကား ကို အလေးအနက် ပြော ပါ ရစေ ။
တချို့ က လည်း အိမ်ထောင်ရေး ဆိုတာ ကို ခပ် လွယ်လွယ်ပဲ တွေး ကြပါတယ် ။
“ ယူ လိုက် ရင် သူ့ ဘာသာ သူ ဖြစ် သွားမှာပါ ”
မှန်သင့်သလောက် မှန်ပါတယ် ။ ဒါပေမဲ့ ရာခိုင်နှုန်း အများစုဟာ မှား ပါတယ် ။ ဒီ စကား ကို အချို့သော သူ တွေ ကြိုက်မှာ မဟုတ်ပါဘူး ။
“ အိမ်ထောင် ပြုပြီး ဘယ်မှာ နေကြမလဲ ”
“ မိဘ အိမ် ပဲ နေကြတာပေါ့ ”
အဲဒါ လုံးဝ မလုပ်သင့် တဲ့ အလုပ် တစ်ခု ဖြစ်ပါ တယ် ။ ( ကျွန်တော့် အမြင် )
ကျွန်တော့် အတွေ့အကြုံ အရ ကျွန်တော့် သဘော အရ ဆိုရင် အိမ်ထောင် ပြု ပြီးရင် ဘယ် မိဘ အိမ် မှာ မှ မနေသင့်ပါဘူး ။ အိမ်ထောင် ပြုပြီး ပြန် ကွဲ ကြတယ် ။ အိမ်ထောင် ပြုပြီး မတည့်ကြဘူး ဆိုတာ အဲလို မိဘ အိမ် မှာ ပြန် နေတဲ့ လင်မယား ပို များပါတယ် ။
ဆိုပါတော့ ။ လင်မယား တွေ မှာ အခြား သူ မသိ သင့် ၊ မသိ ထိုက် တဲ့ အခက်အခဲလေး တွေ ရှိ စမြဲပါပဲ ။
သူ့ ဘက် က လိုအပ်ချက် ၊ ကိုယ့် ဘက် က လိုအပ်ချက် ၊ မပြည့်စုံ နိုင် မှု တွေ ပြဿနာ အနည်းငယ် ကလေးတွေ ပေါ့ ။
ဆိုပါစို့ ။ ယောက်ျားလေး က မိန်းကလေး နဲ့ အတူ ( သူမ ) မိဘ အိမ် လိုက် နေမိတယ် ဆိုပါစို့ ။
ပြဿနာ သေးသေးလေး တစ်ခု ကို မိန်းကလေး က သူ့ မိဘ နဲ့ တိုင်ပင် မိပြီး
“ အောင်မာ ဒီ ကောင် က ငါ့ အိမ် ပေါ် တက် နေ သေးတယ် ၊ ငါ့ သမီး ကို လည်း ဒီလို လုပ်တာပေါ့ လေ ဟုတ်လား ”
ပြဿနာက ပို ကြီး ပါပြီ ။
ယောက်ျား မိဘ အိမ် ၊ မိန်းကလေး က လိုက် နေပြီ ဆိုပြန်ရော ။
သူ ချစ်တဲ့ ယောက်ျား ကို ထမင်း ချက် ကျွေး ရတာ အပန်း မကြီးပေမဲ့ ယောက်ျား မယူခင် သူ့ မိဘ အိမ် နေ တုန်း က မီးဖိုချောင် ဆို တာ ဗိုက် ဆာ မှ ရောက် တတ်တဲ့ မိန်းကလေး အတွက် တော့ တစ်မိသားစု လုံး စာ ထမင်း ချက် ကျွေး ရတာ ၊ အိမ် အလုပ် လုပ် ပေး ရတာ သူ့ အတွက် တစ်မျိုး မြင်စရာ ဖြစ် နေပါ လိမ့်မယ် ။ ဒီတော့ ဘာ ဖြစ်လာနိုင်လဲ ။
“ နင့် မိန်းမ က ငါ တို့ အိမ် ပေါ် လာ တက် နေပြီး ထမင်းလေး တောင် ချက် မကျွေးနိုင်ဘူး ဟုတ်လား ”
မကျွေးချင် လို့ မဟုတ်ဘူး ။ ( တချို့တွေ ) ကိုယ်တိုင် က ဘာမှ မလုပ်တတ်ခဲ့တာ ။ အိမ် မှာ နေ တုန်း ကတည်း က မိဘ က
“ သမီးရေ အမေ့ ကို ကြက်ဥလေး ကြော် ပေး ဦး ”
ဆိုရင်
“ ဟုတ်ကဲ့ မေမေ ၊ ကြက်ဥ ကြော် တာ ဒီလိုလား မေမေ ”
ကြက်ဥကလေး ကြမ်းပြင် ချ ၊ ထဘီ မ , ပြီး ခုန်ကျော် ပြခဲ့တာ ။
ခုတော့ ယောက္ခမ အိမ် ရောက် မှ တစ်အိမ်လုံး စာ လုပ် ရမှာ ဆိုတော့ သူ့ အတွက် တကယ့် ပြဿနာ ပဲ ။ ဒါ့အပြင် သူ့ ယောက္ခမ တွေ အတွက် က လည်း ဒါဟာ တကယ့် အနှောင့်အယှက် ပါ ပဲ ။ ကျွန်တော် သိ သလောက် ယောက်ျားလေးတွေ က ဒီ ခံစားချက် အပေါ် ပို ဆိုးပါတယ် ။
“ ငါ ယူ တာ တစ်ယောက် လေ ၊ ခု ဘာလို့ တစ် မိသားစုလုံး ဖြစ် နေတာလဲ ”
အဆိုးဆုံး ပြဿနာ က
“ ကြည့်စမ်း ၊ သူ့ အိမ်ကလေး တက် နေ မိတာနဲ့ ၊ လူကြီးမိဘ ကို ပြန် ခံ ပြောနေတယ် ကြည့်စမ်း ၊ နင် က ဘယ် ဥ က ပေါက် တာလဲ ၊ ဒီလောက် ရိုင်းစိုင်း နေတာ ”
ပြန် ခံ ပြောတော့လည်း ကိုယ် လူရိုင်း ဖြစ် ၊ မဆီမဆိုင် မွေး ထားတဲ့ မိဘတွေ ပါ စကား နဲ့ ထိခိုက် နေပါဦးမယ် ။
ဆိုကြပါစို့ ။ အိမ်ထောင်သည် တစ်ယောက် ဟာ မိဘ နဲ့ အိမ်ထောင်ဖက် ပြဿနာ တက်ရင် ဘယ် ဘက် ကို လိုက် မလဲ ။ မိဘ ဘက် လိုက် ရင် ရော အိမ်ထောင်ဖက် အပေါ် သစ္စာ ပျက်ရာ မကျဘူးလား ။ အိမ်ထောင်ဖက် နောက် လိုက် ရင်ရော မိဘ အပေါ် တရား ပျက်ရာ မကျပေဘူးလား ။
ဘယ်သူ မှန်မှန် ၊ ဘယ်သူ မှားမှား ၊ ကိုယ် က တော့ သေချာပေါက် မှား မှာ သေချာပါတယ် ။
ဒါကြောင့် ပြော တာ ပါ ။
“ အိမ်ထောင် မပြုနိုင်ရင် မပြုပါနဲ့ ”
“ အိမ်ထောင် ပြု နိုင်ရင် အမှီအခို ကင်းကင်း နေပါ ”
အကယ်၍များ အိမ်ထောင် ပြုမယ် ဆိုရင်
“ မိဘ နဲ့ မခွဲနိုင်ဘူး ”
ဆိုတဲ့ သူ နဲ့ ပေါင်းဖက် ဖို့ အသေအချာ စဉ်းစား ပါ ။
သတိပေးပါရစေ ။
အိမ်ထောင် ပြု ပြီ ဆို ။
လိုအပ်ရင်
“ အကူအညီယူပါ ”
“ အမှီအခို မလုပ်ပါနဲ့ ”
◾အကြည်တော်
#လူပျိုအပျိုဖတ်စာ
#ကိုအောင်နိုင်ဦး
.
No comments:
Post a Comment