တစ်ပင် ထူ ဖို့ အခက်သား

❝ တစ်ပင် ထူ ဖို့ အခက်သား ❞

မြန်မာ စကား ရှိပါတယ် ။ တစ်ပင် လဲ မူ တစ်ပင် ထူ တဲ့ ။ မိန်းကလေး တစ်ယောက် အရွယ် ကောင်း တုန်း မှာ လင်သား ဆုံးပါး သွားရင် နောက် အိမ်ထောင် ပြုဖို့ တိုက်တွန်း ထား တဲ့ စကား ပဲ ။

အဲဒီ တိုက်တွန်း စကား ဟာ ကိုယ့်အား ကိုယ်ကိုး ကိုယ့် ခြေထောက် ပေါ် ကိုယ် ရပ်တည် နိုင် တဲ့ အစွမ်းအစ ရှိ တဲ့ မိန်းမ အတွက် တော့ မဟုတ်ပါဘူး ။ ကိုယ့် မှာ ရှာနိုင် ဖွေနိုင် တဲ့ အစွမ်းအစ လည်း ရှိမယ် ။ ကလေး လည်း ရှိမယ် ဆို ရင် တော့ ကိုယ့် သားသမီး ကို မြေတောင် မြှောက် ပေး ရင်း ကလေး တွေ လူလား မြောက် သည် ထိ အိမ်ထောင် မပြုတော့ဘဲ နေ သွားတဲ့ မိခင်တွေ အများကြီး ရှိ ပါတယ် ။ အဲ ... သားသမီး ရှိသည် ဖြစ်စေ ၊ မရှိသည် ဖြစ်စေ ကိုယ့် မှာ အစွမ်းအစ မရှိလို့ က တော့ အရွယ် ငယ် တုန်း မှာ မုဆိုးမ ဖြစ်ပြီ ဆို ရင် နောက် အိမ်ထောင် ပြု တာ အကောင်းဆုံး ပဲ ။ အန္တရာယ် ကင်း တာပေါ့ ။

လေးလေး တို့ မြန်မာ လူမျိုးများ တစ်ပင် မလဲ ဘဲ နောက် တစ်ပင် ထူ ဖို့ လူမှုရေး က ခွင့် မပြုဘူး ။ မိန်းမ တစ်ယောက် ဟာ ယောက်ျား နှစ်ယောက် ယူ လို့ မရဘူး ။ ပထမ အိမ်ထောင် ဟာ ကိုယ့် အပေါ်  လုံးဝ ဆိုးသွမ်း နေရင် ။ လင့် ဝတ္တရား မကျေရင် ပြတ်ပြတ်သားသား ဖြစ်အောင် ပထမ ကွာရှင်း ပြီး နောက် အိမ်ထောင် ပြု ဖို့ စိတ်ကူး ။ အဲသလို ပဲ ရမယ် ။

လေးလေး ဘာလို့ ဒါတွေ ရေး နေ ရသလဲ ဆိုတော့ လေးလေး ဆီ ကို နိုင်ငံခြား က စာ တစ်စောင် ရောက် လာတယ် ။ အဲဒီ စာ က

••••  ••••  ••••  ••••

ဆရာကံချွန်

ကျွန်မ စာ ရေး လိုက်ပါတယ် ။ နားလည်ရ ခက်တဲ့ ယောက်ျား အကြောင်း ပွင့်ပွင့်လင်းလင်း ပဲ အကြံဉာဏ် တောင်း ပါရစေ ။ ကျွန်မ အမျိုးသား က ကွမ်း - ဆေး - အရက် - ဖဲ လောင်းကစား အသောက်အစား မရှိပါ ။ ဒါပေမယ့် မိန်းမ ကိစ္စ နဲ့ ပတ်သက် လာ ရင် သိပ် ရှုပ်ပါတယ် ။ သူ ရှုပ်တာ ကျွန်မ  သိ ပါတယ် ။ ခွင့်လွှတ်ပြီး ပေါင်းသင်း လာတာပါ ။အိမ်ထောင် သက် ဆယ်နှစ် ကျော် ပါပြီ ။

လက်ရှိ အခြေအနေ မှာ သူ ဟာ ကျွန်မ ဝင်ငွေ နဲ့ ထိုင် စား နေ ရတာပါ ။ သူ ငွေ အရမ်း ဖြုန်း ပါတယ် ။ ဒါပေမယ့် ကျွန်မ သည်းခံ ပါတယ် ။ သူ ရှာ ကျွေး တုန်း က တော့ ကျွန်မ ကို တိုင်းထွာပြီး ပေး ခဲ့တာပါ ။ သူ က မနက် လင်း တာ နဲ့ ကျွန်မ အတွက် စားဖို့ သောက်ဖို့ တော့ ပြင်ဆင် ပေးပါရဲ့။ ကျွန်မ ဘယ် သွားမလဲ ။ ဘယ်အချိန် ပြန် လာမလဲ ဆိုတာ မျိုး လုံးဝ မမေးပါဘူး ။ ယုံကြည် စိတ်ချတာ ၊ လွတ်လပ်ခွင့် ပေးတာ နဲ့ မတူဘဲ ဥပေက္ခာ ပြု ထား သလိုလို ၊ ဂရု မစိုက်တာ လိုလို ။ ယနေ့ အထိ ဘယ် သွားသလဲ တစ်ခွန်း မမေးပါ ။ သူ နဲ့ ကျွန်မ နဲ့ ရတုန်း က လည်း ကြိုက် ရင် လာတောင်း ဆို ပြော လိုက် တော့ သူ့ မိဘ နဲ့ လာတောင်း လို့ ညား ခဲ့ ကြတာပါ ။ သူ့ ကို တော့ ကျွန်မ ယနေ့ အထိ ချစ် မရပါ ။ ဒါပေမယ့် သစ္စာ ရှိခဲ့ပါတယ် ။ ခက်တာ က သံယောဇဉ် မတွယ် ဘူး ဖြစ် နေတယ် ။ ရှေ့ ဆက်ပြီး အတူ နေလို့ ဖြစ် ပါဦးမလား ။ ကျွန်မ ဘယ်လို ဆုံးဖြတ်ရမလဲ ။ အကြံဉာဏ် ပေးပါဦး ။

နောက် တစ်ချက် က ..

ဒီ လူ့ မှာ အိမ်ထောင် ရှိတယ် ။ သူ ကျွန်မ ကို ချစ်ရေး ဆိုတယ် ။ ၅ - နှစ် လောက် ရှိပြီ ။ သူ့ မှာ လည်း အိမ်ထောင် ရှိပါတယ် ။ ဒါဟာ သူ့ အိမ်ထောင် အပေါ် သစ္စာ ဖောက်တာပဲ ။ ပြီးတော့ သူများ မယား ကို ပြစ်မှား တာ ပဲ ဆိုပြီး အဆက်အသွယ် မလုပ်တော့ပါ ။ ယခု တစ်ခါ ပြန် တွေ့တော့ ထပ်ပြီး ချစ်ရေး ဆို ပါတယ် ။ ကျွန်မ သူ နဲ့ တစ်နေ့ ချိန်း တွေ့ပါတယ် ။ အခန်း ထဲ မှာ နှစ်ယောက် တည်း ပါ ။ ကျွန်မ လွတ်လပ်သူ မဟုတ်ဘူး ။ မဖောက်ပြန်ချင်ဘူး လို့ ပြော လိုက်တယ် ။ သူ ကျွန်မ ကို နမ်းတောင် မနမ်းပါဘူး ။ သူ က တကယ် ချစ်တာပါ လို့ ပြောတယ် ။ ကျွန်မ နဲ့ ရရင် အေးအေးဆေးဆေး ပုံမှန် စီးပွားရေးမျိုးလေး ပဲ လုပ်ပြီး နေချင်တယ် လို့ ပြော ပါတယ် ။

ကျွန်မ စဉ်းစားရ ခက် နေပါတယ် ။ အဲဒီ လူ ဟာ ကျွန်မ အတွက် တကယ် အားကိုးထိုက်တဲ့ သူ များ ဖြစ် နေမလား လို့ ။ ခက် တာ က သူ လည်း လွတ်လပ်သူ မဟုတ်ဘူး ။

ဆရာကံချွန် ကျွန်မ ကို အကြံဉာဏ် ပေးပါဦး ။

••••  •••• ••••  ••••

စာ က အဲဒါပါပဲ ။

ဒီ ပြဿနာမျိုး ကို လည်း ငါ့ တူမများ သိ ထားသင့်တယ် ထင် လို့ ရေး ပြ လိုက်ရတာပါ ။ နှစ်နှစ်ကာကာ မချစ် ဘဲ မဆိုးပါဘူး ငြင်း ရ လောက်အောင် အပြစ် မရှိပါဘူး ဆိုပြီး ခပ်ပေါ့ပေါ့ ထူထောင် လိုက်ရော ။ အဲသလို အိမ်ထောင် တစ်ခု ထူထောင် ပြီး တော့ လည်း အရင် က မချစ် ပေ မယ့် ကိုယ့် လင်ယောက်ျား ဖြစ် လာပြီ ဆိုပြီး ချစ် နိုင်အောင် မကြိုးစားတော့ ။ ကြိုးစား မရတော့ အချစ် မပါ တဲ့ အိမ်ထောင်ရေး ဖြစ် ရော ။ အချစ် မပါတော့ သံယောဇဉ် ဆို တာ လည်း မပါတော့ဘူး ။ စိတ်ပျက် ငြီးငွေ့စရာ အိမ်ထောင်ရေးကြီး ဖြစ်လို့ လာ တာပေါ့ ။

အဲဒီ ပထမ ခံစားမှု အကျိုးဆက် ကြောင့် ဒုတိယ အကြောင်း က ဖြစ် လာရတာပဲ ။ စိတ် ရဲ့ သာယာမှု အတွက် ထွက်ပေါက် ရှာ တာပဲ ။ ဒီ ပြဿနာ နှစ်ခု မှာ ပထမ တစ်ခု ကို ပြီးပြတ် အောင် ရှင်း ။ ဒုတိယ ခြေလှမ်း ကို စဉ်းစား ပြီး မှ လှမ်း ၊ ပထမ ကိစ္စ ပြီးပြတ် မှ လှမ်းသင့် မလှမ်းသင့် ဆုံးဖြတ် ။ မဆုံးဖြတ် ခင် မှာ အလေးအနက် စဉ်းစား ရ မှာ က သူ့ ဘက် မှာ ဖြစ်ဖြစ် ကိုယ့်ဘက် မှာ ဖြစ်ဖြစ် ကလေး တွေ ရှိ နေတယ် ဆိုရင် ....

အဲဒီ ကလေးတွေ ရဲ့ဘဝ ကို မိထွေး နဲ့ ဒါမှ မဟုတ် ပထွေး နဲ့  ကြီးပြင်း စေမလား ။ သူတို့ အတွက် ဘယ်လောက် သဘောထား ကြီးပြီး ဘယ်လောက် ခွင့်လွတ် နိုင်မလဲ ။ နှစ်ဖက် စလုံး က အပြန်အလှန် သားရင်း သမီးရင်း တွေ လို သဘော ထား နိုင်မလား ။ ကိုယ် က သဘော ထား နိုင် တော့ ရော ကလေးတွေ က မိရင်း ဖရင်း လို သဘော ထား နိုင်ပါ့မလား ။

အများကြီး စဉ်းစားရမယ် ။

အကောင်းဆုံး က တော့ ပထမ အိမ်ထောင် နဲ့ ကွာရှင်း ပြတ်စဲ ပြီးရင် ကို ပဲ နောက် အိမ်ထောင် ပြုမယ် ဆိုရင် လုံးဝ လွတ်လွတ်လပ်လပ် လူမျိုး ပဲ ဖြစ် သင့်တယ် ။

လေးလေး အဲဒီ စာ ကို ဖတ်ပြီး ငါ့ တူမများ ကို ထပ်ပြီး သတိ ပေး ချင်တာလေး ရှိ လာတယ် ။

အဲဒါကတော့ အိမ်ထောင် တစ်ခု မှာ လင် က ဖြစ်စေ ။ မယား က ဖြစ်စေ စည်း မစောင့်ရင် ။ ဖောက်ပြန် ရင် ။ သစ္စာ မရှိ ရင် တူသော အကျိုး ပေးတယ် ဆိုတာပဲ ။ ယောက်ျား ဖြစ် သူ က ပွေတော့ ရှုပ်တော့ ကိုယ့် မိန်းမ ကို ရည်းစား စကား လာ ပြောတဲ့ လူ ပေါ် လာတာပေါ့ ။

ငါ့ တူမများ အိမ်ထောင် ကျ တဲ့ အခါ ကြို ပြော ထားပေရော့ ။

“ ရှင် နော် …. ရှင် ... ဟိုလိုလို ဒီလိုလိုတော့ မရှုပ်ချင်ပါနဲ့ ။ ကိုယ်ချင်းစာပါ ၊ တွေးကြည့်ပါ ။ ရှင် က သူများတွေ ကို လိုက် ရှုပ်နေရင် ကျုပ် ကို တခြား ယောက်ျား တစ်ယောက် ယောက်က လာ ရှုပ်နေပါ့မယ် ” လို့ ။ တချို့ ယောက်ျား က ဖွင့် ပြော မှ သိတာ ။

ဝဋ် ဆို တာ နောက်ကျော မှာ ကပ် ပါ လာ တတ်တာ ကို မေ့ နေကြတယ် ။ မိန်းကလေး ဆို တာ ကိုယ့် ယောက်ျား ကိုယ် ကြိုကြိုတင်တင် ထိန်း ထား နိုင် ရင် အကောင်းဆုံးပဲ ။

တစ်ယောက် မကောင်း တစ်ယောက် ပြောင်း ဖို့ ဆိုတာ လွယ်တာ မဟုတ်ဘူး ။ တစ်ပင် မလဲ ဘဲ တစ်ပင် ထူ ဖို့ အခက်သား ။

◾ ကံချွန်

📖 အပျိုစင်တို့သိဖို့ ယောက်ျားတို့အကြောင်း ( ၃ )

#ကိုအောင်နိုင်ဦး

.