မမိုက်ပေမယ့် မှားတတ်တယ်

 

❝ မမိုက်ပေမယ့် မှားတတ်တယ် ❞

ယောက်ျား တိုင်း စိတ် မချရဘူးလား ဆို ရင် မဟုတ်ပါဘူး လို့ ဖြေ ရမှာပဲ ။ အဲသလိုပဲ ယောက်ျား တိုင်း စိတ် ချရသလား ဆိုရင် လည်း မဟုတ်ပါဘူး ဘဲ ဖြေ ရမှာပဲ ။ ဘာလို့လဲ ဆိုတော့ စိတ် ချရတဲ့ ယောက်ျား တွေ ရှိ သလို စိတ် မချရတဲ့ ယောက်ျားတွေ လည်း ရှိ နေလို့ပါ ။

အန္တရာယ် ဖြစ်နိုင်တဲ့ အကြောင်း က စိုးရိမ်ဖို့ မလိုလို့ ရေး မပြတာပါ ။ အန္တရာယ် ဖြစ်နိုင်တဲ့ အကြောင်း သာ ကြိုတင် ကာကွယ်နိုင် ဖို့ ရေး ပြ ရတာပါ ။ လေးလေး ရေး ပြသမျှ ယောက်ျား တွေ မကောင်း ကြောင်း ချည်းပဲ လို့ ထင်မှာ စိုး လို့ပါ ။

လေးလေး ဆီ လာတဲ့ အိမ်ထောင်ရှင် အမျိုးသမီး တစ်ဦး ရဲ့ စာ ဟာ လည်း စိတ်ဝင်စား ဖို့ ကောင်းပါတယ် ။ ငါ့ တူမများ ကြို သိ ထားသင့်တဲ့ ပြဿနာမျိုး ပဲ ။

ဆရာ

ကျွန်မ ရဲ့ စာ ကို ဘယ်သူ မှ မပြပါနဲ့ ။ တကယ်လို့ များ စာအုပ် ထဲ မှာ ပြန် ရေးမယ် ဆိုရင် နာမည် တွေ နေရပ်လိပ်စာ တွေ လွှဲ ရေးပေးပါ ။

ကျွန်မ ယောက်ျား ဟာ အလွန် ရိုးပါ အေးပါ တယ် ။ ဒါကြောင့် ကျွန်မ ယုံယုံကြည်ကြည် ရှိ ခဲ့တာပါ ။ စီးပွားရေး မှာ ပါ ကျွန်မ ပဲ ဦးဆောင် ရတာပါ ။ ကျွန်မ တို့ က လူကြီးချင်း ပေးစား လို့ ညား ခဲ့တာပါ ။ အိမ်ထောင်သက် ဆယ်နှစ် ကျော် ပါပြီ ။ ပြီးခဲ့တဲ့ လ ထဲ က တော့ အသက် ဆယ့်ရှစ်နှစ် သာ ရှိသေးတဲ့ ကျွန်မ ရဲ့ ညီမ အငယ်ဆုံးလေး ကို ခိုး ပြေး ပါတယ် ။

သူ တို့ ဘယ် မှာ နေတယ် ဆိုတာ သိ ပါတယ် ။ ကျွန်မ မှာ ပြန် ခေါ်ရ အခက် ။ ဒီ အတိုင်း နေရ အခက် ။ အပေါင်းအသင်းတွေ ကြား မှာ လည်း မျက်နှာ မပြရဲ ဖြစ် နေပါတယ် ။ သူ က စီးပွားရေး မှ ဟုတ်တိပတ်တိ မလုပ် တတ်တော့ ခု နှစ်ယောက် လုံး ဒုက္ခ ရောက်နေတယ် လို့ သိ ရတယ် ။

ကျွန်မ အမေ က မျက်စိ မမြင်ပါ ။ သူ့ သမီးလေး ကို ခွင့်လွှတ်ပါ ။ ပစ် မထားပါ နဲ့ လို့ ပြော နေပါတယ် ။

••••  ••••••  ••••••  •••••••

စာ က အဲဒါပဲ ။ အဓိက ကျ တာ က ပေါ့လေ ။

လေးလေး သူ့ စာ ကို ဖတ်ပြီး အတော် စိတ် မကောင်း ဖြစ် မိပါတယ် ။ တကယ် ကို ဦးနှောက် ခြောက် ပြီး ဘာ လုပ်ရမှန်း မသိ ဖြစ် နေမှန်း စာ ဖတ် ကြည့်ရုံ နဲ့ သိ နေလို့ပဲ ။ သူ့ စာ မှာ “ ဒေါသ ” သံ မပါဘူး ။ ခွင့်လွှတ် ထား တယ် ။ လက်တွေ့ ခွင့်လွှတ် ဖို့ ကျ တော့ ခက် နေ ပြန်ရော ။

ထားပါတော့ သူ့ ပြဿနာ ။

ငါ့ တူမများ ရော အခြား အိမ်ထောင်ရှင်များ ပါ အဲသလို ပြဿနာမျိုး မကြုံရအောင် လေးလေး နည်းနည်း သတိ ပေး ချင်လာတယ် ။ ကိုယ် မှာ ညီမ ရှိပြီ ဆိုရင် ဘယ်လောက်ပဲ ရိုး ရိုး အနေ နီး လို့ အခွင့် သာ ရင် ဖောက်ပြန် မိ တတ်တယ် ။ မမိုက် ပေ မယ့် မှား မိ တတ်တယ် ။ မထင်မှတ်တဲ့ အချိန် မှာ မမျှော်လင့် တာ တွေ ဖြစ် သွားတတ်တယ် ။

ဒါကြောင့် ငါ့ တူမများ ရော အိမ်ထောင်ရှင် အမျိုးသမီးများ ကို ပါ လေးလေး သတိ ပေး ချင်ပါတယ် ။ ကိုယ့် မှာ ညီမတွေ ရှိ ရင် ကိုယ့် ချစ်သူ နဲ့ ကိုယ့် ယောက်ျား နဲ့ ရင်းနှီး နေသော် ငြား လည်း ရောရောနှောနှော  နေခွင့် မပေးပါနဲ့ ။ အပြန်အလှန် လေးစားမှု နဲ့ နေ ရမယ့် အနေအထား မျိုး သာ ခွင့်ပြု ထား သင့်ပါတယ် ။

ယောက်ျား ဆို တာ မမိုက် ပေ မယ့် မှား တတ်တယ် ။

◾ ကံချွန်

📖 အပျိုစင်တို့သိဖို့ ယောက်ျားတို့အကြောင်း ( ၃ )

#ကိုအောင်နိုင်ဦး

.