❝ ဒီလိုပါ ❞
အပျိုစင် တို့ အနေ နဲ့
အို မှ သိ ရ မယ့် ယောက်ျားတွေ အကြောင်း ကို မအို ခင် ကတည်း က ကြို သိ ထားရရင် မကောင်းဘူးလား ။ ရှောင်သင့် တာ ရှောင်လို့ ရမယ် ။ တိမ်းသင့် တာ တိမ်းလို့ ရမယ်။ သာယာ တဲ့ အိမ်ထောင်စု တစ်ခု တည်ဆောက် ဖို့ အတွက် အချက် အလက် တိုးတာပေါ့ ။
အို ပြီးသား အမျိုးသမီး တွေ အတွက် တော့ အချိန်မီ တားသင့်တာ ရှိ တားလို့ ရ တာပေါ့ ။ ဆင်ခြင် သင့်တာ ရှိ ဆင်ခြင် လို့ ရတာပေါ့ ။
အသက် တစ်ရာ မနေရ ။ အမှု တစ်ရာ တွေ့ ရ။ ဆိုတဲ့ စကား မှာ ယောက်ျား နဲ့ မိန်းမ ကြောင့် ဖြစ်ရတဲ့ အမှု က ကိုးဆယ် လောက် တော့ ရှိမယ် ထင်တယ် ။ အမေ နဲ့ သမီး ပဲ ရန် ဖြစ်ဖြစ် ၊ ညီအစ်မ ချင်း ပဲ ရန် ဖြစ်ဖြစ် ၊ ယောက်မ နဲ့ ပဲ ရန် ဖြစ်ဖြစ် ဖြစ်ရတဲ့ အကြောင်းရင်း မှာ ယောက်ျား ကိစ္စ က တော့ အနည်း နဲ့ အများ ပါ မှာပဲ ။ မှားတာ မှန်တာ အပ ထား ။ ယောက်ျား ကို အခြေ ခံ တဲ့ ပြဿနာတွေ များပါတယ် ။ ဒီလိုပဲ ၊ ယောက်ျား ချင်း ရန် ဖြစ်ပြီ ဆိုရင်လည်း “ မ ” ကိစ္စ တော့ ပါတာပဲ ။
ယောက်ျား ... မိန်းမ ..... ဆို တာ ဆက်နွယ်ပတ်သက် မှု မရှိတဲ့ အမှု က တော်တော် နည်း ပါ တယ် ။
လေးလေး ခါးပိုက်နှိုက် တစ်ယောက် ကို မေး ကြည့်တယ် ။ ဘာလို့ အမှု ကျူးလွန် ရ တာလဲ လို့ ။ သူ ဖြေ တာ က ရှင်းရှင်း လေး ။
“ မိန်းမ ကို ကောင်းကောင်း ထား ချင်လို့ ၊ ဘာ ပညာ မှ မတတ် တော့ ကောင်းကောင်းမွန်မွန် လုပ်ပြီး ဝင်ငွေ ရအောင် မရှာ တတ် လို့ ” တဲ့ ။
အပေါ်ယံ ကြည့် ရင်တော့ ခါးပိုက်နှိုက် တာ မှာ ယောက်ျား မိန်းမ ဆိုတာ ပတ်သက် စရာ မရှိ သလိုပဲ ။
ဒီတော့ ..
ယောက်ျား နဲ့ မိန်းမ ဆိုတာ မပတ်သက်ချင် လို့ မရဘူး ။ ပတ်သက်ရပြီ ဟေ့ ဆိုရင်လည်း ငါ့ တူမများ စိတ် အနှောင့်အယှက် မဖြစ်ရတဲ့ နည်း နဲ့ ကြည်ကြည်နူးနူး ပျော်ပျော်ရွှင်ရွှင် ပတ်သက် ရ လေအောင် ။
အိုပြီး တွေ့ ရနိုင်တဲ့ “ အမှု ” တွေ အကြောင်း
ကြိုပြီး သိ ထားရလေအောင် ....
◾ ကံချွန်
📖 အပျိုစင်တို့သိဖို့ ယောက်ျားတို့အကြောင်း ( ၃ )
#ကိုအောင်နိုင်ဦး
.
No comments:
Post a Comment