❝ မြန်မာပြည်ချစ်ခိုင် ❞
( ဗေလုဝ )
ကိုချစ်ခိုင် ၏ ထမင်းအိုးကြီး ဖြစ်သည့် ( .... ) ထို ဈေးကြီး သက်ရှည်ကျန်းမာဖို့ ၊ ထာဝရ စည်ကားဖွံ့ဖြိုးဖို့ ရန်သူမျိုးငါးပါး ဒဏ် မှ ကင်းလွတ်ဖို့ ၊ မင်းဘေးဒဏ် သင့်ခြင်းမှ ရှောင်လွဲနိုင်ဖို့ ကိုချစ်ခိုင် ဘုရားရှိခိုး တိုင်း ဆုတောင်းသည် ။
ထို ဈေးကြီး သည် နံနက် ၇ နာရီ မှ ညနေ ၆ နာရီထိ လုပ်ကိုင်စားသောက်နိုင်သော ကျေးဇူးရှင် ။ ထို ဈေးကြီးကို သက်ရှည်ကျန်းမာ ဖို့ ဆုတောင်းရသည် မှာ အမော ။ သားသမီးတွေ ဘွဲ့ရ ပြီး လုပ်ငန်းခွင် ဝင်သွားကြသည် အထိ ထို ဈေးကြီး မှ ဝင်ငွေ နှင့် ပင် ။ ကိုချစ်ခိုင် ကို လူတွေ နားမလည်သည် က ဆံပင်ရှည်ကြီး ထားသော ပြဿနာ ပင် ။ တချို့ ဈေးသူဈေးသားတွေ က မနေနိုင်သည့် အဆုံး ဗြောင် ခေါ်မေးရ သည် အထိ ဖြစ်လာသည် ။
“ ကိုချစ်ခိုင်ကြီး ရယ် .. ကိုယ့် အလုပ် က အလုပ်ကြမ်း လုပ်ရတာ ... ဖုန်တွေ ဘာတွေ နဲ့ ဒီ ဆံပင်ကြီး နဲ့ ဒီ မ လိုက်ပါဘူးရှင် ”
ကိုချစ်ခိုင် ကား ခပ်ပြုံးပြုံး နှင့် ။ အဖြေ ပေးခြင်း မရှိ ။
“ ထမ်းတော့ ကုန်ပေါင်းစုံ ... ဆံပင်အရှည် နဲ့ တော်တော့ ကို ကြည့်ရဆိုးတယ် ”
မေးငေါ့ ပေါင်းစုံ ၊ အတင်း ပေါင်းစုံ ပေမဲ့ ကိုချစ်ခိုင် မမှု ။ အင်မတန် သန့်ပြန့်ပါသည် ဆိုသည့် ဆံပင် အရှည် ထားသည့် မိန်းမပျို တို့ ထက် ကိုချစ်ခိုင် က သူ့ ဆံပင်အရှည် ကို ပို သန့်ပြန့်အောင် ထားသည် ။ ဇနီး နှင့် သမီးတွေ က ...
“ အဖေရယ် ... ဒီ ဆံပင် အရှည်ကြီး ကို ဖြတ်လိုက်ပါတော့ .. တခြား လူတွေ က ပြောရင် သမီး တို့ ရှက်တယ် ”
ဘယ်သူ ပြောလို့ မှ မရသော ကိုချစ်ခိုင် ဆံပင်အရှည် ကား ကိုချစ်ခိုင် ၏ ခေါင်း ပေါ်တွင် နေရာ ထည်ထည်ဝါဝါ ယူထားလျက်ပင် ။ လုပ်ဖော်ကိုင်ဖက် ရဲဘော်ရဲဘက် ဖြူဖြူကျော်သိန်း က တောင် ပထမ နားမလည် ။ နောက်တော့ ဆံပင် နှင့် ပတ်သက်ပြီး တစ်ခွန်း မှ မဟတော့ ။
ဖြူဖြူကျော်သိန်း ဆိုသည် မှာ နိုင်ငံကျော် အဆိုတော် ၏ နာမည် ကို ယူထားတာ မဟုတ် ။ နာမည် အရင်းက ဦးကျော်သိန်း ။ ခေါင်း တစ်ခေါင်းလုံး ဖြူဖွေး နေသည် မို့ သူ့ ကို တစ်ဈေးလုံး က ‘ ဖြူဖြူကျော်သိန်း ’ ဟု ကင်ပွန်းတပ် ထားသော လူ ။
ကိုချစ်ခိုင် နှင့် ဖြူဖြူကျော်သိန်း ကား ထို ဈေးကြီး ထဲမှာ လုပ်ကိုင် စားသောက်နေသော သူငယ်ချင်း နှစ်ဦး ၊ ဝါသနာချင်း ကတော့ တစ်ယောက် နှင့် တစ်ယောက် မတူကြ ။ ဖြူဖြူကျော်သိန်း က ကျား ထိုးတာ ဝါသနာ ပါသည် ။ ဦးချစ်ခိုင် ကား ဂီတ ဝါသနာ ပါသည် ။ သီချင်းအေးအေးလေးတွေ ကို ကြိုက်နှစ်သက်သည် ။ ကိုချစ်ခိုင် ၏ ဘဝကောက်ကြောင်းများ ကို စိတ်ဝင်စားမှု အားနည်းခဲ့ကြသော်လည်း ကိုချစ်ခိုင် နှင့် တွဲလျက် ဆံပင် အရှည် ထားခြင်း ကို တော့ လူ တော်တော်များများ စိတ်ဝင်စားကြသည် ။
ကိုချစ်ခိုင် သုံးရက် လောက် ပျောက်ခြင်းမလှ ပျောက်သွားသည် ။ ဖြူဖြူကျော်သိန်း ကို တစ်ဈေးလုံး က ကိုချစ်ခိုင် အကြောင်း ဝိုင်း မေးကြသည် ။
“ ငါ့ ကို လည်း ဘာမှ ပြောမသွားဘူးဟ ... ဒီကောင်ကြီး နေများ မကောင်းလို့ လား မသိဘူး ”
“ ကိုချစ်ခိုင်ကြီး အိမ် ကို သိရင် အကျိုးအကြောင်း သွား မေး လိုက်ပါဦး ”
တစ်ဈေးလုံး ကိုချစ်ခိုင် ပျောက်သွားသော ကိစ္စ ကို အရေးတယူ ဖြစ်လာကြသည် ။ အထူး သဖြင့် ‘ ရှပ်တီ ’ ကြီး က အဆိုးဆုံးပင် ။ တရုတ်မကြီး က မပီကလာ ပီကလာဖြင့်
“ ဆာရှည် မရှိတာ အီလုပ် မီဖြစ်ဘူး ”
ဟု ပါးစပ် က တတွတ်တွတ် ။
ကိုချစ်ခိုင် နံနက် ၆ နာရီ ကျော် ကတည်း က ဈေးထဲ ရောက်နေသည် ။ ဖြူဖြူကျော်သိန်း နှင့် လက်ဖက်ရည်ဆိုင် ထိုင်ပြီး စကား ပြောနေကြသည် ။
“ ကိုချစ်ခိုင် ရာ ... အခွေထွက် မှ နားထောင်ရင် ရရဲ့သားနဲ့ ... ခင်ဗျား တော်တော် ဇွဲကောင်း တဲ့ လူပဲ ... လေးစားပါတယ်ဗျာ ”
“ အရသာချင်း က မတူဘူးဗျ ... ကျုပ် က ကျုပ် ဆံပင်ကို ရည်မှန်းချက်ကြီးကြီး နဲ့ ထားတာ ... မြန်မာပြည်သိန်းတန် မြန်မာပြည် ပြန် လာပြီး တစ်ချိန်ချိန် တော့ သီချင်း ဆိုမယ် ... အဲဒီ အချိန် ကျရင် စားဝတ်နေရေး လည်း မပျက်ရအောင် ဆံပင် ကို ဖြတ် ရောင်းပြီး သွား အားပေးမယ် ... အဲဒါ ကျုပ် ရည်မှန်းချက် ဗျ .. ကျုပ် ဆံပင်ရှည် ထားတာ မြန်မာပြည်သိန်းတန် အဆိုတော် ဖျော်ဖြေပွဲမှာ နှစ်ည ရှေ့ဆုံးက အားပေးလိုက်တယ် ... ဆံပင် ရောင်းတာ တစ်သိန်းကျော် ရတယ် ... ကျန်တဲ့ ပိုက်ဆံ ကိုတော့ အိမ် မှာ အလှူလေး လုပ်လိုက်တယ်ဗျာ ... ကျုပ် ရည်မှန်းချက် ပြည့်ဝ သွားပြီ ... ကျုပ် လုပ်ငန်း ကျုပ် ပြန်ဝင် လာပြီ .. ကျုပ် ဘာကြောင့် ဆံပင်ရှည် ထားတယ် ဆိုတာ ကို တစ်ဈေးလုံး သိအောင် ခင်ဗျား ပဲ ပြောပြလိုက်ပါဗျာ ... ကိုကျော်သိန်း ရေ ... ရှပ်တီကြီး ဆိုင် မှာ ကျုပ် ရှိမယ်နော် ”
ကိုချစ်ခိုင် ထွက်သွားတော့ ဖြူဖြူကျော်သိန်း က ကိုချစ်ခိုင် ကို ကြည့်ပြီး ခေါင်းလေး တဆတ်ဆတ် နှင့် အဓိပ္ပာယ်ပေါင်းစုံ ဖွင့်လျက် နေလေတော့သည် ။
ထိုနေ့ ထိုအချိန် မှ စ၍ ကိုချစ်ခိုင် ကို မြန်မာပြည်ချစ်ခိုင် ဟု တစ်ဈေးလုံး က ကင်ပွန်းတပ်လိုက်လေ တော့သည် ။
▣ ဗေလုဝ
📖 တဲ့တောက် နှင့် ပြာသောနားရွက်
No comments:
Post a Comment