သူ လာလာ မလာလာ ကိုယ် က စောင့်ရမှာ

 ❝ သူ လာလာ မလာလာ

ကိုယ် က စောင့်ရမှာ ...❞

ကိုအဏ္ဏဝါ သည် ဘဝ မှန်ပြီး အခြေခံ ကျသွားအောင် ဆိုသည့် ရည်ရွယ်ချက် ဖြင့် ကိုယ်ပိုင်ကား မစီးတော့ဘဲ အများပြည်သူ အခြေခံ လူတန်းစား နှင့် အတူ ဘတ်စ်ကား တိုး စီး နေသည် ။ ဘတ်စ်ကား တိုးစီး ခရီးသည် ဘဝ သည် ပင်ပန်း မွန်းကြပ် သော်လည်း အများပြည်သူ တို့ ၏ နိစ္စဓူဝ ကြုံတွေ့ နေရသည့် လူနေမှု ဘဝ ကို လေ့လာခွင့် ရ သဖြင့် ကုန်ကြမ်းတွေ ရသည် ၊ ဘဝ ဆန်သည် ဆိုပြီး ကိုအဏ္ဏဝါ ကျေနပ် နေသည် ။ တစ်နည်း ဆိုရသော် ပျော် နေသည် ။

၁၉၆ဝ ခုနှစ် ၊ သာကေတ မြို့ကြီး တည်စ က စပြီး ၁၉၈၁ ခုနှစ် သင်္ဘောသား ဖြစ်သည် အထိ အနှစ် ၂ဝ မျှ သာကေတ ဘတ်စ်ကား ကို တိုးတက် ၊ တွယ်စီး အတွေ့အကြုံ ရင့်ကျက် အသားကျ ပြီးသူ ကိုအဏ္ဏဝါ အဖို့ အခုလို မွန်းကြပ် လှောင်အိုက် အဲယားကွန်း ဘတ်စ်ကား ခေတ် မှာ တိုးတက် ၊ တွယ်စီး ရတာ သိပ်ပြီး အခက်အခဲ မရှိ ဖြစ်နေသည် ။ ကိုယ်ပိုင်ကား နဲ့ သွား နေတာ ကြာ လာလို့ ဘတ်စ်ကား တိုး စီးသော အခါ ဘတ်စ်ကား နံပါတ် ၃၉ တစ်မျိုးတည်း ကို ပဲ စီးတတ် သေးသည် ။ ဒါတောင် အပေါ်လမ်း နှင့် အောက်လမ်း မခွဲခြားတတ် သေး လို့ ဘိုကလေးဈေး က နေ အပေါ် ကို ပြန် လျှောက် ရတဲ့ အကြိမ်ပေါင်း မနည်း ဖြစ်ခဲ့ရသည် ။

ကိုအဏ္ဏဝါ နှင့် အတူ ဘတ်စ်ကား မှတ်တိုင် မှာ အတူ ရပ်စောင့် နေကြသည့် လူအုပ်ကြီး သည် ဘတ်စ်ကား တစ်စီး မှတ်တိုင် ကို ရောက်လာ လျှင် ငါးယောက် မှ ဆယ်ယောက် ခန့် အထိ လျော့ သွားသည် ။ ဘတ်စ်ကား မလာတာ ကြာသွား လျှင် လူ နှစ်ဆယ် ခန့် ပြန် တိုး လာသည် ။ ဘတ်စ်ကား နံပါတ် မျိုးစုံ မှတ်တိုင် မှာ လာရပ်သည် ။ ဘတ်စ်ကား စီးတတ်သူတွေ က တော့ မိမိ သွားလိုရာ ခရီး နှင့် အနီးဆုံး နေရာ ကို ရောက်နိုင်သည့် ကားတွေ ကို တက်စီး သွား ကြသည် ။ နံပါတ် ၃၉ တစ်မျိုးတည်း ကို ပဲ စီး တတ်သည့် ကိုအဏ္ဏဝါ က တော့ ၃၉ အပေါ်လမ်း ကား မလာမချင်း စောင့် နေသည် ။ နံပါတ် ၃၉ ကား တွေ လာ ပါသည် ။ အောက်လမ်း ကား ဖြစ် နေသည် ။ တက်လို့ မရအောင် ကြပ် နေသည် ။ သစ်သား ဘော်ဒီ ကားကြီး ဖြစ် နေသည် ။ ဘီအမ် ဟီးနိုးကားသေးလေး ဖြစ်နေသည် ... စသည်ဖြင့် ချေးများ နေ၍ ကား ပေါ် မရောက်နိုင် ဖြစ်နေသည် ။

ကိုအဏ္ဏဝါ နှင့် အတူ ခရီးသည် တချို့သည် အပေါ်လမ်း သွားမည့် အဲယားကွန်း ဘတ်စ်ကားကြီး အလာ ကို စောင့် နေကြသည် ။ အဲယားကွန်း က ဖွင့် လျှင် ကား ဆီ ပို ကုန်တယ် ဆိုပြီး မဖွင့်ဘဲ ထားလို့ ၊ ပျက် နေလို့ ပူအိုက် လှောင်မွန်း နေသော်လည်း ကားကြီးတွေ ဖြစ်လို့ ငါးကျပ်တန် ၊ တစ်ဆယ်တန် ကားတွေ ကို မစီးဘဲ ၂၀ တန် အဲယားကွန်း ကားကြီး ကို စောင့် စီး နေကြခြင်း ဖြစ်သည် ။ အပေါ်လမ်း ကားကြီး က တော်တော် နဲ့ ပေါ် မလာ ဖြစ် နေသည် ။ ကား စောင့် နေသည့် လူအုပ် ထဲ ပျော်ပျော် နေတတ်ဟန် တူသည့် လူ တစ်ယောက် က ကိုအဏ္ဏဝါ ကြားဖူးသည့် သီချင်း တစ်ပုဒ် ထဲ က တစ်ပိုင်း တစ်စ ကို အော်ဆို လိုက်သည် ။

“ သူ လာလာ မလာလာ ကိုယ် က စောင့်ရမှာ ...”

ကိုအဏ္ဏဝါ အပါအဝင် ကားစောင့် နေသူ တချို့ ပြုံး လိုက်ကြသည် ။ ကိုအဏ္ဏဝါ က တော့ သူ ကြုံခဲ့ရသည့် အတိတ်ဘဝ အတွေ့ အကြုံ တစ်ခု ကို ပြန် သတိရ ပြီး ပြုံး လိုက်ပြန်သည် ။ အသံ ထွက်ပြီး မရယ်မိ အောင် သတိထား လိုက်ရသည် ။၁၉၈၀ ခုနှစ် ၊ ဇန်နဝါရီလ မှာ ကိုအဏ္ဏဝါ သည် ဌာနဆိုင်ရာ တာဝန် ဖြင့် မြိတ်မြို့ သို့ ရောက် သွားသည် ။ မြိတ်ကျွန်းစု ရေပြင် တွင် ရေနံ ရှာဖွေရန် အင်္ဂလန် ကဂျီကိုအယ်လ်ဖာ ဆိုသည့် ကုမ္ပဏီ နှင့် တိုင်းတာရေး ( ဆိုက်စမက် ) လုပ်ရန် ရောက်သွားခြင်း ဖြစ်သည် ။ ကိုအဏ္ဏဝါ က ဝါယာလက် အော်ပရေတာ ဖြစ်သည် ။တိုင်းတာရေး သင်္ဘော က ဘိုတွေ နဲ့ မြန်မာအရာရှိတွေ ဆက်သွယ် စကား ပြောလို့ ရအောင် ကိုအဏ္ဏဝါ က ဆောင်ရွက် ပေးရသည် ။ 

ကိုအဏ္ဏဝါ တို့ အဖွဲ့ မှာ လူ ( ၇ ) ယောက် ပါသည် ။ ဘူမိဗေဒ အရာရှိ တစ်ယောက် ၊ ဝါယာလက် အော်ပရေတာ ( ၂ ) ယောက် ၊ ယာဉ်မောင်း တစ်ယောက် ၊စက်ပြင်မီးစက်မောင်း တစ်ယောက် ၊ ထမင်းချက် တစ်ယောက် ၊ စားပွဲထိုး တစ်ယောက် တို့ ဖြစ်သည် ။ ကိုအဏ္ဏဝါ တို့ အဖွဲ့ ကို ဒေသအာဏာပိုင်အဖွဲ့ က မြိတ်မြို့ဗိုလ်တဲကြီး မှာ နေရာ ချထား ပေးသည် ။ မြိတ်မြို့ ၏ ကျက်သရေဆောင် လေးကျွန်းဆီမီး စေတီတော်ကြီး အနီး က အထင်ကရ ဗိုလ်တဲကြီး မှာ နေရာ ပေးထားခြင်း ဖြစ်သည် ။ မြန်မာ့ရေနံဌာန က မြို့နယ် အာဏာပိုင် အဖွဲ့အစည်း ထံ မှ လခ ဖြင့် ငှားရမ်းခြင်း ဖြစ်သည် ဟု သိရသည် ။

ဗိုလ်တဲစောင့် အဘိုးကြီး က ကိုအဏ္ဏဝါ တို့ ကို နေရာ ချထား ပေးရာ တွင် အကန့်အသတ် ပြုလုပ်သည် ။ ဗိုလ်တဲကြီး ၏ အောက်ထပ် မှာ မည်သည့် နေရာ ကို မဆို ယူနိုင် ၊ နေနိုင် သော်လည်း အပေါ်ထပ် ကို မူ ခြေရင်းဘက် က တစ်ခြမ်း ကို သာ နေခွင့် ပြုပါသည် ။ ခေါင်းရင်း တစ်ခြမ်း ကို မူ ချန်လှပ် ထားသည် ဟု ပြောပါသည် ။ ကိုအဏ္ဏဝါ တို့ က လည်း သဘော တူ ပါသည် ။

၂၃ - ၁ - ၁၉၈ဝ နေ့ မှာ ရေနံရှာဖွေရေးကုမ္ပဏီ မှ နိုင်ငံခြားသား ( ၃ ) ယောက် ဗိုလ်တဲကြီး ကို ရောက် လာသည် ။ နိုင်ငံခြားသား သုံးယောက် အနက် တစ်ယောက် ဖြစ်သည့် ဂျိမ်းမာတင် ဆိုသူ ( ရေဒီယိုအင်ဂျင်နီယာ ) က ဗိုလ်တဲကြီး ၏ ခေါင်းရင်းဘက် က အိပ်ခန်း ရှိရာ ကို ပြေးပြီး နေရာ ယူ ပစ် လိုက်သည် ။ ကိုအဏ္ဏဝါ တို့ ၏ အဖွဲ့ခေါင်းဆောင် မြန်မာအရာရှိ က ဂျိမ်းမာတင် ကို အကျိုးအကြောင်း ရှင်း ပြသည် ။ မိမိ တို့ နှင့် အတူ ခြေရင်းခန်း က သင့်လျော်ရာ နေရာ တစ်ခု မှာ နေပါရန် မေတ္တာ ရပ်ခံသည် ။ နိုင်ငံခြားသား နှစ်ယောက် က ပါ သဘော တူ သော်လည်း ဂျိမ်းမာတင် က ခေါင်းမာ နေသည် ။ သူ သည် ဒီ ဗိုလ်တဲကြီး ကို ရောက် လျှင် ဒီ အခန်း မှာ ညအိပ်မည် ဆိုတာ ကို အင်္ဂလန် က ထွက်ခွာ လာ ကတည်း က ဆုံးဖြတ်ပြီး ဖြစ်သည် ဟု ဆိုပါသည် ။ မြန်မာအရာရှိ က ရော နိုင်ငံခြားသား နှစ်ယောက် က ဘာကြောင့်လဲ ဟု ဝိုင်း မေးကြသည် ကို မဖြေဘဲ နက်ဖြန် နံနက် မှ အဖြေ ပေးမည် ဟု ပြောသည် ။ ခေါင်းမာ နေသည့် ဂျိမ်းမာတင် ကို ဗိုလ်တဲစောင့် အဘိုးကြီး က ပါ အားလုံး က လက်လျှော့ ပေး လိုက်ကြရသည် ။ သူ့ အတွက် အိပ်ရာ ကို သူ နေချင်သည့် ခေါင်းရင်းခန်း က အရှေ့ဘက် ထောင့်ခန်း မှာ နေရာပြင် ပေး လိုက် ရသည် ။ ည အိပ်ခါနီး မှာ ရေမိုး ချိုးသည် ။ အဝတ်အစား အသစ် လဲသည် ။ ရေမွှေးတွေ ဘာတွေ ဆွတ်ဖျန်းပြီး အိပ်ရာ ဝင် သွား တာ မြင် လိုက်ရသည် ။

နောက်နေ့  ( ၂၄ - ၁ - ၈ဝ ) နံနက် ဘရိတ်ဖတ် ( နံနက်စာ ) စား ကြတော့ ဂျိမ်းမာတင် ကို အားလုံးက ဝိုင်း မေး ကြသည် ။ မြိတ်မြို့ ဗိုလ်တဲကြီး က ဒီ အခန်း မှာ ဘာကြောင့် အိပ်ချင်တယ် ဆိုတာကို သိချင် နေကြသည် ။ ဂျိမ်းမာတင် က ပြုံးပြီး ဖြေသည် ။

“ ကျွန်တော် မြန်မာပြည် ကို သွားရတော့မယ် ဆိုတော့ မြန်မာပြည် နဲ့ ပတ်သက် တဲ့ စာအုပ်တွေ ရှာဖတ်တယ် ။ အင်္ဂလိပ် လက်ထက် က မြန်မာပြည် မှာ အရေးပိုင် လုပ် သွားခဲ့ဖူးတဲ့ မစ္စတာ မောရစ်ကောလစ် ရေးတဲ့ မြန်မာပြည် အကြောင်း စာအုပ် တစ်အုပ် ဖတ် ရတယ် ။ အဲဒီ စာအုပ် မှာ ဒီ ဗိုလ်တဲကြီး အကြောင်း ရေး ထားတယ် ။ အခု ကျွန်တော် နေတဲ့ အခန်း မှာ သရဲ ခြောက်တယ် လို့ ရေး ထားတယ် ။ သရဲ က အမျိုးသမီး တဲ့ ။ မင်းသမီး လို နန်းဝတ်နန်းစား ဝတ်ထား တာ အရမ်း ချောတာပဲ တဲ့ ။ ပြီးတော့ သရဲမ က အပျို ဆိုတော့ ယောက်ျားတွေ ကို ပဲ ခြောက်တယ် တဲ့ ။ အခုအခါ မှာ သူ က လည်း အပျိုကြီး ၊ ကျုပ် က လည်း လူပျိုကြီး ဆိုတော့ တွေ့ချင်လို့ ပါ ဗျာ ”

“ ဒါဆိုရင် ည က သူ လာ သလား ဟင် ”

အားလုံးက စိတ်ဝင်တစား ဝိုင်း မေးကြသည် ။ ဂျိမ်းမာတင် က စိတ်ပျက် အားငယ်စွာ ခေါင်း ခါသည် ။ ကော်ဖီပူပူ တစ်ငုံ သောက်ချ လိုက်ပြီး မှ အေးအေးဆေးဆေး ပြန် ဖြေသည် ။

“မလာပါဘူး ဗျာ ၊ သူ လာလာ မလာလာ ကိုယ် က စောင့်ရမှာပဲ ”

အပျိုကြီး သရဲမချောချော ကို တွေ့ချင်လို့ စောင့်မည် ဆိုသည့် လူပျိုကြီး ကို အဲဒီ အခန်း မှာ ပဲ ဆက် နေဖို့ ခွင့်ပြု လိုက်ရတော့သည် ။ ကိုအဏ္ဏဝါ တို့ နှင့် အတူ နေသည့် နိုင်ငံခြားသား နှစ်ယောက် က တော့ ရဟတ်ယာဉ် ဖြင့် သင်္ဘော ကို သွားရန် လေယာဉ်ကွင်း ကို ဆင်းသွားကြ တော့သည် ။

◾အဏ္ဏဝါစိုးမိုး

📖 ရွှေမြင်သာဂျာနယ် 

      အတွဲ ( ၃ ) ၊ အမှတ် ( ၁၅ ) 

      ၈ ရက် ၊ ဇူလိုင်လ ၊ ၂ဝဝ၃ ခုနှစ် ။

#ကိုအောင်နိုင်ဦး

.