❝ ယောက်ျားလေး သူငယ်ချင်း ❞
“ ယောက်ျားလေး သူငယ်ချင်း ထား တာ ကို မေမေ တို့ က သဘော မပေါက်ဘူး ၊ ရည်းစား လို့ ထင်နေတယ် ။ ပတ်ဝန်းကျင် ကလည်း ဒီလိုပဲ ၊ သမီး တို့ က ရိုးရိုးသားသားပါ ။ နှစ်ယောက် တည်း ဈေး အတူ သွား ၊ လက်ဖက်ရည်ဆိုင် အတူ ထိုင် တိုင်း သမီးရည်းစား ဖြစ်ရမှာလား ။ သူ က သမီး ကို ကူညီနေတာပဲ ။ သမီး အတွက် အဖော် လိုက်ပေးတာ ကိုပဲ အပြစ်ကြီး တစ်ခု လို သမီး ကို နှာခေါင်း ရှုံ့ချင်ကြတယ် ။ အဲဒါ သမီး မှား သလား ဦး ၊ ယောက်ျားလေး သူငယ်ချင်း ထား တာနဲ့ ပဲ သမီး ဘဝ ကို ထိခိုက် နိုင်သလား
အဲသလို စာ မျိုးလည်း လေးလေး ဆီ လာတယ်လေ ။ ခက် တာပဲ ။ ပြော ပြန်ရင်လည်း လေးလေး လွန်ရာ ကျတော့မယ် ။ ယောက်ျားလေး ဆိုတာ မိန်းကလေး အတွက် အလိုအပ်ဆုံး မိတ်ဆွေ ဖြစ်သလို ကြောက်စရာ အကောင်းဆုံး ရန်သူ လည်း ဖြစ်တယ် လို့ လေးလေး ပြော ဖူးသားပဲ ။
ယောက်ျားလေး ဆိုတာ မိန်းကလေး တွေ ကို ကူညီ ခွင့် ရတာနဲ့ ကူညီ ဖို့ အသင့် ရှိ နေကြတာ ကွယ့် ၊ ကူညီခွင့် ရတယ် ဆိုတာ နီးစပ်ဖို့ အခြေခံ ကိုး ၊ အလကား နေရင်း ကူညီချင် နေကြတာ ။ မိန်းကလေး တစ်ယောက် အတွက် ဈေးသွား အအေးဆိုင် ထိုင် လမ်းလျှောက် ထွက် ဖို့ အဖော် လို လို့ ဆိုပြီး ယောက်ျားလေး တစ်ယောက် ကို ခေါ်လို့ ကိုယ့် အဖော် ရအောင် လိုက်ပေးတာ ကို ကျေးဇူး တင်နေတယ် ဆိုတော့ ဒါလောက် အ ရသလား လို့ ပဲ မေးချင်တော့တယ် ။ မှတ်ထား ကွယ့် ၊ အဲသလို အဖေါ် ခေါ် ရင် ယောက်ျားလေး တစ်ရာ မှာ ကိုးဆယ့်ကိုးယောက် က လိုက်ဖို့ အသင့်ပဲ ၊ ကျန်တဲ့ တစ်ယောက် က ခြေ နာ နေလို့ ပဲ ဖြစ်မယ် ။
မိန်းကလေး တစ်ယောက် ဟာ ယောက်ျားလေး တစ်ယောက် နဲ့ ပူးပူးတွဲတွဲ ဟိုသွား ဒီသွား လုပ် နေကြပြီ ဆိုရင် သူတို့ ဟာ သူတို့ ဘယ်လောက် ရိုးရိုး ပတ်ဝန်းကျင် ကတော့ သမီးရည်းစား ဖြစ် နေပြီပဲ ထင် မှာပဲ ။ သမီးရည်းစား မဟုတ်ပါဘူး ဆိုပြီး လိုက် ရှင်းပြ နေရင်လည်း အထင် သေး မှာပဲ ။ တကယ်လို့ အဲဒီ မိန်းကလေး မှာ ချစ်သူ ရှိနေတယ် ဆို ရင်လည်း အဲသလို ယောက်ျားလေး သူငယ်ချင်း ထား တာကို လုံးဝ ခွင့်လွှတ်မယ် မဟုတ်ပါဘူး ။ သူ့ ကို ဘဝ အဖော် အဖြစ် ရွေးချယ်ဖို့ စိတ်ကူး ရှိ နေရင်လည်း အဲသလို ယောက်ျားလေး တစ်ယောက် နဲ့ တွဲ နေမှန်း သိရင် နောက် ဆုတ် သွားမှာပဲ ။
မိန်းကလေး ဆိုတာ ကိုယ် ချစ်တဲ့ ၊ လက်ထပ်ဖို့ ဆုံးဖြတ်ထားတဲ့ ယောက်ျားလေး မဟုတ်ရင် အတူ သွား အတူ လာ မနေထိုင်သင့်ဘူး ။ ခင် လို့ အကူအညီ ရလို့ ဆိုပြီး တွဲ နေတာဟာ သူ့ ဆီ က ရတဲ့ ကူညီမှု ထက် အဆပေါင်း များစွာ စိတ် အနှောင့်အယှက် ဖြစ်စရာတွေ ပူးတွဲ ပါလာလိမ့်မယ် ဆိုတာ ယုံ ထားပါ ။ ယောက်ျားလေး သူငယ်ချင်း ထား တဲ့ အတွက် ကိုယ့် ဘဝ မှာ ကောင်းကျိုး ထက် ဆိုးကျိုး တွေ ပဲ တန်းစီ ဝင်လာ လိမ့်မယ် ။ ဒါဆို ယောက်ျားလေး သူငယ်ချင်း ထား တာ မှားသလား မှန်သလား ငါ့ တူမများ ပါ သိ ရအောင် လေးလေး ရေး ပြ နေတာပါ ။
“ ဘဝ ကို ထိခိုက်နိုင်သလား ”
“ တွဲသွား နေရုံနဲ့ မိန်းကလေး အတွက် ဘယ်လိုများ နစ်နာသလဲ”
ဆိုတဲ့ အမေး အတွက် “ သိက္ခာ ” နစ်နာတယ် လို့ပဲ လေးလေး အဖြေ ပေးခဲ့တယ် ။ ယောက်ျားလေး သူငယ်ချင်း ဆိုတာ တကယ်တော့ တိုင်းတစ်ပါး ရဲ့ လူနေမှုစနစ် ထဲ က ဝေါဟာရ တစ်ခုပါ ။ ဘွိုင်းဖရင့်ဒ် ဆိုတာ ကို ဘာသာ ပြန် ထားတဲ့ စကားပဲ ။ အဲဒီ ယောက်ျားလေး သူငယ်ချင်း ဆိုတဲ့ စကားတွဲ က လေးလေး တို့ မြန်မာ ဝေါဟာရ ထဲ မှာ ရှိခဲ့တဲ့ စကား မဟုတ်ပါဘူး ၊ အဲသလို စကား မရှိခဲ့တာ ဟာ မြန်မာ လူနေမှု ကို က အဲသလို နေတာ မရှိခဲ့လို့ ပေါ့ ။
လေးလေး က ခုလို ပြော လိုက်တော့ မြန်မာ စကား ထဲ မရှိတဲ့ စကားတွေ ဟိုး အလျင် က မရှိပေမယ့် ခု ရှိလာတာတွေ အများကြီးပဲ ။ ကား တို့ ၊ ရေဒီယို တို့ အများကြီး မှ တကယ့်ကို အများကြီးပဲ ၊ ဟိုတုန်းက မရှိ ပေမယ့် ခု ခေတ် ရဲ့ တိုးတက် မှု အရ လိုအပ်လို့ ရှိ လာတာ မဟုတ်လားလို့ ငါ့ တူမများ က မေးချင်လိမ့်မယ် ။
ဟုတ်တယ် ။
အဲသလို နောက် မှ ပေါ်လာတဲ့ လူသုံးပစ္စည်းတွေ ၊ သိပ္ပံပစ္စည်းတွေ အတွက် ကတော့ လိုအပ်လို့ မြန်မာ စကား အဖြစ် မွေးစား ယူတာတွေလည်း ရှိတယ် ။ ဘာသာပြန် လို့ ရတာတွေကို ဘာသာပြန် ယူတာတွေလည်း ရှိတယ် ၊ တီဗွီ ကို ရုပ်မြင်သံကြား ဆို ပြန် တာမျိုးပေါ့ ။ အဲ
“ ဘွိုင်းဖရင့်ဒ် ”
ဆိုတာ ကတော့ လူသုံးပစ္စည်း မှ မဟုတ်ဘဲ ။ ဓလေ့ထုံးစံ နဲ့ ဆက်နွယ်နေတဲ့ အနေအထိုင် ပုံစံ တစ်ခုပဲ ။ လေးလေး တို့ မြန်မာဓလေ့ ထုံးစံ နဲ့ အံ မဝင်တဲ့ အနေအထိုင် ပုံစံတစ်ခု ကို ဘာသာပြန် ထူထောင်လို့ မရပါဘူး ။ အတင်းအဓမ္မ ထူထောင်မယ် ဆိုရင်လည်း ကိုယ် ပဲ အများနဲ့ သဘောထား ချင်း ကင်းကွာ သွားမှာပဲ ။ ဓလေ့ထုံးစံ ကို လူသုံးကုန်ပစ္စည်း လို ယူပြီး အသုံးပြုလို့ မရဘူး ကွယ့် ၊ တိုင်းတစ်ပါး ရဲ့ အလေ့အထ ဟာ ဘယ်နည်းနဲ့မျှ မြန်မာ အလေ့အထ ဖြစ် မလာနိုင်ပါဘူး ။
လေးလေး တို့ တိုင်းတစ်ပါး က ယူရမှာက နည်းပညာ အတတ်ပညာ ပါ ။
ယောက်ျားလေး သူငယ်ချင်း ထား တာဟာ နည်းပညာ အတတ်ပညာ မဟုတ်ပါဘူး ။ အမူအကျင့် ပါ ။ တိုးတက်လာတဲ့ ခေတ် ၊ အခြေအနေ ၊ အချိန်အခါ အရ မိန်းကလေးတွေ ၊ ယောက်ျားလေးတွေ အတူ သွား ၊ အတူ ပညာရှာ ၊ အပြန်အလှန် ကူညီနေကြတာမျိုး ဟာ လက်ခံနိုင်စရာ ပေမယ့် ဘော်လီအင်္ကျီ ဝယ်ဖို့ သွား တဲ့ ဆီ မှာ ယောက်ျားလေး သူငယ်ချင်း တစ်ယောက် ကို အဖော် ခေါ် သွားတာမျိုး ကျတော့ ပတ်ဝန်းကျင် က ဘယ် လက်ခံ နိုင်ပါ့မလဲ ။
ဒီနေ့ ငါ့ တူမများ မိန်းကလေးချင်း က ပို သိပါတယ် ။ မိန်းကလေး တစ်ရာ မှာ ယောက်ျားလေး သူငယ်ချင်း ထား ပြီး ရည်းစား လည်း မဟုတ် ၊ လက်ထပ်မယ့် သူ လည်း မဟုတ်ဘဲ နှစ်ယောက် တည်း တွဲ နေတဲ့ မိန်းကလေးမျိုး က ဘယ် နှစ်ယောက် များ ရှိပါသလဲ ၊ အရှက်အကြောက် ဆိုတာ မိန်းကလေး ဘဝ လုံခြုံမှု အတွက် အခြေခံ အကြောင်းတရား ပဲ ။ အထူးသဖြင့် ယောက်ျားလေး တွေ နဲ့ ပတ်သက်ရမယ့် ကိစ္စတွေ မှာ “ အရှက်အကြောက် ” ဟာ ပိုပြီး လိုအပ်ပါတယ်။
ပတ်ဝန်းကျင် က ကဲ့ရဲ့ မှာ
မိဘ က သဘော မကျ မှာ ကို
ရှက် လည်း မရှက်ဘူး ၊
ကြောက်လည်း မကြောက်ဘူး
ဆိုရင် ရင်လေး စရာ ပဲ ပေါ့ကွယ် ။
ဒါကြောင့် လေးလေး ပြော ချင်တယ် ၊ ယောက်ျားလေး သူငယ်ချင်း ဆိုတာ နဲ့ ရည်းစား တစ်ယောက် ရဲ့ နေပုံထိုင်ပုံ ကို တော့ ကွဲပြားသင့်တယ် လို့ ။
◾ ကံချွန်
📖 အပျိုစင်တို့သိဖို့ ယောက်ျားတို့ အကြောင်း ( ၂ )
www.facebook.com/aung.naingoo.3726613
.
No comments:
Post a Comment