မာန ကြီးတာ နဲ့ ဘဝင် မြင့်တာ

 

❝ မာန ကြီးတာ နဲ့ ဘဝင် မြင့်တာ ❞

အလှ မာန
ပညာ မာန
သိက္ခာ မာန
ဓန မာန

မာန ဆိုတာ ထား ရမှာပဲ ကွယ့် ။ မာန ကြီးတယ် ဆိုတာ ကြီးစရာ မာန ရှိမှ ကြီးလို့ ရတာပါ ။ ကြီးစရာ မာန မရှိဘဲ ငါ နဲ့ ဘယ်သူ နဲ့ မှ မတူဘူး ၊ မတန်ဘူး ဆို ကိုယ့် ကိုယ် ကို အထင် ကြီး နေရင် “ ဘဝင် မြင့်တာ ” ပဲ ။ လွယ်လွယ် ပြော ရရင်တော့ ဘာမှ မဟုတ်တဲ့ သူ ကို သိပ်ပြီး အရေး ပါသလို ဟုတ်သလို ထင် နေရင် “ အထင်ကြီး ” တာ ဖြစ်ပြီး ကိုယ့် ကိုယ် ကို အထင် ကြီးရင် ဘဝင် မြင့်တာ ဖြစ်ရော ။

ဘဝင် မြင့် နေတဲ့ ယောက်ျားလေးတွေ အကြောင်းလည်း သိထားသင့်တာပဲ ။ ဘဝင် မြင့်တာ ရဲ့ အခြေခံကတော့ အသိဉာဏ် နည်းလို့ပဲ ။ ဘဝင် မြင့် နေတဲ့သူများ ဟာ သူတို့ ကို ပတ်ဝန်းကျင် က သိပ် အထင် ကြီးစေချင်တယ် ။ လူတွေ ရဲ့ အာရုံ စိုက်မှုကို သိပ် လိုချင်ကြတာ ။ နေတာ ထိုင်တာ ဝတ်တာ စားတာ ပြောတာ ဆိုတာ သူများထက် နည်းနည်း ပို ကဲတယ် ။ သူများ ဆိုတာ က သူ နဲ့ အဆင့်တူ တွေ ကို ဆိုလိုတာပါ ။ လူစုံစုံ ဆိုရင် အသံ ကျယ်ကျယ် နဲ့ ပြောမယ် ” ဆိုင်ကယ် စီးနိုင်သူချင်း တူရင် သူ က ပိုပြီး မြန်မြန် ကြမ်းကြမ်း စီးမယ် ။ လွန်ကဲတဲ့ အမူအကျင့်တွေ ရှိတယ်လို့ပဲ လွယ်လွယ် မှတ်ထားလိုက်ပေါ့ ။

မာန ဆိုတာ ကတော့ ထားသင့်တယ် လို့ လေးလေး မြင်တယ် ။ ယုံတယ် ။ အသိဉာဏ် ရှိသူ က ကိုယ့် အသိဉာဏ် အတွက် မာန ထား ရမှာပဲ ။ ရုပ် လှ သူ က ကိုယ့် အလှအပ အတွက် မာန ထား ရမှာပဲ ။ ဥစ္စာ ရှိသူ ကလည်း သူ့ ဥစ္စာ အတွက် မာန ထား ရမှာပဲ ။ ပညာ တတ် တစ်ယောက် ဟာ သူ ပိုင်ဆိုင်ထား တဲ့ ပညာ အတွက် မာန မထားရင် သူ့ ပညာ ဟာ အလကား ဖြစ်သွားမှာပေါ့ ။ ငါ က ပညာတတ်ပဲ ဆိုတဲ့ မာန တော့ ရှိ ရမှာပေါ့ ။ ပညာ မတတ်တဲ့ လူတွေ လို အချိန် ဖြုန်း နေရင် သူ့ ပညာ ရဲ့တန်ဖိုး ဟာ ဘယ် ရှိတော့မှာလဲ ။ အချိန် ဖြုန်း ရတဲ့ အလုပ်မျိုး သူ့ ပညာ နဲ့ အံ မဝင် တဲ့ အလုပ် မျိုး လာ ခိုင်းရင်လည်း အဲဒီ အလုပ် ငါ နဲ့ မတန်ဘူးကွ ဆိုပြီး ပြောပိုင်ခွင့် ရှိတာပဲ ။ လေယာဉ်ပျံ မောင်းတတ် သူ ကို ဆိုက်ကား နင်း ခိုင်း လို့ မသင့်လျော်ဘူး ။ သူ က မနင်းတာ နဲ့ မာန ကြီးလိုက်တာ ဆိုရင် ကြီး ရမှာပဲလို့ ပြန် ပြောရမှာပဲ ။

သိပ် လှတဲ့ မိန်းကလေး ဟာ သူ့ အလှအပ အတွက် မာန ထားရမှာပဲ ။ အဲဒီ မာန မရှိရင် စော်ကား ခံရမှာပေါ့ ။ လူတွေ ဟာ မာန ထားနိုင်ဖို့ ပိုင်ဆိုင်မှု ရှိရတယ် ။ သဘာဝက ပေးတဲ့ ပိုင်ဆိုင်မှု ( ရုပ် လှတာ အသံ ကောင်းတာ ) မျိုး ။ ဒါမှမဟုတ် လုံ့လဝီရိယ နဲ့ ရယူထားတဲ့ ဥစ္စာ ဓန ပညာ လို ဟာမျိုး ။ ကိုယ့် ပိုင်ဆိုင်မှု အတွက် ကိုယ် တန်ဖိုး ထားတာဟာ မာန လို့ လေးလေး တော့ နားလည်တာပဲ ။

ပိုင်ဆိုင်မှု အတွက် မာန ထားရာမှာ မတည်မြဲ နိုင်တာ အတွက် ကတော့ တစ်မျိုးပေါ့ ။ ကိုယ့် မှာ မပိုင်ဆိုင်တော့ရင် မာန မထားနဲ့တော့ပေါ့ ။ဆိုကြပါစို့ ။ ဥစ္စာဓန အတွက် မာန ထားတယ် ။ အကြောင်း ကြောင်း ကြောင့် ဥစ္စာဓန ဆုံး ရှုံးသွားရင် မာန မထားနဲ့တော့ပေါ့ ။ မပိုင်ဆိုင်တော့တဲ့ အချိန် မှာ ပါ မာန ထား နေရင် ဘဝင် မြင့်တာ ဖြစ်သွားမှာပဲ ၊ အထည်ကြီး ပျက် လို့ ခေါ်တာ ခံ ရမှာပဲ ။

အလှအပ အတွက် မာန ထားတယ် ၊ လှ နေတုန်း ထားပေါ့ ။ အသက် ကြီးလာလို့ မလှတော့တဲ့ အချိန် ထိ မာန ထားနေရင် ရယ်စရာ ဖြစ်မှာပဲ ။ ကြောင် သွားမှာပဲ ။

ပညာ မာနမျိုး ကျတော့ တစ်သက်လုံး ထားလို့ ရတယ် ။ အတွေ့အကြုံ စုံလေ အသက်ကြီးလေ အတွေးအခေါ် ရင့်ကျက်လေပဲ ။ ပိုင်ဆိုင်ပြီးသား ပညာ ဟာ ပျက်လွင့်သွားမယ် မဟုတ်ပါဘူး ။ အမှားအမှန် ဝေဖန်ပိုင်းခြားနိုင်တဲ့ ပညာရှင် ဟာ မှားနေတာ ကို မှန်ပါတယ်လို့ ပြော မှာ မဟုတ်ဘူး ၊ မှန်နေတာ ကိုလည်း မှားတယ်လို့ ပြော မှာ မဟုတ်ဘူး ။ မသိ တဲ့ လူတစ်ရာ နဲ့ သူ တစ်ယောက်တည်း နဲ့ ယှဉ် နေရလို့လည်း အလျှော့ ပေးမှာ မဟုတ်ဘူး ။ အဲဒါ ပညာ မာန ပဲ ။

မိန်းကလေး ပဲ ဖြစ်ဖြစ်
ယောက်ျားလေး ပဲ ဖြစ်ဖြစ်

ဒီ လူ ဟာ ဘဝင် မြင့် နေတာလား ၊ မာန ထား တာလား ၊ ခွဲခြားပါ ။ ကိုယ်တိုင် လည်း ငါ ဟာ ဘဝင် မြင့် နေတာလား ၊ မာန ထား တာလား ခွဲခြားပါ ။ ဘဝင် မြင့် တာ နဲ့ မာန ကြီး တာ ခွဲခြားနိုင်ပါစေ ။ မာန ထား စရာ ရှိလို့ မာန ထား တာ ကောင်းပါတယ် ။ ကိုယ့် မှာ ရှိနေ တဲ့ အရည်အချင်း ထက် ပိုင်ဆိုင်မှုထက် ပိုပြီး ပိုင်ဆိုင်တယ် လို့ ထင် လိုက်ရင်တော့ ဘဝင် မြင့် တာ ဖြစ်သွားမှာပါပဲ ။

မာန ဆိုတာ တစ်နည်းအားဖြင့် တော့ ကိုယ့် ကို ကိုယ် ယုံကြည်မှု ပါ ပဲ ။ ကိုယ့် ယုံကြည်မှု ကို ကိုယ် ခိုင်မာအောင် တည်ဆောက်နိုင်ရင် ဘဝ ဟာ တိုးတက်သွားမှာပါပဲ ။

ငါ့ တူမများ ယောက်ျားတွေ အကြောင်း သိဖို့ လိုအပ်သလို ကိုယ့် အကြောင်းလည်း ကိုယ် သိဖို့ လိုအပ်တယ် ။ ပြီးတော့ မိန်းကလေး တစ်ယောက် ရဲ့ ဘဝ လုံခြုံဖို့ တိုးတက်ဖို့ အေးချမ်းဖို့ ဆိုတာ ငါ့တူမများရဲ့ အသိဉာဏ် အတွေးအခေါ် ဖွံ့ဖြိုးတိုးတက်ဖို့ နဲ့ ပါ ဆိုင်နေတယ်လေ ။ အသိဉာဏ် အတွေးအခေါ် ဖွံ့ဖြိုးတိုးတက်မှု မရှိရင် ၊ အမှားအမှန် ဝေဖန်ပိုင်းခြားနိုင်စွမ်း မရှိရင် ယောက်ျားတွေ လိမ် သမျှ ခံ ရမှာပေါ့ ။ ယောက်ျားတွေ ပြောသမျှ ယုံ မိမှာပေါ့ ။ ပုံပြင်လေး တစ်ပုဒ် ပြောပြချင်တယ် ။

ရွာ တစ်ရွာ မှာ လူလည် တစ်ယောက် က တွေ့သမျှ ကောင်မလေးတွေ ကို မြှောက်ပင့် ပြောလေ့ ရှိတယ် ။ မြှောက်ပင့် ပြောပြီး နီးစပ်မှု  ယူ ရတာက လွယ်တာကိုး ။ သူ က ကောင်မလေးတွေ ကို တွေ့တာနဲ့

“ ဟဲ့ ကောင်မလေး ”

“ ဘာလဲ ”

“ နင် က တော်တော့် ကို လှတယ် ”

“ အိုဗျာ ဟုတ်လဲ ဟုတ်ပဲနဲ့ ”

“ အဟုတ် ကို ပြောတာပါ ”

“ ကျွန်မ လှတယ် လို့ ပြေတာ ခင်ဗျား တစ်ယောက် ပဲ ရှိတယ် ”

“ ဟာ တခြား လူတွေ က နင့် အလှအပ ကို မမြင်တတ်လို့ ၊ နင် လှ တာဟာ မျက်လုံး ပဲ ၊ နင့် မျက်လုံး နဲ့ သာ သေသေချာချာ စိုက် အကြည့် ခံလိုက် ရရင် အဲဒီ ကောင် တော့ ဓါတ်လိုက်သလို ခံ ရမှာပဲ ၊ နင် မျက်စောင်း ထိုး ကြည့် လိုက်ရင်လေ နင့် မျက်စောင်း က ရင် ထဲ ထိ ဝင် မှန်သလိုပဲ ၊ ဒန့် ဒန့် ဒန့် နဲ့ ကို ဖြစ် သွားတာ ”

အဲသလို အပြောတွေ နဲ့ မြှောက်ပင့်ပြောလေ့ ရှိတယ် ၊ အဲသလို ပြောတာ ကို ကျောင်းဆရာမ အပျိုကြီး က အားကြီး မုန်းတယ် ။ သက်သက် လူပါး ဝနေတာပေါ့ ၊ ကောင်မလေးတွေ ကလည်း ဒါလောက် အ ရသလားပေါ့ ၊ ဒီ ကောင် မြှောက်ပင့် ပြောနေတာကို မသိဘူးလားပေါ့ ။ အဲသလို မကျေမနပ်တွေ ဖြစ်နေလို့ တစ်ရက် မှာတော့ အဲဒီ လူ ကို

“ လာပါဦး ”

“ ဘာ ခိုင်းစရာရှိလို့လဲ မမ ”

“ ခိုင်းစရာ မရှိပါဘူး ၊ မင်း က ကောင်မလေးတွေ ကို တွေ့တာ နဲ့ မြှောက်ပင့် ပြောပြီး ညာ စားနေတာ မကျေနပ်လို့ ခေါ် ပြောတာပဲ ။ မိန်းကလေးတွေ ကို အ အူ အ အ လေးတွေ လို သဘော ထားနေတာ မကျေနပ်လို့ ၊ နောက် အဲသလို မလုပ်ပါနဲ့ ၊ မင်း ရဲ့အသုံးမကျ တဲ့ အကျင့် ကို ဖျောက်ပါလို့ ” ရန် တွေ့သတဲ့ ။

ဒီတော့ အဲဒီ လူ က

“ မမရယ် ကျွန်တော် မြှောက်ပင့် ပြောပြီး ညာ စားနေတယ် ဆိုတာ မှန်ပါတယ် ။ မြှောက်ပင့်လို့ ရတဲ့ မိန်းကလေးတွေ ကို မြှောက်ပင့် ပြော နေတာပါ ၊ မမ တို့ လို အသိဉာဏ် ရှိတဲ့ အမျိုးသမီး ကို တော့ ဘယ်မှာ မြှောက်ပင့် ပြော လို့လဲ ” ဆိုပြီး မျက်နှာငယ်လေး နဲ့ ပြောသတဲ့ ဒီတော့

“ အင်း ငါ့ မောင် ပြောတာလဲ ဟုတ်ပါတယ် ” လို့ ပြောပြီး ပြုံး သတဲ့ ။ ဒီ ပုံပြင်ဟာလည်း ငါ့ တူမများ သတိထားသင့်တဲ့ ပုံပြင် ပဲ ။ အသိဉာဏ် ရှိဖို့ သိပ် လိုတယ် ။ အသိဉာဏ် ရှိ မှ ယောက်ျားတွေ အကြောင်း သိ မှာ ၊ အသိဉာဏ် ရှိ မှ မာန ထားနိုင်မှာ ။

ခု လေးလေး ရေး ပြလိုက်တဲ့ ပုံပြင် ရဲ့ အဓိပ္ပါယ် ကို သေသေချာချာ စဉ်းစား ကြည့်စမ်း ။ စဉ်းစားတာ တွေးခေါ်တာ ဟာ အလေ့ အကျင့် လုပ် မှ ထက် မြက်လာတာ ။ ဒီ နေရာ မှာ ဆရာကြီး ရွှေဥဒေါင်း ရေးဖူးတဲ့ စာ ကို အမှတ်ရမိတယ် ။

တွေးခေါ်သည် ဆိုရာ၌ မိုး သည် အထက် က ရွာ ၍သာ တော် တော့သည် ။ အောက် မှာ ရွာ လျှင် ထီး မည်သို့ ဆောင်း ရမည် မသိ ဟု အဓိပ္ပါယ် မဲ့ ၊ ယုတ္တိ မဲ့ တွေးခြင်းမျိုး မဟုတ် ။

ဆိုပြီး ရေးဖူးတာ ။ စဉ်းစားတာ တွေးခေါ်တာ အလေ့အကျင့် မရှိရင် ဘယ် စကား က ဘယ် ရောက်လို့ ဘယ်လို အဓိပ္ပါယ် ထွက် မှန်း မသိ နဲ့ ကျေနပ် နေမိလိမ့်မယ် ။

◾ ကံချွန်

📖  အပျိုစင်တို့သိဖို့ ယောက်ျားတိုအကြောင်း ( ၂ )

www.facebook.com/aung.naingoo.3726613

.