🏒 အဖြူရောင် ဂေါ့ဖားများ
ဒီဇင်ဘာနှင်းမှုန်ကြားမှ အားကစားကို လိုက်စားကြကုန်သော အင်းစိန်တိုက်ဒေသရှိ သံတိုင်ကြားမှ အဖြူဝတ်လူသား တို့သည် အဆင့်အတန်းမြင့်လာသော အနောက်တိုင်းအလိုအရ ဂေါ့ (Golf) ဟုခေါ်သော ဂေါက်သီးအားကစား နည်းပညာကို ကောင်းစွာလိုက်စားတတ်မြောက်ကြကုန်သည်။
ထိုခေတ်ကာလ လူကုံထံများသာ တတ်ကျွမ်းနားလည်သည့် ဂေါက်သီးရိုက်ခြင်း နည်းစနစ်နှင့် အတတ်ပညာဥပဒေသတို့ကို လူပုံစံများဟု ခေါ်တွင်နိုင်သည့် ပုံစံနှင့်ထိုင်...၊ ပုံစံနှင့်ရပ်...၊ ပုံစံနှင့်စား...၊ ပုံစံနှင့် အိပ်သည့်သူများကို ပုံစံတကျ နည်းပညာပေး သင်ကြားသော သူသည်ကား
"ဦးရဲထွန်း" ဖြစ်သည်။
ငယ်စဉ်ကာလမှပင် အမေရိကန်နိုင်ငံတွင် ပညာသင်ကြားကာ ဘွဲ့အတတ်များရယူပြီး
အင်္ဂလန်နိုင်ငံတွင်ထပ်ဆင့် ပညာအတတ်ကို တတ်မြောက်ကျွမ်းကျင်လာသော ဥပဒေပညာရှင်ကြီး ဦးရဲထွန်းသည် အစဉ်အလာကြီးမားလှ၍ ကြွယ်ဝသောမိသားစုမှ ပေါက်ဖွားလာသူဖြစ်သည်။
ကြက်သွေးရောင်ဘောင်းဘီကို စွပ်ကျယ်လက်ပြတ်နှင့် ကွမ်းကို တမြုံ့မြုံ့ဝါး၍ မိလ္လာခွက်ကို ကိုင်ကာ (Good morning) ဟူ၍ အလွန်ပီသသော အနောက်တိုင်းမှ ဘိုဆန်လှသော
လေသံကိုပြုကာ နှုတ်ဆက်ခြင်းဖြင့် သူ၏ တစ်နေ့တာကို စတင်မြဲဖြစ်သည်။
"ဇာဏီ မနေ့က သင်ပေးထားတာကို မှတ်မိလား"
ဟု ဦးရဲထွန်း၏ အမေးကို ဆံပင်ဘုတ်သိုက်၊ နံရိုးအပြိုင်းပြိုင်းနှင့် အပေါက်အပြဲတို့ကို သားရေကွင်းနှင့် ထုံးနှောင်၍ဝတ်ကာ ဒိုက်ထိုးနေသော စံ-ဇာဏီဘိုက မဖြေခင် ဘိုးတော်ခင်ဝင်းက ကြားဝင်၍-
"မှတ်မိတယ် ဦးရဲ... အယ်စတုန်ဆိုပြီးတော့ အဆင့်ဆင့် ကိုယ်ကိုစောင်းပြီး အလုံးကို တုတ်နဲ့ရိုက်ရမှာ"
ဘိုးတော်၏အဖြေကို ကြားလေသော် ဦးရဲထွန်းမျက်နှာ ရှုံ့မဲ့သွားပြီး-
"ဘယ့်နှယ် အယ်စတုန်ရမှာလဲ ဘိုးတော်ရာ၊ အမ် စတာ ဒမ် ဆိုပြီးတော့ ဂေါက်ရိုက်ဖို့ တိုင်ပင်ယူတာပါ"
ဟု ပြောလေသော်-
"ဦးရဲကလည်း အယ်စတုန်ဖြစ်ဖြစ်၊ အမ် စတာ ဒမ် ဖြစ်ဖြစ် အသံထွက်အတူတူဘဲဟာ၊ မြန်မာမှု ပြုလိုက်ပြီးရော"
အပြင်သို့ရောက်နေသော မင်းသားကြီး ဦးအောင်လွင်က တံမြတ်စည်းတစ်ချောင်းကို လက်နှစ်ဖက်နှင့်ကိုင်၍ ခြေစုံကားကား "အမ်" ဟု ခေါ်ကာ ခါးကိုကိုင်းကာ တံမြတ်စည်းကို မိမိ၏ရှေ့တွင် တည့်မတ်စွာထား၏။ "စတာ" ဟု အသံထွက်ကာ ခန္ဓာကိုယ်ကို ဘယ်မှညာသို့ အနည်းငယ် စောင်း၍ စုံကိုင်ထားသော တံမြတ်စည်းကို နာရီလက်တံ ဆန့်ကျင်ဘက်အတိုင်း
ခပ်ဝိုက်ဝိုက်မြှောက်၍ ဘယ်ခြေဖျားကိုထောက်၊ လက်တို့ကိုကွေး၍ "ဒမ်" ဟုခေါ်ကာနာရီလက်တံအတိုင်း ခြေထောက်ရှေ့တွင်ထားသော ကြွပ်ကြွပ်အိတ်အလုံးကြီးအား " အုန်းခနဲ" မြည်အောင်ရိုက်၏။ အဲဒါကိုကြည့်၍ "Very Good... Very Good" ဟု အာလုတ်သံကြီးဖြင့်
ဦးရဲထွန်းက ဦးအောင်လွင်အား ချီးမြှောက်၏။
ထိုခေတ်ကာလ အလွန်နာမည်ကြီးလှသော ဂေါက်သီးသမားကြီး (ဦးမြအေး)၏ ဟန်အတိုင်း မျက်နှာကို ဘယ်ဘက်သို့ ခပ်စောင်းစောင်းထား၍ လွင့်သွားသော ကြွပ်ကြွပ်အိတ်အလုံးကို ကြည့်၊
ခြေထောက်ကို ခပ်ကြဲကြဲထား၊ ဘယ်ခြေထောက်ကို ခြေဖျားထောက်၍ တံမြတ်စည်းကို ပုခုံးတွင်တင်ထားသော မင်းသားကြီးဦးအောင်လွင်၏ပုံသည် မဂ္ဂဇင်းမျက်နှာဖုံးပုံတွင် ဖော်ပြရန်ပင် ကောင်းလေသည်။
"ဟာ... ဘကြီးအောင် တယ်စတိုင်ကျပါလား"
ဟု ဘိုးတော်က လှမ်းအော်သည်။
"အိုက်တင်က တယ်မိပါလား..."
ဝိုင်းကြည့်နေသော လူငယ်များကလည်း-
"မိုက်တယ်ကွာ"
ဟု လှမ်းအော်ကြ၏။
"ဒီအိုက်တင်ကို ဘယ်လိုရအောင်လုပ်ထားလဲ"
အလွန်မျက်စိစူး၍ အတုခိုးကောင်းလှသော ရန်မျိုးသိန်းက မေးလေသော် "ဂေါက်သီးရိုက်တဲ့ အိုက်တင်က လူ (၄)ယောက်ဆီက ပုံစံယူထားတာ၊ တစ်ယောက်ဆို တော်သေးတယ်၊ အခုတော့ များလှချည်လား"
ဟု စံ-ဇာဏီဘိုက မေးလေသော်-
"ကိုဇာကြီး ဒါက ဒီလိုရှိတယ်"
ရန်မျိုးသန်းသည် စကားတစ်ခုကို ရှင်းလိုလျှင် ဒီလိုရှိတယ်ဟု အစချီလေသော်...
"ဒီလိုရှိတယ်ကြီးကို ရှင်းပါဦး"
"ခြေထောက်ကို ခပ်ကားကားရပ်ရင် ဆရာခလိုရပ်ရမှာ... ဆရာကြီး (ဦး) မင်းသိင်္ခသည် ဟာနီယာဟု အနောက်အတိုင်းအခေါ်အဝေါ်အရအူကျသည့်ရောဂါရှိပေရာ ရပ်လျှင် ခပ်ကားကားရပ်ရတယ်... ဘကြီးမိုးလို ခပ်ကုန်းကုန်းနေရတယ်"
စာရေးဆရာ ရုပ်ရှင်ဒါရိုက်တာ မောင်မိုးသူကို ဘကြီးမိုးဟူ၍ အားလုံးက ခေါ်သည်။ အရပ်ရှည်ရှည် ခါးကိုင်းကိုင်းနှင့် ပုံသဏ္ဍာန်ကို လူတိုင်းက မျက်စိထဲမြင်၏။
"ဆရာခလို ခြေကားရယ်၊ ဘကြီးမိုးလို ခါးကုန်းထား၊ ခါးစောင်းတဲ့အခါ ဦးသော်ကကြီးလို ခါးစောင်းရမှာ..."
စာရေးဆရာ ရေတပ်မှ ဗိုလ်မှူးဘသော်သည် စာရေးဆရာမောင်သော်ကဟု ခေါ်သည်။
ခါးတွင်ဒဏ်ရာရထားသဖြင့် ခပ်စောင်းစောင်းဖြစ်နေရာ အားလုံး၏ မျက်လုံးထဲတွင်
ထင်းခနဲဖြစ်သည်။
"ဂေါက်သီးရိုက်ပြီး မျက်နှာကို ခပ်မော့မော့ထားပြီး ပြုံးနေတဲ့ပုံက အဘချမ်းပုံလေ"
စာရေးဆရာကြီး မောင်စူးစမ်းအား အားလုံးက ချစ်စနိုးဖြင့် အဘချမ်းဟူ၍ ခေါ်ကြသည်။
"ကဲ ဂေါက်သီးရိုက်တယ်ဆိုတာ ဆရာခလို ခြေကားကား၊ ဘကြီးမိုးလို ခါးကုန်းကုန်း၊ ဦးသော်ကလို
ခါးစောင်း စောင်း၊ ဂေါက်သီးရိုက်ပြီးတာနဲ့ အဘချမ်းလို ပြုံး"
"ဟာ... ဒါဆိုရင် အမ် စတာ ဒမ် လို့ မအော်တော့ဘူး၊ ခ မိုး သော် ချမ်းလို့အော်ပြီး ဂေါက်ရိုက်မယ်"
ဟု ကျောင်းသားလူငယ် မင်းဇေယျာမှ ဝင်ပြောလေသော် အားလုံး သဘောကျသွားလေတော့သည်။
ဂေါက်ရိုက်တံမြတ်စည်း
ဂေါက်သီးအဖြစ် သုံးစွဲသော ကြွပ်ကြွပ်အိတ်သည် အခက်အခဲမရှိ ရကြသည်။
ထိုကြွပ်ကြွပ်အိတ်ကား ဂေါက်သီးအဖြစ်ရိုက်ရန် ဂေါက်ရိုက်တံမြတ်စည်းသည် ပြင်ပလောက ဂေါက်ရိုက်တံ (Golf Stick) ထက်ပင် ရှားပါးပေလိမ့်မည်။
တံမြတ်စည်း တစ်ခုအား သုံးစွဲလေသောအခါ တံမြတ်စည်းစတို့သည် တဖြေးဖြေးတိုဝင်၏။
ထို့နောက် နှုတ်ခမ်းမွှေးကဲ့သို့ တစ်ဖက်တစ်ချက် ခပ်ကော့ကော့သာ ရှိကြ၏။ သို့သော် ဂေါက်ရိုက်သည့် တံမြတ်စည်းသည် နှုတ်ခမ်းမွှေးတစ်ဖက်သာ ရှိရမည်။ ဤသို့သော တံမြတ်စည်းမျိုးရရန် နှစ်ပေါင်းများစွာ စောင့်မှသာ ရရှိမည်။ ၎င်းတံမြတ်စည်းရိုးကာ Hocky Stick
အဖြစ်လည်းကောင်း၊ Golf Stick အဖြစ်လည်းကောင်း ထည်လဲသုံးလို့ရသည်။ (၃)တိုက်တွင် တံမြတ်စည်း (၂)နှစ်ချောင်းရှိ၏။ တစ်ချောင်းသည် ဘကြီးအောင်(ဦးအောင်လွင်) မှ ပိုင်ဆိုင်သည်။
ကျန်တစ်ချောင်းသည် ကြိုးသမား ခွေးတူ ဝက်တူ လှသိန်းထံမှ နွား (မကျင်လှ)အလိပ် (၂၀)နှင့် ဝယ်ယူထားခြင်းဖြစ်သည်။ စံ-ဇာဏီဘိုမှ ပိုင်ဆိုင်၏။ ဤဂေါက်သီးရိုက်သည့် တဖက်ကော့ မြက်တံပျက်စည်းကို ငှားရမ်းခြင်းဖြင့် အတော်စီးပွားဖြစ်နေ၏။ ထောင်တွင်းဗေဒင် ဟောခြင်းထက်ပင် ပို၍စီးပွားဖြစ်သည်။ ဟန်ကျနေ၏။ ထိုဒေသတွင် စံ-ဇာဏီဘိုတွင် ဗေဒင်မေးက
မကျင်လှ (နွားဆေးလိပ်) ပေးရ၏။
ဂေါက်သီးရိုက်တံ ငှားရမ်းသည်ကား တစ်မောင်းဆိုက ၁-လိပ်၊ ၂-မောင်း ဆိုက ၂-လိပ်၊ ၃-မောင်းဆိုက ၃-လိပ်၊ လေးမောင်းဆိုက ၄-လိပ်ရ၏။ အင်းစိန်ဒေသတွင် ၁၅-မိနစ်တွင် တစ်မောင်းတီး၏။ မိနစ် ၃၀-တွင် နာရီတစ်ချက်ထိုးသော် ၂-မောင်းဟူ၍ သတ်မှတ်၏။ သံချောင်း ၃-ချက်ခေါက်သော် ၃-မောင်းဆိုသည့် ၄၅-မိနစ်ကြာသည်။ သံချောင်း ၄-ချက်တီးသောအခါ မိနစ်
၆၀ ကြာ၏။ ၁-နာရီ ဖြစ်၏။ ဤသို့ တစ်နာရီကြာက နွား (မကျင်လှ) ဆေးလိပ် ၄-
လိပ်ဝင်ခြင်းကြောင့် ရက်ပိုင်းအတွင်း ဂေါက်ရိုက်သော တံမြတ်စည်းတုတ်၏ အရင်းကြေကာ အမြတ်များထွက်၍ ထပ်မံ၍မှာကြားရန်ပင် အခြေအနေ ပြည့်ပြည့်စုံစုံရှိ၏။ စံ-ဇာဏီဘို ငှားရမ်းခမတောင်းရဲသောသူ တစ်ဦးသာရှိ၏။ သူ၏ဆရာ မင်းသိင်္ခမှ ယူငင်သုံးစွဲလေသော် တံမြတ်စည်း ဂေါက်ရိုက်တုတ်ကို ပေးရုံသာမက ဆေးလိပ်ကိုပါ ပေး၏။
ဆရာခသည် ဂေါက်သီးရိုက်ခြင်းအပေါ် လွန်စွာစွဲမက်နေ၏။
"ဒီမှာ ကိုယ့်လူ I Say မောင်ရဲ ဂေါက်သီးရိုက်တာကို အတော်ကြိုက်သွားပြီ၊ အပြင်
ပြန်ရောက်ရင်တော့ ဆားပုလင်းနှင်းမောင်ကို ဂေါက်သီးရိုက်ခိုင်းမယ်... စာရေးရင် တစ်နေ့သ၌ ဆားပုလင်းနှင်းမောင်သည် နှင်းတောင်စီးကရက်ကိုခဲ၍ မျက်လုံးကို ခပ်မှေးမှေးထားကာ ဂေါက်သီးကို ကြည့်လျက် စနစ်တကျ ဂေါက်ရိုက်တံကိုကိုင်ကာ အစချီပြီး ရေးပစ်မှာ"
ဟုပြောရင်း အောက်တွင်ရှိသော ကြွပ်ကြွပ်အိတ်ကို လှမ်းရိုက်၏။ ဂေါက်တံသည်
လေထဲကိုဝဲမြှောက်တတ်သွားသည်။ ဂေါက်သီးကိုမထိ။ ထိုသို့ ဆရာခ လွဲချော်သွားသည်ကို ကြည့်၍ ဆရာဦးရဲက တဟားဟားရယ်ကာ-
"မောင်ခ ဒီလိုရိုက်လို့မရဘူးလေ၊ မောင်ရင့်ဗိုက်ပူကြီးက ရှေ့ခံနေတော့ ဘောလုံးကိုငုံ့ကြည့်လို့ ဘယ်မြင်ရမလဲ"
ဦးရဲထွန်းနှင့် ဆရာကြီး မင်းသိင်္ခတို့သည် အပြန်အလှန် ရင်းနှီးကြ၍ မောင်ခ၊ မောင်ရဲဟုပင် ကျီစယ်နောက်ပြောင်ခေါ်ဝေါ်ကြ၏။
"ခက်တာမှတ်လို့... ဗိုက်ခံနေလည်း ဘောလုံးရှေ့တိုးရိုက်ရုံပေါ့"
ရှေ့သို့တိုးကာ ဂေါက်သီးကို ရိုက်၏။ ကုန်း၍မရသဖြင့် လွဲပြန်၏။
"မောင်ခ မင်း ဒီဗိုက်ကြီးကို ဝိတ်လျော့ရမယ်"
ဟု ဦးရဲထွန်းက ဝေဖန်၏။
"ဒီမှာမောင်ရဲ ဒီလိုဗိုက်မျိုးက ကိုယ်နဲ့ ကောသလဘုရင်ကြီး ဒီနှစ်ယောက်မှာသာ ရှိတာ"
ဟု ပြောကာ ရယ်မောကုန်၏။
"အဆိုရှိတယ် မောင်ရဲရ"
"ဘယ်လိုအဆိုလဲ ပြောပါဦး မောင်ခရာ"
"မိန်းမဆို ပန်းပန်၊ ယောက်ျားဆို ဝမ်းခံဆိုတာ မကြားဖူးဘူးလား... မိန်းကလေးတွေက ပန်းပန်ရင် သိပ်လှတာ... နဂိုအလှထက်ပိုပြီး လှကျက်သရေတိုးတာ... ယောက်ျားတွေက ဗိုက်က ခပ်ရွှဲရွှဲနဲ့မှ
ခန့်ညားတာ၊ စတိုင်လ်ကျတာ"
ဟု ဆရာခ စကားကြားရ၏။
"ဟိုကောင် ဇာဏီကို ကြည့်၊ နံပိန်ပိန် ဗိုက်ကပ်ကပ်နဲ့ ယှဉ်လိုက်စမ်းပါ"
ဟူ၍ စံ-ဇာဏီဘိုအား ဆွဲယူကာ သူနှင့် ယှဉ်ပြသည်။ အမှန်ပင် ဆရာမင်းသိင်္ခသည်
ပြည့်ပြည့်ဖြိုးဖြိုးနှင့် လွန်စွာခန့်ညားသည်။ စံ-ဇာဏီဘိုသည်ကား ညှင်းသိုးသိုး ပိန်ကပ်ကပ်နှင့် ဗိုက်က အတွင်းသို့ချိုင့်ဝင်နေ၏။ ဧကရာဇ်နှင့် သူဖုန်းစားပမာ ကွာခြားလှ၏။
"ဟာ ဆရာခကလည်း မဟုတ်သေးဘူးလေ... ဒီလိုရှိတယ်"
ရန်ကြီးက ထုံးစံအတိုင်း အထွန့်တက်၍-
"ပိန်ရင် အလုပ်မရှိရင် အပြင်မှာ ရှာစားလို့ရတယ်။ ကိုဇာကြီးက အပြင်ထွက်လို့
ဗေဒင်မဟောရရင်တောင် ရှောက်သီးဆေးပြား ရောင်းလို့ရတယ်၊ ဗိုက်ပြားပြားလေးဆိုတော့ ပိုကောင်းသွားတာပေါ့။ တင်ပါးမှာ တင်တုထည့်၊ ရင်သားမှာ ရင်တုတည့်၊ ရေမြှပ်နဲ့ ဘော်လီဝတ်၊ မိန်းမလိုဝတ်လိုက်ရင် ဂေါ်ရင်ဂျီကုလားမလောက်တော့ ရုပ်ထွက်တယ်။ ဗိုက်ပူတဲ့ ဆရာခက အဲဒီအတုတွေနဲ့ ဝတ်လို့ဘယ်ရမလဲ"
ကပ်သီးကပ်သတ်ပြောသော ရန်ကြီးစကားအား ဆရာခကြားလေသော် တဟီးဟီးရယ်မော၏။
"ငါက ဇော်ဂျီလိုဝတ်ပြီး လျှက်ဆားရောင်းရင် အတော်စီးပွားဖြစ်မှာ"
ဟု ရယ်မောကာ ပြော၏။ ထိုစဉ် ဝါဒါခင်မောင်အေး ရောက်ရှိလာ၍ ဖြူဖွေးလှပသော
ဂေါက်သီးဘောလုံးအား ဦးရဲထွန်းအား ပြ၏။
ထောင်ဝါဒါ အတော်များများတွင် ခင်မောင်အေးသည် အခြားဝါဒါများနှင့်မတူ အလွန်
သွေးကြီးသောသူ ဖြစ်သည်။ ဆေးပေါ့လိပ်မသောက်၊ စီးကရက်ကိုမှ ဖွာသည်။ ထိုခေတ်ကာလ ပေါ်ပေါက်သော ဇင်းဇင်းစီးကရက်ကိုပင် မဖွာ။
ငါးသုံးလုံး စီးကရက်ကိုမှ သောက်သည်။ ကြော့နေအောင်နေသည်။ လူကုံထံ သူဌေးတို့၏ အမူအကျင့်ကို အတုယူ၍ နေထိုင်ပြောဆိုသူဖြစ်သည်။ ဦးရဲထွန်း၏ ဂေက်သီးရိုက်ခြင်း သင်တန်းတွင် အလွန်တက်ကြွစွာ အကျဉ်းသားမဟုတ်ဘဲ တက်ရောက်ခွင့်ရှိသော ဝါဒါဖြစ်သည်။
စင်ကနယ်၊ 92၊ 45 အစရှိသော ကုလားဆေးမွှေးတို့ထည့်၍ ယာထားသော ကွမ်းယာကို ထောင်တွင်းသို့ သွင်းယူကာ ဦးရဲထွန်းအား တံစိုးလက်ဆောင်ပေး၍ ဂေါက်ရိုက်ပညာကို သင်ကြားသူ ဖြစ်သည်။
"ဖက်တီး... မင်း ဒီဂေါက်သီးကို ဘယ်ကရတာလဲ"
ဝါဒါခင်မောင်အေးသည် အနည်းငယ် ဝဝဖိုင့်ဖိုင့်ရှိပေရာ ဖက်တီး ခင်မောင်အေးဟူ၍လည်းကောင်း အများက ခေါ်ကြ၏။
"ဒညင်းကုန်းဂေါက်ကွင်း ချုံကြားက ကောက်လာတာ"
ဦးရဲထံမှ ဂေါက်သီးကို ဟိုလူက ယူကြည့်၊ ဒီလူက ယူကြည့်နှင့် အလွန်သဘောကျလှသည်။
ကြွပ်ကြွပ်အိတ်အလုံးအား ဂေါက်သီးသဖွယ် ရိုက်ခြင်းခေတ်ကာလကား ကုန်ဆုံးပြီ။
ဂေါက်သီးအစစ်နှင့် ရိုက်ခြင်းဖြင့် ပိုမိုထည်ဝါမှု ရှိလာပြီဟူ၍ အားလုံးက ယူဆကြကာ ဂေါက်သီးကိုတည်၍ တံမြတ်စည်းနှင့် ရိုက်သည်။ ခပ်လေးလေးရှိသည့် ဂေါက်သီးသည် တစ်စက်မှမရွေ့။ ဂေါက်သီးကို တံမြတ်စည်းနှင့် လှည်းသည့် အလားရှိသည်။ ခပ်ပျော့ပျော့ တံမြတ်စည်းကြားတွင် ဂေါက်သီးသည် အိနြေ္ဒရှိလှ၏။ ဟိုလူရိုက်ကြည့်၊ ဒီလူရိုက်ကြည့်နှင့် နောက်ဆုံး ဂေါက်သီးလုံးအစစ်ကို ဖယ်ကာ ကြွပ်ကြွပ်အိတ်အလုံးကိုသာ ပြန်ရိုက်ကြရပြန်သည်။
ဂေါက်သီးစစ်စစ်သည် အင်းစိန်တိုက်သား ဂေါက်သမားများအတွက် စိုးစဉ်းမျှ အသုံးဝင်ခြင်းမရှိပေ။
🏒 ဂွင်ပျောက်သော တံမြတ်စည်း
"ခွေးရူးကောင်းစား တမွန်းတည့်"
ဟူသော စကားသည်ကား မှန်လှသည်။ တံမြတ်စည်းဂေါက်ရိုက်တံကား ငှားရမ်း၍ နွား (မကျင်လှ)
ဆေးလိပ်အပေါ်၌ ဖင်ခုထိုင်နေသော စံ-ဇာဏီဘို၏ ဘဝမှာ သမုဒ္ဒရာထက် ရေပွတ်ပမာ ခဏတာတည်း။ တံမြတ်စည်း ဂေါက်ရိုက်တံ ငှားရမ်းရသည်မှာ လွန်စွာတွက်ချေကိုက်ပေရာ တစ်ချောင်းမကရှိက ပို၍ တွက်ခြေကိုက်မည်ဟုထင်၍ အရိုးမာဟု အမွှေးအလွတ် တဖက်ကောက်
နှုတ်ခမ်းမွှေးပါးပါး မြတ်တံမြတ်စည်းအား ၁-တိုက်၊ ၂-တိုက်၊ ၄-တို၊ ၄-ရှည်၊ ၅-တိုက်၊ ၆-တိုက် တို့သို့ အဝယ်တော်လွှတ်ကာ တံမြတ်စည်းတစ်လက်အား ဆေးပေါ့လိပ် ၂၀-နှင့် ဝယ်ယူလေသော် တံမြတ်စည်း ၆-လက်ရ၏။
မူလရှိရင်းစွဲနှင့် ပေါင်းလေသော် တံမြတ်စည်းသည် ၇-လက်ဖြစ်လာ၏။ အခါအတိုင်း ၁၅-မိနစ် တစ်မောင်းလျှင် ဆေးပေါ့လိပ် ၁-လိပ်ဝင်ငွေရှိ၍ ယခု ၁၅-မိနစ် တစ်မောင်းတွင် ဆေးပေါ့လိပ် ၇-
လိပ်ဝင်ကာ လွန်စွာဟန်ကျနေ၏။ ဂေါက်သီးလုံးအစစ် တိုက်တွင်းသို့ ရောက်ရှိလာသည့် အချိန်၌
တံမြတ်စည်းနှင့် ထိုဂေါက်သီးအား ရိုက်၍မရသောကြောင့် နဂိုအတိုင်းပင် ကြွပ်ကြွပ်အိတ်နှင့် တံမြတ်စည်း နှစ်ပါးသွားကြသည်။ ၁၅-မိနစ်လျှင် ဆေးပေါ့လိပ်တစ်တိုင် မပေးနိုင်သော ဘိုင်ကောင်များဖြစ်သည့် ရင်ထွေး၊ တင့်ဆန်း၊ ရန်ကြီးစသည့်လူငယ်တို့သည် ဂေါက်သီးလုံးကိုယူ၍
ဂေါ်လီရိုက်တမ်းကစား၏။ ၃-ကြွင်းစိမ်တမ်း ကစား၏။ ဆေးလိပ်တိုကို ထောင်၍ ပစ်ကြကုန်၏။
"တောက်... နိုင်ငံခြားကလာတဲ့ ဂေါက်သီး အင်းစိန်တိုက်ထဲရောက်မှ ပေသီးဖြစ်တော့တယ်"
ဟု ဦးအောင်လွင်က ဆို၏။
အရာရာအပေါ် စနစ်တကျ တီထွင်တတ်သော ဦးအောင်လွင်သည် ၃-တိုက်နှင့် ၂-တိုက်အကြားရှိ သရက်ပင်ကြီးမှ ကိုင်းတစ်ကိုင်းကို အမြဲဆင်းထောင်ကျ မျောက်ဖိုးစိန်အား တတ်ရောက်ချိုးစေသည်။ ဖောက်ထွင်းခိုးမှုဖြင့် ထောင်ကျလာသော ဖိုးစိန်သည် မျောက်နှင့် ရုပ်ဆင်သည်။ ခြေလက်တို့သည်လည်း ဆင်သည်။ မျောက်တစ်ကောင်အလား ဟိုဟိုဒီဒီ တွယ်ကပ်၍ ဆင်းနိုင်သည်။ ဆေးပေါ့လိပ် ၅-လိပ်ပေး၍ သရက်ကိုင်း ခပ်စိုစို ခပ်ဖြောင့်ဖြောင့်တစ်ချောင်းအား သွားရောက်ချိုးစေ၏။ ထို့နောက် ခေါင်မိုးသွပ်ပြားမှ ချိုးယူထားသော ဓားနှင့် အချိန်ယူကပ်ကပ်၍ ဂေါက်သီးရိုက်တံပုံစံအားလှီး၍ တစ်ဖုံခြစ်၍
တစ်မျိုးထွင်း၍ တလီ အချိန်ယူ၍ တီထွင်လေ၏။
"ဘကြီးအောင် သွားကြားထိုးတံလုပ်နေတာလား" ဟု လူငယ်များက နောက်၏။ "ဝီ" ဟု၍လည်း အော်ကြကုန်၏။ မြန်မာရိုးရာ ဟာသပုံပြင်ထဲ၌ လှော်တက်ကိုလုပ်ရင်း ဟင်းမွှေယောင်းမ, ဖြစ်၊ ထိုမှတစ်ဖန် တုတ်တိုဖြစ်၍ လွှင့်ပစ်သောအခါ
"ဝီခနဲ" အသံမည် ပုံပြင်ဖြစ်စဉ်ကို ကိုးကား၍ နောက်ပြောင်ကြခြင်းဖြစ်သည်။
"အဲဒီ ဝီ တုတ်ကြီးဘဲ မင်းတို့ကစားဖို့ လုပ်ပေးမှာ"
ဟုပြောကာ သရက်ကိုင်းအား သင်းသပ်ထွင်းထု၍ ကြွပ်ကြွပ်အိတ်ကြိုး ထိုးထားသည်နှင့် ချည်နှောင်၍ အလွန်လှပသပ်ရပ်သော ဂေါက်တံဖြစ်လာ၏။ ဂေါက်သီးလုံးကိုယူ၍ သစ်သားနှင့် ခွက်သဏ္ဍာန်ပြုလုပ်ထားသည့် အပေါ်တင်ကာ ဂေါက်ရိုက် သစ်သားထုတ်နှင့် ရိုက်လေသော်
"ဒေါက်... ဝှီး"။ ဂေါက်သီးနှင့် တုတ်တံ တည့်သွားပြီဖြစ်သည်။ အားလုံးက ဝိုင်းဝန်း၍
လက်ခုပ်တီးကြသည်။
ဂေါက်သီး ၂-လုံး ဂေါက်တံတစ်ချောင်းနှင့် ဝရုန်းသုန်းကား ဖြစ်နေကြသည်။ ကွပ်ကြွပ်အိတ်နှင့် လုပ်ထားသော ဂေါက်သီးသည်လည်းကောင်း၊ တံမြတ်စည်းနှင့် ပြုလုပ်ထားသော ဂေါက်ရိုက်တုတ်အားလည်းကောင်း မည်သူကမျှ မျက်စောင်းပင် ထိုး၍မကြည့်။ မည်သူကမျှ တံမြတ်စည်း တုတ် စံ-ဇာဏီဘိုဆီ လာမငှားတော့။ တံမြတ်စည်းတုတ် ငှားရမ်းသောဂွင် ပျက်ရလေတော့သည်။
"ဟေ့ကောင် ဇာဏီ မင်းဘာဖြစ်နေတာလဲ"
ဟု ဆရာခက တံမြတ်စည်း ၇-ချောင်းနှင့် ယောင်စင်းစင်းကြီးဖြစ်နေသော ဇာဏီဘိုအား လှမ်းအော်မေးသည်။
"ဆရာစဉ်းစားကြည့်၊ တံမြတ်စည်းတစ်ချောင်းကို နွားဆေးလိပ် အလိပ် ၂၀၊ ၇-ချောင်းဆိုတော့ ဆေးလိပ် ၁၄၀။ ကဲ ဘယ်လောက်နှမြောဖို့ကောင်းလဲ။ ဒီနေ့ ဖိုကြီးပေါက်ဈေး ကြက်ဥတစ်လုံး နွား ၂-လိပ်ဆိုတော့ ပုံစံစောင်တစ်ထည် နွား ၂၀၊ ကြိုးပုတီး ၁-ခု နွား ၁၀-လိပ်၊ ဘယ်လောက်
ရှုံးထားလဲ"
"မင်း တစ်မောင်းကို ၁-လိပ်နဲ့ငှားစားတဲ့ ဆေးပေါ့လိပ်တွေရော..."
"ကုန်ပြီလေ ဆရာရဲ့... တံမြတ်စည်းတုတ်ရဖို့ ရင်းတာကတစ်မျိုး၊ ဟိုလူ့တိုက် ဒီလူ့တိုက်နဲ့ အခုတောင် ဒီတစ်တိုဘဲ ကျန်တော့တာ..."
ဟု အစီခံနားကပ်နေသော ဆေးလိပ်တိုကိုပြပြီး ညည်းလေသော်-
"ဟေ့ကောင်ရာ ဒါများ ညည်းမနေပါနဲ့တော့"
ဟု ဆိုကာ တံမြတ်စည်းအစည်းကို မြေသို့ချ၊ ညာခြေနှင့်နင်း၍ မျက်စိမှိတ်ကာ "အုမ်"ဟူ၍ ၃-ကြိမ် ရွတ်၏။ ဆရာ မင်းသိင်္ခ၏ "အုမ်" ရွတ်ပုံသည် အသံထွက်နှင့်လည်း ညီ၏။ ရင်ခေါင်းသံလည်းပါ၏။
"အုမ်ကို တစ်ညလုံးရွတ်မှာ။ ဒီဇင်ဘာ ၂၅-ရက်မှစပြီး ညလုံးပေါက်ရွတ်မှာ"
ဟုဆိုကာ တံမြတ်စည်းတို့ကို ဆောင့်ကန်ထွက်သွားသည်။ ဆေးလိပ်လည်းကုန်၊
ထပ်မံဝယ်စရာလည်းမရှိ၍ အိပ်ငိုက် စိတ်ညစ်နေဆဲ။
"ကိုဇာကြီး၊ ကိုဇာကြီး"
ဟု ခေါ်သံကြား၍ လှည့်ကြည့်သော် ၄-တိုက်မှ အမြဲဆင်း ကရင်လေးကို တွေ့ရ၏။
"၄-တိုက်မှာ အဘတော်ဘုရားလေး ဦးအရိုင်းတို့ကို အန်ကယ်ဂျွန်က ဂေါက်သီးရိုက်တာ သင်ပေးမလို့၊ အဲ့ဒါ ဂေါက်သီးရိုက်တဲ့ တံမြတ်စည်းရောင်းဖို့ ကိုဇာကြီးမှာ ရှိတယ် ဆိုလို့"
"မင်းတို့ အန်ကယ်ဂျွန်က လေယာဉ်ပဲမောင်းတတ်တာ၊ ဂေါက်သီးရိုက်တတ်လို့လား"
တံမြတ်စည်းတုတ်များ ရောင်းရမည်ကို ရင်ထဲမှ ဝမ်းသာနေတာကို ဖုံးကာပြောရ၏။
"အန်ကယ်ဂျွန်က ဦးရဲထက်တောင် တော်သေး"
"မင်း ဦးရဲကြားသွားလို့ သေဦးအုန်းမယ်။ ကဲ မင်းဘယ်လောက်ပေးမလဲ"
"တစ်ချောင်းကို နွား အလိပ် (၂၀)နဲ့ ဝယ်ထားမှန်းသိတယ်။ ရှားပါးပစ္စည်းမို့ (၂၅)လိပ်နဲ့ ဝယ်မယ်"
ဟုပြော၏။
စံ-ဇာဏီဘို ရင်တလှပ်လှပ်ဖြစ်သွားသည်။ အရင်းပါပြန်ရမည့်အပြင် (၅)လိပ်ပင် မြတ်သေး၏။
"ဘယ်နှစ်ချောင်းယူမှာလည်း"
"အကုန်ယူမှာ"
"ဟုတ်လို့လား သွားမေးလိုက်ဦး"
ကရင်လေး ပြန်သွားသည်။ ပြန်မှလာပါ့မလားဟု ရင်တလှပ်လှပ်ဖြစ်နေသော စံ-ဇာဏီဘိုသည်
ခရာခ ရွတ်သည့် အတိုင်း "အုမ်" ကို ရွတ်လေသော် သူ့အသံသည် တစ်ခုခုဖြစ်နေသည်။
"ကိုဇာကြီး ရော့ဆေးလိပ် တံမြတ်စည်းပေး"
ဟူ၍ အသံကြား၍ မျက်လုံးကို ဖွင့်ကြည့်လေသော် ဆေးလိပ်များကို တွေ့ရ၏။ ဆေးလိပ်(၅၀)စီးက
(၃)စီး၊ (၂၅)လိပ်စီးက တစ်စီးတွေ့ရ၏။ ဆေးလိပ်စည်းပေါ်မှ နွား (မကျင်လှ) တံဆိပ်က ကြော့သား။
"ရော့ ဂေါက်တံ တံမြတ်စည်း (၇)ချောင်းယူသွား။ ဒီကြွပ်ကြွပ်အိတ် ဂေါက်သီးလုံးတွေပါ အဆစ်ယူသွားလိုက်"
ဆရာခ၏ "အုမ်" သည် အလွန်စွမ်းလှပေသည်။
ံ-ဇာဏီဘိုသည် ဆေးပေါ့လိပ်အထုတ်တို့ကို မ၍ တိုက်-၃၊ အခန်း-၁၃တွင်ရှိသော ဆရာခဆီသို့သွားလေသော် အရှေ့ဘက်နံရံသို့ မျက်နှာမူ၍ တပလ္လင်ခွေထိုင်၍
မျက်လုံးများမှိတ်ကာ "အုမ်" ဟူ၍ ရွတ်ဆိုနေသော အသံကိုကြားနေရသတည်း။
ချမ်းမြေ့မေတ္တာတုံ့ပြန်ပါသည်။
စံ-ဇာဏီဘို
