👣 ငယ်ရာကကြီး
လွန်ခဲ့သော ၂၅ နှစ်၊ ၁၉၇၈ ခုနှစ်က တပေါင်းလပြည့်နေ့တွင် ကျွန်တော်နှင့် ကျွန်တော့်ယောက်ဖကြီး ဦးကြန်ထွန်းတို့သည် နွားတစ်ယောက်တစ်ကောင်စီဆွဲလျက် အောင်လံမြို့မှ အရှေ့ဘက် ၁၅ မိုင်ခန့်အကွာ ရေပြည်ရွာသို့ ခြေကျင် ပြန်လာကြလေ၏။ ညနေ ၃း၃၀ နာရီ နည်းနည်းနေညိုကတည်းက ဆွဲပြီး ခြေကျင်လျှောက်ခဲ့ကြရာ ည ၁၂ နာရီထိုးမှ ရေပြည့်သို့ ပြန်ရောက်လာကြ၏။ လသာညကြီးဗျာ နွားဝယ်သွားတဲ့လူတွေ
ပြန်လာပြီ၊ နွားတွေ ပါလာပြီဆိုတော့ အိမ်နားနီးချင်းတွေ အိပ်ရာမှထ၊ တချို့လည်း မအိပ်ကြသေး၊ လာရောက်ဝိုင်းအုံကြည့်။ ဝေဖန်သုံးသပ်၊ ကျွန်တော့် ယောက်က္ခထီးကြီး ဦးဖိုးချီသည်လည်း အိမ်ပေါ်မ ဆင်းလာ၊ နွားများကို ကြည့်။
“ဘယ်လောက်ပေးရလဲ”
“နှစ်ထောင့်တစ်ရာ ငါးဆယ်ကျတယ်အစ်ကို”
ယောက်ဖကြီးက အဖေကို အစ်ကိုဟုခေါ်သည်။ ရွာဓလေ့နှင့်တူပါသည်။
“ခိုင်းဖြစ်စေဖြစ်ဆို တော်ပြန်ရာပေါ့ကွယ်”
နွားကြည့် အိမ်ပေါ်တက် ပြန်အိပ်သွားလေ၏။ ၁၉၇၇ ခုနှစ် ယောက်က္ခမကြီးဒေါ်မြရင် ရန်ကုန်ဆေးရုံကြီးမှာ ကွယ်လွန်သောအခါ ကျန်ရစ်သူ ယောက်က္ခထီးကြီး ဦးဖိုးချီအား ပြုစုလုပ်ကျွေးရန် ကျွန်တော်တို့ မိသားစု ရန်ကုန်မှ တောရွာသို့ ပြန်ဟြေင်းခဲ့ကြ၏။ ကြည့်မြင့်တိုင်မှ အိမ်နှင့် ဆိုင်ခန်းကို ရောင်းပစ်ခဲ့ကြ၏။ မိုးဦးကျလျှင် ယာလုပ်မည်၊ လယ်ထွန်မည်။ အလုပ်ဇယားဆွဲလက်၏။ တစ်ကောင်လျှင် ၅၀၀၀ တန်သောနွား တစ်ရဉ်းဝယ်မည်၊ ဘယ်အကွက်တွေလုပ်မည်၊ ဘယ်သူ့ကိုအကူခေါ်မည် စသည်ဖြင့်။
“ဟေ့ကောင် ပါးစပ်နဲ့ တန်ရုံပဲ ဟပ်ပါကွာ၊ အဟပ်မကြီးချင်စမ်းပါန့။ဲ
ငယ်ရာက ကြီးရတယ်ကွ၊ မင်းက လခစားလူထွက်၊ လယ်ယာနဲ့ သိပ်နီးစပ်သေးတာမဟုတ်ဘူး၊ ဒီတော့ အစ ပထမ မှာ အဖိုးနည်း ဝန်ပါနဲ့ နိုင်ရုံကလေးပဲ လုပ်ကြည့်ပါဦးကွာ၊ ကျွမ်းကျင်လာပြီဆိုတော့ နွားတစ်ရဉ်းမက နှစ်ရဉ်းလုပ်ပေါ့ကွ၊ ၅၀၀၀ တန်နွားမကလို့ ၁၀၀၀၀ တန်နွားနဲ့ပဲလုပ်လုပ်ကွာ”
အထက်ပါစကားကြောင့် ကျွန်တော်တို့ သမီးယောက်ဖနှစ်ယောက်လည်း ခပ်သင့်သင့် နွားတစ်ရဉ်းကို ဝယ်ခဲ့ကြခြင်းဖြစ်ပါ၏။ နွားနှစ်ကောင် အိမ်ရောက်၊ နှမ်းဖက်နဲ့ ဖိ၊ နံစားနဲ့ဖိလိုက်တော့ တပေါင်းလပြည့်နေ့က ဝယ်တဲ့နွား တန်ခူးလပြည့်မှာ ဝဝဖြိုးဖြိုး စိုစိုပြည်ပြည်ကြီးတွေ ဖြစ်နေကြပါပြီဗျာ။ မိုးရွာ ယာထွန်တော့ ကျွန်တော့်နွားတစ်ရဉ်းဟာ ခုန်ခိုင်းလို့ရနေပါပြီ။ ၅၀၀၀ တန်ဆိုတာကြီးတွေနဲ့ နင်လားငါလားပါပဲဗျာ။ ရုန်းအား ဆွဲအားကောင်းချက်ကတော့။ ထိုအခါကျမှ ကျွန်တော့်ယောက်က္ခထီးကြးကို ကျိတ်ပြီး
ကျေးဇူးတင်နေပြန်ပါ၏။
“ခိုင်းဖြစ်စေဖြစ်ဆို တော်ပြန်ရောပေါ့ကွယ်” သူဟြေတဲ့စကား။ ကျွန်တော်သည် ထိုနွားတစ်ရဉ်း လူငှားတစ်ယောက်နဲ့ နှစ်နှစ်ယာလုပ်လိုက်၏။ သုံးနှစ်ရောက်သောအခါ နောက်ထပ်နွားတစရဉ်းထပ်ဝယ်၊ လူငှားတစ်ယောက်ထပ်ငှား၍
နှစ်ရဉ်းကိုင်လုပ်လေ၏။ ယာခင်းကွက် နည်းနေသဖြင့် သူများထံမှ ယာခင်းကွက် ဝယ်၍ လုပ်ငန်းကို တိုးချဲ့ရ၏။
ကျွန်တော့်ယောက္ခထီးကြီး အသက် ၉၀ အရွယ် ၁၉၉၃ ခုနှစ်က ကွယ်လွန်သွားလေ၏။ သူကွယ်လွန်သွားသော်လည်း သူ့စကားများကို ယနေ့တိုင် ကျွန်တော့်နားထဲ စွဲကျန်ရစ်နေပါ၏။ ငယ်ရာက ကြီးရမယ်တဲ့ဗျာ။ ပါးစပ်ဆံ့ရုံပဲ ဟပ်ပါတဲ့ဗျာ။ ကျွန်တော်သည် ထိုအဆိုအမိန့်ကို နှလုံးသွင်းပြီးသကာလ ဘာလုပ်လုပ် ငယ်ရာက စခဲ့၏။ ခြေနိုင်လက်နိုင်က စခဲ့လေ၏။ မြေပဲဆားလှော်ကို တစ်နေ နို့ဆီနှစ်ဘူးစာ
မြေပဲဆန်ဖြင် စလှော်ခဲ့လေ၏။ မြေပဲယိုထိုးသောအခါ ကြံသကာတစ်ပိဿာ၊ ကပ်စေနဲ ၅၀ ကျပ်သား၊ လှော်ပြီးသားမြေပဲဆန် နို့ဆီလေးလုံးမှ စတင်ခဲ့လေ၏။
၁၉၈၃ ခုနှစ်က အိမ်တစ်လုံး (မြေကွက်ပါ) ကို ၂၄၀၀၀ ဖြင့်ဝယ်ယူခဲ့လေ၏။ မီတာဘောက်မပါ၊
ရေတွင်းမတူးရသေး။ အိမ်သာက တွင်းအိမ်သာ။ မြေပဲဆားလှော်လုပ်ငန်းလေး အခြေတည်မိ၍ ငွေပိုကလေးရလာသောအခါ အခေါက်ရွှေတစ်မက်သား (လေးပဲသား) ပြေးဝယ်၍ လက်စွပ်ကလေးကွင်းလိုက်၏။ ကိုးကွင်းဆယ်ကွင်း စုမိသောအခါ မီတာဘောက်ကို ဝယ်လိုက်၏။ ငွေပိုကလေးဖြင့် ရေတွင်းတူးရ၏။ ရေလောင်းအိမ်သာ
ဆောက်ရ၏။ အိမ်ကွက်တိုးချဲ့ဝယ်ရ၏။ အိမ်ကလေးကို ဖျက်၍ အလုပ်ရုံ အခိုင်အခံ့ဆောက်ရ၏။
“တော်တော်ကြဲခဲ့ရတာပဲနော်”
“ဒါပေ့ါဦးနားဝေရာ၊ ဗြုန်းဆို အလုံးလိုက် အခဲလိုက်ကြီး မထုတ်နိုင်တော့ ကိုယ့်ငွေအားကလေးကြည့်ပြီး နိုင်တန်ရာကလေး စခဲ့ရတာပေါ့”
“ခုတော့လည်း အကျယ်ကြီး၊ အကြီးကြီးပဲနော်”
“အဲဒါ ကောင်းတာပေါ့ဗျာ၊ ငယ်ရာကကြီးရတာ အရသာရှိတယ်ဗျာ၊ ကျုပ်က ကြီးရာက ငယ်သွားမှာကိုကြောက်တာ”
ကျွန်တော့်သူငယ်ချင်း ဒေါက်တိုသည် လက်ဖက်သုပ်စား၊ အဖန်တစ်ကျိုတ် သောက်ရင်း ဝင်ထောက်လေ၏။ ဒေါက်တိုဟြေလိုက်သော စကားကြောင့် မီးဖုတ်ထားသော တရွှင်းပူဖြင့် တင်ပါးအထိုးခံရသောနွားကဲ့သို့ လန့်ဖျပ်သွားမိလေ၏။ (တောရွာမှာ နွားရောဂါကင်းအောင် သံပူကပ်ကြ၏။) မှန်ပါသည်။ သူငယ်ချင်းဒေါက်တိုစကား မှန်ပါသည်။ ငယ်ရာကကြီးရတာ အရသာရသလောက် ကြီးပြီးမှ
ငယ်သွားမည်ဆိုပါလျှင်။ ကျွန်တော်မတွေးရဲ၊ ကြက်သီးမွေးညင်းများထောင်ထလာပါ၏။
မောင်ချမ်းသာ
No comments:
Post a Comment