စောင့် မ နေ နဲ့
ⓛı Ⓓⓞⓝ'ⓣ ⓦⓐⓘⓣ. ıⓛ
“ဟလို…. မောင်မောင်လားဟေ့”
“ဟုတ်ကဲ့ခင်ဗျာ၊ ဘယ်သူပါလိမ့်”
“ချမ်းသာပါကွ”
“ ဟြေ… ဦးလေး”
“ဒီလိုကွာ…. မင်းတို့ သြဂုတ်လ ၁၃ ရက်နေ့ (အင်္ဂါနေ့) က လွှဲတဲ့ငွေ ခုထိရောက်မလာလို့”
“ဟင်… ဘယ်လိုဖြစ်ပါလိမ့်၊ အရင်က နေ့ချင်းလွှဲ နေ့ချင်းရောက်ပါတယ်၊ စောင့်ရနောက်နေ့ပဲ”
“ အေး… တစ်ခုခုတော့ တစ်ခုခုပဲ၊ ဒီနေ့ ၁၅ ရက်နေ့ (ကြာသပတေး) အခု ဆယ့်နှစ်နာရီခွဲနေပြီ၊ ဘဏ်ကဖုန်း ခုထိဝင်မလာလို့”
အောင်လံ ရိုးမဘဏ်ကို ဆက်ကြည့်ပြီးပြီလား”
“ဆက်ကြည့်ပြီးပြီ၊ အင်္ဂါနေ့က ပဲခူးကလွှဲတဲ့ငွေ ခုထိရောက်မလာတဲ့အကြောင်းဟြေပြီးပြီ၊ မင်းလည်း ပဲခူးဘဏ်ကိုမေးကြည့်ဦး၊ ဖုန်းချထားလိုက်မယ်”
ကျွန်တော် ဖုန်းချထားပြီး စာရေးရင်းစောင့်နေလိုက်၏။ ဆယ်မိနစ်ခန့်ကြာသော်- “ကရင်… ကရင်… ကရင်”
“ မောင်မောင်လား”
“ဟုတ်ကဲ့ဦလေး၊ ပဲခူးအာရှဓနဘဏ်က ဖက်ဇ်အမှတ် ၃၂၀၄ နဲ့ ၁၃ ရက်နေ့က
လွှဲလိုက်ပြီလို့ဆိုတယ်”
“ အေး… ကောင်းပြီ”
ပဲခူးနဲ့ဖုန်းဖြတ်၊ အောင်လံ ရိုးမဘဏ်သို့ဆက်၊ အကျိုးအကြောင်းကောင်းစွာမသိရ။ နာရီကြည့်လိုက်တော့ ၃း၁၅ နာရီ။ စောင့်နေလို့မဖြစ်ဘူး၊ သူ့ဖုန်း၊ ဘယ်တော့လာမှန်းမသိ။ သူတို့အလုပ်နဲ့ သူတို့ရှုပ်နေကြတာ (ဘဏ်များ အလွန် အလုပ်များတယ်။ သွားကြည့်၊ တွေ့မှာပါ။) ကိုယ်တိုင်လိုက်သွားတာပဲ ကောင်းတယ်။ စက်ဘီးပေါ်တက်၊ ဂျောက်ဂျက် ဂျောက်ဂျက် နင်း၊ ဘဏ်သို့ရောက်။
“ဖက်ဇ်နံပါတ် ၃၂၀၄ နဲ့ပဲခူး အာရှဓနဘဏ်က ၁၃ ရက်နေ့က ပို့တယ်လို့ဟြေတယ်”
တယ်လီဖုန်းတစ်လုံးနဲ့ အလုပ်ရှုပ်နေသော စာရေးမကိုဟြေ။ ထိုစကားကို မန်နေဂျာက ကြားသွား၊ သူ့စားပွဲမှ ထလာ။
“လာပါဦး၊ ထိုင်ပါဦး”
ဘဏ်မန်နေဂျာ အမျိုးသမီး ခပ်ချောချောက သူ့စားပွဲရှေ့မှာ ထိုင်ခိုင်း အကြောင်းစုံကိုမေး။ ကျွန်တော်က ရှင်းပြ။ နာရီကြည့်လိုက်တော့ သုံးနာရီခွဲနေပြီ။ အချိန်သိပ်မရှိတော့ပါ။
“ရန်ကုန်ကို တင်ပေးစမ်း၊ ရန်ကုန်ကို တင်ပေးစမ်း၊ ခဏလေးနော်ဦးလေး”
“ဒီလိုလုပ်ပါလား၊ ဒီနေ အချိန်မရှိ၊ နက်ဖြန်မှ ကျွန်တော်…”
“ဟာ… မပြန်ပါနဲ့ဦးလေး၊ ကျွန်မ ကြိုးစားကြည့်ဦးမယ်”
“ရန်ကုန်ရပြီ”
စာရေးမတစ်ယောက်က အော်။ မန်နေဂျာ သူ့စားပွဲမှထ။ ရန်ကုန်မှ သက်ဆိုင်ရာတာဝန်ရှိသူနဲ့ အပြန်အလှန်ဟြေ။ အိမ်ပြန်ရန်ဟန်ပြင်နေသော ကျွန်တော့်ဆီ လှမ်းလက်ကာပြ။ မပြန်နဲ့ဦးဆိုတဲ့သဘော။
“ရမယ်ဦလေး၊ ခဏစောင့်ပြီးထုပ်ယူသွားပါ၊ မနေ့က တစ်နေ့လုံး ရန်ကုန်မှာ မုန်တိုင်းရှိလို့ အွန်လိုင်း (on line)က အလုပ်လုပ်မရဘူး၊ အခု သမားရိုးကျနည်း ဖက်ဇ်နဲ့ ပို့လိုက်ပြီ”
“ရပြီ ဦးလေး”
ဘဏ်မန်နေဂျာက ရန်ကုန်မှပို့လိုက်သော ဖက်ဇ်စာရွက်ကို ကိုင်မြောက်လို့လာ၊
ပြုံးရွှင်သောမျက်နှာနဲ့။ ကျွန်တော့်ရှေ့သို့ရောက် ဆိုင်ရာစာရေးမလက်ထဲ ဖက်ဇ်ကိုအပ်။ ကျွန်တော်က သူတို့ထိုးခိုင်းတဲ့ နေရာလက်မှတ်ထိုး၊ ရပြီ ငွေကျပ် ၂၀၀၀၀၀ (နှစ်သိန်း)။
၁၄ ရက်နေ့က ဘဏ်က ဖုန်းဝင်လာမလား၊ တစ်နေကုန်စောင့်၊ ဖုန်းမလာပါ။
စိတ်မရှည်တော့သဖြင့် ၁၅ ရက်နေ့ ၁၂း၃၀ နာရီ ပဲခူးကိုဖုန်းဆက်၊ အောင်လံ ရိုးမဘဏ်ဆက်။ ခုလိုဆိုတော့လည်း မြန်လိုက်တာ၊ ချက်ချင်းကြီးဗျာ။ ဘဏ်မန်နေဂျာ မိန်းမချောလေးနဲ့တကွ ဘဏ်ဝန်းထမ်းများကို နှုတ်ဆက်၊ ဘဏ်ထဲမှ ထွက်ခဲ့။ ထိုင်စောင့်မနေတော့ဘဲ ကိုယ်တိုင်သွားလိုက်တဲ့ အကျိုး လက်ငင်းခံစားရ။
မောင်မောင် ဖုန်းနားမှာ ထိုင်စောင့်နေလ်ိမ့်မည်။
“ မောင်မောင်ရေ… ရပြီဟေ့၊ မနေ့က မုန်တိုင်းရှိနေလို့ အွန်လိုင်းက ဆက်မရလို့တဲ့ကွာ”
မောင်မောင်ထံ ချက်ချင်းဖုန်းနဲ့ သတင်းပို့။ သူလည်းဟင်းခနဲ ပင့်သက်ပြင်းချ။ ကျွန်တော်လည်းသက်ပြင်းချ။
“ စောင့်မနေနဲ့၊ စောင့်မနေနဲ့”
ကျွန်တော့်ခေါင်းထဲ ၁၉၆၃ ခုနှစ်ကတည်းက ရိုက်ထဲ့ထားခဲ့သည့် စကားလုံးများ။
“ စောင့်မနေနဲ့”
ကျွန်တော် ငေးငေးငိုင်ငိုင် ငူတူတူဖြစ်နေလျှင် အပါးက ကျွန်တော့်ဖင် သံချွန်နဲ့ထိုးလေ၏။ (တရုတ်ကြီး ဦးခွေးလေးကို ကျွန်တော်က ချစ်စနိုး “အပါး” ဟုခေါ်ပါ၏။)
“ငါ့မှာ မွေးထားတဲ့ သားသမီး ၁၀ ယောက်ရှိတယ်၊ ထိုင်စောင့်နေ ဒီပါးစပ်ပေါက်တွေ ဘာနဲ့ ကျွေးမလဲကွ၊ ငါ့မှာ အမြဲ အလုပ်လုပ်နေရတယ်”
အပါးသည် ဆေးရွက်ကြီးများကို ဂုန်နီအိတ်နှင့် လှိမ့်၍ အလိပ်ကြီးလုပ်နေရင်းမှ
အော်ဟြေလေ၏။ သူ့ အသက် ၈၀ ကျော် ၉၀ နား ကပ်နေပြီ။ သွားကျိုး၊ ပါးကျိုးနဲ့
လုပ်နေတုန်းဗျာ။ ဘာကိုမှ စောင့်မနေပါ။ မသေမချင်းလုပ်မယ့်လူကြီး။
မောင်ချမ်းသာ
No comments:
Post a Comment