လူ ဟူသော ဝေါဟာရ စကားလုံး အသုံးအနှုန်း သည် တော်တော်လေးကျယ်ပြန့်ပါသည် ။ လူ တစ်ယောက် လူ တစ်ဦး ဖြစ်လာဖို့ရာ အတော်လေး ခဲယဉ်းလှပါသည် ။ အချို့ဆို လူ့ လောက ထဲ ဝင်လာပြီး လူ ဖြစ်မည် မှ မကြံသေး ။ မိခင် ၊ ဖခင် စိတ် မရှိသော လူများ ၏ လက်ချက် နှင့် လူ့ လောကကြီး မှ ဆောလျှင်စွာ ထွက်ခွာသွားရသည် ။ လူ ဖြစ်ခွင့် မကြုံလိုက်ရ ။ တော်တော်လေး သနားစရာ ကောင်းပါသည် ။
ကျွန်တော် ယခုကဲ့သို့ စာရေးနိုင် ၊ ဟာသသရုပ်ဆောင် အဖြစ် သရုပ်ဆောင်နိုင်ခြင်းများ သည် ကျွန်တော် ၏ မိခင် နှင့် ဖခင် လူ စိတ် မွေးခဲ့၍ ကျွန်တော် လူဖြစ်ခွင့်ရလိုက်သည် ဟု ဆိုလျှင် မှားအံ့ မထင် ။ ဟော .. လူ ဖြစ်လာပြန်တော့လည်း တစ်စုံတစ်ခု ချို့ယွင်းနေလျှင် လူရာ မဝင် ၊ လူတော မတိုးရပြန်တော့ ။ ဆရာဝန် ဖြစ်တာလည်း လူပါပဲ ။ စာရေးဆရာ ဖြစ်တာလည်း လူပါပဲ ။ ကြုံရာကျဘမ်း လုပ်ကိုင် စားသောက်နေရတာလည်း လူ ပါပဲ ခင်ဗျ ။
အဲ.. အဲဒီ လူတွေထဲကမှ ဆွဲထုတ်ပြပြီး ရေးချင်တာက အလွဲများ နှင့် လူတွေ အကြောင်းပါ ။ လှိုင်သာယာ ကနေပြီး ရန်ကုန် မြို့ပေါ်မှာ အလုပ် လာလုပ်သည့် လူတစ်ယောက် သည် သူ့ ထမင်းချိုင့် နှင့် သူ တစ်နေ့ တစ်ထောင့်ငါးရာ ရပါသည် ။ ညနေ အလုပ် က ပြန်လျှင် ထမင်းဖိုး နှင့် ကားခ နုတ် ၊ အနည်းလေး ရှစ်ရာ နှင့် ကိုးရာ လောက်ပဲ ကျန်ပါသည် ။ တစ်ခါတလေ အလုပ် မရှိလျှင် စရိတ် ဆုံး ။ ထမင်းဖိုး ဆုံး ပေါ့ ။
အဲ .. ခု ကျွန်တော် တင်ပြမည့်အကြောင်းအရာ ကတော့ ကျွန်တော်တို့ ၏ ပတ်ဝန်းကျင် ၊ ကျွန်တော်တို့၏ ကျေးဇူးရှင် ( ကျွန်တော့် ဘာသာ သတ်မှတ်တာပါ ) ၊ ဗီဒီယိုရိုက်ကူးရေး စက်အဖွဲ့ ၊ ကင်မရာမင်း အပါအဝင် မီးထိုးမှန်ထိုး တွေပေါ့ ။ ရုပ်ရှင်ဗီဒီယိုသမားတွေ အခေါ်အဝေါ် ကတော့ ဂဲလ်ဖာ ဟူ၏ ။ ရန်ကုန်ဈေး တစ်မျိုး ၊ နယ်ဈေး တစ်မျိုး ၊ ရှူတင်ထမင်း စားရသည် ။ အနည်းလေး လေး ငါးထောင် ရသည် ။ တစ်နေ့ တစ်ဂျူတီ ပြောပါတယ် ။
ဇာတ်ကားတစ်ကား ပြီးတိုင်း မင်းသား ၊ မင်းသမီးတွေ က မုန့်ဖိုး ပေးကြသေးသည် ။ သည်တော့ ဘာပဲဖြစ်ဖြစ် ပိုက်ဆံလည်း ရ ၊ ဝမ်းလည်း ဝ ၊ နယ်ပေါင်းစုံလည်း ရောက် ၊ မင်းသား ၊ မင်းသမီး အစုံ နှင့်လည်း မြင်ဖူး တွေ့ဖူးရ ဘယ်လောက်များ ကံကောင်း လိုက်သည့် လူတွေလဲ ။
အဲဒီထဲမှာမှ မိမိဘာသာ မိမိ ကံကိုဆေးရောင်ခြယ် ၊ ဆေးရောင်ဆိုးသူက ရှိသေး ။ တစ်နေ့တာ ပင်ပင်ပန်းပန်း ရထားသော ငွေ ကို အရက် သောက် ၊ ဖဲ ရိုက် ၊ ဘောလုံး လောင်း ၊ နှစ်လုံးသုံးလုံး ထိုး ၊ တစ်ခါတစ်ရံ ကြေးစားမိန်းမ နှင့် ခေါ် အိပ် ၊ သည်တော့ အဲဒီလို လူမျိုးသည် ဆင်းရဲခြင်း ဟူသော သံသရာဝဋ် အတွင်း မလွတ်ကင်းနိုင်ကြပုံ ဆိုသလိုမျိုးပေါ့ ။
ကဲ... လူတွေ အကြောင်း ကျွန်တော်လက်လှမ်း မီသလောက်ကြားဖူးနားဝ ရှိသလောက်လေး ရေးလိုက်တာပါ ။ ခုချိန်ကစပြီး လူတွေထဲက လူဖြစ်သည့် ကင်မရာမင်း ၊ စက်အဖွဲ့ ၊ ဂဲလ်ဖာ များ၏ အလွဲလေးတွေ …… ။
◾ ကျော်ထူး
📖 မလွဲရင်မနေနိုင်တာကလွဲလို့
koaungnaingoo.blogspot.com
.
No comments:
Post a Comment