❝ ထိုင်ဘုဉ်း လည်ဘုဉ်း ❞
သာသနာတော်မှာ ဘုဉ်းကြီးတယ် ဘုဥ်းကြီးတယ်ဆိုတဲ့ ၊ ကံကောင်းတယ်ဆိုတဲ့အသုံးအနှုန်းဟာ ပုဂ္ဂိုလ်တိုင်းနှင့် ဆက်နွယ်နေသော စကားအသုံးအနှုန်း ဆိုရိုးပြောရိုး ဖြစ်နေပေသည် ။
ပုဂ္ဂိုလ်တစ်ယောက်ကံကောင်းတယ် စီးပွားရေးကြီးပွားရေးအဆင်ပြေ ချောမောနေပြီဆိုလျှင် ကံကောင်းသည်ဘုန်းကြီးသည်ဟု ဆိုကြသည် ။ ဘုန်းကံကောင်းသည်ဟု ဆိုရပေမည် ။
အချို့လူများသည် စီးပွားရှာသည့်နေရာမှာ လှုပ်ခါလှည့်ခါဖြင့် အရာရာ အဆင်ပြေနေတတ်ပါသည် ။ ထိုအရာမျိုးကိုသက်သက်သာသာနှင့် အလိုအလျှောက် စိတ်သွားတိုင်းကိုယ်ပါလိုရာကိုပြီးမြောက်စေတဲ့ ဟိုဘ၀ ဒီဘဝက ထူထောင်ခဲ့သည့် ကုသိုလ်ကံများကြောင့် ဖြစ်နိုင်ပါသည် ။
( ဥပမာ ) စာမေးပွဲဖြေရာမှာအမှတ်များများရလို့လျှင် ပန်းပွင့်များများ လှူရသည်ဟု ဆိုရိုးစကား ရှိတာလို ထိုအနီးကပ်လှူသော ကံကအကျိုးပေးခြင်း ဖြစ်ပါသည် ။
အိမ်တစ်အိမ်မှာ လယ်ယာလုပ်ငန်း ၊ ကုန်ကူးကုန်ရောင်းလုပ်ငန်း မှာ အိမ်ထောင် ဦးစီးခေါ် အိမ်မှာ ဦးစီးလုပ်ကိုင်သူသည် သီလနှင့် ပြည့်စုံပြီး ကုသိုလ်များနှင့် ပြည့်စုံနေပါက သူကိုယ်တိုင် မလုပ်ကိုင်သော်လည်း သူလုပ်ကိုင်သည့် လုပ်ငန်းများ အလိုအလျှောက် အဆင်ပြေနေတတ် ပါသည် ။
နမူနာအားဖြင့် - လယ်ယာလုပ်ကိုင်သူချင်း တူပေမဲ့ ကန်သင်းချင်းဆက်စပ်ပြီး လုပ်တာခြင်းတူပေမဲ့ သီလရှိသူနှင့် ကုသိုလ်ကံ တစ်ခုခု တည်ထောင်ထားမည့်သူ လယ်က ပိုပြီး ကောင်းနေတတ်ပါသည် ။
ကုန်ကူးကုန်ဝယ်လုပ်သူချင်းလည်း ဟိုဘက်ဆိုင် နှင့် ဒီဘက်ဆိုင် အတူတူရောင်းဝယ်ကြရာမှာကုသိုလ်ကံ ထူထောင်မိသူ ၊ သီလနှင့် ပြည့်စုံ သူကရောင်းအားဝယ်အား ပိုကောင်းကြောင်း လက်ငင်းဒိဋ္ဌတွေ့မြင်ကြရမှာ ဖြစ်ကြောင်း ။
တစ်နည်းအားဖြင့် ရွာတစ်ရွာ အိမ်တစ်အိမ် မိသားစုတစ်စုမှာ ကံကောင်းသူတစ်ဦး ( ချမ်းသာမည့် ကံဇာတာပါသူတစ်ဦး ) ပါဝင်နေပြီ ဆိုလျှင် ထိုကံထူးသူတစ်ဦးကြောင့်ပင် အများမှာချမ်းသာနေကြသည် ။
ထို့အတူပင် ကံဆိုးသူ ( ကံမကောင်းတဲ့သူ ) တစ်ဦးတစ်ယောက် ပါလားပြီဆိုလျှင်လည်း ထိုသူနှင့်သက်ဆိုင်ရာနယ်တစ်ဝိုက် မှာ မိသားတစ်စု မှာ နည်းအမျိုးမျိုးနှင့် ဆင်းရဲတွင်းနက်နေတတ်ကြပါသည် ။
ပုဂ္ဂိုလ်တစ်ဦးတစ်ယောက်ရဲ့ ကောင်းကံ မကောင်းကံကို အများစုက ဝိုင်းလိုက်လို့ မမှီနိုင်ပါ ။
ထို့ကြောင့် သာသနာမှာ “ ထိုင်ဘုဉ်း လည်ဘုဉ်း ” နှစ်မျိုးနှစ်စား ရှိပါသည် ။ ထိုင်ဘုဉ်းဆိုတာ ထိုင်ရင်းက ဘယ်မှ မသွားဘဲ ဘုဥ်းကြီးသော ပုဂ္ဂိုလ် ဖြစ်သည် ။ လည်ဘုဉ်းဆိုသည်မှာ ဟိုဟိုဒီဒီ ပြေးလွှားပြီးမြင်းကြီးများလိုသွားလာနေရမှဘုဥ်းကြီးသူဖြစ်ပါသည် ။
ထိုသည်ကို ဆရာတော်မှ ထိုင်ပြီးကြီးတဲ့ ဘုဉ်းနဲ့ လည်ပြီးမှကြီးတဲ့ ဘုဉ်းနှစ်မျိုးရှိကြောင်း " ထိုင်ဘုဉ်း လည်ဘုဉ်း ထိုနှစ် ဘုဉ်းဘယ်ဘုဉ်းသာ၍ ကြီးသနည်း ”ဟု မိန့်တော်မူခဲ့ပါသည် ။
◾ ဂန္ဓာရုံဆရာတော်ကြီး၏ လျှပ်တပြက် မိန့်ကြားတော်မူချက် များ
koaungnaingoo.blogspot.com
.
No comments:
Post a Comment