❝ သူတို့အကြောင်းလည်း သိသင့်တာပဲ ❞
ယောက်ျားလေးေတွအကြောင်းပြောရင် ချန်ထားလို့ မရတာကတော့ မိန်းမစိတ် ပေါက်နေတဲ့ ယောက်ျားတွေအကြောင်းပဲ ။မိန်းကလေးတွေဟာ မိန်းမစိတ်ပေါက်နေတဲ့ယောက်ျားလေးများနဲ့ အလွန်ရင်းနှီးလွယ်ကြတယ် ။ ခင်မင်လွယ်ကြတယ် ။ ခပ်နွဲ့နွဲ့ သွား ၊ ခပ်ချွဲချွဲ ပြောနေပေမယ့် သူတို့ဟာ ယောက်ျားတွေပဲဆိုတာ မေ့မထားသင့်ပါဘူး ။ သိနေပါလျက်နဲ့ မေ့ထားမယ်ဆိုရင် မဖြစ်သင့်တာတွေ ဖြစ်ကုန်နိုင်ပါတယ် ။
မိန်းကလေးအတော်များများဟာ မိန်းမစိတ်ပေါက်နေတဲ့ ဂေးတွေကို ယောက်ျားလေးတွေကို “ ယောက်ျား ” ရယ်လို့ သဘောမထားတဲ့အတွက် သူတို့ဟာ မိန်းကလေးများနဲ့ ပတ်သက်တဲ့ လုပ်ငန်းတွေ လုပ်စားလို့ရနေကြတာပါ ။ အများဆုံးလုပ်တာကတော့ ဆံပင်မိတ်ကပ် အလှပြင်လုပ်ငန်းပါပဲ ။
လေးလေး သတိထားမိသလောက်ကတော့ မိန်းမစိတ် ပေါက်နေတဲ့ ယောက်ျားလေးများဟာ မကြားဝံ့ မနာသာ စကားပြောဖို့ ဝန်မလေးကြပါဘူး ။ ဒီတော့ သူတို့နဲ့ရင်းနှီးခင်မင်နေတဲ့မိန်းကလေးများဟာ အကြားအာရုံအရ စိတ်လှုပ်ရှားမှုနဲ့ မရိုးသားမှုတွေ ဖြစ်ကြတာ သေချာတယ် ။
ဒီတော့
စိတ်ရဲ့ကြည်လင်မှုနဲ့ ရိုးသားမှုဟာ ထိပါးတိုက်စားခြင်းခံထားရတဲ့ ကမ်းနားသစ်ပင်လို ဖြစ်ကြရတယ် ။ အချိန်မရွေးပြိုလဲနိုင်တယ် ။
သူတို့ဟာ သူတို့ကိုယ်သူတို့ တကယ့်မိန်းကလေးတစ်ယောက် နေရာကနေပြီး ပြောဆိုတတ်ကြတယ် ။
“ ဘယ်သွားတာလဲ ”
“ ကိုကိုက ခေါ်လို့လေ ၊ ကိုကို့ကို သွားတွေ့တာ ၊ ပါးတွေကြည့်ပါလား ၊ သနပ်ခါးပျက်လာတာ မမြင်ဘူးလား ”
ဆိုတဲ့ စကားမျိုးနဲ့ နိဒါန်းပျိုးပြီး ဖိုမကိစ္စတွေကို ပြောလေ့ရှိကြတယ် ။ ဒါကြောင့် လေးလေးက မိန်းမစိတ်ပေါက်နေတဲ့ ယောက်ျားလေးတွေနဲ့ ရောရောနှောနှောနေရင် စိတ်ရဲ့ကြည်လင်မှုနဲ့ရိုးသားမှုဟာ ထိပါးတိုက်စားခြင်းခံထားရတဲ့ ကမ်းနားသစ်ပင်လို ဖြစ်တတ်တယ်လို့ပြောတာ ။
မိန်းမစိတ်ပေါက်နေတဲ့ယောက်ျားများဟာ ဘယ်လိုလုပ်ငန်းမျိုးပဲလုပ်လုပ်အပြောအဆို လေကတော့ တစ်လေတည်းပါပဲ ။
တစ်ချို့ကျတော့ မိန်းကလေးတွေက သူတို့ကိုတကယ့်မိန်းမလို ဆက်ဆံ ၊ သူစိမ်း ယောက်ျားတစ်ယောက်ဆိုတာကိုပါမေ့နေကြတဲ့အတွက် ပြဿနာပေါ်ရတာတွေလည်း ရှိတယ် ။ ဒီတော့ မိန်းမစိတ် ပေါက်နေတဲ့ ယောက်ျားများနဲ့ ပတ်သက်လို့သူတို့ဟာ ဘယ်လိုပဲ ဝတ်ဝတ် ၊ ဘယ်လိုပဲ ပြောပြော ၊ ဘယ်လိုပဲနေနေ ယောက်ျားဟာ ယောက်ျားပဲဆိုတဲ့ သတိနဲ့ ဆက်ဆံဖို့ သတိပေးချင်တယ် ။
◾ ကံချွန်
အပျိုစင်တို့ သိဖို့ ယောက်ျားတို့အကြောင်း ( ၁ )
No comments:
Post a Comment