“ ဟ ဟေ့ကောင် မင်းအသက်အရွယ်ကြီးနဲ့ ”
“ လုပ်ပြီ ဦိးနားဝေးကတော့ ဆုံးအောင်များ ဖတ်ကြည့်စမ်းပါဦးတဲ့လား ”
“ အေးပါမောင် ”
ဤသို့ဖြင့် ဇာတ်လမ်းက စလေ၏ ။
“ ဟင် အစ်ကိုလေး သန်းမောင် အဲဒါ ဘာလုပ်တယ် ”
“ ဆားဗစ်ကျင်းလကွာ ”
( ဘာလဲတော့ မသိဘူးဗျာ ၊ ကျွန်တော်တို့ အောင်လံမှာ ရေလောင်းအိမ်သာဆောက်ဖို့ မြေကြီးကို တွင်းကြီး တူးပြီး မြေနုတ်ပစ်တာကို ဆားဗစ်ကျင်းလို့ ခေါ်ကြတာပဲ ၊ ပန်းရန်စကားလား ဘာလားမသိ။ )
“ ဟာဗျာ မိုးတွင်းကြီးကျခါမှ ”
“ အေးလကွာ ခုမှပဲ ”
ကျွန်တော် ၂၀၀၅ ခုနှစ် ဇွန်လ ၂၀ ရက်နေ့က ကျွန်တော့် ယောက်ဖ ကိုသန်းမောင်အိမ်ကို ရောက်သွားတော့ လူသုံးလေးယောက် မိုးကာကြီး မိုးပြီး မြေနုတ်နေကြတာ တွေ့သဗျာ့ ။ ဒါနဲ့ ကျွန်တော်က မေးမိ ။
အမှန်မှာ ခုရက်လောက်ဆို ပြီးဖို့ သင့်နေပါပြီ ။
ဖြစ်ပုံက သည်လိုပါ ။
ယောက်ဖက ခြောက်ဘီးကားကို ၁၀ ဘီးလုပ်ချင်တယ် ။ ကားပြောင်းမယ် ဆိုတော့ ငွေက လိုက်ရမယ် ။ ဒါနဲ့ ဘေးမှာ ကျန်နေသေးတဲ့ မြေကွက်ကို ပိုင်းပြီး ရောင်း ၊ ရောင်းလို့ ရတဲ့ ပိုက်ဆံ ကားထဲ ထည့် ၊ ခြောက်ဘီးက ၁၀ ဘီး ဖြစ်သွား ။
အကွက် တစ်ခြမ်းတော့ ပဲ့သွားတာပေါ့လေ ။
ဖဲ့ရောင်းလိုက်ရတဲ့ အကွက်ထဲမှာ ရေလောင်းအိမ်သာက ပါသွားတယ် ။
ဝယ်တဲ့ဘက်က သဘောကောင်းပါတယ် ။ ခြောက်လတိတိ အချိန်ပေးထားတယ် ။ ခြောက်လ ပြည့်ရင်တော့ အကွက်ကို ခြံစည်းရိုးခတ်မယ်ပေါ့ ။
ဟိုက စောင့်နေတယ် ။ ခြောက်လလည်း ပြည့်ရော ခြံစည်းရိုး ခတ်လိုက်ရော ။
ဟော ဖိုးသန်းမောင်တို့ မိသားစု အောက်ရှင်းဖို့ ခက်သွားရောဗျာ ။
အေးပါကွာ သူ့ရက်မှ မရောက်သေးတာ ၊ အေးပါကွာ လုပ်မှာပေါ့ ဘာခက်တာမှတ်လို့ ။
ကျွန်တော်က ကြုံတဲ့အခါ တိုက်တွန်းမိတယ် ။ ဖိုးသန်းမောင်က အေးဆေးပဲ ။
ဘေးက ၀င်ပြောတဲ့ ကျွန်တော့်ကိုတောင် စိတ်က ချဉ်နေပုံ ရတယ် ။
ဟုတ်တယ် ။ ကျွန်တော်ကလည်း မဆီမဆိုင် လက်ပံသား ဓားနဲ့ချိုင် ။
ခုတော့ ကဲ မှတ်ကရော ။ ဟင်း ကောင်းတယ် ။
ကျွန်တော် ကြိတ်ပြီး ပြုံးမိ ။ ဘယ့်နှယ်ဗျာ ဟိုဘက်က ခြောက်လကြီးတောင် အချိန်ပေးထားတာ ။
အဲဒါကို မထုံတက်သေး လုပ်နေတာ ။
ဟိုဘက်လူက ခြံစည်းရိုးလုပ်တာ တကယ်ဆို ခြောက်လ မကပါဘူးဗျာ ။ ရက်တောင် နည်းနည်း စွန်းပါသေးတယ် ။
အခု တကယ် ပိတ်လိုက်တော့ မိုးရွာရက်ထဲ ရောက်နေပြီ ။ မိုးထဲရေထဲ မိုးကာမိုးပြီး လှော်ခတ်နေရပြီ ။ မှတ်လဟ ။
လူ တော်တော်များဟာ သည်လိုပဲ ။ ခပ်ပေါ့ပေါ့ လုပ်တတ်ကြတယ် ။
ချိန်းထားတဲ့ ရက် နီးနေပြီ ။ ချိန်းထားတဲ့ရက် ရောက်နေပြီ ။ ချိန်းထားတဲ့ရက် ကျော်နေပြီ ။ မလာသေးဘူး ။ အကြွေး မဆပ်သေးဘူး ။ ကုန် မအပ်သေးဘူး ။ တစ်ဖက်လူက လည်ပင်း တရှည်ရှည် ။ သည်ဘက်လူက ဤ လေး အာ လေး ။ ကြာတော့ စိတ်မရှည်ဘူး ။ စကားတွေ ပြောရ ။ စကားတွေ များကြ ။ ရန်တွေ ဖြစ်ကြ ။ ရုံးတွေ ဂတ်တွေ ရောက်ကြ ။ တရားတွေ ဖြစ်ကြ ။ ထောင်တွေ ကျကြ ။ ဘယ်က စပါသလဲ ။ မလေးစားတာက စတာပါ ခင်ဗျာ ။
ကျွန်တော်တို့ စီးပွါးရေးလောကမှာ မိမိထက် ငယ်သူပဲ ဖြစ်ဖြစ် ၊ မိမိထက် ကြီးသူပဲ ဖြစ်ဖြစ် အလုပ်ဟာ အလုပ်ပဲ ခင်ဗျာ့ ။
အလုပ်နဲ့ ပတ်သက်လာရင် အလွန်လေးစားကြပါတယ် ။ ချိန်းတဲ့ရက်ကို ဂရုစိုက်ကြရပါတယ် ။
လေးစာတဲ့ လူ ၊ ဂရုစိုက်တဲ့ လူ ၊ တိကျတဲ့ လူ ကြီးပွါးသွားတာပဲဗျာ့ ။
မောင်ချမ်းသာ
ကုမုဒြာ ၊ ၈ ဇူလိုင်လ ၂၀၀၅
No comments:
Post a Comment