အေးငြိမ်းသီတာ

 🌿    အေးငြိမ်းသီတာ

          အေးငြိမ်းသီတာ ဆေးဝါးထုတ်လုပ်သူ ဦးတင်မောင်ကြည် နဲ့ရင်းနှီးခဲ့ကြတာ ၁၀ နှစ် ကျော်ပါပြီ ။ တိုင်းရင်းဆေးပညာဦးစီးဌာနမှာ တာဝန်ထမ်းဆောင်နေတဲ့ ကျွန်တော့်ညီနဲ့ ပတ်သက်ပြီး သူတို့မိသားစုနဲ့ ခင်မင်သွားခဲ့တာ ။ မုံရွာမြို့ကို ရောက်တဲ့အခါ တစ်ခါတစ်ရံ အေးငြိမ်းသီတာ ဆေးဝါးထုတ်လုပ်ရေး စက်ရုံကို ကျွန်တော် သွားလည်လေ့ရှိတယ် ။
          ယခုတစ်ခေါက် မုံရွာကိုရောက်လို့ အေးငြိမ်းသီတာ စက်ရုံကို သွားလည်တော့ အလွန် သိသိသာသာ တိုးတက် ပြောင်းလဲနေတာကို တွေ့ရတယ် ။ စက်ရုံအတွင်းထဲအထိ ၀င်ကြည့်တဲ့အခါ သိပ္ပံရုပ်ရှင်ကားတွေ ထဲက ဓာတ်ခွဲခန်းတွေ မြင်ရသလိုပဲ။
          စက်ရုံအတွင်းမ၀င်မီ အ၀တ်အစား လဲလှယ်ခန်းမှာ ဆရာဝန်တွေ ၀တ်တဲ့ ဂျူတီကုတ်လို အပေါ်အင်္ကျီကို ၀တ်ရတယ် ။ နှာခေါင်းစည်းတပ် ၊ဆံပင်ကို ဦးထုပ်နဲ့ သိမ်းပြီး ဆောင်းရတယ် ။ ပြီးတော့ ပြင်ပမှာ စီးလာတဲ့ ဖိနပ်ကို စက်ရုံတွင်းစီး ဖိနပ်နဲ့လဲလှယ်ပြီး စီးရတယ် ။ ပုံစံက ခွဲစိတ်ခန်းဝင်မယ့် ဆရာဝန်လိုလို ။ စက်ရုံအ၀င်ပေါက်ဝမှာ အခန်းလေးတစ်ခန်းထဲ ၀င်ရပြီး ကျွန်တော်တို့ ခန္ဓာကိုယ်မှာ ကပ်ငြိပါလာတဲ့ ဖုန်အမှုန်အမွှားတွေကို လေနဲ့ မှုတ် ၊ စုပ် တယ် ။ လေချိုးသန့်စင်ပြီးမှ စက်ရုံတွင်း ၀င်ရတယ် ။ ဆေးဝါးစပ်ပုံ ၊ ကြိတ်ပုံ ၊ ရောနှောမွှေပုံ ၊ ဆေးတောင့် ဆေးပြား လုပ်ပုံတွေကလည်း ခေတ်မီ စက်တွေနဲ့ ဖြစ်နေတယ် ။ စက်တွေ ၊ အခန်းခန်း အဆောင်ဆောင်တွေက စတီးရောင် မှန်ရောင်တွေနဲ့ ၀င်းလက်နေပါတယ် ။
          တိုင်းရင်းဆေးဝါးဆိုရင် သံဆုံကြီးတွေနဲ့ထောင်းပြီး ရောင်းတဲ့ လျှက်ဆားလောက်သာ တွေ့မြင်ဖူးသူ ဆိုရင်တော့ အေးငြိမ်းသီတာ ဆေးဝါးထုတ်လုပ်ရေးစက်ရုံကို ရောက်သွားရင် ကိုယ့်မျက်စိကို  ကိုယ် ယုံမှာတောင် မဟုတ်ဘူး ။ စက်ရုံတွင်းကို လှည့်လည်ကြည့်ရှုပြီးနောက် ဧည့်ခံဆောင်မှာ အတူတူထိုင်ပြီး ဆရာ ဦးတင်မောင်ကြည် ကြိုးပမ်းလျှောက်လှမ်းလာခဲ့ရတဲ့ ဘ၀လမ်းကြောင်းကို ပြန်ပြောင်းကြည့်ဖြစ်ကြတယ် ။ ဆရာနဲ့အတူ ဆရာကတော် ဒေါ်လှနှင်း လည်း ရှိနေတယ် ။
         “ မိဘတွေက တောင်သူတွေ ၊ ကျွန်တော့်မွေးတဲ့အချိန် စစ်ကြီးပြီးစ ဆိုတော့ ရွာမှာ ဓားပြတွေ တိုက်တယ် ။ ဒါကြောင့် မိဘတွေက မုံရွာပြောင်းလာပြီး ပွဲရုံဖွင့်တယ် ။ ကျွန်တော် ငယ်ငယ်က ရွာမှာ ကျောင်းမနေခဲ့ရဘူး ။ အသက်တော်တော်ကြီးမှ ကျောင်းနေရတာ ။ ၁၉၅၄ ခုနှစ်မှာ ဆယ်တန်းအောင်တယ် ။ ငယ်ငယ်က ရည်မှန်းချက်က ဆရာဝန်လုပ်ဖို့ ။ ဆယ်တန်းအောင်တော့ ရန်ကုန်သွားပြီး တက္ကသိုလ်တက်တယ် ”
          “ ဘာကြောင့် ဆရာဝန်ဖြစ်ချင်တာလဲ ၊ ကိုယ့်ပတ်ဝန်းကျင်မှာ အားကျစရာ ရှိလို့လား ”
          “ အဲဒီတုန်းကလဲ ခုခေတ်လိုပါပဲ ၊ဆရာဝန်လိုင်းက အကောင်းဆုံး အနေအထားမို့ပါ ”
         “ ဘာကြောင့် ဆရာဝန် မဖြစ်တာလဲ ”
          “ ၁၉၅၇ ခုနှစ်မှာ မုံရွာကို မီးကြီးလောင်တယ် ။ ကျွန်တော့်အဖေတို့ရဲ့ ကုန်တွေရော ဂိုဒေါင်တွေရော ဆုံးရှုံးတာ ။ ဒါနဲ့ ကျောင်းဆက်မတက်နိုင်ဘဲ ပြန်ခဲ့တာ ။ အဲဒီအချိန်မှာ ဒေါ်လှနှင်းနဲ့ အိမ်ထောင်ကျနေပြီ ”
          အိမ်ထောင်ကျတာ ဘယ်နှခုနှစ်မှာလဲမေးတော့ ဦးတင်မောင်ကြည်က ပြန်စဉ်းစားတယ် ။ နောက်တော့ အကူအညီတောင်းတဲ့ သဘောနဲ့ နံဘေးမှာ ထိုင်နေတဲ့ သူ့ဇနီးရဲ့ မျက်နှာကို လှမ်းကြည့်ပါတယ် ။ ကျွန်တော်က ဒါမျိုး မေ့လို့မဖြစ်ဖူးနော်  အန္တရာယ်များတယ် လို့ ပြောတော့ ဆရာက ရယ်တယ် ။ ပြီးမှ နေဦး ခုနှစ်နဲ့ မမှတ်မိဘူး လို့ ဆိုတယ် ။ ဆရာကတော် ဒေါ်လှနှင်း က ၁၉၅၄ ခုနှစ်မှာ အိမ်ထောင်ကျတာ ။ သူဆယ်တန်းအောင်တော့ ကျတာပဲ ။ သူနဲ့ ကျွန်မက ဆွေမျိုးတော်တယ် ။ ကျွန်မက ဖြူး သူ ဆိုပြီး ပြောပါတယ် ။
          “ မုံရွာသားက ဒါလောက်ဝေးတဲ့ ဖြူးသူနဲ့ ဘယ်လိုဖူးစာကြောင့် အိမ်ထောင်ကျတာလဲ ”
          “ ဒေါ်လှနှင်းရဲ့ အဖေကလဲ ကျွန်တော့်ဇာတိ မင်းရွာသားပဲ ၊ ဦးပုရှိန်တဲ့ ။ ဒီဘက်မှာ မိုးတွေ ခေါင်တော့ ဒီက လူတွေ အုပ်စုလိုက် အောက်ပိုင်းသွား အလုပ်လုပ်ကြတာ ။ ကျွန်တော့်အဖေ သူတို့ဆီသွားရင်း တွေ့လို့ ပေးစားတာ ”
          ရန်ကုန်ကို တက္ကသိုလ် သွားတက်ခါနီး သားကို စိတ်မချလို့ အဖေက မိန်းမရှာပြီး ပေးစားလိုက်တာထင်ပါတယ်လို့ ကျွန်တော်က ပြောတော့ သူတို့ လင်မယား ဟက်ဟက်ပက်ပက် ရယ်ကြပါတယ် ။
          “ အိမ်ထောင်ကျတော့ ဒေါ်လှနှင်းက မုံရွာလိုက်လာပြီး ကျွန်တော့်အဖေ ပွဲရုံမှာ ပွဲရုံစာရေးအဖြစ် လုပ်တယ် ။ ကျွန်တော်က ဆေးဘက်မှာ ၀ါသနာပါတော့ ကျန်းမာရေးမှူး သင်တန်း တက်ချင်စိတ်ဖြစ်ပြီး ၀င်ဖြေလိုက်တော့ ပါသွားရော ။ ၁၉၆၁ ခုနှစ်မှာ ကျန်းမာရေးမှူး သင်တန်းတက်ပြီး ၁၉၆၂ ခုနှစ် ဒီဇင်ဘာမှာ ပြီးတယ်  ”
          “ ဆေးပညာ နဲ့ ၀ါသနာ ပြောပါဦး ”
          “ အချို့က ကျွန်တော့်ကို မေးကြတယ် ၊မိဘက ကုန်သည်ပွဲစား ၊ဘယ်လိုက ဘယ်လို တိုင်းရင်းဆေးဝါး ထုတ်လုပ်သူ ဖြစ်လာသလဲပေါ့ ၊ gene ( မျိုးစေ့ဗီဇ ) ခေါ်မှာလား ။ ကျွန်တော့် အဘွားက သူ့ခေတ်နဲ့ သူတော့ ဒေါ်မယ်မွှေး ဆိုပြီး မင်းရွာမှာ တိုင်းရင်းဆေးဆရာမကြီး ။ သူ့ဆေးနည်းလေးတွေ ဘာတွေ ကျွန်တော့်ကို ပေးတယ်ပေါ့ “
          “ ကျန်းမာရေးမှူး သင်တန်းပြီးသွားတော့ ဘယ်ဒေသတွေမှာ တာဝန်ထမ်းဆောင်ရသလဲ ”
          “ ပထမရောက်တာ စစ်ကိုင်းမြို့နယ် ခွက်ခွင်းကျေးရွာ ကျန်းမာရေးဌာန ၊အဲဒီကနေ ဂုံညင်းဆိပ်မှာ အာရ်အိတ်ခ်ျစီ အသင်းဖွင့်တော့ သွားရတယ် ”
          “ အာရ်အိတ်ခ်ျစီ ဆိုတာ ဘာလဲ ”
          “ Rural Health Centre ကျေးလက်ကျန်းမာရေး ဌာနပါ ။ ဂုံညင်းဆိပ်ကနေ ဒီပဲယင်းမြို့နယ် သစ်ရာအိုက် အာရ်အိတ်ခ်ျစီ ကို ၁၉၆၈ ခုနှစ်မှာ ပြောင်းရတယ် ။ အဲဒီနောက် ကသာမြို့နယ် မိုးတားကျေးရွာ ကျန်းမာရေး ဌာန ။ အဲဒီကနေ အဆုတ်ရောဂါကုဌာန မိုးမိတ်ကို team leader ( အဖွဲ့ခေါင်းဆောင် ) အဖြစ် ရောက်သွားတယ် ။
          ကျွန်တော်တို့ စကားကောင်းနေတာ နေ့လယ် ၁၂း ၀၀ ထိုးသွားပြီ ။ အဲသည်အချိန်မှာ လျှပ်စစ်မီး ပြတ်သွားတယ် ။ စက်ရုံက လည်ပတ်နေရတာ ။ ကျွန်တော်တို့လည်း လျှပ်စစ်မီးရောင်အောက်မှာ စကားပြောနေတာဖြစ်လို့ ဦးတင်မောင်ကြည်က စက်မောင်းကွာလို့ ပြောလိုက်တယ် ။ စက်မမောင်းရသေးခင်မှာပဲ လျှပ်စစ်မီးက ပြန်လာတော့ ဦးတင်မောင်ကြည်က  ကျားသားမိုးကြိုးပဲ ၊ လန့်သွားတာပဲ ဗျာ လို့ပြောပြီး ရယ်တယ် ။ပြီးတော့ ပြောလက်စ သူ့စကားကို ဆက်ပြောပါတယ် ။
          “ မိုးကုတ်နဲ့ နီးတော့ မိုးမိတ်က အစစအရာရာ ဈေးကြီးတယ် ။ ကျွန်တော်ရတဲ့ ၀န်ထမ်းလခနဲ့ ကလေးတွေ ကျောင်းပို့ဖို့ မလောက်ငတော့ဘူး ။ ဒါနဲ့ မိုးမိတ်ဈေး အ၀င်ဝမှာ ဆိုင်ကလေးဆောက်ပြီး နှင်းဝတ်ရည် အထည်ဆိုင် ဆိုတဲ့ နာမည်နဲ့အမျိုးသမီးက အထည်ဆိုင်ထွက်တယ် ။ ၀င်း စာပေ ဆိုပြီး စာအုပ်အငှားဆိုင်လေးလဲ ဖွင့်တယ် ။ ၁၉၇၇ ခုနှစ်ကျတော့ ပင်စင်ယူလိုက်တယ် ”
          “ ကျွန်တော့်သား အကြီး ကိုမြင့်ဇော် က မန္တလေးမှာ ကျောင်းနေတာ ၊ အမှတ် ( ၉ ) အထက မှာ ၊ သမီးအကြီးက အမှတ် ( ၈ ) ကျောင်းမှာ နေရတယ် ။ ဆိုလိုတာက မိုးမိတ်မှာ ပေနေလို့ရှိရင် ကလေးတွေ ပညာရေး အခက်အခဲ ရှိမယ် ။ စီးပွါးရေးကလဲ နောက်ကျတယ် ဆိုပါတော့ ။ အချိန်ရှိတုန်း အပြင်ထွက်ပြီး အလုပ်လုပ်ကြမယ်လို့ လင်မယားနှစ်ယောက် တိုင်ပင်ပြီး ပင်စင်ယူလိုက်တာ ”
          “ ပင်စင်ယူပြီး မုံရွာ ပြန်လာခဲ့တာလား ”
          “ မုံရွာပြန်လာခဲ့တာ ၊ မိုးမိတ်က ပင်စင်ယူပြီး လာခဲ့တဲ့ ၁၉၇၇ ခုနှစ်က ၁၉၈၀ ပြည့်နှစ်လောက်အထိ တော်တော် ရုန်းကန်ခဲ့ရတာ ။ လေဘေး အထည်တွေလဲ ရောင်းခဲ့ရတယ် ။ မန္တလေးက အထည်တွေဝယ်ပြီး မုံရွာဈေးထဲမှာ အထည်ဆိုင်ဖွင့်တယ် ။ စာအုပ်အငှားဆိုင် ၊ ဗွီဒီယိုဆိုင်တွေလဲ ဖွင့်တယ် ။ မင်းရွာက ဆွေမျိုးတွေနဲ့ အစုစပ် ကြာဆံစက် ထောင်တယ် ။ အဆင်မပြေဘူး ”
          ဆရာဦးတင်မောင်ကြည်က ပြောလက်စ စကားကို ခဏနားပြီး သူ့အတွေးနဲ့သူ ရယ်တယ် ။ ပြီးမှ စကားကို ဆက်ပြောတယ် ။
          “ ခွေးရူး အကိုက်ခံရမယ့်အကောင် ယောင် ( သျှောင် ) ကလေးနဲ့ ဆိုသလိုပဲ ။ ဒါ ( အေးငြိမ်းသီတာ ) ဖြစ်ချင်လို့နေမှာ ။ ကြာဆံစက်က အဆင်မပြေတော့ အဲဒီအလုပ်ကို ဇောက်ချလုပ်လို့က မရ ၊ သူများလုပ်သလို ကူးသန်းရောင်းဝယ်တာ လိုက်လုပ်ကြည့်တယ် ။ ပိုဆိုးတော့ ဒီအတိုင်းဆိုရင်တော့ မဖြစ်သေးဘူးဆိုပြီး ၁၉၇၉ ခုနှစ်လောက်မှာ တိုင်းရင်းဆေးထုတ်လုပ်တဲ့ လုပ်ငန်းကို လုပ်ဖို့ စိတ်ကူးတယ် ”
           ဦးတင်မောင်ကြည်က ပြောလက်စ စကားကိုရပ်ပြီး တည်ခင်းထားတဲ့ အကြော်နဲ့ ရေနွေးကြမ်းကို  စားဖို့ ကျွန်တော့်ကို ပြောတယ် ။ ကျွန်တော်တို့ စကားဝိုင်းကို ခဏရပ်ပြီး ရေနွေးကြမ်း သောက်ကြတယ် ။
           “ တိုင်းရင်းဆေးသိပ္ပံက ကျောင်းအုပ်ဆရာကြီး ဦးဥာဏ်ထွန်း နဲ့ ဆရာကြီးကျော် တို့က နယ်တွေဆင်းပြီး တိုင်းရင်းဆေးပညာသင်တန်းတွေ ဖွင့်ကြတယ် ။ သင်တန်းတက်ပြီး စာမေးပွဲ ၀င်ဖြေတော့ ဒ - ဘ - န - ၀ ဆိုတဲ့ တိုင်းရင်းဆေး လေးဘာသာ စာမေးပွဲအောင်တယ် ။ ကျွန်တော်တို့က လုပ်ငန်း လုပ်တဲ့နေရာမှာ ပညာနှစ်ရပ်နဲ့ လုပ်တော့ ပိုပြီး အဆင်ပြေတယ် ။ တစ်ဖက်က အနောက်တိုင်း ဆေးပညာ ၊ တစ်ဖက် က တိုင်းရင်းဆေးပညာ ။
          “ ပထမဆုံး ထုတ်လုပ်တဲ့ဆေးက ဘာဆေးလဲ ”
          “ ပထမ အနောက်တိုင်း ဆေးပညာအစွဲနဲ့ အာယုဗလ သွေးညှိ သွေးဆေးဆိုပြီး စထုတ်တယ် ။ အမှတ်တံဆိပ်က ခန္ဓာကိုယ်အတွင်းမှာ သွေးလှည့်လည် သွားလာပုံကို ဒီဇိုင်းလုပ်ပြီး ထုတ်တယ် ။ ဒါထုတ်တော့ များများ မထုတ်ရသေးဘူး ။ ဟိုပင်မှာ အာယုဗလ ဆိုတာ ထုတ်တာနဲ့ တိုက်နေတော့ သွားရော ။ နာမည်ချင်း တူနေတာ ကိုယ်က အရင်သိတယ် ။ ကိုယ်က အရင် ရှောင်လိုက်တယ် ”
          “ အေးငြိမ်းသီတာ ဖြစ်ပေါ်လာပုံကော ”
          “ ဗေဒင်ယတြာ ကိန်းခန်းနဲ့ မတွက်ချက်လို့ ယခုလို ဖြစ်ရတာလား ဆိုပြီး လယ်တီ စိတ္တသုခကျောင်းဆရာတော် ဦးမဏ္ဍလ ကို အကျိုးအကြောင်းလျှောက်တော့ အမှတ်တံဆိပ်ရဲ့ သင်္ကေတကို နေရဲ့ အသွင်သဏ္ဍာန် ပါရမယ်ဆိုလို့ ဥဒေါင်းမင်း ၊ အမည်ကို တနင်္ဂနွေနံ စပြီး စနေနံ ဆုံးရမယ်ဆိုလို့ အေးငြိမ်းသီတာ ဆိုပြီး အေးချမ်းမယ့် အတိတ်နိမိတ်နဲ့ ယူလိုက်တယ် ။ စစချင်း လုပ်ငန်းမတည်ရင်းနှီးငွေက နှစ်ထောင့်ငါးရာ ( ကျပ် ၂၅၀၀ ) နဲ့ စခဲ့တာ ။ ဆေးလုပ်ငန်းထဲက ရတဲ့ငွေ ဆေးလုပ်ငန်းထဲ ပြန်ရင်းတာ ။ အိမ်စရိတ်ကို အမျိုးသမီးရဲ့ အထည်ဆိုင် ၊ သားသမီးတွေရဲ့ စာအုပ်ဆိုင် ဗီဒီယိုဆိုင်က သုံးတယ် ”
          ဆရာကတော် ဒေါ်လှနှင်းက ကျွန်မက အသန့်အရှင်း ကိုက်တယ် ။ သူက သစ်ဖုတွေ ယူလာ မနက် အစောကြီးထပြီး သံဆုံနဲ့ တဒုန်းဒုန်းထောင်း ။ ဆန်ခါနဲ့ အမှုန်ချ ။ အစတော့ ဒီဆေးတွေက နံလို့ ကျွန်မက ဗျစ်တောက် ဗျစ်တောက် ။ နောက်ပိုင်းကျတော့ ကျွန်မပါ ၀င်ပါရတယ်လို့ ပြောတယ် ။ ဆရာကတော် ပြောတဲ့အချိန်မှာ ဆရာက တဟဲဟဲ ရယ်နေတယ် ။ သစ်ရွက်တွေရော ၊ ဘာတွေရော အိမ်မှာ ရှုပ်ယှက်ခပ်နေတာပဲ ။ နောက်တော့  ကိုယ်ပါ ဆေးလုံး ၀င်လုံးရတယ် ။ စခါစက အပြားရိုက်စက် မ၀ယ်နိုင်သေးဘူးလို့ ဒေါ်လှနှင်းက ဆက်ပြောတယ် ။
          “ ၁၉၉၅ ခုနှစ်မှာ ဆေးအပြားရိုက်စက်လေး ၀ယ်တယ် ။ တစ်ခါရိုက်မှ တစ်ပြားပဲ ထွက်တာ ။ ဂျောက်ခနဲရိုက် ၊ ဒေါက်ခနဲ ဆေးပြားလေး တစ်ပြားထွက်တယ် ။ ကျွန်တော်က မနက် ၂ချက် ၊ ၃ နာရီထပြီး မေတ္တာပို့ အာရုံပြုရင်း ဆေးပြားရိုက်တာ ။ ကျွန်တော့် မိတ်ဆွေတွေက ပြောလေ့ပြောထ ရှိတယ် ။ တစ်ဂျောက် တစ်ကျပ်ရတာတဲ့ ၊ တစ်ကျပ် ဆိုတာ တော်တော်သုံးလို့ ရတဲ့ အခြေအနေ ”
          “ ဘာဖြစ်လို့ မနက်အစောကြီး ထလုပ်ရတာလဲ ”
          “ အာရုံက ဆေးထုတ်တဲ့ အထဲပဲ ရှိနေတော့ အိပ်မပျော်ဘူး ။ စစချင်းမှာ အလုပ်သမားရယ်လို့လဲ မရှိသေးဘူး ။ နောက်တော့ အိမ်နားက မခင်ကောင်း လာလုပ်တယ် ။ သူက အခုထိ ရှိသေးတယ် ။ နောက် ကိုပြေအေး ။ ကျေးဇူးရှင်တွေ ပါပဲ ။ လျှပ်စစ်မီးကလဲ အဲဒီအချိန်မှ ပိုအဆင်ပြေတယ် ။ညမှာ စိတ်အာရုံ စူးစိုက်နိုင်လို့ အလုပ်ထလုပ်တာ ”
          ဆရာကတော်က နေ့နဲ့ ညလွဲသလို ဖြစ်နေတာလို့ ပြောတော့ ကလေးဆိုရင်လည်း အိမ်တံစက်မြိတ်အေက်မှာ မီးထွန်းပြီး ရေချိုးပေးလိုက်ရင် နေ့နဲ့ ည လွဲတာ ပျောက်သွားမယ်လို့ အရွှန်းဖောက်တော့ သူတို့လင်မယားက ဟုတ်ပါ့ ဟုတ်ပါ့ လို့ပြောပြိး ရယ်ကြတယ် ။
          “ အေးငြိမ်းသီတာ အစမှာ ဘာဆေးတွေ ထုတ်သလဲ ”
          “ သွေးညှိသွေးဆေးလဲ ထုတ်သေးတယ် ။အကြောအားတိုးဆေး စထုတ်တာနဲ့ ပေါက်တာပဲ ။ အကြောအားတိုးဆေးက တမာပါတယ် ။ ချင်းပါတယ် ။ နနွင်းပါတယ် ။ ပျားရည်ပါတယ် ။ သူ့ထူးခြားချက်က ဒီဆေးကို အစမ်းထုတ်ကတည်းက သဘောကျသူ များတယ် ။ အကြောပြေတယ် ။ အကြောတက်စာတွေစားတာ အဆိပ်ဖြေသလို ဖြစ်ပြီး အကြောမတက်ဘူး ။ ဒီဆေးက စထွက်ထွက်ချင်း ဘယ်လောက်နာမည် တအားကြီးသွားလဲ ဆိုရင် ရန်ကုန်မှာ တိုးဝှေ့ ၀ယ်ရတဲ့ အဖြစ်ကို ရောက်သွားတာ ”
          “ ဘ၀မှာ အလှည့်အပြောင်း ဖြစ်တဲ့အချိန်က ဘယ်အချိန် ”
          “ အကြောအားတိုးဆေး တွင်ကျယ်ချိန်ပေါ့ ၊ ၁၉၉၂ ခုနှစ်မှာ မုံရွာစက်မှုဇုန်မှာ မြေနေရာဝယ်ပြီး စက်ရုံသေးသေးလေး စဆောက်တယ် ။ နောက်မှ တဖြည်းဖြည်း တိုးချဲ့လာတာ ။ ကျွန်တော့်ကို အကူအညီပေးနေတဲ့ ဆရာတွေရှိတယ် ။ ဒေါက်တာ မြင့်စိန် တို့ FAME က ဒေါက်တာ ခင်မောင်လွင် တို့ သူတို့က ကျွန်တော့်ဆရာတွေပဲ ၊ သူတို့က ကျွန်တော့်ကို ပြုပြင်ပေးတယ် ။ မသိတာရှိရင် ပြပေးတယ် ။ဒါနဲ့ ဒီလို အခြေအနေကို ရောက်လာတာပဲ ”

                                                                  ကျော်ရင်မြင့်

ဦးတင်မောင်ကြည်

မိဘ              -ဦးမင်းဒင် ၊ ဒေါ်တုတ်
မွေးဇာတိ        -မုံရွာမြို့နယ် ၊ မင်းရွာ
မွေးသက္ကရာဇ်   -၁၉၃၆ ခုနှစ် မတ်လ ၆ ရက်
မွေးချင်း          -ခြောက်ဦးမှာ ဆဋ္ဌမ
အိမ်ထောင်ဘက်-ဒေါ်လှနှင်း
သားသမီး         -ခြောက်ဦး
လုပ်ငန်း           -အေးငြိမ်းသီတာ ဆေးဝါးထုတ်လုပ်ရေး ကုမ္ပဏီ လီမိတက်
လိပ်စာ             -အေးငြိမ်းသီတာ အရောင်းဌာန ၊ ပွဲစားတန်းလမ်း ၊ အလယ်ရပ် ၊
                       မုံရွာမြို့ ။
ဖုန်း                 -၀၇၁ ၂၁၆၈၃ ၊ ၂၂၅၆၁ ၊ ၂၅၁၆၅ ၊ ၂၅၀၁၀

 မော်ဒန်သတင်းဂျာနယ်  ၊ ၁၈ ဖေဖော်ဝါရီ ၂၀၁၁