အလောင်းတော် ကဿပ ဥယျာဉ်အတွင်း
ဘုရားအရောက် ကတ္တရာလမ်း ခင်းပါက ဥယျာဉ်တည်ထောင်ထားသည့် မူလ ရည်ရွယ်ချက်ကို ထိခိုက်စေနိုင်
စစ်ကိုင်း ဖေဖော်ဝါရီ ၅
အလောင်းတော် ကဿပ အမျိုးသားဥယျာဉ် အတွင်းရှိ အလောင်းတော်ကဿပ စံကျောင်းသို့ ပေါက်သည့် သဘာဝ မြေသားလမ်းသည် အမျိုးသားဥယာဉ် အလယ်ဗဟိုကို ဖြတ်သန်းသွားရာ လမ်း တစ်လျှောက် ဆင်၊ ၀က်ဝံ၊ ကျားသစ်၊ စိုင်စသည့်ရှားပါး တောရိုင်းတိရ စ္ဆာန်များ ဖြတ်သန်းသည့်နေရာအများအပြား ရှိသလို လမ်းတစ်လျှောက်တွင် ထင်းရှူးတောမှလွဲ၍ ကျန်တောအမျိုးအစားငါးမျိုးကို လေ့လာနိုင်သဖြင့် သုတေသန ပြုလုပ်ခြင်းများအတွက် များစွာ အရေးပါနေကြောင်း ကနီမြို့နယ် မဲဆန္ဒနယ်အမှတ် (၂) စစ်ကိုင်းတိုင်းဒေသကြီး လွှတ်တော် ကိုယ်စားလှယ် ဦးထွန်းထွန်းဝင်း ထံမှ သိရသည်။
“ အထက်ရွက်ပြတ်ရောနှော တောစိုအထက်ရွက်ပြတ်ရောနှောတောခြောက်၊အောက်ရွက်ပြတ်ရောနှောတောစို၊ အင်တိုင်းတော၊ ထင်းရှူးတောနဲ့ အမြဲစိမ်းတော စတဲ့သစ်တောအမျိုးအစား ခြောက်မျိုး၊ အပင်မျိုးစိတ် ၄၆၅ မျိုး၊ သစ်ခွမျိုးစိတ် ၄၉ မျိုး၊ ပရဆေးမျိုးစိတ် ၁၄၃ မျိုး၊ ၀ါးမျိုးစိတ် ရှစ်မျိုး၊ နို့တိုက်သတ္တ၀ါ ၃၄ မျိုး၊ တွားသွားသတ္တ၀ါမျိုးစိတ် ၉၄ မျိုး၊ အင်းဆက်မျိုးစိတ် ၄၂ မျိုး၊လိပ်ပြာမျိုးစိတ်၂၅၀၊ ငှက်အမျိုးပေါင်း ၄၈၆ မျိုးတို့ တွေ့ရပါတယ်။ အဲဒီလိုဇီဝမျိုးစုံမျိုးကွဲများ ကြွယ်ဝတဲ့အတွက် အာဆီယံအမွေအနှစ် ဥယျာဉ်အဖြစ် ၂၀၀၃ ခုနှစ် ဒီဇင်ဘာလ၁၈ ရက်က သတ်မှတ်ခံခဲ့ရပါတယ် ” ဟု ဦးထွန်းထွန်းဝင်းက ဖြည့်စွက်ပြောပြသည်။
အလောင်းတော်ကဿပ အမျိုးသား ဥယျာဉ်ကို ယင်းမာပင်ခရိုင် ကနီမြို့နယ်ရှိ ပုထိုးလုံးကြိုးဝိုင်းနှင့် ကလေးခရိုင် မင်းကင်းမြို့နယ် တောင်တွင်းကြိုးဝိုင်းနှစ်ခုအား ပေါင်းစည်း၍ သစ်တောဝန်ကြီးဌာန၏ ၁၉၈၉ ခုနှစ်ဇန်န၀ါရီလ ၁ ရက်နေ့ရက်စွဲပါ အမိန့်ကြေညာစာအမှတ် (၃၁/၈၉) ဖြင့် ဖွဲ့စည်းတည်ထောင်ခဲ့ခြင်းဖြစ်ပြီး အကျယ်အ၀န်းမှာ၃၄၆၆၃၉ ဒသမ ၃၉ ဧက ၅၄၁ ဒသမ ၆၂ စတုရန်းမိုင်ရှိကြောင်း သိရသည်။
မြေလမ်းမှ ကတ္တရာလမ်းအဖြစ် ပြောင်းလဲလျှင် ဇီဝမျိုးစုံမျိုးကွဲနေရင်းဒေသများ၏
သဘာဝအနေအထား ပျက်စီးသွားနိုင်သလိုသဘာဝရေစီးရေလာများပျက်စီးမှုနှင့်အတူ ဂေဟစနစ်ပါ ပြောင်းလဲသွားနိုင်ပြီး တောရိုင်းတိရ စ္ဆာန်များ၏ နေရင်းဒေသများကို အစိတ်စိတ်အမွှာမွှာကွဲကာ ပျောက်သွားစေနိုင် ကြောင်း ဦးထွန်းထွန်းဝင်းက သုံးသပ်ပြသည်။
ထို့အပြင် ရာသီမရွေး ယာဉ်များ ၀င်ထွက်သွားလာနိုင်သဖြင့် ဆူညံမှုများကြောင့်
တောရိုင်းတိရ စ္ဆာန်များ ဥယျာဉ်အတွင်းမှရွှေ့ပြောင်းသွားနိုင်ကြောင်း၊ ယာဉ် နှင့် တောရိုင်း
တိရ စ္ဆာန်များ မတော်တဆတိုက်မိမှုများ ဖြစ်ပွားနိုင်ခြေများလာစေနိုင်သကဲ့သို့ ဆင့်ကဲ ထိခိုက်မှုများအနေဖြင့် မြေအသုံးချမှုများနှင့် လူတို့အခြေချနေထိုင်မှုများ ဖြစ်ပေါ်လာနိုင်ကာ ယခင်က လူတို့ နှောင့်ယှက်ဝင်ရောက်မှု မရှိခဲ့သည့် နေရာများတွင် တောရိုင်းတိရ စ္ဆာန်များ တရားမ၀င်ဖမ်းဆီးခြင်းနှင့် တရားမ၀င် ကူးသန်းရောင်းဝယ်မှုများ မြင့်တက်လာနိုင်ကြောင်း ၎င်းက ဆက်လက်ပြောသည်။
ဂေဟစနစ်ဝန်ဆောင်မှုများ ဆုံးရှုံးပျောက်ကွယ်ပြီး ပတ်ဝန်းကျင်ညစ်ညမ်းမှုများဖြစ် ပေါ်စေကာ မူလသဘာဝပတ်ဝန်းကျင်အနေအထားများကို ပျက်ယွင်းစေပြီး တောရိုင်း
တိရ စ္ဆာန်များအား အနှောင့်အယှက်ဖြစ်စေနိုင်သည့်အပြင် တောပြုန်းခြင်းများဖြစ်ကာ
တရားမ၀င် သစ်ခိုးထုတ်မှုများ ပိုမို ပေါ်ပေါက်လာနိုင်သောကြောင့် လက်ရှိ ဥယျာဉ်အတွင်း
အလွန်ခက်ခဲစွာ တိုက်ဖျက်နေရသည့် သစ်ခိုးထုတ်မှုပြဿနာကို ပိုမိုဆိုးရွားစေမည်ဖြစ်ကြောင်း သိရသည်။
အမျိုးသားဥယျာဉ်သည် အဖိုးတန်သစ်မျိုးများ ပေါက်ရောက်သည့်သစ်ထုတ်နိုင်သော
သစ်တောကြိုးဝိုင်းနှစ်ခုရှိရာ နိုင်ငံ၏ အမွေအနှစ်များရေရှည်တည်တံ့ရန် ထိန်းသိမ်းကာ
ကွယ်နိုင်ရေးအတွက် သစ်ထုတ်လုပ်ခြင်းမှ ရရှိသည့် စီးပွားရေးအကျိုးအမြတ်များကို စွန့်လွှတ်၍ သဘာဝနယ်မြေတစ်ခုအဖြစ်တည်ထောင်ထားခြင်းဖြစ်သည်။
မြေသားလမ်းကိုကတ္တရာလမ်းအဖြစ် ပြောင်းလဲ ခင်းခြင်းဖြင့် နောက်ဆက်တွဲ အကျိုးသက်ရောက်မှုများ ဖြစ်ပေါ်လာပြီး အမျိုးသားဥယျာဉ်အဖြစ်တည်ထောင်ထားသည့် မူလရည်ရွယ်ချက်ကိုထိခိုက်စေမည် ဖြစ်ကြောင်း ဦးထွန်းထွန်းဝင်းက သုံးသပ်ပြောကြားသည်။
မျိုးဝင်းထွန်း(မုံရွာ)
ကြေးမုံ ၊ ဖေဖော်ဝါရီ ၆ ၊ ၂၀၁၇
No comments:
Post a Comment