🚗🚐🚘 သူဌေးကြီး ဖြစ်ချင်တယ်လား
“ ဟုတ် ဖြစ်တယ် ၊ ရတယ် တစ်စီးစာ ၊ ဟုတ်ပြီ ၊ သုံးရက်အတွင်း ကောင်းပါတယ် ”
“ ဒီလိုလုပ်လေ ကျွန်တော်ပြောမယ် ၊ အခုတစ်ခေါက် တစ်စီး အစမ်းပို့လိုက်မယ် ၊ မယူဘူး ၊ ဘာတစ်ပြားမှ မယူဘူး ၊ အလုပ်သမားခ ၊ ကားခတော့ အဲဒီကပေးပေါ့ ဟုတ်ပြီလား ”
“ အခု ပို့လိုက်တဲ့ပစ္စည်းကို မကြိုက်ဘူးဆို ကားပေါ်က မချနဲ့ဦး ၊ ချက်ချင်းပြန်ပို့ ၊ အပြန်ကားခ ကျွန်တော် ချေမယ် ၊ ဟုတ်ပြီလား ”
“ ဟာ ပွဲစား သဘောကောင်းလှချည်လား ”
တစ်ဖက်က တယ်လီဖုန်းချသွားသောအခါ ပွဲစားက ရေနွေးကြမ်းငှဲ့ ၊ ကျွန်တော်က လက်ဖက်သုတ်ပန်းကန်ထဲမှ ပုဇွန်ခြောက်ကို ကောက်ယူ ။
“ ဆက်ကြည့်မယ်လေ ဦးလေးချမ်း ၊ ကျွန်တော်က မျက်စိနဲ့ ပါးစပ်ပဲ စိုက်ရတာ ၊ အကြောင်းအပေါင်းသင့် ၊ အစပ်အဟပ်တည့်သွားရင်လဲ ရေရှည်မှာ ... ”
“ ကရင် ကရင် အရင်ရင် ”
တယ်လီဖုန်း ၀င်လာ ၊ ပွဲစားက ကောက်ကိုင် ။
“ အင်း ဟုတ်ကဲ့ပြော ကိုဌေး ၊ ပဲဆန် ၊ ဟိုတစ်ပတ်က ပို့လိုက်တဲ့ အရည်အသွေးမျိုး ၊ ရမယ်လေ ၊ မခဲယဉ်းပါဘူး ၊ အောက်တန်း ( အထွက်နှုန်း ) ကိုက်တယ်မဟုတ်လား ၊ ခဲ သဲ အပုတ် အစုပ် မပါ ၊ စိတ်ချ ၊ ကျွန်တော်က အသန့်လိုင်းလေ ၊ ကိုဌေးလဲ သိသားနဲ့ ၊ ဟုတ်ကဲ့ လောလောဆယ် ကြိတ်ဖို့ ရှိသေးတယ် မဟုတ်လား ၊ ကောင်းပြီ ရှိတယ် ၊ ဦးလေးချမ်းတောင် အနားမှာ ရောက်နေတယ် ၊ သူနဲ့ ပြောဦးမလား ၊ အင်း အင်း ”
ပထမဖုန်းမှာ မန္တလေးနှင့် ဆက်နေခြင်းဖြစ်ပါ၏ ။
ယခု ဒုတိယ ၀င်လာသော ဖုန်းမှာ မကွေးမြို့ အမေထွား ဆီစက်မှ အမေထွား သား ကိုဌေးအောင် ထံမှ ဖြစ်ပါ၏ ။
ကိုဌေးအောင် နှင့် ပွဲစားတို့ကား တစ်ဦးနှင့်တစ်ဦး ခံတွင်းတွေ့သူများ ဖြစ်ကြ၏ ။
ကိုဌေးအောင် က အမေထွား ပဲဆီသန့် စပါယ်ရှယ်ကို ထုတ်လုပ်ပြီး ရန်ကုန်မှာ ဖြန့်နေသူ ။
ကျွန်တော့် ပွဲစားကား မြေပဲဆန် သန့်သန့်ကို ရအောင်ရှာပြီး မကွေး အမေထွား ဆီစက်သို့ ပို့ပေးနေရသူ ။
မန္တလေးဖုန်းက မိတ်ဆွေ လက်သစ် ၊ အခုမှ အစမ်းပို့ရမှာ ၊ တစ်ယောက်စိတ်ကို တစ်ယောက်က စမ်းရဦးမှာ ၊ မန္တလေးက ပစ္စည်းကို စမ်းသုံးကြည့်မယ် ၊ အောင်လံက စိတ်ကို စမ်းသုံးကြည့်မယ် ။ ငွေရေးကြေးရေးကို စမ်းကြည့်မယ် ။
စမ်းကြရာက တစ်ယောက်နဲ့ တစ်ယောက် ၊ တစ်ယောက်ကို တစ်ယောက် ( အလုပ်သဘောအရ ) သဘောကျသွားရင် အရှည်မှာ မိတ်ဖြစ်သွားမယ် ။ အရှည်မှာ အလုပ်ဖြစ်သွားမယ် ။ နှစ်ဦး နှစ်ဖက် အကျိုးရှိသွားမယ့်သဘော ။
ဒါကြောင့် ပွဲစားက “ အရှည် ” လို့ ပြောတာ ။
မကွေးနဲ့ ဆက်စဉ်ကလည်း သည်လိုပဲ ၊ တစ်ယောက်နဲ့ တစ်ယောက် စမ်းကြည့်ရာက ဓာတ်ကျပြီး အလုပ်ဖြစ်သွားကြတာ ခင်ဗျာ့ ။
“ ကျွန်တော် သူ့ကို လုပ်ပိုင်ခွင့် အပြည့်ပေးထားတယ် ဘဘ ”
၂၀၀၅ ခုနှစ် ၊ ဖေဖော်ဝါရီလ ၅ ရက်နေ့ ကျွန်တော် မကွေးမြို့ ရောက်စဉ်က အမေထွား ဆီစက်မှာ ကျွန်တော်နဲ့ ကိုဌေးအောင် ပြောဖြစ်ကြတဲ့ စကား ။
ဟိုတစ်ဖက်က လုပ်ပိုင်ခွင့် အပြည့်ပေးတယ် ။ သည်တစ်ဖက်က ပစ္စည်းကောင်းကို မရရအောင် ရှာပေးတယ် ။ ဤသို့ဖြင့် အလုပ်ဖြစ်ကြ ။
ယခုပြောပုံအရဆိုလျှင် မန္တလေးနှင့်လည်း ဆက်လက် အလုပ်ဖြစ်ပေလိမ့်ဦးမည် ။
ကျွန်တော်တို့ အလုပ်တွေက အပြောနည်းနည်း အလုပ်များများဗျာ့ ၊ အပြောထက် အလုပ်ကို ဦးစားပေးကြရတာဗျာ့ ။
အခုကြည့် သည်က အစမ်းပို့ပေးမယ် ။
ပစ္စည်း စိတ်တိုင်းကျစေရမယ် ။ ကော်မရှင် တစ်ပြားမှ မယူသေးဘူး ။ ဒုတိယ တစ်စီးလည်း ဖရီး ။ တတိယ တစ်စီးလည်း ဖရီးပဲ ။
နောက်ကျမှ အရှည်ဆက်ဆံမိပြီဆိုမှ တစ်ဦးသဘော တစ်ဦးသိပြီဆိုမှ ကော်မရှင်အတွက် စဉ်းစားကြမှာ ။
ကျွန်တော် ဥာဏ်မီသလောက် စဉ်းစားကြည့်ရတာကတော့ အရှည်အတွက် ရည်မှန်းချက်ထားပြီး ထိုးကျွေးတဲ့ သဘောပဲဗျာ့ ။
အဲသလိုနည်းနဲ့ မိတ်ဖွဲ့ကြ ၊ မိတ်ရှာကြ ၊ မိတ်မြဲကြရတာဗျာ့ ။
သာသည် နာသည် ခေါင်းထဲ သိပ် ထည့်ကြပုံ မပေါ်ဘူးဗျာ့ ။
ကျွန်တော်တို့ အရောင်းအ၀ယ်လောက ၊ ကျွန်တော်တို့ စီးပွါးရေးလောကမှာ ဆယ်ပြား ငါးပြား သိပ်ပြီး ကပ်ခွါလွန်းရင် အလုပ်မဖြစ်ဖူးဗျာ့ ။
မျက်စိက ငွေကိုပဲ မြင်နေမယ် ။ အခြားဘာမှ သိပ်မမြင်ဘူးဆိုရင် အလုပ်မဖြစ်နိုင်ဘူးခင်ဗျာ့ ။
ကျွန်တော် တွေ့တွေ့နေရတာကတော့ ရဖို့ချည်း ခေါင်းထဲ ထည့်နေမိသူတွေဟာ မရတဲ့အပြင် တဖြည်းဖြည်း လုံးပါးပါးသွားကြတာချည်းပဲဗျာ့ ။
ငွေအတွက် ရှာတာ ။
မှန်ပါတယ်ဗျာ ၊ ငွေအတွက် ရှာတာပါပဲ ။ ဒါပေမယ့် သည်ငွေရဖို့အတွက် ပထမ အရင်းခံက ငွေနဲ့မျှောရတာပါပဲ ။
အရကိုချည်း ခေါင်းထဲ ထည့်မထားဘဲ လုပ်တဲ့သူတွေဟာ အခွင့်အရေးတွေ အများကြီး ရရသွားတယ် ဆိုတာကို ကျွန်တော် နေရာတိုင်းမှာ တွေ့နေရတယ်ဗျာ ။
“ ဦးလေးချမ်း ကျွန်တော်သိသလောက် ဒီလူက သတ္တိပြောင်တယ်ဗျာ ။ ပစ္စည်းမရခင်ကတည်းက ငွေ ကို ကြိုချပေးတာ ၊ အဲဒါကြောင့် သူက အပေါင်းအသင်းလဲ ဆံ့တယ် ၊ ပစ္စည်းလဲ ဈေးချိုချိုနဲ့ ရတယ် ”
အိမ်ဆောက်ပစ္စည်း ရောင်းတဲ့ လူတစ်ယောက်နဲ့ ပတ်သက်ပြီး ကားဆရာ ကိုဇော်လွင်က ဇွန်လ ၂၃ ရက်နေ့က ရန်ကုန်က အောင်လံ အပြန်မှာ ကျွန်တော့်ကို ပြောတဲ့ စကားပါ ခင်ဗျာ ။
ကျွန်တော် မောင်ချမ်းသာ ဆိုသူကား ကြီးပွါး သူဌေးဖြစ်လာသူများ အကြောင်းကို အမြဲ နားစွင့်နေရတာဗျာ့ ။
ဘာကြောင့်လဲဆိုတော့ ကျွန်တော်က ချမ်းသာပြီး သူဌေးကြီး ဖြစ်ချင်တာကိုးဗျာ့ ။
မောင်ချမ်းသာ
ကုမုဒြာ ဂျာနယ် ၊ ၁၆ စက်တင်ဘာ ၂၀၀၅
