🎈 ခုန်ပျံကျော်လွှား ဖြတ်တောက်ပစ်လိုက်စမ်းပါ
“အိုကေကြီး လာတယ်ဟေ့၊ ပါးပါးလေးတစ်ပွဲ”
ကျော်ဝေ ကော်ရည်ဆိုင်ထဲသို့ ဝင်သွားသည်နှင့် တစ်ပြိုင်နက် ယောကျာ်းက မှာလေ၏။ မိန်းမက မုန့်ပွဲပြင်လေ၏။
“ဘာလဲကွ ပါးပါးလေးဆိုတာ”
“လာတော့ကြည့်ဗျာ၊ ခင်ဗျားလည်းမှာလေ”
မကြာမီ ပါးပါးလေးတစ်ပွဲ ရောက်လာ၏။ ခေါက်ဆွဲဖတ်နည်းနည်း၊ ကြက်ဥ အကာကျက်ကလေးတစ်လုံး၊ ကော်ရည်အနေသင့်၊ မွှေးချိုစိမ့်ကလေး။
“ပါးပါးလေးဆိုတာ ဒါကိုး”
“ဟုတ်ပါ ဦးတိန်တောင်”
“ဟိုနေ့က လက်ဖက်ရည်ဆိုင်မှာလည်း “ကြက်ပလာတာ ပူပါးကြွပ်နပ်ကလေး” လို့မှာတာ ကြားမိသလိုပဲ”
“ဟုတ်တယ်ခင်ဗျာ့၊ ပါးပါးလေးခေတ်လေဗျာ”
“ကောင်မလေးတွေကို ဟြေတာလား”
“လိုရာဆွဲမတွေးပါးနဲ့ဗျာ၊ အတုံးလိုက်အတစ်လိုက် ထူလပျစ်ကြီးတွေ ခေတ်မရှိတော့ဘူးလို့ ဆိုလိုတာ”
“အတုံးလိုက်အတစ်လိုက်ဆိုတာ…”
“ဒီလိုလေဗျာ ဦးတိန်တောင်…”
ကျွန်တော်နှင့် ဦးတိန်တောင် စကားတစ်ဟြေဟြေနဲ့ မုန့် တစ်ပန်းကန်စီ ချောလေ၏။
၂၀၀၂ ခုနှစ် အောက်တိုဘာ ၂၈ ရက်နေ့ကဗျာ၊ ကျွန်တော်တို့သားအဖ နှစ်ယောက် ပြည်မြို့က ပရိဘောဂဆိုင်တွေ၊ လက်သမားရုံတွေ၊ မင်္ဂလာပစ္စည်းဆိုင်တွေ နှံ့ရော၊ တစ်နေကုန်ရောဗျာ။ မင်္ဂလာခန်းဝင်ပစ္စည်း ခုတင်၊ ဗီရို၊ မှန်တင်ခုံ လိုက်ရှာကြတာ၊
တွေ့ပါ၏။ မျက်စိမှာ မတိုး။
“တို့သားအဖ ရန်ကုန်ဆင်းရှာကြစို့ကွာ”
အောက်တိုဘာ ၃၀ ရက်နေ နံနက် ၉ နာရီ ယုဇနပလာဇာရောက်၊ တစ်ထပ်လုံး မင်္ဂလာခန်းဝင်ပစ္စည်းတွေချည်း ခင်းကျင်းပြသထားတာဗျာ။
“ရှာကြဟေ့၊ ဈေးမမေးနဲ့ဦး၊ ဈေးမဆစ် နဲ့ဦး၊ ငွေမချေနဲ့ဦး၊ မဝယ်နဲ့ဦး၊ ကြည့်ရုံပဲကြည့်”
ဈေးဝယ်တာ မလောရဘူး၊ နှံနေအောင် တစ်ပတ်လျှောက်ကြည့်ရတယ်၊
လောကြီးဝယ်ပြီးကာမှ သူ့ထက်လှတာ၊ ကောင်းတာ၊ သူ့ထက်ဈေးချိုတာ တွေ့ရတက်တယ်။ သည်အခါမှာ ဝယ်ပြီးသားပစ္စည်းကြီး မကြိုက်ဘဲနဲ့ ယူလာရတာမျိုး ဖြစ်တတ်တယ်ဗျာ့။
အခန်းကျယ်ကြီးထဲမှာ တကယ့်နုနုရွရွကလေးတွေ အလှကလေးတွေ၊ အတုံးလိုက် အတစ်လိုက် ဆော်ထားတာတွေ၊ ဒုကြီး ဗြက်ကြီး ထူလပျစ်ကြီးတွေ၊ ခုတင်၊ ဗီရို၊ မှန်တင်ခုံ၊ မွေ့ယာ၊ ခေါင်းအုံး၊ စားပွဲ ကုလားထိုင်၊ ဆက်တီစုံမှစုံဗျာ။
အဲသည်အထဲက ခေတ်မှီလှပ နိုင်ငံခြားဖြစ် ပါးပါးကလေးကို ဆွဲလိုက်တယ်။ ခုတင်၊ ဗီရို၊ မှန်တင်ခုံ။ နိုင်ငံခြားဖြစ်ကို အရမ်းအထင်ကြီးလွန်းလို့၊ နိုင်ငံခြားဖြစ်ဆို ပြီး ရောဟ သဘောမျိုးနဲ့ ဆွဲတာမဟုတ်ဘူး။ သူ့ဈေးနဲ့သူ အဆင့်သင့်တယ်ဆိုပြီး ဝယ်တာ (ပြည်တွင်းဖြစ်တွေထက်တောင် ဈေးကချိုပါသေး။)
ဖြုတ်လို့ရတယ်၊ ပတ်ကင် လုပ်လို့ရတယ်၊ အဝေးကို သယ်လို့လွယ်တယ်။ ပတ်ကင်လုပ်၊ တင်ပို့။ ပြည်ရောက်တော့ ကတ်တလောက်ကြည့်ဆင်၊ သူတို့သားသမီးများ လုပ်ထားလိုက်တာ၊ လုပ်တက်လိုက် ကြတာ၊ ပေါ့ပေါ့ကလေးကို အခိုင်အခံဖြစ်အောင် လုပ်တတ်ပါ့ဗျာ၊ ပညာ။
သစ်သားဗီရို၊ သစ်သားမှန်တင်ခုံဆိုလို့ ကျွန်းသားတွေ ပျဉ်းကတိုးသားတွေလို့ မထင်လိုက်ပါနဲ့ဦး၊ ကြိတ်သားပါတဲ့ဗျာ။ ဘာသားမှန်းမသိ၊ ဈေးပေါသစ်သားကို ခေတ်မှီနည်း ခေတ်မှီစက်ကရိယာများနဲ့ လုပ်ထားတဲ့လက်ရာ။
နောက်ကျောတစ်ချပ်၊ ဘေးတစ်ချပ်စီ၊ အမိုးတစ်ချပ်၊ ဖင်ပိတ်တစ်ချက်၊ တံခါးတစ်ရွက်တစ်ချပ်စီ၊ သည်မှာလို ပျဉ်တွေကို လျှာထိုး၊ နဘေထပ်၊ ကော်နဲ့ကပ်ဆက်စပ်ထားတာမျိုးမဟုတ်ပါ။
ဗီရိုတစ်လုံး။ ကျွန်တော်တို့ တောရွာမှာတော့ သည်လိုဗီရိုဆို သုံးတစ်လက်မတွေ၊ ခြောက် တစ်လက်မတွေ၊ ပေပျဉ် (ဒုတစ်လက်မ ဗြတ်တစ်ပေ) ကြီးတွေနဲ့ လှော်ခတ်ကြတာ။ ပတ္တာတပ် အသေစပ်ထားကြတာဆိုတော့ အလုံးကြီးအတိုင်း မရွှေ့ရတာ။
လေးထပ်တိုက်ပေါ်ရောက်အောင် လူရှစ်ယောက်လောက် ဝိုင်းမရမယ်။ ၁၀ ထပ်တိုက်ပေါ်
တင်ရမယ်ဆို လျှာထွက်သေလောက်တယ်။ ဘာထူသလဲမမေးနဲ့။ ဘာလေးသလဲ မမေးနဲ့။
ခုတင်ဆိုလည်း သည်အတိုင်းပဲ။ ဒုကြီး ဗြတ်ကြီး ကျွန်းပျဉ်ကြီးတွေနဲ့ ဆော်ထားတာ။ လက်သမားရုံထဲသွားကြည့်၊ လူကိုယ်တိုင် ရွေဘော်ထိုး၊ ခုတ်ဟ၊ ထစ်ဟ၊ဖောက်ဟ၊ ထွင်းဟ၊ ချွေးတစ်ပြိုက်ပြိုက်ကျ၊ ပင်ပန်းလှ။ ထွက်လာတဲ့လက်ရာကတော့ သည်နေ့ထွက်တဲ့ပစ္စည်း နက်ဖြန်ပြတိုက်သာ ပို့လိုက်ပါတော့။ ကျွန်တော်တို့
တောသားများမှာတော့ ဒါကြီးတွေကိုပဲ အဟုတ်ကြီးမှတ်ပြီး ဂုဏ်ယူဝံ့ကြွားစွာ သုံးနေကြရတာကလားဗျာ။ တကယ်ဆိုဗျာ၊ သူများလုပ်တာကြည့်၊ သူများပါးပါးလွှာလွှာ၊ ကိုယ်လည်းလွှာ၊ သူများပါးပါးလှီး၊ ကိုယ်လည်းလှီး၊ သူများနည်းပညာသုံး၊ ကိုယ်လည်းသုံး၊ သူများက ကြိတ်သားဆို၊ ကိုယ်လည်း ကြိတ်သားပေါ့ဗျာ။ ကျွန်းပျဉ်းကတိုး သစ်သားမပါရင် ပရိဘောဂ မဖြစ်တော့ဘူးလားဗျာ။ ပုံတုံးကြီးတွေနဲ့ပဲ ပြီးကြတော့မှာလား။ နောက်မှာ အဝေးကြီး ပြတ်ကျန်နေရစ်ခဲ့ကြတော့မှာလားဗျာ။
သည်အတိုင်းကတော့ ပျဉ်သာကုန် မောင်ပုံလက်သမားကျော် မဖြစ်နိုင်ပါ။ အတင်းနင်းကန် ဖြတ်ကျော်တက်ပစ်ကြစမ်းပါ။
အမီလိုက်ကြလော့၊ ခုန်ပျံကျော်လွှားကြလော့၊ သူများရှေ့က ဖြတ်တက်ကြကုန်လော့။
မြန်နိုင်သမျှ မြန်မြန်။
မောင်ချမ်းသာ
https://koaungnaingoo.blogspot.com
No comments:
Post a Comment