⚫ နင့်ကို ငါကြိုက်တယ်၊ ငါ့ကို နင်ကြိုက်မလား
၂၀၀၂ ခုနှစ်၊ သြဂုတ်လ ၃၁ ရက်နေ့ သရက်မြို့ အိုကေ မြေပဲဆားလှော် ကိုယ်စားလှယ် ဒေါ်ကြည်လေးထံမှ ပြန်အလာ ပဲ့ထောင်လိုင်းပေါ်မှာ လူငယ်အတွဲလေးကို တွေ့ရတယ်ခင်ဗျာ့။ သူတို့က ကျွန်တော့်ရှေ့ တည့်တည့်က ခုံပေါ်မှာလာထိုင်ကြတာ။
ကောင်လေးက ကောင်မလေးရဲ့ မရမ်းစေ့ရောင် လက်သည်းကလေးများကို တယုတယ ရွရွလေးပွတ်သပ်။ ကောင်မလေးက ကောင်လေးရဲ့ ရှပ်အင်္ကျီကြယ်သီးများကို ထိတွေ့။ ကယုကယ ချစ်တုံ့ကင်စကားလေးတွေ ဖလှယ်လို့။ လူငယ်ဘာဝ။ အင်း မောင်ချမ်းသာတို့ ကျင်လည်ကျက်စားနေရသည့် ဘဝနှင့် ကွာဘိခြင်း။
မောင်ချမ်းသာတို့ဘဝက-
“ဦးချမ်းသာရေ လုပ်ကြည့်နေတုန်းပဲဗျို့၊ အဆင်ပြေမယ်လို့ခန့်မှန်းရတာပဲ”
မြေပဲလုံးဆန် ဈေးနှုန်း နှစ်ဆ သုံးဆဖြစ်သွားတော့ မြေပဲဆားလှော် ငါးကျပ်တန်ထုပ်မဖြစ်၊ ၁၀ ကျပ်တန်လုပ်မရ။ ဆိုင်ရှင် ဒေါ်ကြည်လေးသား ကိုဦးနဲ့ စည်းဝါးရိုက်၊ ၂၅၄ ကျပ်တန်အောက်ခံထုပ်ဖို့ညှိ။ အခေါက်ခေါက် အခါခါလာ ။ အဖန်ဖန်အထပ်ထပ်ညှိ၊ သရက်ကို အရာက်ပို့ရမယ့်ဈေး၊ ကိုဦးတို့က ပြန်ဖြန့်မည့်ဈေး၊ တဆင့်ခံက ပြန်လွှတ်ရမည့်ဈေး၊ လက်လီဆိုင်က ပြန်ရောင်းရမည့်ဈေး စသည်အားဖြင့်။
လှော်လိုက်ပြီ။ ထုပ်လိုက်ပြီ၊ ရောင်းကြည့်နေပြီ။ ရောင်းနေပြီ။ အဝယ်လိုက်ရဲ့လား၊ ဝယ်စားသူရဲ့ အမြင်ကဘယ်လိုလဲ။ တွေးကြည့်မနေနိုင်ဘူးခင်ဗျာ့၊ ပြေးကြည့်ရတယ်။
ပြေးကြည့် ပြေးကြည့်၊ မြင်ပြီ မြင်ပြီ၊ အကဲခပ်လို့ရပြီ။
သည်လိုမျိုးခင်ဗျာ့။
အတွဲကလေးများကဲသို့ နုရွမနေနိုင်ဘူးဗျို့။ ရေတံခွန်ဇောက်ထိုးကျ အတင်းခုန်ချ၊ တုံးတိုက်တိုက် ကျားကိုက်ကိုက် ဒုန်းတရကြမ်း လှော်ခတ်ကြရတာဗျို့။
“ဘယ်လိုသဘောရလဲကိုချမ်းသာ ကျွန်တော်တော့ လွှတ်ချင်ပြီ”
သြဂုတ်လ လကုန်ပိုင်း၊ မြေပဲတောင့်အသစ်ပေါ်တော့မည်၊ ငွေက ခဏအားနေသဖြင့် ထည့်ထားသော ပဲတီစိမ်းကလေးများ ပြန်လွှတ်ရတော့မည်။ မအောင့်နိုင်ဘူးဗျို့၊ ငွေအတွက်ဗိုက်ကနာနေပြီ။
“လွှတ်လိုက်တော့ ကိုစံအုန်းရေ”
မတတ်နိုင်ဘူး၊ နောင်ခါလာနောင်ခါဈေး၊ ရှေ့လုပ်ငန်းက ရှိသေး။ ၂၇ ရက်နေ့က
၆၉၀၀ နဲ့လွှတ်လိုက်တယ်။ ၂၈ ရက်နေ့ ၇၀၀၀- ၇၂၀၀ ဖြစ်သွားတယ်။ ၂၉ ရက်နေ့ ၇၅၀၀၊ ၃၀ ရက်နေ့ ၇၆၀၀။ အင်း… မထိုက်တော့လည်း မရပေဘူးပေါ့။
“ဘယ်လိုလဲကိုချမ်းသာ ယူမှာလား၊ ခင်ဗျားမယူဘူးဆို ကိုမောင်မောင်ကို လှမ်းခေါ်လိုက်တော့မယ်”
ပွဲစားကိုချစ်ပိန်သည် သူ့ပွဲရုံရောက်လာသော မြေပဲတောင့်များကို ကျွန်တော့်ကို ရှေးဦးခေါ်ပြ၏။ ဦးစားပေးသည့်သဘော။ မြေပဲအိတ်ကို ပုတ်ကြည့်၊ မြေပဲတောင့် အနည်းငယ် ထွင်ကြည့်၊ ရက်စေ့အသက်ပြည့်ပဲလား။ စားရမယ့် ပဲလား။ အိတ်ထဲက ပါသွားမည့်ပဲလား။
“ဒီဘက်က ၁၀ လုံးကိုတော့ ကြိုက်တယ်၊ ပဲသားပြည့်တယ်၊ ဟိုဘက်က ၁၅ လုံးပုံကိုတော မကြိုက်ဘူးဗျာ၊ ၁၀ ရက်လောက်စောပြီး နုတ်လာတဲ့ပဲ၊ အဆန်ထွက် ညံ့မယ်ဗျာ၊ ပဲသားလည်းနုမယ်ဗျာ”
ထိုအချိန်တွင် ပဲအဝယ်သမား မောင်စိန်သောင်းကလည်း ကျွန်တော့်လိုပဲ ပဲများကို ထွင်ကြည့်နေပြီ။ ဆ,ကြည့်နေပြီ၊ ဝယ်သင့် မဝယ်သင့်။ သို့သော် သူသည် အလိုက်သိပါ၏။ ကျွန်တော်နှင့်ဆိုင်ထားသောကြောင့် ဘာမျှမဟြေ၊ ခဏ ဘေးရှောင်ထွက်သွားလေ၏။ ကျွန်တော်နှင့် မတည့်လျှင်တော့ သုတ်မည်ဆိုသည့်သဘော။
“ နေဦး ပွဲစားရေ စဉ်းစားဦးမယ်ဗျာ”
ရွှေမိုးလက်ဖက်ရည်ဆိုင်ဘက်သို့ ထွက်ခဲ့၏။ လုပ်ဖော်ကိုင်ဖက် ကိုထူး၊ ကိုဝင်းတို့နဲ့ဆုံ။ ဈေးအနေအထားကိုစဉ်းစား၊ ပဲအနေအထားကိုစဉ်းစား။ မိုးရွာမှာလား၊နေပူမှာလား၊ မိုးရွာလျှင် ပဲလှန်းလို့မရ၊ နေပူမှ ပဲလှန်းလို့ရမည်။ နှမ်းဈေးကတော့ ဘယ်လိုလဲ၊ ၄၈၀၀၀ မှ ပြုတ်ကျလာခဲ့သောနှမ်းသည် ဈေး ၃၀၀၀၀ အောက်သို့ တစ်ရက်ဆင်းသွား၊ ၃၃၀၀၀ ပြန်ဖြစ် ၊ စားအုန်းဆီကကော ဘယ်လိုလဲ၊ ငွေဈေးကကော၊ ယနေ့လက်ရှိပေါက်ဈေး၊ နက်ဖြန်ဖြစ်နိုင်မည့် အလားအလာ နောက်တစ်ပတ်ကြာ
ဖြစ်လာနိုင်မည့် အခြေအနေ။ ပဲနဲ့ဈေးကတော့ မဆိုးပါဘူး၊ ဒါပေမယ့် ပဲသားက နုလှသဗျာ “ကဲပါဗျာ၊ ဆွဲလိုက်ကြတာပေါ့၊ နောက်မှ ကြည့်ရှင်း”
ဆုံးဖြတ်ချက်ချပြီးနောက် ကိုချစ်ပိန်ပွဲရုံဘက်ပြန်လှည့်၊ ဗာဒံပင်အောက်တန်းလျားလေးမှာ ထိုင်၊ အဖန်ကလေး တစ်ကျိုက်သောက်။
“ဘယ်လိုလဲ ပွဲစားဈေးမပြင်တော့ဘူးလား”
“ကိုချမ်းသာရေ အဝယ်တော် မောင်ရှူးရှားနဲ့ တည့်သွားတယ်ဗျို့၊ ဆိုတဲ့ဈေးပဲ”
အဝယ်တော် မောင်ရှူးရှားဆိုတာ ရှူးရှူးရှားရှား ဝူးဝူးဝါးဝါးနဲ့ဒေါသ
အလွန်ကြီးတတ်လွန်းလို့ သူ့ကို မောင်ရှူးရှားလို့ခေါ်နေကြတာ။
“သူက မျိုးအတွက် ဝယ်တာတဲဗျို့၊ ဈေးတောင်မဆစ်ဘူးဗျာ”
ကဲ ကောင်းရော၊ ကျွန်တော်တို့က ချိန်ဆ စဉ်းစားနေတုန်းရှိသေး၊ သူက သုတ်သွားပြီ။ သည်နေ့ ကျွန်တော်တို့ အရောင်းအဝယ်လောကမှာ ရှေ့နောက် စဉ်းစားချိန်မရ၊ အိမ်ပြန် မိန်းမနဲ့တိုင်ပင်ချိန်မရ။ ငွေဈေး ရွှေဈေး စနည်းနာနေချိန်မရ။ ဟန်ဆောင်မနေနဲ့ မူမနေနဲ့။ ကြောင်ကလေးကဲ့သို့ ညှောင်ညှောင် လုပ်မနေနဲ့၊ရောင်းချင်တယ်နော် ဝယ်သူကို မလွတ်တမ်းဖမ်း၊ ကမန်းကတမ်းရောင်းချ ရောင်းပြီးမှ တက်သွားလည်း ခံပေရော့။ ဝယ်ချင်တယ်နော်၊ တွေ့နေပြီ၊ အောက်တန်းကြိုက်တာတွေ မကြိုက်တာတွေ အသာဘေးချိတ်၊ သိမ်းကျုံးဝယ်ပစ်လိုက်။ ဝယ်ပြီးမှ ဈေးထိုးကျသွား။ မှားသွားပြီ၊ သိတယ်၊ ပြန်ပြင်လို့မရ။ အချိန်မရဘူးဗျာ့၊ အချိန်၊ အခြေအနေ လုလုပ်ကြရတာ။ ကျားများ၊ ခြင်္သေ့များတွေရာသားကောင် မလွတ်တမ်း ဖမ်းအုပ်ကြရသလို ပါပဲဗျာ။ လုဝယ်၊ လုရောင်း၊ ဟန်တာလည်းရ၊ မဟန်တာလည်းရ၊ ဒါသည်နေ့
မောင်ချမ်းသာတို့ ကျင်လည်နေကြရသည့် လက်တွေ့ဘဝ။ နင့်ကိုငါကြိုက်တယ်၊
ငါ့ကိုနင်ကြိုက်မလား ဟား… ဟား….
အောင့်နိုင်ဘူး
စောင့်နိုင်ဘူး
ဟူး… ဟူး… မောပါ့။
လူ့ဘဝ
ဆုံလည်သည့်နွား မရပ်နား။
မောင်ချမ်းသာ
