🔥 အပတ် စေ့ တော့ နပ်လိမ့်မယ်ပေါ့ဟယ်
“ဘယ်လိုလဲဟေ့ကောင်၊ အဆင်ပြေပုံပေါ်ရဲ့လား”
ကျွန်တော် မတ်လ ၁၉ ရက်နေ့က ပြည်မြို့ရောက်တော့ အအေးဆိုင်ဖွင့်ထားတဲ့
သား အငယ်ကောင်လေးနဲ့ တွေတယ်ခင်ဗျာ။ ရောက်တဲ့ အခါတိုင်း သည်လိုပဲ မေးမိတယ်။
“အဆင်ပြေမှာပါ အဖေ”
သူကလည်း သည်လိုပဲ အမြဲပြန်ဖြေလေ့ ရှိတယ် ခင်ဗျာ့။ သူ့အအေးဆိုင် အလုပ်ဟာ ကျွန်တော်တို့နဲ့ ရင်းနှီးတဲ့ အလုပ်မဟုတ်ဘူး ခင်ဗျာ့။ တကယ့် အစိမ်း။ ကျွန်တော်တို့ ရမ်းစွတ်ကြိတ်ခဲ့ကြတာ။
ပူရင် ဘယ်လိုနေမလဲ။ မိုးဦးကျမှာ ဘယ်လိုနေမလဲ။ မိုးတွေစွေနေရင် ဘယ်လိုနေမလဲ။ ဆောင်းဦးမှာ ဘယ်လိုလဲ။ ဆောင်းလယ်မှာ ဘယ်လိုလဲ။ ကျောင်းဖွင့် ကျောင်းပိတ် ဘယ်လိုလဲ။ ပြည်ဆံတော်ဘုရား ပွဲတော်ရက်မှာဘယ်လိုလဲ။ ရွှေနတ်တောင် ဘရားပွဲရက်မှာ ဘယ်လိုလဲ။ လဲပေါင်း အမြောက်အမြားကို စိတ်တစောစောနဲ့ စောင့်ကြည့်လုပ်ခဲ့ရတာ၊ ဒါလည်း စစ်ပွဲတစ်ပွဲပဲ ခင်ဗျာ့။
အမေရိကန်နှင့် ဗြိတိန်က အီရတ်ကိုဝင်တိုက်ကြတော့ ဘာဖြစ်လာမလဲ၊ ဘယ်လိုဖြစ်လာမလဲ၊ ဘာတွေ ရင်ဆိုင်ရမလဲ၊ ရင်တမမနဲ့ စောင့်ကြည့်နေရသလိုပေါ့ဗျာ။
မှန်းထားတာနဲ့ တကယ်ဖြစ်လာတာ ညီချင်မှ ညီတာကလားဗျာ။
“ဟဲ့… ကိုလေးစိတ်တွေ အရမ်းစောမနေနဲ့၊ အပတ်စေ့တော့ နပ်လိမ့်မယ်ပေါ ဟယ်”
ကျွန်တော်တို့ ငယ်ငယ်က တောရွာ ယာခင်းထဲမှာ နှမ်းကြဲကြတဲ့အခါ (လွန်ခဲ့တဲ့ နှစ်ပေါင်း ငါးဆယ်လောက်ကတော့ ယာထွန်၊ ထွန်ရေးညက်၊ နှမ်းကိုလက်နဲ့ပက်ပြီး ကြဲကြတယ်၊ ယခုအခါမှာတော့ ထွန်ရေးညက်ပြီဆို မျဉ်းဆွဲပြီး အတန်းလိုက်စိုက်ကြတယ် ၊ခေတ်က ဟြေင်းသွားပြီဗျာ။) အထူအပါး ညီပါ့မလား၊ အပင်ပေါက် ညီပါမလား၊ စိတ်က တစောစောခင်ဗျာ။ စိတ်က အရမ်းစောနေတော့ အပင်ဖြစ်နှေးတယ်ထင်ပြီး ဆွဲနုတ်ကြည့်မိ၊ ခုနေအခါ ပြန်တွေးပြီး ပြုံးမိပါသေး။ နှမ်းပင်လေးတွေ ပေါက်လာပြန်တော့လည်း စက်လှည့်တော့ စိတ်ကတစ်မျိုး (အရွက်လေးရွက် ထွက်လာသည်ကို စက်လှည့်တဲ့ဗျာ)။
လက်ပံပွင့်မှာ စိတ်ကတစ်မျိုး (လက်ပံပွင့်ဆိုတာက လက်ပံပွင့်ကလေး ထောင်ထားသလို
ကားတားကွတတ၊ သုံးလက်မ လေးလက်မလောက် .အပင်ကလေး မြင့်လာပြီး
လှတပတလေးဖြစ်လာသည်ကို ဆိုလိုသည်။)
နှမ်းပင်ကလေးတွေ တစ်တောင်၊ တစ်တောင့်ထွာလောက် မြင့်လာပြီ၊ ကြက်ချေးစုလာပြီ၊ ပွင့်ဖူးဆင်ပြီ၊ ခေါင်းလောင်းဆွဲပြီ လက်ရင်းသီးတွေ ဝင်လာပြီ နှမ်းခင်းကြီးက လေတိုက်တိုင်း ယိမ်းကနေပြီဆို ကြည့်ပြီး ပီတိတွေဖြာနေပြီကော။
ချိန်းထားတဲ့ ရည်းစားကလေး ဘွားခနဲ ပေါ်လာတဲအခါ ခံစားလိုက်ရသလိုမျိုးလေး။ သီးတံတွေ ရှည်လာပြီ၊ အပွင့်တိတ်ပြီ၊ ပင်ရောင်လွှတ်လာပြီ၊ ရိတ်သိမ်းဖို့ နီးလာပြီဆို နှမ်းခင်းကြည့်ပြီး နှမ်းထွက်ကို မှန်းချင်လာပြီ။ ရိတ်ပြီး ၊ ပုံပြီး၊ ထောင်ပြီး၊ နှမ်းထောင်တွေ ခါပြီ၊ နှမ်းတွေရပြီ၊ အိတ်တွေနဲ့ ထည့်ပြီးပြီ၊ အိမ်ပေါ်ရောက်လာပြီဆိုမှ သက်ပြင်းချရတာကလားဗျာ။
နှမ်းဟာ အလွန်မရေရာတဲ့ အမျိုးဗျာ။ ဒါကြောင့်လည်း “မှန်းချက်နဲ့ နှမ်းထွက် လွဲပလေခြင်း” ဆိုတဲ့ စကား ဖြစ်လာတာပေါ့ဗျာ။ သည်နှစ်ဆို ကြည့်ပါလားဗျာ။
နှမ်းပေါ်ကာစက ၁၅ ပိဿာ တစ်တင်း ၁ဝဝဝဝ လောက်ကနေ ဖေဖော်ဝါရီ ပထမပတ်မှာ တစ်သောင်းခွဲနီးပါး ဖြစ်သွားခဲ့တယ်။ အခုဆို တစ်သောင်းကို ပြန်ရောက်သွားပြန်ပြီဗျာ။ ဆက်ပြီး ဆင်းသွားဦးမလားလဲ။ မရေရာလိုက်တာဗျာ။ အရူးလင်လုပ်ရသလိုပါပဲ။ သည်နေ့ အလုပ်လုပ်ကြတဲ့အခါ ရှေ့ကို ကြိုဖမ်းလို့ မရဘူးဗျာ။ ဖြစ်ချင်တာကို အသာဘေးချိတ်၊ ဖြစ်လာတာကို အကဲခတ်ပြီး လှော်ခတ်ကြရတာဗျာ။ ဒါကြောင့် လုပ်ငန်းတစ်ခုကို လုပ်ပြီဆို အရမ်းစိတ်မစောရဘူး။ အရမ်းစိတ်မလှုပ်ရှားရဘူး။ စိတ်အေးအေးထားပြီး ထိန်းရင်း သိမ်းရင်း၊ ပြုပြင်ဟြေင်းလဲရင်း၊ ဖာရင်း ဆရင်း၊ အမိအရဆုပ်ကိုင်ရင်း၊ ဖရီးလွှတ်ပေးရင်း စသည်အားဖြင့် ကာလ တစ်ခုအထိ လိပ်ပတ်လည်အောင် စောင့်ကြည့်ရင်း သည်းခံလုပ်ကြရတာဗျာ၊
▶(လိပ်ပတ်လည်ဆိုသည်မှာ ကျွန်တော်တို့ တောအရ ရက်ကန်းရက်တဲ့အခါ ရက်ပြီးသား ဖျင်စကို လိပ်တုံးမှာ ပတ်ရတယ်၊ လ်ိပ်တုံး တစ်ပတ်လည်သွားသည်ကို လိပ်ပတ်လည်သည်ဟု ခေါ်ကြ၏။)
“အပတ်စေ့တော့ နပ်လိမ့်မပေါ့ဟယ်”
ထိုစကား အမှန်ပဲခင်ဗျာ့၊ ကျွန်တော်တို့ အလုပ်လုပ်စားနေကြရသူများဟာ အပတ်စေ့အောင် မနည်းစောင့်ကြရတာ၊ အပတ်စေ့လို့ နပ်တော့မှပဲ စိတ်အေးကြရတာဗျာ။
အပတ်စေ့မှ နပ်တယ်ဆိုတာ ကျွန်တော်တို့ တောရွာမှာ ထမင်းချက်တဲ့ စကားခင်ဗျာ။ ထင်းမီးဖိုများနဲ့ ထမင်းချက်ကြတော့ ထမင်းရည်ငှဲ့ပြီးပြီဆို မီးဖိုထဲက မီးကျီခဲတွေ ဆွဲထုတ်၊ အိုးတဖင်စာရအောင် ဖြန့်၊ အဲသည် မီးကျီခဲတွေအပေါ် ထမင်းအိုးတင်၊ ထမင်းနှပ်။ တစ်ဖက်က မီးဖို၊ ဖင်အောက်မှာက မီးကျီခဲ၊ အောက်ကပူ၊ ဘေးကပူ၊ ခဏခဏ လှည့်လှည့်ပေး။ ဟော… အပတ်စေ့တော့ ထမင်းစေ့လေးဖျစ်ကြည့်၊ ဟာ… နပ်နေပြီဗျာ။ ဒါကြောင့်အပတ်စေ့မှ နပ်တယ်ဆိုကြတာဗျို့။
(တကယ်လက်တွေ့ လုပ်ကိုင်နေကြသူများကို အထူးရည်ညွှန်းပါ၏)။
🖍 မောင်ချမ်းသာ
No comments:
Post a Comment