မလျှော့နဲ့
ခေါင်းခန်းထဲမှာ နေရာရသေးလားဟေ့”
ဝေါင်လံကို၊ ဝေါင်လံကို…”
ကားစပယ်ယာကလေးသည် သူအော် လက်စ ဝေါင်လံကို အသာရပ်၍ ကျွန်တော့်ဆီ ပြေးလာလေ၏။
“ဘယ်နှစ်ယောက် လိုက်မှာလဲခင်ဗျာ” “တစ်ယောက်တည်းပါကွာ”
“ရသေးတယ်ခင်ဗျာ”
ရှေ့ခန်းတံခါးဖွင့်ပေးပြီးနောက် ကားစပယ်ယာသည် ဆက်အော်လေ၏။
ဝေါင်လံကို ဝေါင်လံကို”
ကားစပယ်ယာများသည် လည်ချောင်းပုံတောင်းလိုက်အောင် ခရီးသည်ကို အော်ခေါ်နေကြ ရလေရာ အောင်လံသည် ဝေါင်လံဖြစ်သွားလေတော့သည်။
“ဟင်… ဘယ်သူတွေများမှတ်တယ်၊ ဖူးဖူးတို့ပါလား၊ ညည်းတို့ဘာလုပ်ကြ…” ဆေးခန်းလာပြတာ”
“ဟယ်… ဘယ်သူ့ကို”
ဖေဖေ့ကို လာပြတာလေ”
ထိုအခါကျမှ သူ့အဖေ ဝကြီးမောင်ကို မြင်မိ။ မျက်စိများ အခက်သား၊ အချောအလှကို ရှေးဦးမြင်မိတက်တယ်။
“ကို ဝကြီးမောင် ဘယ်လိုဖြစ်တာလဲဗျာ”
“အအေးမိပြီးချောင်းဆိုးချင်သလို ဖြစ်နေလို့ပါဗျာ”
“ကို… ကိုဝကြီးမောင်နှယ်၊ နှာစေး ချောင်းဆိုးများ ရောဂါလုပ်လို့ဗျာ၊ မနက်မိုးလင်း ရေနှစ်ပုလင်းသောက်၊ ဆေးလိပ်ဖြတ်၊ အရက်ဖြတ်၊ ကွမ်းဖြတ်၊ အသီးအရွက်များများစား ပျောက်ရောပေါ့ဗျာ၊ နှာစေချောင်းဆိုး”
ကျွန်တော့်လက်တွေ့နည်းကို ဟြေပြ။ ကိုဝကြီးမောင် မျက်နှာ အနည်းငယ် ရွှင်လာ။ ၂၀၀၂ ခုနှစ်၊ သြဂုတ်လ ၂၄ ရက် စနေနေ့က ကျွန်တော့် သားဖွင့်ထားသော ပြည်မြို့ ရိုမီယို အအေးဆိုင်မှ အောင်လံသို့ ပြန်ခဲ့ခြင်းဖြစ်ပါ၏။ အောင်လံမှာ ပင်မလုပ်ငန်း၊
အိုကေမြေပဲဆားလှော်။
ကားခေါင်းခန်းထဲနေရာယူပြီးနောက် ကိုဝကြီးမောင်၊ သူ့သမီး ဖူးဖူးတို့နဲ့
စကားစမြည်ဟြေ။ စကားအရှိန်သေတော့ ကိုဝကြီးမောင်အကြောင်း တွေးမိ။
ကိုဝကြီးမောင်၊ ကိုဝကြီးမောင်။
တစ်ချိန်က တကယ့်ပဂေးကြီးပါ။ သစ်စက်ကြီး တဝီးဝီး လည်ခဲ့ဖူးသည်။ နောက်တိုက်ပေါင် ငွေချေးလုပ်ငန်းပေါ်လာတော့ ကန်ထရိုက်တိုက်တွေ တစ်လုံးပြီးတစ်လုံး ဆောက်ဖူးသည်။ တိုက်နဲ့ ကားနဲ့ မယား အချောအလှလေးတွေ တပြုံးပြုံးနဲ့ပါခင်ဗျာ။
တစ်ချိန်က ကိုဝကြီးမောင်သည် ယခု ကိုပိန်ကြီးမောင် ဖြစ်နေပါ၏။ တစ်ကိုယ်လုံးလည်း ချုံးကျ။ အရိုးချောင်းကြီး ထောင်ထားသလို။ ယခုအခါတွင် သစ်စက်လုပ်ငန်းကလည်း ဟန်မကျ။ တိုက်ပေါင်ငွေချေးကလည်း တာမစား။ ထိုအခါ ကိုဝကြီးမောင် မော်တော်ကား အိမ်သာထဲကျ၊ ခရမ်းသီးပိန် ဓားတုံး၊ ကားမရှိတော့၍ လိုင်းကားခေါင်းခန်းမှာ အပင်ပန်းခံ စီးနင်းလိုက်ပါလာခြင်းဖြစ်ပါ၏။ စင်စစ်အားဖြင့် ကိုဝကြီးမောင်ကိုယ် ခန္ဓာအတွင်းတွင် ဘာရောဂါမှ ရှိပုံမပေါ်ပါ။ အကြောင်းမရှိ အကြောင်းရှာ၍ ရောဂါထူနေခြင်းဖြစ်ပုံရပါသည်။ ပါရဂူဆရာများအား သက်သက်မဲ့ သွားရောက် ဒုက္ခပေးနေခြင်းဖြစ်ပုံရပါ၏။ ရောဂါမည်မည်ရရ ရှိဟန်မတူ။ လုပ်ငန်းကိုင်ငန်း ကျ၍ စိတ်ကျခြင်းဖြစ်ပုံရပါ၏။
“ပို့ဆွမ်းကလေးပဲ အားပြုနေရတော့တယ်ကွာ”
ကျွန်တော့်စိတ်သည် ကျွန်တော့်ဆရာ ဘိုးဝမ်းဆီ ရောက်သွားလေ၏။ ဆရာဘိုးဝမ်းသည် ကျွန်တော်တို့ ၁၀ တန်းကျောင်းသားဘဝ ၁၉၆၂-၁၉၆၃ ပညာသင်နှစ်များလောက်က အောင်လံမှာ ဘိုးဝမ်းမှ ဘိုးဝမ်းခင်ဗျာ့။ အသင်အပြကလည်းကောင်း၊ သြဇာကလည်းရှိ။ ကျန်းမာရေးလိုက်စား တင်းနစ်ကစားထားတော့ ကိုယ်ခန္ဒာကလည်း တောင့်မှတောင့်၊ ယနေ့အသက် ၇၀ ဘိုးဝမ်းနှင့်များ ကွာပါဘိခြင်း။ ပို့ဆွမ်းကလေး။ မှန်ပါသည်။ ပင်စင်နာ၊ ဆရာဘိုးဝမ်း၊ ပင်စင်ကလေး အားကိုးပြုရ၊ သူ့သား သူ့သမီးများ ကူညီ ပံ့ပိုးမှုကလေးဖြင့် ရပ်တည်နေရ။
“ငါတော့ စိတ်ကို လျှော့လိုက်ပြီကွာ”
ဆရာသည် ပျော့လျက်ရှိ၏။ ကျွန်တော်တို့ ၁၀ တန်းတုန်းက သင်ပြခဲ့သော လေမျိုးမဟုတ်တော့။ မာန်များဌာန်များ တစ်ခုမျှမကျန်တော့။ ထိုအခါ ဘဘဦးသန်းမြင့်ကို မြင်ယောင် မိပြန်လေ၏။ ပူပူနွေးနွေး သြဂုတ်လ ၂၀ ရက်နေ့က ဦးသန်းမြင့် ဆန်ပွဲရုံတည်ရှိရာ အောင်လံမြို့ ကမ်းနားလမ်းသို့ရောက်လေ၏။
“ဟယ်… နင်တို့ ဘယ်လိုလုပ်ကြတာလဲ၊ ငါ့အဖေကို အလုပ် လုပ်ခိုင်းနေကြတုန်းပဲလားဟ”
ကျွန်တော် ပွဲရုံထဲသို့ ရောက်ရောက်ချင်း တုံတုံနဲ့ ပုံပုံကို ကြိမ်းမောင်းလေတော့သည်။
“ဟင်… အကို၊ ကျွန်မတို့ခိုင်းတာမဟုတ်ဘူး၊ သူ့ဘာသာဝင်လုပ်တာ၊ တားလို့ကို မရဘူး၊ ကြည့်ဟြေဦး”
ဘဘဦးသန်းမြင့်သည် အသက် ၈၇ နှစ်ရှိပါပြီ။ မာတုန်းသန်တုန်းဗျာ။ သူက ကျွန်တော့်ကို သားလိုချစ်သည်။ သားလိုသဘောထားသည်။ ကျွန်တော်ကလည်းသူ့ကို အဖေလိုသဘောထား၏။ သူ့သားသမီးများခေါ်သလို အဖေဟုခေါ်တတ်၏။ ကျွန်တော်
ရောက်သွားသောနေ့က ဘဘသည် ပွဲရုံထဲမှ ကားပေါ်သို့ ဆန်အိတ်ထမ်းတင်နေသော အလုပ်သမားများ ထံမှ ဂရို့တံများကို သိမ်း၍ တောင်းတစ်လုံးထဲ ထည့်နေလေ၏။ တာလီစာရေးလုပ်သောအလုပ် ဝင်လုပ်နေခြင်းဖြစ်ပါ၏။ သူ့ဆန်ပွဲရုံလုပ်ငန်း
အောင်မြင်နေတာပဲဗျာ။ အသာ အေးအေးဆေးဆေး အနားယူ ဘေးထွက် ထိုင်နေရသားနဲ့ဟာကို။ အဘိုးကြီးက တခါတလေ အောက်ဖိတ်ကျနေသော ဆန်များကို ဆန်ကောတစ်ချပ်နှင့် လိုက်ကျုံးနေတက်၏။ အောက်ကျုံးဆန်များကို အိတ်တစ်လုံးနဲ့
ထည့်သိမ်းနေတတ်၏။ အလုပ်တွေ ကုန်းရုန်းလုပ်နေတုန်း။
“သက်သောင့် သက်သာနေစမ်းပါ အဖေရာ၊ ကလေးတွေလုပ်ပါလိမ့်မယ်”
“ဟေ့ကောင်ချမ်းသာ၊ မင်းကဟြေတော့ လွယ်တယ်၊ ဒါပေမယ့် အလုပ်လုပ်ချင်နေတဲ့ ငါ့စိတ်ကို ဖျောက်လို့မရဘူးကွ”
“ဗျာ… အဖေ”
ကျွန်တော် လက်မြှောက်လိုက်ပါ၏။ သည်အဘိုးကြီးသည် သေသည်အထိ အလုပ် လုပ်သွားတော့မည့် အဘိုးကြီးဖြစ်ပါ၏။ ယနေ့ သူ့အသက် ၈၇၊ ၉၀ နားကပ်နေပါပြီ။ သတင်းစာဖတ်တုန်း၊ ဆွမ်းလောင်းတုန်း၊ သန်တုန်း မြန်တုန်း အလုပ်လုပ်နေတုန်းဗျာ၊ ကြောက် ကြောက်စရာ၊ အလုပ်နဲ့လက်နဲ့ ပြတ်တယ်မရှိ။ ငါသေမှလျှော့မယ်၊ ဇွဲ။ သူ့စိတ်ထဲကဟြေနေတဲ့စကား။ ကျွန်တော်ကြားနေရ။ အာဂလူစား။
မောင်ချမ်းသာ
